Mateus 16
16
Heb nongen le ndro su Pharisi.
1Su Pharisi ma su Sadusi su meher ndro i, beg seslaini i, Su ndemani i, i hinen gelman ber lang le ndro su beg lele i. 2I vong le ndro su i bai: Ibia mu vong mo rang hian ge, mernal hinganen le lang, i ramen eruar. 3Mabing mu bai: Eruar lengen na gi ndrud, lang i ramen ge. Mu danmu lele lang, ma gelman i da ndro i, gelman ber range danmu bui. 4Su ndramed momen ge, su da gin bieni Jehova, ha leng ilndri gelman si. Gelman si de la ndro su bui, Su ghanguruen gelman si ge, gelman ad Provet Jona. Nongen boen, i bieni su, i gina manan.
5Be su lao aden su gin meher le ndran horo, golsu gin dud, le hedi gan me ansu. Jesu i vong le ndro su: 6Gobgulue meluamu, mbue hedi drib asu Pharisi, asu Sadusi. 7Su vong le goure, su bai: Goldu gin dud suslong adu, malabo i vong nongen dagara me ndro du. 8Jesu i danen, su da hanguruen sa le bergolsu, i vong i bai: Desa mu da hanguruen le bergolmu longu hendre ogo: Mu de gin hedi suslong me anmu bui, danmu boro ndoui ordo bugane? 9Danmu hanguruen suslong malima le ndro su malibou bugane, mu da gin nhui ndob masehe? 10Danmu hanguruen suslong manondrdolo gle ndro su mahabou bugane, mu gun nhui nogden le ndob masehe? 11Desa danmu boro nongen ordo bui, io de gin hanguruen suslong ademu bugane. Gobgulue meluamu le drib asu Pharisi ma asu Sadusi. 12Malabo su dansu, Jesu gin hanguruen sa le nongen aden, i da hanguruen suslong asu bui, i gin hanguruen drib, i vonei henunuen asu Pharisi, asu Sadusi, le nongen aden.
Petrus boharni Jesus i sie?
13Jesu gin meher baghege le gor Sesarea Philipi, i ndemani su lao aden, su ndramed ber gor su da hanguruen sa, Ndurdramed i sie? 14Su bode: Su holel su bai, uo Johanes, ndremda surhi su. Su holel, uo Elia, su holel, uo Jeremia, de homo asu Provet. 15Malabo Jesu i ndemani su: Mu ge, mu hanguruen sa, io sie? 16Simon Petrus i bode: Uo Kristo, uo Ndur Jehova ber belengan i da mamaren ge. 17Jesu i bode: Simon, ndur Jona, uo horuam ge, sengen e ndrai de gin boharni de la ndro uo longu ogo bui, Bo Domo ber lang, i ge i gin boharni. 18Malabo io vong le ndro uo: Uo Petrus (i vonei bad io beg mengseni um ordo ndre bad ogo. Satan de danen ndumbue i bui). 19Io beg hengen le ndro uo ki ber gor lundielang. Longu masi uo da hosi le boan i gin hosi gane le gor lundielang lie. Longu masi uo rumburdi, i horuan gane, le gor lundielang lie. 20Boen i vong le ndro su lao aden, mbue su gvong gle ndro homo: I Kristo.
Heb nongen le ngendian Jesu.
21Jesu i da henunuen su lao aden, i beg dogi le gor Jerusalem, su labenen, su ndremda hernou, ma su ndremda dirhor, su beg bo momen le ndro i, su beg daii i. Le bing madolo i gedne lie le ngad aden. 22Petrus i hedi Jesu lendi, i vong le ndro i ndoun ndoun, i bai: Ndorlaben, longu ogo de meher de la ndro uo bui. Jehova gobgulue uo, debosan longu hendre i mehere, bohom gin bosoui ri. 23Jesu i vong le ndro i, i bode: Alndi Satan, giao, alndrbo. Uo bo momen ndro io, uo da hanguruen dege Jehova bui, dege su ndramed ber boan ge. 24Boen Jesu i vong le ndro su lao aden: Be homo i beg dogi sal ordo, ir ndrobo, i bieni bern aden, i hedi beldigei aden ie hauen, be i danen hinen i, i ndrobo. 25Homo i da hanguruen mandern ge, i na gmed, be homo i bieni longu aden, me ndrbo, i ge i horuan. 26Be homo i hedi memrad masigane ber boan le aden, i bieni meluan le ndro Satan i hian derbe? I de danen sobani i le gor lundielang bui. Ndramed homo ber boan i de danen regunha meluan le ndro Jehova le memrad ber boan bugane. 27Ndurndramed i gmeher le engerang ad Damen, su Angelo aden su la born ndro i, i surien longu asu masi su da gin hinen i. 28Ndangen io boi le ndro mu, su holel asu gorbo su de somad bui, su ilndri hanu Ndurndramed ie da beg meher le ndoui ad hom King.
S'ha seleccionat:
Mateus 16: LLENT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society 1956
Mateus 16
16
Heb nongen le ndro su Pharisi.
1Su Pharisi ma su Sadusi su meher ndro i, beg seslaini i, Su ndemani i, i hinen gelman ber lang le ndro su beg lele i. 2I vong le ndro su i bai: Ibia mu vong mo rang hian ge, mernal hinganen le lang, i ramen eruar. 3Mabing mu bai: Eruar lengen na gi ndrud, lang i ramen ge. Mu danmu lele lang, ma gelman i da ndro i, gelman ber range danmu bui. 4Su ndramed momen ge, su da gin bieni Jehova, ha leng ilndri gelman si. Gelman si de la ndro su bui, Su ghanguruen gelman si ge, gelman ad Provet Jona. Nongen boen, i bieni su, i gina manan.
5Be su lao aden su gin meher le ndran horo, golsu gin dud, le hedi gan me ansu. Jesu i vong le ndro su: 6Gobgulue meluamu, mbue hedi drib asu Pharisi, asu Sadusi. 7Su vong le goure, su bai: Goldu gin dud suslong adu, malabo i vong nongen dagara me ndro du. 8Jesu i danen, su da hanguruen sa le bergolsu, i vong i bai: Desa mu da hanguruen le bergolmu longu hendre ogo: Mu de gin hedi suslong me anmu bui, danmu boro ndoui ordo bugane? 9Danmu hanguruen suslong malima le ndro su malibou bugane, mu da gin nhui ndob masehe? 10Danmu hanguruen suslong manondrdolo gle ndro su mahabou bugane, mu gun nhui nogden le ndob masehe? 11Desa danmu boro nongen ordo bui, io de gin hanguruen suslong ademu bugane. Gobgulue meluamu le drib asu Pharisi ma asu Sadusi. 12Malabo su dansu, Jesu gin hanguruen sa le nongen aden, i da hanguruen suslong asu bui, i gin hanguruen drib, i vonei henunuen asu Pharisi, asu Sadusi, le nongen aden.
Petrus boharni Jesus i sie?
13Jesu gin meher baghege le gor Sesarea Philipi, i ndemani su lao aden, su ndramed ber gor su da hanguruen sa, Ndurdramed i sie? 14Su bode: Su holel su bai, uo Johanes, ndremda surhi su. Su holel, uo Elia, su holel, uo Jeremia, de homo asu Provet. 15Malabo Jesu i ndemani su: Mu ge, mu hanguruen sa, io sie? 16Simon Petrus i bode: Uo Kristo, uo Ndur Jehova ber belengan i da mamaren ge. 17Jesu i bode: Simon, ndur Jona, uo horuam ge, sengen e ndrai de gin boharni de la ndro uo longu ogo bui, Bo Domo ber lang, i ge i gin boharni. 18Malabo io vong le ndro uo: Uo Petrus (i vonei bad io beg mengseni um ordo ndre bad ogo. Satan de danen ndumbue i bui). 19Io beg hengen le ndro uo ki ber gor lundielang. Longu masi uo da hosi le boan i gin hosi gane le gor lundielang lie. Longu masi uo rumburdi, i horuan gane, le gor lundielang lie. 20Boen i vong le ndro su lao aden, mbue su gvong gle ndro homo: I Kristo.
Heb nongen le ngendian Jesu.
21Jesu i da henunuen su lao aden, i beg dogi le gor Jerusalem, su labenen, su ndremda hernou, ma su ndremda dirhor, su beg bo momen le ndro i, su beg daii i. Le bing madolo i gedne lie le ngad aden. 22Petrus i hedi Jesu lendi, i vong le ndro i ndoun ndoun, i bai: Ndorlaben, longu ogo de meher de la ndro uo bui. Jehova gobgulue uo, debosan longu hendre i mehere, bohom gin bosoui ri. 23Jesu i vong le ndro i, i bode: Alndi Satan, giao, alndrbo. Uo bo momen ndro io, uo da hanguruen dege Jehova bui, dege su ndramed ber boan ge. 24Boen Jesu i vong le ndro su lao aden: Be homo i beg dogi sal ordo, ir ndrobo, i bieni bern aden, i hedi beldigei aden ie hauen, be i danen hinen i, i ndrobo. 25Homo i da hanguruen mandern ge, i na gmed, be homo i bieni longu aden, me ndrbo, i ge i horuan. 26Be homo i hedi memrad masigane ber boan le aden, i bieni meluan le ndro Satan i hian derbe? I de danen sobani i le gor lundielang bui. Ndramed homo ber boan i de danen regunha meluan le ndro Jehova le memrad ber boan bugane. 27Ndurndramed i gmeher le engerang ad Damen, su Angelo aden su la born ndro i, i surien longu asu masi su da gin hinen i. 28Ndangen io boi le ndro mu, su holel asu gorbo su de somad bui, su ilndri hanu Ndurndramed ie da beg meher le ndoui ad hom King.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society 1956