ยฮ 5
5
ลอง ดูอี เซา กอย บาง อึม ดึง
1วาย อัน ตี เฌา เยซู ฮาว โฮะ มืง เยรูซาแลม, แตห อัน ลึบ บลอย ปี โบง เฆ ดูอี อายูดา. 2แคง มืง เยรูซาแลม ยี มึห อึม ดึง ปี โบง ดูอี. อึณ กอย กาตัด มาโลห อี จืร มาโลห มาบู. แคง โฆรห แฮแบร อึม ดึง ตี, อัน จืร เบดเซดา. ดี โคบ อึม ดึง ตี อึณ มึห เฌโรบ พัน กาตูะ. 3-4แคง เฌโรบ ตี อึณ มึห ดูอี เซา กืน กาเซา. บอ มูห ดูอี งาย อับ, ดูอี อี ตู ปึอน ฮาว บอ ดูอี ยัม บลาก, เฆ กืน กอย ดี โคบ อึม ตี. มัง เฌณ มัง เฌณ, อึณ มึห อามู อามาด เฌาพรา ตัห ลึบ แคง อึม, โบง แตห อึม รัร. ดอ อัน ตี อาเซ ปึอน ดี ลึบ ดี อาต อี เฮา, อัน วี แกน อู เฌณ. อัน บอ มึห เซา โมยว เหมา, อึณ ดี หราย. โคว, เฆ ดูอี เซา กืน กอย ดี โคบ อึม ตึอน, หน็อะ แตห อึณ รัร. 5อึณ ยี มึห ดูอี เซา อู วี, อัน อีด ดี โคบ อึม ตึอน อาดา โอย ฆึร ดี ดา ซีนัม. 6ดอ ยึร เฌา เยซู ดูอี ตี, อัน แฮะ นับ ลอง ดูอี ตี แฮะ กอย เหลณ. อัน วี ดีหมอด ต็อห, “แม ซี แตห แม แกน?”
7ดูอี เซา ตี วี ต็อห, “อึย ซารา, อาว มึห อาเซ อี จอย โอว ลึบ แคง อึม ดอ รัร อึม. ดอน เฌณ ดอน เฌณ ดอ ฌัม โอว แคง อึม, แฮะ ฮอต มึห อี ดัน ลึบ ดี อาต โอว.”
8เฌา เยซู วี ต็อห ดี อัน, “แม ยีต, ดึห โฆ็ง อึณเบว แม, วี ฮาว.” 9ปัน ตี ดูอี เซา ตี แฮะ แกน อู เฌณ. อัน วี ดึห โฆ็ง อึณเบว อัน, วี ฮาว.
ซีแง ตี ยี มูห ซีแง ดีเหลา. 10โคว, เฆ ดา ตาง ยูดา, เฆ วี ต็อห ดี ดูอี อี แฮะ แกน ตึอน, “อาตึร มูห ซีแง ดีเหลา. ดารา ตู แตห แม โฆ็ง อึณเบว.”
11อัน วี ต็อห ดี เฆ, “ดูอี ตึอน, อี แฮะ ปีแกน โอว, อัน แฮะ ต็อห ดี โอว, ‘ดึห โฆ็ง อึณเบว แม, วี ฮาว.’”
12เฆ วี ดีหมอด ต็อห, “อาเซ แฮะ จัร แม ต็อห, ‘ดึห โฆ็ง อึณเบว แม, วี ฮาว?’”
13อี แฮะ วี แกน ตึอน, อัน ยี ตู นับ, อาเซ แฮะ ปีแกน อัน. ดอ ตู ยึร เฆ, เฌา เยซู แฮะ ฮาว ปอ โปละ โกบ มึห ดูอี กืน โดง กอย เฆ ตึอน.
14วาย อัน ตี เฌา เยซู วี ฮาว แคง โฮว เฌาพรา, วี กาตูณ ดูอี อี แฮะ แกน. บอ อัน แฮะ ตัห กอย แคง โฮว เฌาพรา. เฌา เยซู วี ต็อห ดี อัน, “แม แฮะ แกน. ซีณ ดอ ตี นี, แกวะ ฮู โบง หมาบ, แกวะ แตห แม ฌัม ดูก อี ตาง หลึอม คา อาต.” 15ปัน ตี ดูอี ตึอน วี เลห แคง โฮว เฌาพรา, วี แค ดี เฆ ดา ตาง ยูดา ตึอน, อึณ มูห เฌา เยซู, อี แฮะ โบง แตห เซา อัน หราย.
ลอง อาซาก กามาย
16โกบ โบง เฌา เยซู ฌึร ตี ดอ มูห ซีแง ดีเหลา, เฆ ดา ตาง ยูดา วี แบน รันซู อัน. เฆ ต็อห ดี ง็อห อาซาก อัน. 17เฌา เยซู ยี ต็อห ดี เฆ, “กอ ฌัม อาตึร, ฆูณ โอว แฮะ โบง ฆาน อัน เซเซ. ปาย ตี บอ โอว โบง ฆาน ปี โลว โอว โบง.” 18โกบ กาลาง อัน โฆรห ตี, เฆ ดา ตาง ดูอี อายูดา วี แว ซี ง็อห แวน เฌา เยซู. โคว, อัน แฮะ โบง ฆาน ปี ตู กาอาบ โบง ซีแง ดีเหลา. แดง ตี อัน มืร แฮะ ต็อห, เฌาพรา มูห ฆูณ อัน. อึณ ปี, อัน แฮะ ต็อห, บอ อัน มูห เฌาพรา.
19โคว อัน ตี เฌา เยซู วี ต็อห ดี เฆ, “โอว ต็อห อาคัร ดี เบ. เซ อึณ มูห ฆอน, อัน ตู แป ดี โบง มาเซ ราง อัน. อัน โลว ยอด ฆูณ อัน. แคะ ยึร อัน ปี โบง ฆูณ อัน, บอ ฆอน อัน นับ ดี โบง. 20อึณ ปาย ตี, โกบ ร็อก ฆูณ ดี ฆอน อัน, อัน มืร บยัะ ดี ฆอน อัน ดอน โมยว แคะ ปี โบง อัน. เบ ยี ดี อาม โกบ แฮะ แตห เฌาพรา โอว โบง นา หมึอม อาม หลึอม แปะ แฮะ ยึร เบ. 21เฌาพรา นับ ดี โบง แตห ดูอี ยัม วี ยีต วี อีม. ปาย ตี บอ ฆอน เฌาพรา ดี แตห ดูอี ยัม วี อีม. อาซาก กามาย ตี, อัน มืร ดี ดัว ดี ดูอี ปี ซี ดัว อัน. 22แดง ตี, เฌาพรา ตู ดัม หมาบ ดี อาเซ. อัน แฮะ แตห ฆอน อัน วี ดัม หมาบ ดี ดอน อี. 23เฌาพรา แฮะ โบง ปาย ตี, แตห ดอน อี โรวเซ บอ ฆอน อัน, แตห อึณ ปี เฆ โรวเซ เฌาพรา, อี แฮะ จัร ฆอน อัน โลง แดง กาดาย. อาเซ ตู โรวเซ ฆอน เฌาพรา, อัน มืร ตู โรวเซ ฆูณ อัน.
24โอว ต็อห อาคัร ดี เบ. อาเซ โทม โฆรห โอว บอ หณึม เฌาพรา อี แฮะ ตึย โอว แตห โอว ตัห โดง กอย เบ, ดูอี ตี แฮะ ปึอน ดี กอย รึม โดบ เฌาพรา เซเซ. อัน มืร ตู โลว คัม หมาบ อัน. อัน อาว ฮู โลว ยัม. อัน แฮะ ฮอต ปึอน อาซาก กามาย. 25โอว บอ ต็อห อาคัร ดี เบ. อึณ ดี มึห อาคราว ดี ตัห. มาแล, ดอ ตี นี แฮะ ฮอต ตัห. เฆ ดูอี อี ปี ดูอี ยัม, เฆ ดี โทม โฆรห ปี กาลาง ฆอน เฌาพรา. อาเซ ยี โทม โฆรห ตี, อัน ดี มึห อาซาก กามาย. 26โกบ มึห เฌาพรา อาซาก, อัน แฮะ วี ดัว อาซาก อัน ดี ฆอน อัน, แตห บอ ฆอน อัน มึห อาซาก ปี ดัว เฌาพรา. 27เฌาพรา บอ แตห ฆอน อัน ปึอน ดี ดัม หมาบ ดี อี โกบ แฮะ แบน อัน ฆอน ดูอี.
28แกวะ แตห เบ อาม โฆรห โอว ตี. อึณ ดี ฌัม อาคราว ดี โทม เฆ ดูอี อี กอย แคง บาเรว ดี โฆรห โอว. 29ปัน ตี เฆ ดี บอ เลห แคง บาเรว. อาเซ แฮะ ดึอม โบง นา บอด, อัน ดี วี ยีต วี อีม, วี มึห อาซาก กามาย. อาเซ แยะ แฮะ ดึอม โบง นา ตู หมึอม, อัน ดี วี ยีต วี อีม, แตห อัน คัม หมาบ อัน. 30โอว อู วี ตู ปึอน โบง มาเซ. โอว มืร โทม แคะ ปี กาลาง เฌาพรา ดี โอว. แฮะ ฮอต, โอว วี ดัม หมาบ ดี อี แคะ ตี. ปี ดัม โอว แฮะ กางยา โกบ ตู โดบ โอว น็อห โอว. โอว โดบ ปี อึง เฌาพรา, อี ตึย โอว ตัห ดี นี.”
ลอง อี แบน ซักเซ เฌา เยซู
31เฌา เยซู วี ต็อห, “เซ โอว กาลาง ลอง โอว, อาว มึห ดีโคว. 32อึณ มึห ปอ อู วี อี แบน ซักเซ ลอง โอว. โอว มืร นับ, ปี ต็อห อัน แฮะ หมาน, แฮะ มูห. 33เบ แฮะ ดีหมอด ดา ซารา อายอฮาน ตึอน, แตห อัน กาลาง ดี เบ ลอง โอว. ปี กาลาง อัน แฮะ หมาน.
34มาแล, โอว ตู โลว อาเซ แบน ซักเซ ลอง โอว. โอว ยี กาลาง ลอง อี แบน ซักเซ ตี ดี เบ, แตห อึณ คยอด เบ. 35ดา ซารา อายอฮาน ตึอน, อัน ปี บลาง เงา ออม อี แตห อึณ บลาง ดี เบ. เบ มืร แฮะ อึง บลาง ตี อาดา อู กาจัน.
36อึณ ยี มึห อี แบน ซักเซ ลอง โอว อี ซี ตาง หลึอม ดา ซารา อายอฮาน ตี. อึณ มูห ปี โบง โอว. อึณ มูห ฆาน ดอน โมยว ปี แตห เฌาพรา โอว โบง ฮอต. ดอน โมยว ปี โบง โอว ตี, อึณ บยัะ ดี เบ ลอง โอว. อึณ มูห ฆาน ปี โบง โอว อี แตห เบ นับ ซีคยา ลอง เฌาพรา แฮะ ตึย โอว ตัห ฌัม โดง กอย เบ. 37บอ เฌาพรา อี แฮะ ตึย โอว ตัห ฌัม โดง กอย เบ, อัน แฮะ กาลาง ลอง โอว. เบ ยี ตู ดึอม ยึร โฆรห อัน, ตู ดึอม ยึร อารึบ อัน. 38บอ โฆรห เฌาพรา ตู กอย แคง น็อห เบ. โคว, เบ ตู หณึม วี ปี ตึย เฌาพรา ตัห ฌัม โดง กอย เบ. 39เบ ออน ดี เฮน บับ เฌาพรา โกบ ทาง เบ โฆรห ปี แดม อูน แคง บับ เฌาพรา ดี จอย เบ แตห เบ ปึอน ดี กอย รึม โดบ เฌาพรา เซเซ. อึณ ยี มูห บับ เฌาพรา ตี, อี แตห เบ นับ ลอง โอว. 40เบ ยี ตู ซี หณึม โอว. เบ ตู ซี แตห โอว ปึอน ดี ดัว อาซาก กามาย ดี เบ.
41โอว ตู โลว อี เฮา อืบ โอว. 42โอว ยี นับ น็อห เบ. เบ ตู ร็อก เฌาพรา แคง น็อห เบ. 43โอว แฮะ ตัห ฌัม โดง กอย เบ โกบ จัร เฌาพรา โอว ตัห. เบ ยี ตู หณึม โอว. เซ อึณ ยี มึห ดูอี ปอ อู วี อี ตัห ฌัม โดง กอย เบ ราง อัน, เบ ดี บอ หณึม อัน, รวห อัน. 44เซ เบ อึง ดี ลาย อืบ กาแต เบ, ยี ตู โลว เฌาพรา อู กาดัง อืบ เบ, เบ ตู ปึอน หณึม เฌาพรา ดอ เหมา.
45เบ แกวะ ทาง โอว ดี พยาก เบ, ต็อห ดี เฌาพรา ลอง ตู หมึอม เบ. อึณ มูห ดา ซารา อาโมวแซ ตึอน, อัน นับ ดี พยาก เบ, ต็อห เบ มึห หมาบ. เบ ยี บึง อัน. 46เซ แฮะ หมาน หณึม เบ โฆรห ปี แดม อูน ดา ซารา อาโมวแซ, เบ ดี บอ หณึม โอว. โคว, อัน แฮะ แดม ลอง โอว แคง บับ อัน. 47เบ ยี ตู หณึม ปี แดม อูน อัน. โคว, เบ มืร ตู ปึอน หณึม โฆรห ปี กาลาง โอว ดี เบ.”
S'ha seleccionat:
ยฮ 5: pce
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translator, Inc. All rights reserved.
ยฮ 5
5
ลอง ดูอี เซา กอย บาง อึม ดึง
1วาย อัน ตี เฌา เยซู ฮาว โฮะ มืง เยรูซาแลม, แตห อัน ลึบ บลอย ปี โบง เฆ ดูอี อายูดา. 2แคง มืง เยรูซาแลม ยี มึห อึม ดึง ปี โบง ดูอี. อึณ กอย กาตัด มาโลห อี จืร มาโลห มาบู. แคง โฆรห แฮแบร อึม ดึง ตี, อัน จืร เบดเซดา. ดี โคบ อึม ดึง ตี อึณ มึห เฌโรบ พัน กาตูะ. 3-4แคง เฌโรบ ตี อึณ มึห ดูอี เซา กืน กาเซา. บอ มูห ดูอี งาย อับ, ดูอี อี ตู ปึอน ฮาว บอ ดูอี ยัม บลาก, เฆ กืน กอย ดี โคบ อึม ตี. มัง เฌณ มัง เฌณ, อึณ มึห อามู อามาด เฌาพรา ตัห ลึบ แคง อึม, โบง แตห อึม รัร. ดอ อัน ตี อาเซ ปึอน ดี ลึบ ดี อาต อี เฮา, อัน วี แกน อู เฌณ. อัน บอ มึห เซา โมยว เหมา, อึณ ดี หราย. โคว, เฆ ดูอี เซา กืน กอย ดี โคบ อึม ตึอน, หน็อะ แตห อึณ รัร. 5อึณ ยี มึห ดูอี เซา อู วี, อัน อีด ดี โคบ อึม ตึอน อาดา โอย ฆึร ดี ดา ซีนัม. 6ดอ ยึร เฌา เยซู ดูอี ตี, อัน แฮะ นับ ลอง ดูอี ตี แฮะ กอย เหลณ. อัน วี ดีหมอด ต็อห, “แม ซี แตห แม แกน?”
7ดูอี เซา ตี วี ต็อห, “อึย ซารา, อาว มึห อาเซ อี จอย โอว ลึบ แคง อึม ดอ รัร อึม. ดอน เฌณ ดอน เฌณ ดอ ฌัม โอว แคง อึม, แฮะ ฮอต มึห อี ดัน ลึบ ดี อาต โอว.”
8เฌา เยซู วี ต็อห ดี อัน, “แม ยีต, ดึห โฆ็ง อึณเบว แม, วี ฮาว.” 9ปัน ตี ดูอี เซา ตี แฮะ แกน อู เฌณ. อัน วี ดึห โฆ็ง อึณเบว อัน, วี ฮาว.
ซีแง ตี ยี มูห ซีแง ดีเหลา. 10โคว, เฆ ดา ตาง ยูดา, เฆ วี ต็อห ดี ดูอี อี แฮะ แกน ตึอน, “อาตึร มูห ซีแง ดีเหลา. ดารา ตู แตห แม โฆ็ง อึณเบว.”
11อัน วี ต็อห ดี เฆ, “ดูอี ตึอน, อี แฮะ ปีแกน โอว, อัน แฮะ ต็อห ดี โอว, ‘ดึห โฆ็ง อึณเบว แม, วี ฮาว.’”
12เฆ วี ดีหมอด ต็อห, “อาเซ แฮะ จัร แม ต็อห, ‘ดึห โฆ็ง อึณเบว แม, วี ฮาว?’”
13อี แฮะ วี แกน ตึอน, อัน ยี ตู นับ, อาเซ แฮะ ปีแกน อัน. ดอ ตู ยึร เฆ, เฌา เยซู แฮะ ฮาว ปอ โปละ โกบ มึห ดูอี กืน โดง กอย เฆ ตึอน.
14วาย อัน ตี เฌา เยซู วี ฮาว แคง โฮว เฌาพรา, วี กาตูณ ดูอี อี แฮะ แกน. บอ อัน แฮะ ตัห กอย แคง โฮว เฌาพรา. เฌา เยซู วี ต็อห ดี อัน, “แม แฮะ แกน. ซีณ ดอ ตี นี, แกวะ ฮู โบง หมาบ, แกวะ แตห แม ฌัม ดูก อี ตาง หลึอม คา อาต.” 15ปัน ตี ดูอี ตึอน วี เลห แคง โฮว เฌาพรา, วี แค ดี เฆ ดา ตาง ยูดา ตึอน, อึณ มูห เฌา เยซู, อี แฮะ โบง แตห เซา อัน หราย.
ลอง อาซาก กามาย
16โกบ โบง เฌา เยซู ฌึร ตี ดอ มูห ซีแง ดีเหลา, เฆ ดา ตาง ยูดา วี แบน รันซู อัน. เฆ ต็อห ดี ง็อห อาซาก อัน. 17เฌา เยซู ยี ต็อห ดี เฆ, “กอ ฌัม อาตึร, ฆูณ โอว แฮะ โบง ฆาน อัน เซเซ. ปาย ตี บอ โอว โบง ฆาน ปี โลว โอว โบง.” 18โกบ กาลาง อัน โฆรห ตี, เฆ ดา ตาง ดูอี อายูดา วี แว ซี ง็อห แวน เฌา เยซู. โคว, อัน แฮะ โบง ฆาน ปี ตู กาอาบ โบง ซีแง ดีเหลา. แดง ตี อัน มืร แฮะ ต็อห, เฌาพรา มูห ฆูณ อัน. อึณ ปี, อัน แฮะ ต็อห, บอ อัน มูห เฌาพรา.
19โคว อัน ตี เฌา เยซู วี ต็อห ดี เฆ, “โอว ต็อห อาคัร ดี เบ. เซ อึณ มูห ฆอน, อัน ตู แป ดี โบง มาเซ ราง อัน. อัน โลว ยอด ฆูณ อัน. แคะ ยึร อัน ปี โบง ฆูณ อัน, บอ ฆอน อัน นับ ดี โบง. 20อึณ ปาย ตี, โกบ ร็อก ฆูณ ดี ฆอน อัน, อัน มืร บยัะ ดี ฆอน อัน ดอน โมยว แคะ ปี โบง อัน. เบ ยี ดี อาม โกบ แฮะ แตห เฌาพรา โอว โบง นา หมึอม อาม หลึอม แปะ แฮะ ยึร เบ. 21เฌาพรา นับ ดี โบง แตห ดูอี ยัม วี ยีต วี อีม. ปาย ตี บอ ฆอน เฌาพรา ดี แตห ดูอี ยัม วี อีม. อาซาก กามาย ตี, อัน มืร ดี ดัว ดี ดูอี ปี ซี ดัว อัน. 22แดง ตี, เฌาพรา ตู ดัม หมาบ ดี อาเซ. อัน แฮะ แตห ฆอน อัน วี ดัม หมาบ ดี ดอน อี. 23เฌาพรา แฮะ โบง ปาย ตี, แตห ดอน อี โรวเซ บอ ฆอน อัน, แตห อึณ ปี เฆ โรวเซ เฌาพรา, อี แฮะ จัร ฆอน อัน โลง แดง กาดาย. อาเซ ตู โรวเซ ฆอน เฌาพรา, อัน มืร ตู โรวเซ ฆูณ อัน.
24โอว ต็อห อาคัร ดี เบ. อาเซ โทม โฆรห โอว บอ หณึม เฌาพรา อี แฮะ ตึย โอว แตห โอว ตัห โดง กอย เบ, ดูอี ตี แฮะ ปึอน ดี กอย รึม โดบ เฌาพรา เซเซ. อัน มืร ตู โลว คัม หมาบ อัน. อัน อาว ฮู โลว ยัม. อัน แฮะ ฮอต ปึอน อาซาก กามาย. 25โอว บอ ต็อห อาคัร ดี เบ. อึณ ดี มึห อาคราว ดี ตัห. มาแล, ดอ ตี นี แฮะ ฮอต ตัห. เฆ ดูอี อี ปี ดูอี ยัม, เฆ ดี โทม โฆรห ปี กาลาง ฆอน เฌาพรา. อาเซ ยี โทม โฆรห ตี, อัน ดี มึห อาซาก กามาย. 26โกบ มึห เฌาพรา อาซาก, อัน แฮะ วี ดัว อาซาก อัน ดี ฆอน อัน, แตห บอ ฆอน อัน มึห อาซาก ปี ดัว เฌาพรา. 27เฌาพรา บอ แตห ฆอน อัน ปึอน ดี ดัม หมาบ ดี อี โกบ แฮะ แบน อัน ฆอน ดูอี.
28แกวะ แตห เบ อาม โฆรห โอว ตี. อึณ ดี ฌัม อาคราว ดี โทม เฆ ดูอี อี กอย แคง บาเรว ดี โฆรห โอว. 29ปัน ตี เฆ ดี บอ เลห แคง บาเรว. อาเซ แฮะ ดึอม โบง นา บอด, อัน ดี วี ยีต วี อีม, วี มึห อาซาก กามาย. อาเซ แยะ แฮะ ดึอม โบง นา ตู หมึอม, อัน ดี วี ยีต วี อีม, แตห อัน คัม หมาบ อัน. 30โอว อู วี ตู ปึอน โบง มาเซ. โอว มืร โทม แคะ ปี กาลาง เฌาพรา ดี โอว. แฮะ ฮอต, โอว วี ดัม หมาบ ดี อี แคะ ตี. ปี ดัม โอว แฮะ กางยา โกบ ตู โดบ โอว น็อห โอว. โอว โดบ ปี อึง เฌาพรา, อี ตึย โอว ตัห ดี นี.”
ลอง อี แบน ซักเซ เฌา เยซู
31เฌา เยซู วี ต็อห, “เซ โอว กาลาง ลอง โอว, อาว มึห ดีโคว. 32อึณ มึห ปอ อู วี อี แบน ซักเซ ลอง โอว. โอว มืร นับ, ปี ต็อห อัน แฮะ หมาน, แฮะ มูห. 33เบ แฮะ ดีหมอด ดา ซารา อายอฮาน ตึอน, แตห อัน กาลาง ดี เบ ลอง โอว. ปี กาลาง อัน แฮะ หมาน.
34มาแล, โอว ตู โลว อาเซ แบน ซักเซ ลอง โอว. โอว ยี กาลาง ลอง อี แบน ซักเซ ตี ดี เบ, แตห อึณ คยอด เบ. 35ดา ซารา อายอฮาน ตึอน, อัน ปี บลาง เงา ออม อี แตห อึณ บลาง ดี เบ. เบ มืร แฮะ อึง บลาง ตี อาดา อู กาจัน.
36อึณ ยี มึห อี แบน ซักเซ ลอง โอว อี ซี ตาง หลึอม ดา ซารา อายอฮาน ตี. อึณ มูห ปี โบง โอว. อึณ มูห ฆาน ดอน โมยว ปี แตห เฌาพรา โอว โบง ฮอต. ดอน โมยว ปี โบง โอว ตี, อึณ บยัะ ดี เบ ลอง โอว. อึณ มูห ฆาน ปี โบง โอว อี แตห เบ นับ ซีคยา ลอง เฌาพรา แฮะ ตึย โอว ตัห ฌัม โดง กอย เบ. 37บอ เฌาพรา อี แฮะ ตึย โอว ตัห ฌัม โดง กอย เบ, อัน แฮะ กาลาง ลอง โอว. เบ ยี ตู ดึอม ยึร โฆรห อัน, ตู ดึอม ยึร อารึบ อัน. 38บอ โฆรห เฌาพรา ตู กอย แคง น็อห เบ. โคว, เบ ตู หณึม วี ปี ตึย เฌาพรา ตัห ฌัม โดง กอย เบ. 39เบ ออน ดี เฮน บับ เฌาพรา โกบ ทาง เบ โฆรห ปี แดม อูน แคง บับ เฌาพรา ดี จอย เบ แตห เบ ปึอน ดี กอย รึม โดบ เฌาพรา เซเซ. อึณ ยี มูห บับ เฌาพรา ตี, อี แตห เบ นับ ลอง โอว. 40เบ ยี ตู ซี หณึม โอว. เบ ตู ซี แตห โอว ปึอน ดี ดัว อาซาก กามาย ดี เบ.
41โอว ตู โลว อี เฮา อืบ โอว. 42โอว ยี นับ น็อห เบ. เบ ตู ร็อก เฌาพรา แคง น็อห เบ. 43โอว แฮะ ตัห ฌัม โดง กอย เบ โกบ จัร เฌาพรา โอว ตัห. เบ ยี ตู หณึม โอว. เซ อึณ ยี มึห ดูอี ปอ อู วี อี ตัห ฌัม โดง กอย เบ ราง อัน, เบ ดี บอ หณึม อัน, รวห อัน. 44เซ เบ อึง ดี ลาย อืบ กาแต เบ, ยี ตู โลว เฌาพรา อู กาดัง อืบ เบ, เบ ตู ปึอน หณึม เฌาพรา ดอ เหมา.
45เบ แกวะ ทาง โอว ดี พยาก เบ, ต็อห ดี เฌาพรา ลอง ตู หมึอม เบ. อึณ มูห ดา ซารา อาโมวแซ ตึอน, อัน นับ ดี พยาก เบ, ต็อห เบ มึห หมาบ. เบ ยี บึง อัน. 46เซ แฮะ หมาน หณึม เบ โฆรห ปี แดม อูน ดา ซารา อาโมวแซ, เบ ดี บอ หณึม โอว. โคว, อัน แฮะ แดม ลอง โอว แคง บับ อัน. 47เบ ยี ตู หณึม ปี แดม อูน อัน. โคว, เบ มืร ตู ปึอน หณึม โฆรห ปี กาลาง โอว ดี เบ.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translator, Inc. All rights reserved.