ยฮ 6
6
ลอง เฌา เยซู ดัว ปี ดี โฮม ดี ดูอี กืน
1วาย อัน ตี เฌา เยซู บอ ดีแบ อัน วี ป็อะ รึร, กาโลห อึม ดึง อี จืร อึม ฆาลีเล. (มัง อี มืร แดะ อึณ จืร อึม ทีเบรี). 2อึณ ยี มึห ดูอี กืน, เฆ โดบ อัน โกบ ยึร เฆ นา หมึอม อาม กาเซา แปะ แฮะ โบง อัน, แตห ดูอี เซา วี แกน. 3เฌา เยซู วี โฮะ แดง นอน, วี กอย รึม โดบ ดีแบ อัน. 4ดอ อัน ตี แฮะ กาตัด ดี โบง เฆ ดูอี อายูดา บลอย โหลห เฆ เฌาพรา ดอ กาโลห อัน กาง เฆ.
5เฌา เยซู วี ยอด บอ ยึร ดูอี กืน ตัห โดง กอย อัน. อัน วี ต็อห ดี อาพีลีบ, “ดี เหมา เอ ปึอน ดี จึห คามูน, แตห เฆ ดูอี กืน ปึอน ดี โฮม?” 6อัน ยี กาลาง โฆรห ตี, โกบ ซี เทว อัน น็อห อาพีลีบ. แคง น็อห อัน, อัน แฮะ ฮอต นับ มาเซ ปี ดี โบง อัน.
7อาพีลีบ วี ต็อห, “เซ เอ ดี บอ จึห คามูน อาดา รึอน อา มาย็อห โบ็ง,#6:7 อาเซ โบง ฆาน อาดา อู ซีแง แฮะ ปึอน รึอน อู โบ็ง เซ เอ ดี บอ ดัว อู วี อี แจก อี แจก มืร, อึณ ตู กาลัต ดอน อี.”
8ปัน ตี อึณ มูห อาอันดารู ตึอน. อัน มูห วา อาเปตารู อี จืร บอ อาซีโมน. อัน บอ มูห ดีแบ เฌา เยซู อู วี. อัน วี ต็อห ดี ฆาย, 9“อึณ มึห ฆอน อีมาย อู วี. อัน มึห ดี โฆ็ง คามูน พัน โบ็ง บอ มาฆา ดีแตด อา โดว. โกบ กืน ดูอี ยี ตู โคว มาเซ. อึณ ตู ฆลึม ดอ เหมา.”
10เฌา เยซู ยี ต็อห, “แตห เบ จัร ดูอี กืน ตูต แดง เปต.” โกบ มึห กืน เปต โดง กอย เฆ ตี, อึณ มึห มี เฆ อีมาย พัน แหรณ วี, อี ปึอน ตูต แดง เปต ตึอน. แดง ตี, อึณ บอ มึห บอ อีบึณ เฆ ฆอน. 11ปัน ตี เฌา เยซู ดึห คามูน, วี กาลาง ฆูง เฆฌู ดี เฌาพรา. แฮะ ฮอต, อัน กาซาง ดี ดีแบ อัน, แตห เฆ วี กาซาง ดี ดูอี กืน. ปาย ตี เฆ บอ กาซาง มาฆา ตึอน, แตห ดอน อี ปึอน ดึห แคะ ปี ซี โฮม อัน.
12เฆ แฮะ ฮอต โฮม แพ, เฌา เยซู วี จัร ดีแบ อัน ต็อห, “เบ วี แฆบ กาฌูะ กาโลย โฮม. แกวะ แตห อึณ ชึม.” 13ปาย ตี เฆ วี กาฌูะ กาโลย โฮม เฆ ตี. อึณ กอ วี โนะ ฆึร ดี อา กาแตบ. อึณ มูห กาโลย อี ตัห ดี คามูน พัน โบ็ง วาย แฮะ ฮอต โฮม แพ ดอน อี.
14เฆ ดูอี แฮะ ฮอต ยึร นา หมึอม อาม กาเซา ฌึร ตี แปะ แฮะ โบง เฌา เยซู, เฆ วี ต็อห, “แฮะ หมาน, แฮะ มูห. ดูอี ตี มูห ดูอี อี บยาน โฆรห เฌาพรา, วี ปี ต็อห เฌาพรา ดี ตึย. ดอ ตี นี อัน แฮะ ฮอต ตัห โลง แดง กาดาย นี.” 15ปัน ตี เฌา เยซู กอ นับ, เฆ ซี คาหนาบ อัน, แตห อัน แบน คูนดีคัม อี อึบ เฆ. โคว, อัน วี ฮาว แดง นอน ปอ อู โปละ, แตห อัน กอย อู วี, แกวะ แตห อี เฮา โดบ อัน.
ลอง เฌา เยซู ฮาว แดง อึม
16บา ดี อับ ดีแบ เฌา เยซู วี โลง ฌัม ดี โคบ อึม ดึง ตึอน. 17ปัน ตี เฆ วี ลึบ แคง รึร, ต็อห ดี ป็อะ ฮาว มืง กาเปนารึม. ดอ อัน ตี แปร แฮะ อับ. เฌา เยซู ยี หณัม ตัห ฌัม โดง กอย เฆ. 18ดอ ป็อะ เฆ รึร ตึอน, คูน วี ตัห, แตห มา อึม วี ซีลอย. 19ดอ ฮาว เฆ, เฆ แฮะ วาย อาดา โอย หล็อก ดี อู กาแต.#6:19 แคง บับ ดอ โฆว อึณ ต็อห 30 ซาทาดียา อี แบน มอก โอย หล็อก ดี อู กาแต ดอ อัน ตี เฆ วี ยึร เฌา เยซู. อัน ฮาว แดง อึม, ตัห กาตัด รึร เฆ. เฆ กอ โยว กาเซา. 20อัน วี ต็อห ดี เฆ, “แกวะ โยว, อึณ มูห โอว.” 21ปัน ตี เฆ ต็อห ดี จอย อัน ลึบ แคง รึร. ดอ อัน ตี อู เฌณ เฆ แฮะ วี ฌัม ดี โคบ อึม ดึง, โดง ดี ว็อะ เฆ.
22ปา แคหณา, เฆ ดูอี กืน ตึอน, เฆ อี แฮะ กอย นา ตัะ ดอย, เฆ กอ นับ อึณ แฮะ มึห มี รึร อู หลาง. เฆ วี โหลห, เฌา เยซู ตู ลึบ แคง รึร ตี. อัน ตู โดบ ดีแบ อัน. เฆ ดีแบ เฌา เยซู ยี แฮะ เวณ, อาว บาะ เฌา เยซู. 23วาย อัน ตี อึณ มึห รึร อี เฮา มัง หลาง ตัห มืง ทีเบรี. โดง คยัะ เฆ, อึณ กาตัด โดง ปี ดึอม กาลาง เฌา เยซู ฆูง เฆฌู ดี เฌาพรา, อาต ดัว อัน เฆ โฮม คามูน ตึอน. 24รึร ตี แฮะ ฮอต ฌัม โดง ตึอน, เฆ ดูอี กืน ตึอน กอ นับ, บอ เฌา เยซู บอ ดีแบ อัน อาว ฮู กอย กาตัด โดง กอย เฆ. โคว, เฆ วี ป็อะ รึร ตึอน, วี ฮาว ฌัม มืง กาเปนารึม, ฮาว เหรต เฌา เยซู.
ลอง ปี ดี โฮม อี ดัว อาซาก กามาย
25เฆ วี กาตูณ เฌา เยซู บลาก นา นี อึม ดึง อี มูห โดง บรีม ตึอน. เฆ วี ดีหมอด อัน ต็อห, “แม ดา ซารา, ดอ เหมา แม ตัห ฌัม ดี นี?”
26เฌา เยซู วี ต็อห ดี เฆ, “โอว ต็อห อาคัร ดี เบ. เบ ตู เหรต โอว โกบ ยึร เบ นา หมึอม อาม กาเซา อี แตห เบ นับ ปี มูห โอว. เบ เหรต โอว โกบ โฮม เบ คามูน ปี ดัว โอว ดี เบ, แตห เบ กอ แพ. 27แกวะ แตห เบ เหรต ปี ดี โฮม อี นับ ดี ลึร. แตห เบ เหรต ปี ดี โฮม อี ตู นับ ดี ลึร, แตห อึณ กอ ฌัม อาคราว ดี กอย รึม เบ โดบ เฌาพรา เซเซ. ปี ดี โฮม ฌึร ตี, โอว อี แฮะ แบน ฆอน ดูอี ดี ดัว ดี เบ. ลอง ดูอี วี ตี เฌาพรา อี มูห ฆูณ เอ, อัน แฮะ ฮอต ต็อห, ‘โอว อึง อัน.’”
28ปัน ตี เฆ วี ดีหมอด อัน ต็อห, “มาเซ ปี โลว โบง เย, แตห เฌาพรา อึง?”
29เฌา เยซู วี ต็อห, “ปี โลว โบง เบ, อึณ มูห มี อู โมยว. เบ โลว หณึม ดูอี ปี ร็อห ปี ตึย เฌาพรา แตห อัน คยอด เบ.”
30เฆ วี ต็อห, “เซ อึณ ปาย ตี, มาเซ ปี ดี โบง แม, แตห เย นับ ลอง แม, แตห เย ปึอน ดี หณึม? 31อึณ มูห ฆูณ ดัง เอ, เฆ แฮะ โฮม คามูน มานา แคง แปร กาฮ็อห. อึณ ปี ปี แดม อูน แคง บับ เฌาพรา. อึณ ต็อห, ‘อัน แฮะ แตห เฆ โฮม คามูน อี เลห ฆางหราว.’”
32ปัน ตี เฌา เยซู วี ต็อห ดี เฆ, “โอว ต็อห อาคัร ดี เบ, อึณ ตู มูห ดา อาโมวแซ อี แฮะ ดัว เบ โฮม คามูน ตี, อี ตัห โลง ฆางหราว. อึณ มูห ฆูณ โอว. อัน อี แตห เบ โฮม คามูน อี มูห คามูน อาคาคัร. 33ดูอี อี แฮะ ตัห โลง ฆางหราว, อัน ปี คามูน ตี. อึณ มูห อัน, อี ดัว อาซาก กามาย ดี เฆ ดูอี แดง กาดาย.”
34เฆ วี ต็อห, “ซารา, แตห แม ดัว คามูน ฌึร ตี ดี เย เซเซ.”
35วาย อัน ตี เฌา เยซู ต็อห, “อึณ มูห โอว. โอว ปี คามูน ตี, อี แตห เบ ปึอน อาซาก กามาย. อาเซ หณึม โอว, อึณ ปี, อัน แฮะ แพ, อาว ฮู กาปราณ ปี ดี โฮม ปี ดี เดียง ดอ เหมา. 36โอว ยี แฮะ ฮอต ต็อห, เบ แฮะ ยึร โอว, เบ ยี ตู หณึม. 37ฆูณ โอว ดี แตห ดูอี ตัห ดี โอว. เฆ ดูอี ฌึร ตี, เฆ ดี บอ หณึม โอว. อาเซ ยี หณึม โอว, อึณ ปี อัน ตัห กอย กาตัด โอว. โอว ตู เบลห ตู แวน อัน ดอ เหมา. 38โอว มืร ตู เลห ฆางหราว โลง ตัห ดี นี, แตห โอว โบง ปี อึง โอว. โอว แฮะ ตัห ดี นี, แตห โอว โบง แคะ ปี อึง อัน เฌา อี ตึย โอว ตัห ดี นี. 39อึณ ยี มูห ดูอี ปี ดัว เฌาพรา ดี โอว, เฌาพรา อี ตึย โอว ตัห ดี นี, อัน ซี คยอด เฆ ดอน อี, แกวะ แตห อาเซ หราย, แตห โอว แตห ดอน อี วี ยีต วี อีม ดอ ฌัม ซีแง กาแดะ. 40โคว, อี ล็อะ น็อห เฌาพรา, อึณ ปาย นี. อาเซ กาดัวะ กาพา ลอง ฆอน เฌาพรา, อาเซ บอ หณึม อัน แคง น็อห, เฌาพรา ดี แตห ดอน อี ฌึร ตี กอย รึม โดบ อัน เซเซ. ฮี ฌัม ซีแง กาแดะ, โอว ดี แตห ดูอี ฌึร ตี วี ยีต วี อีม.”
41เฆ ดา ตาง ยูดา ยี ลาย กาลาง ลอง ตู อึง เฆ โฆรห อัน ตี, โกบ ต็อห อัน, “โอว ปี คามูน อี ตัห แคง ฆางหราว.” 42เฆ ต็อห, “ดูอี ตี จืร อาเยซู. เอ นับ บอ ฆูณ มา อัน. อัน มูห ฆอน อาโยวแซบ. เหมา อึณ ปาย ปี ต็อห อัน, ‘โอว แฮะ เลห แคง ฆางหราว, โลง ตัห ดี นี?’”
43เฌา เยซู วี ต็อห, “จู ลาย กาลาง ลอง ปี ตู อึง เบ. 44เซ เฌาพรา ตู แตห ดูอี ตัห หณึม โอว, อาว มึห อาเซ ปึอน ดี ตัห หณึม โอว. เซ ฮี ฌัม ซีแง กาแดะ, โอว ดี แตห ดูอี หณึม โอว วี ยีต วี อีม. 45ดูอี อี บยาน โฆรห เฌาพรา อู วี แฮะ แดม อูน แคง บับ เฌาพรา ปาย นี, ‘เฌาพรา ดี มาโนว ดอน อี.’ โคว, ดอน อี อี โทม โฆรห เฌาพรา, อี เฮน ดี เฌาพรา, อัน ดี ตัห หณึม บอ โอว. 46อาว มึห อาเซ อี แฮะ ดึอม ยึร เฌาพรา. อึณ ยี มูห โอว, อี แฮะ เลห โดง กอย อัน, โอว แฮะ ยึร ฆูณ โอว. 47โอว ต็อห อาคัร ดี เบ, อาเซ หณึม โอว, อัน ปึอน ดี กอย รึม โดบ เฌาพรา เซเซ. 48โอว ปี คามูน อี ดัว อาซาก กามาย ดี อี. 49ฆูณ ดัง เบ, เฆ แฮะ โฮม คามูน มานา, ดอ กอย เฆ แคง แปร กาฮ็อห. เฆ ยี แฮะ ฮอต ยัม. 50ดอ ตี นี เบ ยี มึห คามูน ปี ดัว เฌาพรา ดี เบ อี ตัห แคง ฆางหราว โลง โดง กอย เบ. ดอน อี แฮะ ปึอน โฮม คามูน ตี อี ตู แตห อัน ยัม. 51อึณ มูห โอว, โอว ปี คามูน ตี ปี ดัว เฌาพรา ดี เบ อี ตัห แคง ฆางหราว. อาเซ โฮม คามูน ฌึร ตี, อัน ดี บอ กอย รึม โดบ เฌาพรา เซเซ. คามูน ปี ดัว โอว ดี เบ, อึณ มูห โดว โบ็ง โอว. โอว ดัว โดว โบ็ง โอว, แตห เฆ ดูอี ดอน อี อี กอย แดง กาดาย ปึอน อาซาก กามาย.”
52เฌา เยซู แฮะ ฮอต กาลาง โฆรห ตี, เฆ ดา ตาง ยูดา วี จูห ดี ลาย กาแทณ ต็อห, “เหมา อัน ดี ปาย ดี ดัว โดว โบ็ง อัน, แตห เอ โฮม?”
53เฌา เยซู วี ต็อห, “โอว ต็อห อาคัร ดี เบ, เซ เบ ตู โฮม ยัง โอว อี แฮะ แบน ฆอน ดูอี, เซ เบ มืร ตู เดียง หนาม โอว, เบ ตู มึห อาซาก กามาย. เบ ปี ดูอี ยัม.
54อาเซ ยี โฮม ยัง โอว บอ เดียง หนาม โอว, อัน แฮะ ปึอน อาซาก กามาย อี กอย เซเซ. ฮี ฌัม ซีแง กาแดะ, โอว ดี แตห ดูอี ตี วี ยีต วี อีม. 55โคว, ยัง โอว, อึณ ปี ปี ดี โฮม อี หมาน อาคาคัร. บอ หนาม โอว ปี ปี ดี เดียง อี หมาน อาคาคัร. 56อาเซ โฮม ยัง โอว บอ เดียง หนาม โอว, อัน ดี กอย กาดึก กาด็อะ ดี โอว เซเซ. บอ โอว ดี กอย กาดึก กาด็อะ ดี อัน เซเซ. 57ฆูณ โอว, อี นับ ดี ดัว อาซาก ดี อี, อัน แฮะ ตึย โอว ตัห โดง กอย เบ. ปาย ตี โอว มึห อาซาก โกบ ฆูณ โอว. ปาย ตี บอ ดูอี ดอน อี อี โฮม โอว, อัน ดี มึห อาซาก กามาย โกบ โอว. 58อาตี มูห คามูน อี ตัห แคง ฆางหราว. ฆูณ ดัง เบ, เฆ แฮะ ดึอม โฮม คามูน มานา. เฆ ยี แฮะ ฮอต ยัม. อาเซ ยี โฮม คามูน ฌึร ตี, อัน ดี กอย รึม โดบ เฌาพรา เซเซ.” 59เฌา เยซู กาลาง โฆรห ตี ดอ กอย อัน แคง โฌง เฆ ดูอี อายูดา แคง มืง กาเปนารึม.
ลอง ดูอี ตู อึง โฆรห เฌา เยซู
60เฆ ดีแบ เฌา เยซู, ดอ โทม เฆ โฆรห ตี, เฆ กืน วี ต็อห, “ปี มาโนว อัน ตี แฮะ หณาบ, อาว หมึอม หณึม. อาว บอ โกบ มึห ดูอี อี แป ดี โดบ.”
61เฌา เยซู บอ นับ ลอง ตู อึง เฆ ดีแบ อัน ลอง อัน ตี. อัน วี ต็อห, “เบ ทาง โฆรห ตี แฮะ บลืง. 62เซ เบ ยึร ปัน ดี โฮะ โอว อี แฮะ แบน ฆอน ดูอี เวณ โดง กอย บรีม อัน, น็อห เบ ดี แว บลืง.
63อึณ มูห น็อห พึอม เฌาพรา อี ดัว อาซาก ดี ดูอี. เซ อึณ มูห ดูอี, อาว ปึอน โบง ฌึร ตี. โฆรห แปะ แฮะ กาลาง โอว ดี เบ ยี มึห ปวน ปี ดัว น็อห พึอม เฌาพรา. โคว, อึณ มืร ดี ดัว อาซาก กามาย ดี เบ. 64กาแต เบ, ยี มึห ดูอี มัง อี อี ตู หณึม โฆรห โอว.” เฌา เยซู กาลาง ปาย ตี, โคว, อัน แฮะ นับ อู ซีณ ดอ โฆว อาเซ ตู หณึม อัน. อัน มืร แฮะ นับ ดี อาต อาเซ ดี อาบ อัน ดี รันซู อัน. 65อัน วี กาลาง ดี เฆ, “โกบ นับ โอว ลอง ดูอี อี ตู หณึม โอว, โอว แฮะ ดึอม กาลาง ดี เบ, อึณ ตู มึห อาเซ อี ปึอน ดี ตัห หณึม โอว, เซ ฆูณ โอว ตู จอย แตห อัน ตัห.”
66อู ซีณ ดอ กาลาง เฌา เยซู โฆรห ฌึร ตี, เฆ ดีแบ อัน, เฆ กืน วี เวณ, อาว ฮู โดบ อัน.
67เฌา เยซู วี ดีหมอด ดีแบ อัน ฆึร ดี อา วี ตึอน, อัน ต็อห, “มาเซ ปี ดี โบง เบ? บอ เบ ซี เวณ ปี เฆ?”
68อาซีโมน, อี จืร บอ อาเปตารู, อัน วี ต็อห, “แม เฌา, เซ เย เวณ, เย ดี วี ว็อะ นา เหมา? อึณ มูห แม, โฆรห ปี กาลาง แม, อึณ แตห เย มึห อาซาก กามาย อี กอย เซเซ.” 69เย หณึม บอ นับ ซีคยา, แม มูห ดูอี ปี ร็อห ปี ตึย เฌาพรา แตห อัน คยอด ดูอี. แม มูห อี บอด ปี ตึย เฌาพรา.
70เฌา เยซู วี ต็อห, “โอว แฮะ ฮอต ร็อห เบ ฆึร ดี อา วี. กาแต เบ อึณ ยี มึห อู วี ปี อึบ กานัม ฮาย.”
71โฆรห ตี อัน กาลาง ลอง อายูดัด อี มูห ฆอน อาซีโมน, อี จืร บอ อาซาคารีโอด, อี ดี อาบ เฌา เยซู ดี รันซู อัน, อี บาะ แคง พึง ฆึร ดี อา วี ตึอน.
S'ha seleccionat:
ยฮ 6: pce
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translator, Inc. All rights reserved.
ยฮ 6
6
ลอง เฌา เยซู ดัว ปี ดี โฮม ดี ดูอี กืน
1วาย อัน ตี เฌา เยซู บอ ดีแบ อัน วี ป็อะ รึร, กาโลห อึม ดึง อี จืร อึม ฆาลีเล. (มัง อี มืร แดะ อึณ จืร อึม ทีเบรี). 2อึณ ยี มึห ดูอี กืน, เฆ โดบ อัน โกบ ยึร เฆ นา หมึอม อาม กาเซา แปะ แฮะ โบง อัน, แตห ดูอี เซา วี แกน. 3เฌา เยซู วี โฮะ แดง นอน, วี กอย รึม โดบ ดีแบ อัน. 4ดอ อัน ตี แฮะ กาตัด ดี โบง เฆ ดูอี อายูดา บลอย โหลห เฆ เฌาพรา ดอ กาโลห อัน กาง เฆ.
5เฌา เยซู วี ยอด บอ ยึร ดูอี กืน ตัห โดง กอย อัน. อัน วี ต็อห ดี อาพีลีบ, “ดี เหมา เอ ปึอน ดี จึห คามูน, แตห เฆ ดูอี กืน ปึอน ดี โฮม?” 6อัน ยี กาลาง โฆรห ตี, โกบ ซี เทว อัน น็อห อาพีลีบ. แคง น็อห อัน, อัน แฮะ ฮอต นับ มาเซ ปี ดี โบง อัน.
7อาพีลีบ วี ต็อห, “เซ เอ ดี บอ จึห คามูน อาดา รึอน อา มาย็อห โบ็ง,#6:7 อาเซ โบง ฆาน อาดา อู ซีแง แฮะ ปึอน รึอน อู โบ็ง เซ เอ ดี บอ ดัว อู วี อี แจก อี แจก มืร, อึณ ตู กาลัต ดอน อี.”
8ปัน ตี อึณ มูห อาอันดารู ตึอน. อัน มูห วา อาเปตารู อี จืร บอ อาซีโมน. อัน บอ มูห ดีแบ เฌา เยซู อู วี. อัน วี ต็อห ดี ฆาย, 9“อึณ มึห ฆอน อีมาย อู วี. อัน มึห ดี โฆ็ง คามูน พัน โบ็ง บอ มาฆา ดีแตด อา โดว. โกบ กืน ดูอี ยี ตู โคว มาเซ. อึณ ตู ฆลึม ดอ เหมา.”
10เฌา เยซู ยี ต็อห, “แตห เบ จัร ดูอี กืน ตูต แดง เปต.” โกบ มึห กืน เปต โดง กอย เฆ ตี, อึณ มึห มี เฆ อีมาย พัน แหรณ วี, อี ปึอน ตูต แดง เปต ตึอน. แดง ตี, อึณ บอ มึห บอ อีบึณ เฆ ฆอน. 11ปัน ตี เฌา เยซู ดึห คามูน, วี กาลาง ฆูง เฆฌู ดี เฌาพรา. แฮะ ฮอต, อัน กาซาง ดี ดีแบ อัน, แตห เฆ วี กาซาง ดี ดูอี กืน. ปาย ตี เฆ บอ กาซาง มาฆา ตึอน, แตห ดอน อี ปึอน ดึห แคะ ปี ซี โฮม อัน.
12เฆ แฮะ ฮอต โฮม แพ, เฌา เยซู วี จัร ดีแบ อัน ต็อห, “เบ วี แฆบ กาฌูะ กาโลย โฮม. แกวะ แตห อึณ ชึม.” 13ปาย ตี เฆ วี กาฌูะ กาโลย โฮม เฆ ตี. อึณ กอ วี โนะ ฆึร ดี อา กาแตบ. อึณ มูห กาโลย อี ตัห ดี คามูน พัน โบ็ง วาย แฮะ ฮอต โฮม แพ ดอน อี.
14เฆ ดูอี แฮะ ฮอต ยึร นา หมึอม อาม กาเซา ฌึร ตี แปะ แฮะ โบง เฌา เยซู, เฆ วี ต็อห, “แฮะ หมาน, แฮะ มูห. ดูอี ตี มูห ดูอี อี บยาน โฆรห เฌาพรา, วี ปี ต็อห เฌาพรา ดี ตึย. ดอ ตี นี อัน แฮะ ฮอต ตัห โลง แดง กาดาย นี.” 15ปัน ตี เฌา เยซู กอ นับ, เฆ ซี คาหนาบ อัน, แตห อัน แบน คูนดีคัม อี อึบ เฆ. โคว, อัน วี ฮาว แดง นอน ปอ อู โปละ, แตห อัน กอย อู วี, แกวะ แตห อี เฮา โดบ อัน.
ลอง เฌา เยซู ฮาว แดง อึม
16บา ดี อับ ดีแบ เฌา เยซู วี โลง ฌัม ดี โคบ อึม ดึง ตึอน. 17ปัน ตี เฆ วี ลึบ แคง รึร, ต็อห ดี ป็อะ ฮาว มืง กาเปนารึม. ดอ อัน ตี แปร แฮะ อับ. เฌา เยซู ยี หณัม ตัห ฌัม โดง กอย เฆ. 18ดอ ป็อะ เฆ รึร ตึอน, คูน วี ตัห, แตห มา อึม วี ซีลอย. 19ดอ ฮาว เฆ, เฆ แฮะ วาย อาดา โอย หล็อก ดี อู กาแต.#6:19 แคง บับ ดอ โฆว อึณ ต็อห 30 ซาทาดียา อี แบน มอก โอย หล็อก ดี อู กาแต ดอ อัน ตี เฆ วี ยึร เฌา เยซู. อัน ฮาว แดง อึม, ตัห กาตัด รึร เฆ. เฆ กอ โยว กาเซา. 20อัน วี ต็อห ดี เฆ, “แกวะ โยว, อึณ มูห โอว.” 21ปัน ตี เฆ ต็อห ดี จอย อัน ลึบ แคง รึร. ดอ อัน ตี อู เฌณ เฆ แฮะ วี ฌัม ดี โคบ อึม ดึง, โดง ดี ว็อะ เฆ.
22ปา แคหณา, เฆ ดูอี กืน ตึอน, เฆ อี แฮะ กอย นา ตัะ ดอย, เฆ กอ นับ อึณ แฮะ มึห มี รึร อู หลาง. เฆ วี โหลห, เฌา เยซู ตู ลึบ แคง รึร ตี. อัน ตู โดบ ดีแบ อัน. เฆ ดีแบ เฌา เยซู ยี แฮะ เวณ, อาว บาะ เฌา เยซู. 23วาย อัน ตี อึณ มึห รึร อี เฮา มัง หลาง ตัห มืง ทีเบรี. โดง คยัะ เฆ, อึณ กาตัด โดง ปี ดึอม กาลาง เฌา เยซู ฆูง เฆฌู ดี เฌาพรา, อาต ดัว อัน เฆ โฮม คามูน ตึอน. 24รึร ตี แฮะ ฮอต ฌัม โดง ตึอน, เฆ ดูอี กืน ตึอน กอ นับ, บอ เฌา เยซู บอ ดีแบ อัน อาว ฮู กอย กาตัด โดง กอย เฆ. โคว, เฆ วี ป็อะ รึร ตึอน, วี ฮาว ฌัม มืง กาเปนารึม, ฮาว เหรต เฌา เยซู.
ลอง ปี ดี โฮม อี ดัว อาซาก กามาย
25เฆ วี กาตูณ เฌา เยซู บลาก นา นี อึม ดึง อี มูห โดง บรีม ตึอน. เฆ วี ดีหมอด อัน ต็อห, “แม ดา ซารา, ดอ เหมา แม ตัห ฌัม ดี นี?”
26เฌา เยซู วี ต็อห ดี เฆ, “โอว ต็อห อาคัร ดี เบ. เบ ตู เหรต โอว โกบ ยึร เบ นา หมึอม อาม กาเซา อี แตห เบ นับ ปี มูห โอว. เบ เหรต โอว โกบ โฮม เบ คามูน ปี ดัว โอว ดี เบ, แตห เบ กอ แพ. 27แกวะ แตห เบ เหรต ปี ดี โฮม อี นับ ดี ลึร. แตห เบ เหรต ปี ดี โฮม อี ตู นับ ดี ลึร, แตห อึณ กอ ฌัม อาคราว ดี กอย รึม เบ โดบ เฌาพรา เซเซ. ปี ดี โฮม ฌึร ตี, โอว อี แฮะ แบน ฆอน ดูอี ดี ดัว ดี เบ. ลอง ดูอี วี ตี เฌาพรา อี มูห ฆูณ เอ, อัน แฮะ ฮอต ต็อห, ‘โอว อึง อัน.’”
28ปัน ตี เฆ วี ดีหมอด อัน ต็อห, “มาเซ ปี โลว โบง เย, แตห เฌาพรา อึง?”
29เฌา เยซู วี ต็อห, “ปี โลว โบง เบ, อึณ มูห มี อู โมยว. เบ โลว หณึม ดูอี ปี ร็อห ปี ตึย เฌาพรา แตห อัน คยอด เบ.”
30เฆ วี ต็อห, “เซ อึณ ปาย ตี, มาเซ ปี ดี โบง แม, แตห เย นับ ลอง แม, แตห เย ปึอน ดี หณึม? 31อึณ มูห ฆูณ ดัง เอ, เฆ แฮะ โฮม คามูน มานา แคง แปร กาฮ็อห. อึณ ปี ปี แดม อูน แคง บับ เฌาพรา. อึณ ต็อห, ‘อัน แฮะ แตห เฆ โฮม คามูน อี เลห ฆางหราว.’”
32ปัน ตี เฌา เยซู วี ต็อห ดี เฆ, “โอว ต็อห อาคัร ดี เบ, อึณ ตู มูห ดา อาโมวแซ อี แฮะ ดัว เบ โฮม คามูน ตี, อี ตัห โลง ฆางหราว. อึณ มูห ฆูณ โอว. อัน อี แตห เบ โฮม คามูน อี มูห คามูน อาคาคัร. 33ดูอี อี แฮะ ตัห โลง ฆางหราว, อัน ปี คามูน ตี. อึณ มูห อัน, อี ดัว อาซาก กามาย ดี เฆ ดูอี แดง กาดาย.”
34เฆ วี ต็อห, “ซารา, แตห แม ดัว คามูน ฌึร ตี ดี เย เซเซ.”
35วาย อัน ตี เฌา เยซู ต็อห, “อึณ มูห โอว. โอว ปี คามูน ตี, อี แตห เบ ปึอน อาซาก กามาย. อาเซ หณึม โอว, อึณ ปี, อัน แฮะ แพ, อาว ฮู กาปราณ ปี ดี โฮม ปี ดี เดียง ดอ เหมา. 36โอว ยี แฮะ ฮอต ต็อห, เบ แฮะ ยึร โอว, เบ ยี ตู หณึม. 37ฆูณ โอว ดี แตห ดูอี ตัห ดี โอว. เฆ ดูอี ฌึร ตี, เฆ ดี บอ หณึม โอว. อาเซ ยี หณึม โอว, อึณ ปี อัน ตัห กอย กาตัด โอว. โอว ตู เบลห ตู แวน อัน ดอ เหมา. 38โอว มืร ตู เลห ฆางหราว โลง ตัห ดี นี, แตห โอว โบง ปี อึง โอว. โอว แฮะ ตัห ดี นี, แตห โอว โบง แคะ ปี อึง อัน เฌา อี ตึย โอว ตัห ดี นี. 39อึณ ยี มูห ดูอี ปี ดัว เฌาพรา ดี โอว, เฌาพรา อี ตึย โอว ตัห ดี นี, อัน ซี คยอด เฆ ดอน อี, แกวะ แตห อาเซ หราย, แตห โอว แตห ดอน อี วี ยีต วี อีม ดอ ฌัม ซีแง กาแดะ. 40โคว, อี ล็อะ น็อห เฌาพรา, อึณ ปาย นี. อาเซ กาดัวะ กาพา ลอง ฆอน เฌาพรา, อาเซ บอ หณึม อัน แคง น็อห, เฌาพรา ดี แตห ดอน อี ฌึร ตี กอย รึม โดบ อัน เซเซ. ฮี ฌัม ซีแง กาแดะ, โอว ดี แตห ดูอี ฌึร ตี วี ยีต วี อีม.”
41เฆ ดา ตาง ยูดา ยี ลาย กาลาง ลอง ตู อึง เฆ โฆรห อัน ตี, โกบ ต็อห อัน, “โอว ปี คามูน อี ตัห แคง ฆางหราว.” 42เฆ ต็อห, “ดูอี ตี จืร อาเยซู. เอ นับ บอ ฆูณ มา อัน. อัน มูห ฆอน อาโยวแซบ. เหมา อึณ ปาย ปี ต็อห อัน, ‘โอว แฮะ เลห แคง ฆางหราว, โลง ตัห ดี นี?’”
43เฌา เยซู วี ต็อห, “จู ลาย กาลาง ลอง ปี ตู อึง เบ. 44เซ เฌาพรา ตู แตห ดูอี ตัห หณึม โอว, อาว มึห อาเซ ปึอน ดี ตัห หณึม โอว. เซ ฮี ฌัม ซีแง กาแดะ, โอว ดี แตห ดูอี หณึม โอว วี ยีต วี อีม. 45ดูอี อี บยาน โฆรห เฌาพรา อู วี แฮะ แดม อูน แคง บับ เฌาพรา ปาย นี, ‘เฌาพรา ดี มาโนว ดอน อี.’ โคว, ดอน อี อี โทม โฆรห เฌาพรา, อี เฮน ดี เฌาพรา, อัน ดี ตัห หณึม บอ โอว. 46อาว มึห อาเซ อี แฮะ ดึอม ยึร เฌาพรา. อึณ ยี มูห โอว, อี แฮะ เลห โดง กอย อัน, โอว แฮะ ยึร ฆูณ โอว. 47โอว ต็อห อาคัร ดี เบ, อาเซ หณึม โอว, อัน ปึอน ดี กอย รึม โดบ เฌาพรา เซเซ. 48โอว ปี คามูน อี ดัว อาซาก กามาย ดี อี. 49ฆูณ ดัง เบ, เฆ แฮะ โฮม คามูน มานา, ดอ กอย เฆ แคง แปร กาฮ็อห. เฆ ยี แฮะ ฮอต ยัม. 50ดอ ตี นี เบ ยี มึห คามูน ปี ดัว เฌาพรา ดี เบ อี ตัห แคง ฆางหราว โลง โดง กอย เบ. ดอน อี แฮะ ปึอน โฮม คามูน ตี อี ตู แตห อัน ยัม. 51อึณ มูห โอว, โอว ปี คามูน ตี ปี ดัว เฌาพรา ดี เบ อี ตัห แคง ฆางหราว. อาเซ โฮม คามูน ฌึร ตี, อัน ดี บอ กอย รึม โดบ เฌาพรา เซเซ. คามูน ปี ดัว โอว ดี เบ, อึณ มูห โดว โบ็ง โอว. โอว ดัว โดว โบ็ง โอว, แตห เฆ ดูอี ดอน อี อี กอย แดง กาดาย ปึอน อาซาก กามาย.”
52เฌา เยซู แฮะ ฮอต กาลาง โฆรห ตี, เฆ ดา ตาง ยูดา วี จูห ดี ลาย กาแทณ ต็อห, “เหมา อัน ดี ปาย ดี ดัว โดว โบ็ง อัน, แตห เอ โฮม?”
53เฌา เยซู วี ต็อห, “โอว ต็อห อาคัร ดี เบ, เซ เบ ตู โฮม ยัง โอว อี แฮะ แบน ฆอน ดูอี, เซ เบ มืร ตู เดียง หนาม โอว, เบ ตู มึห อาซาก กามาย. เบ ปี ดูอี ยัม.
54อาเซ ยี โฮม ยัง โอว บอ เดียง หนาม โอว, อัน แฮะ ปึอน อาซาก กามาย อี กอย เซเซ. ฮี ฌัม ซีแง กาแดะ, โอว ดี แตห ดูอี ตี วี ยีต วี อีม. 55โคว, ยัง โอว, อึณ ปี ปี ดี โฮม อี หมาน อาคาคัร. บอ หนาม โอว ปี ปี ดี เดียง อี หมาน อาคาคัร. 56อาเซ โฮม ยัง โอว บอ เดียง หนาม โอว, อัน ดี กอย กาดึก กาด็อะ ดี โอว เซเซ. บอ โอว ดี กอย กาดึก กาด็อะ ดี อัน เซเซ. 57ฆูณ โอว, อี นับ ดี ดัว อาซาก ดี อี, อัน แฮะ ตึย โอว ตัห โดง กอย เบ. ปาย ตี โอว มึห อาซาก โกบ ฆูณ โอว. ปาย ตี บอ ดูอี ดอน อี อี โฮม โอว, อัน ดี มึห อาซาก กามาย โกบ โอว. 58อาตี มูห คามูน อี ตัห แคง ฆางหราว. ฆูณ ดัง เบ, เฆ แฮะ ดึอม โฮม คามูน มานา. เฆ ยี แฮะ ฮอต ยัม. อาเซ ยี โฮม คามูน ฌึร ตี, อัน ดี กอย รึม โดบ เฌาพรา เซเซ.” 59เฌา เยซู กาลาง โฆรห ตี ดอ กอย อัน แคง โฌง เฆ ดูอี อายูดา แคง มืง กาเปนารึม.
ลอง ดูอี ตู อึง โฆรห เฌา เยซู
60เฆ ดีแบ เฌา เยซู, ดอ โทม เฆ โฆรห ตี, เฆ กืน วี ต็อห, “ปี มาโนว อัน ตี แฮะ หณาบ, อาว หมึอม หณึม. อาว บอ โกบ มึห ดูอี อี แป ดี โดบ.”
61เฌา เยซู บอ นับ ลอง ตู อึง เฆ ดีแบ อัน ลอง อัน ตี. อัน วี ต็อห, “เบ ทาง โฆรห ตี แฮะ บลืง. 62เซ เบ ยึร ปัน ดี โฮะ โอว อี แฮะ แบน ฆอน ดูอี เวณ โดง กอย บรีม อัน, น็อห เบ ดี แว บลืง.
63อึณ มูห น็อห พึอม เฌาพรา อี ดัว อาซาก ดี ดูอี. เซ อึณ มูห ดูอี, อาว ปึอน โบง ฌึร ตี. โฆรห แปะ แฮะ กาลาง โอว ดี เบ ยี มึห ปวน ปี ดัว น็อห พึอม เฌาพรา. โคว, อึณ มืร ดี ดัว อาซาก กามาย ดี เบ. 64กาแต เบ, ยี มึห ดูอี มัง อี อี ตู หณึม โฆรห โอว.” เฌา เยซู กาลาง ปาย ตี, โคว, อัน แฮะ นับ อู ซีณ ดอ โฆว อาเซ ตู หณึม อัน. อัน มืร แฮะ นับ ดี อาต อาเซ ดี อาบ อัน ดี รันซู อัน. 65อัน วี กาลาง ดี เฆ, “โกบ นับ โอว ลอง ดูอี อี ตู หณึม โอว, โอว แฮะ ดึอม กาลาง ดี เบ, อึณ ตู มึห อาเซ อี ปึอน ดี ตัห หณึม โอว, เซ ฆูณ โอว ตู จอย แตห อัน ตัห.”
66อู ซีณ ดอ กาลาง เฌา เยซู โฆรห ฌึร ตี, เฆ ดีแบ อัน, เฆ กืน วี เวณ, อาว ฮู โดบ อัน.
67เฌา เยซู วี ดีหมอด ดีแบ อัน ฆึร ดี อา วี ตึอน, อัน ต็อห, “มาเซ ปี ดี โบง เบ? บอ เบ ซี เวณ ปี เฆ?”
68อาซีโมน, อี จืร บอ อาเปตารู, อัน วี ต็อห, “แม เฌา, เซ เย เวณ, เย ดี วี ว็อะ นา เหมา? อึณ มูห แม, โฆรห ปี กาลาง แม, อึณ แตห เย มึห อาซาก กามาย อี กอย เซเซ.” 69เย หณึม บอ นับ ซีคยา, แม มูห ดูอี ปี ร็อห ปี ตึย เฌาพรา แตห อัน คยอด ดูอี. แม มูห อี บอด ปี ตึย เฌาพรา.
70เฌา เยซู วี ต็อห, “โอว แฮะ ฮอต ร็อห เบ ฆึร ดี อา วี. กาแต เบ อึณ ยี มึห อู วี ปี อึบ กานัม ฮาย.”
71โฆรห ตี อัน กาลาง ลอง อายูดัด อี มูห ฆอน อาซีโมน, อี จืร บอ อาซาคารีโอด, อี ดี อาบ เฌา เยซู ดี รันซู อัน, อี บาะ แคง พึง ฆึร ดี อา วี ตึอน.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translator, Inc. All rights reserved.