Luka Beleng Bate A tara Otakarda Ogina
Beleng Bate A tara Otakarda Ogina
Luka se ma woze tano neng Bulus, mazema darse otakarda ogina. Se maze gaze ma darsa otakarda towoza. Ma darse woi se agosamme Tiyofilos ono saru ano Roma.
A yimi Tiyofilos mana kuna bate a tara beleng be lo be Yeso. Luka ma barse ogona epegemese Tiyofilos ma kone a tara Yeso magangan maze. Baka nane ze Luka ma darse derte na nem me se ama yo Yeso neng towoza neng etoma eme neng owǝnǝ ome neng owera ome esau na nem me a tarse apun. Ocha ogomme ano Roma nga wuchu ane binyarrana kenye Isaraila nga wuza togomo a tara akǝnye neng a gata. Luka ma bi beleng dede ma go Yeso ze Achakura maze Ono Buza ano zal. Beleng be lo be Yeso baka ano ze zal koya bisana. Tuni si Luka dan bisana be tuYahudi ne ma darsa ono gome se dan ono Yahudi ne ma bi a tara towoza to tuYahudi.
Togogoro Togome Se Luka ma Darse
Luka ma darse otakarda ogina doguna ma beze ano Yeso maze Ono Buza ano. Luka ma darse a tara:
A gata Yeso, maze Achakura, maze gaze Kiristi, Ono Buza ano ogome se Ogomo Asharri ma go maya toman no
URuhu Usansang
Beroromo
Ya ngona biruwa ano toyang neng rri bunku ano morra
Nane se Ogomo Asharri neng visiki do neng nane se woro neng visiki a ngai
Nane se awai ma tarse me nga mala me
Eme geme se Iya Ayimi Otakarda Ogina
Luka 1.1-80 Otoma owo Ogomo Asharri ma buki oyo Yohona ono Obaptisima neng oyo Yeso a bate awe na nem me
Luka 2.1-52 Oyo Yeso neng ina biya ekeme
Luka 3.1-4.13 Nane se Ogomo Asharri ma gorro orona baka etoma Yeso
Luka 3.14-22 Yohana ma wuza ano obaptisima ma ga wuza Yeso gaze
Luka 3.23-37 Siji se tonongono to Yeso
Luka 4.1-13 Nane se Shetan ma narre o ngona Yeso ama we masharra
Luka 4.14-9.50 Yeso ma bi beleng be lo neng emo damara a Galili
Luka 9.51-19.28 Yeso ma bi beleng be lo neng emo damara a me asuru a Galili a ngame a Urshalima
Luka 19.29-23.56 Epegemese ama woze a Urshalima: Ama gwente beleng a tara; Yeso a gapa me a tara otiti nze ma wi
Luka 24.1-53 Yeso ma were esau nze ma nya Asharri
S'ha seleccionat:
Luka Beleng Bate A tara Otakarda Ogina: JER
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
©️2022 Luke Initiative for Scripture Translation