ลก 22
22
ลอง อายูดัด ต็อห ดี อาบ เฌา เยซู ดี เฆ ดา ตาง
1วาย อัน ตี แฮะ ฌัม บลอย โฮม ดูอี คามูน อี ตู ฮับ ซีนัม บรัห. เฆ ดูอี บอ ต็อห, อึณ มูห บลอย โหลห เฆ เฌาพรา ดอ กาโลห อัน กาง เฆ. 2เฆ ดา ตาง อี แยต เฆ ดูอี อี หลู ดี เฌาพรา บอ เฆ ดา ซารา อี มาโนว ดารา ยูดา, เฆ ลาย ซังคยาง เหมา เฆ ดี ปาย ดี แตห เฆ ปึอน ดี ง็อห ยัม เฌา เยซู. เฆ ยี โยว ดูอี กืน. 3ดอ อัน ตี โบว กานัม อี จืร ซาตาน, อัน บอ ลึบ แคง โดว โบ็ง อายูดัด, อี จืร บอ อาซาคารีโอด, อี มูห ดูอี อู วี กาแต ดีแบ เฌา เยซู ฆึร ดี อา วี. 4อายูดัด บอ ฮาว ฌัม โดง กอย เฆ ดา ตาง อี แยต เฆ ดูอี อี หลู ดี เฌาพรา บอ เฆ ดา ตาง อี บัร โฮว เฌาพรา. อัน มืร ลาย กามวน ดี เฆ ลอง เหมา อัน ดี ปาย ดี อาบ เฌา เยซู ดี เฆ. 5เฆ ดา ตาง ตึอน บอ โคย กาเซา ลอง อัน ตี. เฆ มืร ลาย โพรม ดี ดัว รึอน ดี อายูดัด. 6อายูดัด บอ วี เหรต ปี ดี ปาย แตห อัน ปึอน ดี อาบ เฌา เยซู ดี เฆ ดา ตาง ตึอน ดอ ตู มึห ดูอี เฮา กอย รึม โดบ อัน เฌา.
ลอง เฌา เยซู โฮม รึม โบม โดบ ดีแบ อัน
7วาย อัน ตี แฮะ ฌัม ซีแง โฮม เฆ ดูอี คามูน อี ตู มึห ซีนัม บรัห. อึณ มูห ซีแง โลว หลู เฆ ฆอน มาบู, แตห เฆ โฮม รึม. 8ซีแง อัน ตี, เฌา เยซู จัร อาเปตารู ฆาย อายอฮาน ต็อห, “แตห บาย ฮาว แรน มาบู อาดา เอ, แตห เอ ปึอน ดี โฮม รึม.”
9ฆาย วี ดีหมอด อัน, “แม ดี แตห ยาย ฮาว แรน บลอย ตี นา เหมา?”
10เฌา เยซู วี ต็อห ดี ฆาย, “เซ บาย ลึบ แคง มืง, บาย ดี ยึร อีมาย อู วี, อัน ดี ฆอด กาเปา อึม. บาย โลว โดบ ดูอี ตี, บอ ลึบ แคง กาง โดง ลึบ อัน. 11แฮะ ฮอต บาย โลว กาลาง ดี ดา กาณา กาง ต็อห, ‘อึย ดา, ดา ซารา ยาย แตห ยาย หมาณ, แตห แม ดัว โฮง ดี โฮม บลอย โหลห เอ เฌาพรา ดอ กาโลห อัน กาง อี. บอ อัน บอ ดีแบ อัน โลว โฮม รึม.’ บาย ฮี ฮอต ต็อห ปาย ตี, 12ดา กาณา กาง ตึอน, อัน ดี แตห บาย ลึบ แคง โฮง ตาง อี กอย คร็อง แดง. แฮะ ฮอต, บาย โลว แรน ปี ดี โฮม เอ แคง โฮง ตี.”
13แฮะ ฮอต กาลาง, ฆาย อา วี บอ ฮาว บอ ยึร โตต ดอน โมยว ปี กาลาง เฌา เยซู ดี ฆาย. วาย อัน ตี ฆาย วี แรน บลอย ตึอน ดี ตี.
14ดอ แฮะ ฌัม อาคราว ดี โลว โฮม, เฌา เยซู บอ ตัห ตูต ดี มาตีณ. บอ เฆ ดูอี ปี ร็อห ปี ตึย เฌา เยซู กอย รึม โดบ อัน. 15อัน วี ต็อห ดี เฆ, “โอว แฮะ ซี กอย กาเซา รึม โดบ เบ, โฮม บลอย ตี อาต โลว คัม โอว ดูก. 16โอว ต็อห ดี เบ, โอว ตู วี โฮม บลอย ตี อาต ดี โบง ฮอต โอว ดอน โมยว ปี ดี โลว โบง โอว, อาต กอย โอว แคง มืง ปี อึบ เฌาพรา.”
17วาย อัน ตี อัน บอ ดึห ซีลัยะ, บอ กาลาง ฆูง เฆฌู ดี เฌาพรา. อัน ต็อห, “แตห เบ ดึห ซีลัยะ นี. แตห เบ ดอน อี เดียง. 18โอว ต็อห ดี เบ, อู ซีณ ดอ ตี นี, กอ ฌัม อาคราว ดี อึบ เฌาพรา กาดาย, โอว อาว ฮู เดียง อึม มางูน.”
19ปัน ตี อัน บอ ดึห คามูน, กาลาง ฆูง เฆฌู ดี เฌาพรา. อัน บอ กาบัก คามูน, ดัว ดี เฆ. อัน บอ ต็อห ดี เฆ, “นี, อึณ มูห โดว โบ็ง โอว. โอว ดี อาบ โดว โบ็ง โอว ดาง เบ. เบ โลว โฮม คามูน นี, แตห เบ โหลห แปะ แฮะ โบง โอว ดาง เบ.”
20เฆ แฮะ ฮอต โฮม, อัน บอ ดึห ซีลัยะ ปาย ตี. อัน ต็อห, “ซีลัยะ นี, อึณ มูห หนาม โอว อี เลห โตต แคง โดว โบ็ง โอว ดาง เบ. อึณ บยัะ กาดีก ซัดฌา กามาย ปี ดัว เฌาพรา ดี เบ. 21แตห เบ ยี ยอด, ดูอี ดี อาบ โอว ดี รันซู โอว, อัน แฮะ กอย โฮม รึม โดบ โอว. บอ อัน แฮะ เบลห แด อัน แดง มาตีณ นี. 22แฮะ หมาน, แคะ ควาง เฌาพรา เฆ โบง, เฆ ดี โบง ดอน โมยว ดี โอว อี แฮะ แบน ฆอน ดูอี. อึณ ยี มูห ดูอี อี ดี อาบ โอว ตี, อัน ดี ฌัม ดูก ตาง อาคาคัร.” 23เฆ ดีแบ อัน ลาย กามวน กาแต เฆ, ดูอี ดี ยัะ โบง ปี กาลาง เฌา เยซู ตี, อัน มูห อาเซ.
24ปัน ตี เฆ ดีแบ อัน วี ลาย กาลาง นา กาแต เฆ, อาเซ แฮะ ตาง หลึอม อี เฮา. 25เฌา เยซู ต็อห ดี เฆ, “คูนดีคัม อี อึบ ดูอี อาโมยว เฮา, เฆ ตา ปวน เฆ แตห เฆ อึบ ดูอี บอ โบง แตห อึณ ดูก ดี อี. เฆ ดูอี อี อึบ อี เฮา, เฆ ซี แตห อี เฮา แดะ เฆ ต็อห ‘ดา อี มึห น็อห ดีฮาง, นับ ดี จอย ดูอี.’ 26อึณ ยี มูห เบ, เบ ตู โลว โบง ปาย ตี. อาเซ ซี แบน ดา ตาง อี อึบ ดูอี เฮา, แตห อัน แบน ปี วา ดอน อี. อาเซ แฮะ แบน ดา กาณา อี อึบ ดูอี, แตห อัน แบน ปี แดเจณ อี, แตห อัน จอย ดอน อี. 27เซ อึณ มูห ดูอี อี ตูต โฮม, อัน ตาง หลึอม ดูอี อี อ็อห โบม บอ ลึมลา ดูอี อี กอย โฮม. อึณ ยี มูห เบ, เบ โลว โดบ โอว. ดอ กอย รึม โอว โดบ เบ, โอว แฮะ แบน แดเจณ เบ. 28ดอ ฌัม โอว ดูก ดอน โมยว เบ แฮะ กอย รึม โดบ โอว เซเซ. 29ฆูณ โอว แฮะ แตห โอว อึบ มืง ปี อึบ อัน. ปาย ตี, โอว ดี บอ แตห เบ แบน ดา ตาง แคง มืง ปี อึบ โอว. 30เบ ดี ปึอน กอย โฮม รึม โดบ โอว แคง มืง ปี อึบ โอว. เบ ดี บอ กอย นา แดง มาลาง, ซูงพยาด ดารา ดี เฆ ฆึร ดี อา ครึร แคง ดูอี อาโมยว อีซาเรลัะ.”
31วาย อัน ตี อัน วี ต็อห, “อึย อาซีโมน, แตห แม โทม โฆรห โอว. โบว กานัม อี จืร ซาตาน, อัน แฮะ หมาณ, แตห เฌาพรา ควาง อัน เทว น็อห แม, แตห อึณ ปี เฆ ดูอี ยึอม โหงว. 32โอว ยี แฮะ ซาคึร ดาง แม, แกวะ แตห แม แวน น็อห หณึม แม, แกวะ แตห แม ชึม. เซ แม แฮะ วี บยอง น็อห, แตห แม จอย เฆ บีนอง แม, แตห บอ เฆ มึห น็อห รีด น็อห มัน.”
33อาเปตารู วี ต็อห, “อึย แม เฌา, โอว แฮะ เบลห น็อห โอว, เซ ดูอี ดี คร็อง แม แคง กาปึม, เซ เฆ ดี บอ ง็อห ยัม แม, โอว ยี ดี โดบ แม เซเซ.” 34อัน แฮะ ฮอต ต็อห ปาย ตี, เฌา เยซู วี ต็อห ดี อัน, “อาเปตารู, โอว ต็อห ดี แม, อาตึร, อาต กาตวน เอียน, แม ดี บอ กาลาง โอย เฌณ, แม ตู นับ โอว.”
35วาย อัน ตี เฌา เยซู วี ต็อห ดี เฆ ดีแบ อัน, “คา อาต โอว แฮะ ตึย เบ ฮาว ดอน โปละ, โอว ตู แตห เบ โฆ็ง ฮู บอ รึอน. โอว ตึย เบ ฮาว โดบ อึณเตณ, ตู แตห เบ มึห ดี โฆ็ง คูดีณ กาหลึอม. ดอ ฮาว เบ ปาย ตี, เบ มึห ปี ฌูด ลูด มาเซ?” เฆ วี ต็อห ดี อัน, “อาว มึห.”
36ปัน ตี เฌา เยซู วี ต็อห, “ดอ ตี นี, ดูอี อี มึห ฮู บอ รึอน, แตห อัน ดึห ฮาว. ดูอี อี ตู มึห มา ปัวะ ลาง, แตห อัน ย็อง ซีโตว อัน, จึห มา ปัวะ ลาง. 37โอว ยี ต็อห ดี เบ, ปี แดม อูน แคง บับ เฌาพรา ลอง โอว, อึณ โลว แบน โตต ปาย ตี. แคง บับ เฌาพรา อึณ ต็อห, ‘เฆ ดูอี แฮะ ต็อห ลอง อัน, อัน กอย แคง พึง เฆ ดูอี อี โบง หมาบ เซเซ.’ เฌาพรา มืร แฮะ แตห อึณ แบน ปาย ตี ดอ ตี นี.”
38เฆ ดีแบ อัน วี ต็อห ดี อัน, “แม เฌา, นี, แฮะ มึห มาปัวะ ลาง อา บลัะ.” อัน วี ต็อห, “จู แคะ ตี.”
ลอง เฌา เยซู ซาคึร แดง นอน เฮ นามัน
39วาย อัน ตี เฌา เยซู เลห แคง มืง, ฮาว ดี นอน เฮ นามัน, โดง ฮาว อัน เซเซ. เฆ ดีแบ อัน บอ ฮาว รึม โดบ อัน. 40ดอ แฮะ ตัห ฌัม อัน โดง ตึอน, เฌา เยซู ต็อห ดี ดีแบ อัน, “เบ โลว ซาคึร, แกวะ แตห เบ โดบ โบว กานัม อี กาซูห เบ โบง หมาบ.” 41วาย อัน ตี อัน เลห ฮาว โดง กอย เฆ, ฮาว กาโต็ง แคะ ปึอน วึณ มาว, ครึบเครา บอ ซาคึร. 42อัน ต็อห, “อึย ฆูณ โอว, เซ แม บอ ปึอน โบง, แตห แม ดึห แวน ดูก นี. อึณ ปี ซีลัยะ อี มึห โฆง. แกวะ แตห โอว โลว เดียง. แม ยี แกวะ โบง ปี อึง โอว, แตห แม โบง ปี อึง แม.” 43อึณ ยี มึห อามู อามาด เฌาพรา โลง แคง มืง ฆางหราว ตัห ฌัม โดง กอย อัน, จอย อัน, แตห อัน วี มึห โปลม. 44ดอ อัน ตี เฌา เยซู วี กาดูห ดูก ตาง แคง น็อห อัน. อัน บอ ซาคึร กาเซา หลึอม คา อาต. อึม ดีหมูห อี แหล ดี โดว โบ็ง อัน, อึณ กอ แบน หนาม, โจห แดง กาดาย.#22:44 บับ ดอ โฆว มัง โมยว อาว มึห กาบัก 43-44
45อัน แฮะ ฮอต ซาคึร ปาย ตี, อัน วี ยีต ฮาว โดง กอย ดีแบ อัน. อัน บอ ยึร เฆ แฮะ อีด. โคว, บอ เฆ แฮะ มึห ดูก แคง น็อห. 46ปัน ตี อัน วี ต็อห ดี เฆ, “เหมา อึณ ปาย ปี อีด เบ? แตห เบ ยีต, ซาคึร, แกวะ แตห เบ โดบ โบว กานัม อี กาซูห เบ โบง หมาบ.”
ลอง เฆ เหมต เฌา เยซู
47เฌา เยซู หณัม ดัน ฮอต กาลาง โฆรห ตี, อึณ มึห ดูอี กืน ตัห โดง ต็อห อัน ดี ฮาว. อายูดัด อี มูห อู วี แคง ดีแบ เฌา เยซู ฆึร ดี อา วี ตึอน, อัน บอ แยต ดี อาต เฆ ดูอี กืน. อายูดัด แฮะ ฌัม โดง กอย เฌา เยซู, อัน บอ อูห เฌา เยซู. 48เฌา เยซู ต็อห, “อึย อายูดัด, แม แฮะ อูห แฮะ อาบ ดูอี อี แฮะ แบน ฆอน ดูอี ดี อี เฮา?”
49เฆ ดูอี อี กอย รึม โดบ เฌา เยซู, ดอ ยึร เฆ ปี ดี โบง ดูอี เฮา ดี อัน, เฆ ต็อห, “แม เฌา, แม ซี แตห เย ดึห มาปัวะ ลาง, กาโฆห ดี ดูอี เฆ ตี?” 50ดีแบ อัน อู วี มืร แดบ โหยะ บลาก อาอัห ดา อู วี อี มูห แดเจณ ดา ตาง อี อึบ โตต ดูอี อี หลู ดี เฌาพรา.
51เฌา เยซู ยี ต็อห ดี อัน, “จู แคะ ตี.” วาย อัน ตี อัน ดึห โหยะ ดูอี ตึอน วี ปีะ แตห อึณ แกน.
52ปัน ตี เฌา เยซู กาลาง ดี เฆ ดา ตาง อี แยต เฆ ดูอี อี หลู ดี เฌาพรา บอ ดา กาณา อี โบง ฆาน ดี โฮว เฌาพรา, บอ เฆ ดา ตาง อี แฮะ ตัห เหมต อัน ตึอน. อัน ต็อห, “เบ โฆ็ง มา ปัวะ ลาง บอ อึณกรวน, ตัห ฌัม ดี นี. อึณ แหนน โอว แฮะ มูห ดูอี แยต ดา โฌน. 53โอว ยี แฮะ กอย รึม โดบ เบ แคง โฮว เฌาพรา ดอน ซีแง ดอน ซีแง. เหมา อึณ ปาย เบ ปี ตู เหมต โอว ดอ อัน ตี? ดอ ตี นี, แฮะ มูห อาคราว ดี ปึอน เบ โบง ปี ซี โบง เบ. อึณ มูห อาคราว นา ตู หมึอม, อาคราว ดี มึห อับ ว็อง ปวน ตาง.”
ลอง อาเปตารู ต็อห อัน ตู นับ เฌา เยซู
54ปัน ตี ดูอี เฆ ตึอน บอ เหมต เฌา เยซู. เฆ ตึย อัน ฌัม แคง กาง ดา ตาง อี อึบ โตต ดูอี อี หลู ดี เฌาพรา. อาเปตารู ยี ฮาว โดบ นา ปัน ยี ราม กาโต็ง. 55ดอ อัน ตี ดูอี บูด เงา นา กาแต ฆลัง นา เรต กาง ดา อี ตึอน. อาเปตารู ฮาว ตูต รึม โดบ เฆ ดูอี ตึอน, ตูต วาด เงา. 56อึณ ยี มึห อีบึณ อู วี อี มูห แดเจณ อี. อัน บอ ยึร อาเปตารู กอย วาด เงา, อัน ยอด ซีคยา อาเปตารู บอ ต็อห ดี อี เฮา, “ดูอี วี นี, บอ อัน กอย แคง พึง อาเยซู ตึอน.”
57อัน แฮะ ฮอต กาลาง, อาเปตารู วี ต็อห, “อาว มูห, โอว ตู ดึอม ยึร ดูอี ตี ดอ เหมา.”
58วาย อัน ตี อาว เหลณ, ปอ อู วี ต็อห, “บอ แม มูห ดูอี อี กอย แคง พึง เฆ ตึอน.” อาเปตารู ยี ต็อห, “อึย อีกัด, อาว มูห, อาว หมาน.”
59วาย อัน ตี กอ โนะ อู นารี, บอ อีมาย ปอ อู วี จูห ดี กาลาง ซีคยา ดี ดูอี เฮา ต็อห, “ดูอี นี, โอว แฮะ นับ ซีคยา, บอ อัน แฮะ โดบ ดูอี ตี. บอ อัน แฮะ มูห ดูอี อาโมยว ฆาลีเล.”
60อาเปตารู ยี วี ต็อห ดี อัน, “อึย อีกัด, โอว ตู นับ มาเซ ปี กาลาง แม ตี.” อาเปตารู หณัม ดัน ฮอต กาลาง โฆรห ตี, อึณ บอ มึห เอียน กาตวน อู เฌณ. 61เฌา เยซู บอ มางัห ยอด อาเปตารู. อาเปตารู วี โหลห อู เฌณ โฆรห ปี ดึอม กาลาง เฌา เยซู ดี อัน, ดอ ต็อห อัน, “อาตึร, อาต กาตวน เอียน, แม ดี บอ กาลาง โอย เฌณ, แม ตู นับ โอว.” 62วาย อัน ตี อัน เลห ฮาว โดง กอย เฆ ตึอน บอ ยาม ตาง.
ลอง เฆ ดูอี บัร เฌา เยซู
63เฆ แดเจณ อี บัร เฌา เยซู, เฆ บอ กาณัห อัน, บอ มัห อัน. 64เฆ มืร กาบีด งาย อัน, แกวะ แตห อัน ยึร. เฆ ต็อห ดี อัน, “เซ อึณ หมาน นับ แม ดอน โมยว, กาลาง ดี เย, อาเซ แฮะ มัห แม.” 65แดง ตี, เฆ บอ ต็อห แบน โมยว แบน โมยว, กาลาง นา จีจีว ดี อัน.
ลอง เฆ ตึย เฌา เยซู ดี ดา กาณา มืง
66ปา แคหณา ซีณวัห, เฆ ดา ตาง แคง อืง ยูดา บอ เฆ ดา ตาง อี แยต เฆ ดูอี อี หลู ดี เฌาพรา, บอ เฆ ดา ซารา อี มาโนว ดารา เฌาพรา, เฆ ดูอี อี ซูงพยาด อามู ตี, เฆ บอ ตัห กาฌูะ. เฆ ตึย เฌา เยซู ตัห ฌัม แคง โฮง ลาย ซังคยาง เฆ. เฆ บอ ต็อห, 67“เซ แม มูห อัน เฌา ปี ร็อห ปี ตึย เฌาพรา แตห อัน คยอด ดูอี, แตห แม กาลาง ดี เย.”
เฌา เยซู วี ต็อห ดี เฆ, “เซ โอว ดี กาลาง ดี เบ, โอว แฮะ นับ, เบ ตู หณึม โอว. 68เซ โอว ยี ดีหมอด เบ, โอว แฮะ นับ, เบ ตู วี เวียะ โฆรห โอว. 69อู ซีณ ดอ ตี นี, ดูอี อี แฮะ แบน ฆอน ดูอี, อัน ดี ปึอน ดี กอย บลาก อาอัห เฌาพรา, อี มึห ปวน ตาง.”
70เฆ พึง ดูอี อี ซูงพยาด ดารา วี ต็อห ดี เฌา เยซู, “เซ อึณ ปาย ตี, แม มูห ฆอน เฌาพรา?” “แฮะ หมาน ปี ต็อห เบ,” อัน วี ต็อห ดี เฆ.
71ปัน ตี เฆ วี ลาย กามวน, วี ต็อห, “เบ ยึร, เอ แฮะ ฮอต โทม โฆรห อี เลห แคง โมต อัน. อัน แฮะ ฮอต แคณ เฌาพรา. เอ อาว ฮู โลว ดูอี เฮา วี กาลาง ดี เอ ลอง แปะ แฮะ โบง อัน.”
S'ha seleccionat:
ลก 22: pce
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translator, Inc. All rights reserved.
ลก 22
22
ลอง อายูดัด ต็อห ดี อาบ เฌา เยซู ดี เฆ ดา ตาง
1วาย อัน ตี แฮะ ฌัม บลอย โฮม ดูอี คามูน อี ตู ฮับ ซีนัม บรัห. เฆ ดูอี บอ ต็อห, อึณ มูห บลอย โหลห เฆ เฌาพรา ดอ กาโลห อัน กาง เฆ. 2เฆ ดา ตาง อี แยต เฆ ดูอี อี หลู ดี เฌาพรา บอ เฆ ดา ซารา อี มาโนว ดารา ยูดา, เฆ ลาย ซังคยาง เหมา เฆ ดี ปาย ดี แตห เฆ ปึอน ดี ง็อห ยัม เฌา เยซู. เฆ ยี โยว ดูอี กืน. 3ดอ อัน ตี โบว กานัม อี จืร ซาตาน, อัน บอ ลึบ แคง โดว โบ็ง อายูดัด, อี จืร บอ อาซาคารีโอด, อี มูห ดูอี อู วี กาแต ดีแบ เฌา เยซู ฆึร ดี อา วี. 4อายูดัด บอ ฮาว ฌัม โดง กอย เฆ ดา ตาง อี แยต เฆ ดูอี อี หลู ดี เฌาพรา บอ เฆ ดา ตาง อี บัร โฮว เฌาพรา. อัน มืร ลาย กามวน ดี เฆ ลอง เหมา อัน ดี ปาย ดี อาบ เฌา เยซู ดี เฆ. 5เฆ ดา ตาง ตึอน บอ โคย กาเซา ลอง อัน ตี. เฆ มืร ลาย โพรม ดี ดัว รึอน ดี อายูดัด. 6อายูดัด บอ วี เหรต ปี ดี ปาย แตห อัน ปึอน ดี อาบ เฌา เยซู ดี เฆ ดา ตาง ตึอน ดอ ตู มึห ดูอี เฮา กอย รึม โดบ อัน เฌา.
ลอง เฌา เยซู โฮม รึม โบม โดบ ดีแบ อัน
7วาย อัน ตี แฮะ ฌัม ซีแง โฮม เฆ ดูอี คามูน อี ตู มึห ซีนัม บรัห. อึณ มูห ซีแง โลว หลู เฆ ฆอน มาบู, แตห เฆ โฮม รึม. 8ซีแง อัน ตี, เฌา เยซู จัร อาเปตารู ฆาย อายอฮาน ต็อห, “แตห บาย ฮาว แรน มาบู อาดา เอ, แตห เอ ปึอน ดี โฮม รึม.”
9ฆาย วี ดีหมอด อัน, “แม ดี แตห ยาย ฮาว แรน บลอย ตี นา เหมา?”
10เฌา เยซู วี ต็อห ดี ฆาย, “เซ บาย ลึบ แคง มืง, บาย ดี ยึร อีมาย อู วี, อัน ดี ฆอด กาเปา อึม. บาย โลว โดบ ดูอี ตี, บอ ลึบ แคง กาง โดง ลึบ อัน. 11แฮะ ฮอต บาย โลว กาลาง ดี ดา กาณา กาง ต็อห, ‘อึย ดา, ดา ซารา ยาย แตห ยาย หมาณ, แตห แม ดัว โฮง ดี โฮม บลอย โหลห เอ เฌาพรา ดอ กาโลห อัน กาง อี. บอ อัน บอ ดีแบ อัน โลว โฮม รึม.’ บาย ฮี ฮอต ต็อห ปาย ตี, 12ดา กาณา กาง ตึอน, อัน ดี แตห บาย ลึบ แคง โฮง ตาง อี กอย คร็อง แดง. แฮะ ฮอต, บาย โลว แรน ปี ดี โฮม เอ แคง โฮง ตี.”
13แฮะ ฮอต กาลาง, ฆาย อา วี บอ ฮาว บอ ยึร โตต ดอน โมยว ปี กาลาง เฌา เยซู ดี ฆาย. วาย อัน ตี ฆาย วี แรน บลอย ตึอน ดี ตี.
14ดอ แฮะ ฌัม อาคราว ดี โลว โฮม, เฌา เยซู บอ ตัห ตูต ดี มาตีณ. บอ เฆ ดูอี ปี ร็อห ปี ตึย เฌา เยซู กอย รึม โดบ อัน. 15อัน วี ต็อห ดี เฆ, “โอว แฮะ ซี กอย กาเซา รึม โดบ เบ, โฮม บลอย ตี อาต โลว คัม โอว ดูก. 16โอว ต็อห ดี เบ, โอว ตู วี โฮม บลอย ตี อาต ดี โบง ฮอต โอว ดอน โมยว ปี ดี โลว โบง โอว, อาต กอย โอว แคง มืง ปี อึบ เฌาพรา.”
17วาย อัน ตี อัน บอ ดึห ซีลัยะ, บอ กาลาง ฆูง เฆฌู ดี เฌาพรา. อัน ต็อห, “แตห เบ ดึห ซีลัยะ นี. แตห เบ ดอน อี เดียง. 18โอว ต็อห ดี เบ, อู ซีณ ดอ ตี นี, กอ ฌัม อาคราว ดี อึบ เฌาพรา กาดาย, โอว อาว ฮู เดียง อึม มางูน.”
19ปัน ตี อัน บอ ดึห คามูน, กาลาง ฆูง เฆฌู ดี เฌาพรา. อัน บอ กาบัก คามูน, ดัว ดี เฆ. อัน บอ ต็อห ดี เฆ, “นี, อึณ มูห โดว โบ็ง โอว. โอว ดี อาบ โดว โบ็ง โอว ดาง เบ. เบ โลว โฮม คามูน นี, แตห เบ โหลห แปะ แฮะ โบง โอว ดาง เบ.”
20เฆ แฮะ ฮอต โฮม, อัน บอ ดึห ซีลัยะ ปาย ตี. อัน ต็อห, “ซีลัยะ นี, อึณ มูห หนาม โอว อี เลห โตต แคง โดว โบ็ง โอว ดาง เบ. อึณ บยัะ กาดีก ซัดฌา กามาย ปี ดัว เฌาพรา ดี เบ. 21แตห เบ ยี ยอด, ดูอี ดี อาบ โอว ดี รันซู โอว, อัน แฮะ กอย โฮม รึม โดบ โอว. บอ อัน แฮะ เบลห แด อัน แดง มาตีณ นี. 22แฮะ หมาน, แคะ ควาง เฌาพรา เฆ โบง, เฆ ดี โบง ดอน โมยว ดี โอว อี แฮะ แบน ฆอน ดูอี. อึณ ยี มูห ดูอี อี ดี อาบ โอว ตี, อัน ดี ฌัม ดูก ตาง อาคาคัร.” 23เฆ ดีแบ อัน ลาย กามวน กาแต เฆ, ดูอี ดี ยัะ โบง ปี กาลาง เฌา เยซู ตี, อัน มูห อาเซ.
24ปัน ตี เฆ ดีแบ อัน วี ลาย กาลาง นา กาแต เฆ, อาเซ แฮะ ตาง หลึอม อี เฮา. 25เฌา เยซู ต็อห ดี เฆ, “คูนดีคัม อี อึบ ดูอี อาโมยว เฮา, เฆ ตา ปวน เฆ แตห เฆ อึบ ดูอี บอ โบง แตห อึณ ดูก ดี อี. เฆ ดูอี อี อึบ อี เฮา, เฆ ซี แตห อี เฮา แดะ เฆ ต็อห ‘ดา อี มึห น็อห ดีฮาง, นับ ดี จอย ดูอี.’ 26อึณ ยี มูห เบ, เบ ตู โลว โบง ปาย ตี. อาเซ ซี แบน ดา ตาง อี อึบ ดูอี เฮา, แตห อัน แบน ปี วา ดอน อี. อาเซ แฮะ แบน ดา กาณา อี อึบ ดูอี, แตห อัน แบน ปี แดเจณ อี, แตห อัน จอย ดอน อี. 27เซ อึณ มูห ดูอี อี ตูต โฮม, อัน ตาง หลึอม ดูอี อี อ็อห โบม บอ ลึมลา ดูอี อี กอย โฮม. อึณ ยี มูห เบ, เบ โลว โดบ โอว. ดอ กอย รึม โอว โดบ เบ, โอว แฮะ แบน แดเจณ เบ. 28ดอ ฌัม โอว ดูก ดอน โมยว เบ แฮะ กอย รึม โดบ โอว เซเซ. 29ฆูณ โอว แฮะ แตห โอว อึบ มืง ปี อึบ อัน. ปาย ตี, โอว ดี บอ แตห เบ แบน ดา ตาง แคง มืง ปี อึบ โอว. 30เบ ดี ปึอน กอย โฮม รึม โดบ โอว แคง มืง ปี อึบ โอว. เบ ดี บอ กอย นา แดง มาลาง, ซูงพยาด ดารา ดี เฆ ฆึร ดี อา ครึร แคง ดูอี อาโมยว อีซาเรลัะ.”
31วาย อัน ตี อัน วี ต็อห, “อึย อาซีโมน, แตห แม โทม โฆรห โอว. โบว กานัม อี จืร ซาตาน, อัน แฮะ หมาณ, แตห เฌาพรา ควาง อัน เทว น็อห แม, แตห อึณ ปี เฆ ดูอี ยึอม โหงว. 32โอว ยี แฮะ ซาคึร ดาง แม, แกวะ แตห แม แวน น็อห หณึม แม, แกวะ แตห แม ชึม. เซ แม แฮะ วี บยอง น็อห, แตห แม จอย เฆ บีนอง แม, แตห บอ เฆ มึห น็อห รีด น็อห มัน.”
33อาเปตารู วี ต็อห, “อึย แม เฌา, โอว แฮะ เบลห น็อห โอว, เซ ดูอี ดี คร็อง แม แคง กาปึม, เซ เฆ ดี บอ ง็อห ยัม แม, โอว ยี ดี โดบ แม เซเซ.” 34อัน แฮะ ฮอต ต็อห ปาย ตี, เฌา เยซู วี ต็อห ดี อัน, “อาเปตารู, โอว ต็อห ดี แม, อาตึร, อาต กาตวน เอียน, แม ดี บอ กาลาง โอย เฌณ, แม ตู นับ โอว.”
35วาย อัน ตี เฌา เยซู วี ต็อห ดี เฆ ดีแบ อัน, “คา อาต โอว แฮะ ตึย เบ ฮาว ดอน โปละ, โอว ตู แตห เบ โฆ็ง ฮู บอ รึอน. โอว ตึย เบ ฮาว โดบ อึณเตณ, ตู แตห เบ มึห ดี โฆ็ง คูดีณ กาหลึอม. ดอ ฮาว เบ ปาย ตี, เบ มึห ปี ฌูด ลูด มาเซ?” เฆ วี ต็อห ดี อัน, “อาว มึห.”
36ปัน ตี เฌา เยซู วี ต็อห, “ดอ ตี นี, ดูอี อี มึห ฮู บอ รึอน, แตห อัน ดึห ฮาว. ดูอี อี ตู มึห มา ปัวะ ลาง, แตห อัน ย็อง ซีโตว อัน, จึห มา ปัวะ ลาง. 37โอว ยี ต็อห ดี เบ, ปี แดม อูน แคง บับ เฌาพรา ลอง โอว, อึณ โลว แบน โตต ปาย ตี. แคง บับ เฌาพรา อึณ ต็อห, ‘เฆ ดูอี แฮะ ต็อห ลอง อัน, อัน กอย แคง พึง เฆ ดูอี อี โบง หมาบ เซเซ.’ เฌาพรา มืร แฮะ แตห อึณ แบน ปาย ตี ดอ ตี นี.”
38เฆ ดีแบ อัน วี ต็อห ดี อัน, “แม เฌา, นี, แฮะ มึห มาปัวะ ลาง อา บลัะ.” อัน วี ต็อห, “จู แคะ ตี.”
ลอง เฌา เยซู ซาคึร แดง นอน เฮ นามัน
39วาย อัน ตี เฌา เยซู เลห แคง มืง, ฮาว ดี นอน เฮ นามัน, โดง ฮาว อัน เซเซ. เฆ ดีแบ อัน บอ ฮาว รึม โดบ อัน. 40ดอ แฮะ ตัห ฌัม อัน โดง ตึอน, เฌา เยซู ต็อห ดี ดีแบ อัน, “เบ โลว ซาคึร, แกวะ แตห เบ โดบ โบว กานัม อี กาซูห เบ โบง หมาบ.” 41วาย อัน ตี อัน เลห ฮาว โดง กอย เฆ, ฮาว กาโต็ง แคะ ปึอน วึณ มาว, ครึบเครา บอ ซาคึร. 42อัน ต็อห, “อึย ฆูณ โอว, เซ แม บอ ปึอน โบง, แตห แม ดึห แวน ดูก นี. อึณ ปี ซีลัยะ อี มึห โฆง. แกวะ แตห โอว โลว เดียง. แม ยี แกวะ โบง ปี อึง โอว, แตห แม โบง ปี อึง แม.” 43อึณ ยี มึห อามู อามาด เฌาพรา โลง แคง มืง ฆางหราว ตัห ฌัม โดง กอย อัน, จอย อัน, แตห อัน วี มึห โปลม. 44ดอ อัน ตี เฌา เยซู วี กาดูห ดูก ตาง แคง น็อห อัน. อัน บอ ซาคึร กาเซา หลึอม คา อาต. อึม ดีหมูห อี แหล ดี โดว โบ็ง อัน, อึณ กอ แบน หนาม, โจห แดง กาดาย.#22:44 บับ ดอ โฆว มัง โมยว อาว มึห กาบัก 43-44
45อัน แฮะ ฮอต ซาคึร ปาย ตี, อัน วี ยีต ฮาว โดง กอย ดีแบ อัน. อัน บอ ยึร เฆ แฮะ อีด. โคว, บอ เฆ แฮะ มึห ดูก แคง น็อห. 46ปัน ตี อัน วี ต็อห ดี เฆ, “เหมา อึณ ปาย ปี อีด เบ? แตห เบ ยีต, ซาคึร, แกวะ แตห เบ โดบ โบว กานัม อี กาซูห เบ โบง หมาบ.”
ลอง เฆ เหมต เฌา เยซู
47เฌา เยซู หณัม ดัน ฮอต กาลาง โฆรห ตี, อึณ มึห ดูอี กืน ตัห โดง ต็อห อัน ดี ฮาว. อายูดัด อี มูห อู วี แคง ดีแบ เฌา เยซู ฆึร ดี อา วี ตึอน, อัน บอ แยต ดี อาต เฆ ดูอี กืน. อายูดัด แฮะ ฌัม โดง กอย เฌา เยซู, อัน บอ อูห เฌา เยซู. 48เฌา เยซู ต็อห, “อึย อายูดัด, แม แฮะ อูห แฮะ อาบ ดูอี อี แฮะ แบน ฆอน ดูอี ดี อี เฮา?”
49เฆ ดูอี อี กอย รึม โดบ เฌา เยซู, ดอ ยึร เฆ ปี ดี โบง ดูอี เฮา ดี อัน, เฆ ต็อห, “แม เฌา, แม ซี แตห เย ดึห มาปัวะ ลาง, กาโฆห ดี ดูอี เฆ ตี?” 50ดีแบ อัน อู วี มืร แดบ โหยะ บลาก อาอัห ดา อู วี อี มูห แดเจณ ดา ตาง อี อึบ โตต ดูอี อี หลู ดี เฌาพรา.
51เฌา เยซู ยี ต็อห ดี อัน, “จู แคะ ตี.” วาย อัน ตี อัน ดึห โหยะ ดูอี ตึอน วี ปีะ แตห อึณ แกน.
52ปัน ตี เฌา เยซู กาลาง ดี เฆ ดา ตาง อี แยต เฆ ดูอี อี หลู ดี เฌาพรา บอ ดา กาณา อี โบง ฆาน ดี โฮว เฌาพรา, บอ เฆ ดา ตาง อี แฮะ ตัห เหมต อัน ตึอน. อัน ต็อห, “เบ โฆ็ง มา ปัวะ ลาง บอ อึณกรวน, ตัห ฌัม ดี นี. อึณ แหนน โอว แฮะ มูห ดูอี แยต ดา โฌน. 53โอว ยี แฮะ กอย รึม โดบ เบ แคง โฮว เฌาพรา ดอน ซีแง ดอน ซีแง. เหมา อึณ ปาย เบ ปี ตู เหมต โอว ดอ อัน ตี? ดอ ตี นี, แฮะ มูห อาคราว ดี ปึอน เบ โบง ปี ซี โบง เบ. อึณ มูห อาคราว นา ตู หมึอม, อาคราว ดี มึห อับ ว็อง ปวน ตาง.”
ลอง อาเปตารู ต็อห อัน ตู นับ เฌา เยซู
54ปัน ตี ดูอี เฆ ตึอน บอ เหมต เฌา เยซู. เฆ ตึย อัน ฌัม แคง กาง ดา ตาง อี อึบ โตต ดูอี อี หลู ดี เฌาพรา. อาเปตารู ยี ฮาว โดบ นา ปัน ยี ราม กาโต็ง. 55ดอ อัน ตี ดูอี บูด เงา นา กาแต ฆลัง นา เรต กาง ดา อี ตึอน. อาเปตารู ฮาว ตูต รึม โดบ เฆ ดูอี ตึอน, ตูต วาด เงา. 56อึณ ยี มึห อีบึณ อู วี อี มูห แดเจณ อี. อัน บอ ยึร อาเปตารู กอย วาด เงา, อัน ยอด ซีคยา อาเปตารู บอ ต็อห ดี อี เฮา, “ดูอี วี นี, บอ อัน กอย แคง พึง อาเยซู ตึอน.”
57อัน แฮะ ฮอต กาลาง, อาเปตารู วี ต็อห, “อาว มูห, โอว ตู ดึอม ยึร ดูอี ตี ดอ เหมา.”
58วาย อัน ตี อาว เหลณ, ปอ อู วี ต็อห, “บอ แม มูห ดูอี อี กอย แคง พึง เฆ ตึอน.” อาเปตารู ยี ต็อห, “อึย อีกัด, อาว มูห, อาว หมาน.”
59วาย อัน ตี กอ โนะ อู นารี, บอ อีมาย ปอ อู วี จูห ดี กาลาง ซีคยา ดี ดูอี เฮา ต็อห, “ดูอี นี, โอว แฮะ นับ ซีคยา, บอ อัน แฮะ โดบ ดูอี ตี. บอ อัน แฮะ มูห ดูอี อาโมยว ฆาลีเล.”
60อาเปตารู ยี วี ต็อห ดี อัน, “อึย อีกัด, โอว ตู นับ มาเซ ปี กาลาง แม ตี.” อาเปตารู หณัม ดัน ฮอต กาลาง โฆรห ตี, อึณ บอ มึห เอียน กาตวน อู เฌณ. 61เฌา เยซู บอ มางัห ยอด อาเปตารู. อาเปตารู วี โหลห อู เฌณ โฆรห ปี ดึอม กาลาง เฌา เยซู ดี อัน, ดอ ต็อห อัน, “อาตึร, อาต กาตวน เอียน, แม ดี บอ กาลาง โอย เฌณ, แม ตู นับ โอว.” 62วาย อัน ตี อัน เลห ฮาว โดง กอย เฆ ตึอน บอ ยาม ตาง.
ลอง เฆ ดูอี บัร เฌา เยซู
63เฆ แดเจณ อี บัร เฌา เยซู, เฆ บอ กาณัห อัน, บอ มัห อัน. 64เฆ มืร กาบีด งาย อัน, แกวะ แตห อัน ยึร. เฆ ต็อห ดี อัน, “เซ อึณ หมาน นับ แม ดอน โมยว, กาลาง ดี เย, อาเซ แฮะ มัห แม.” 65แดง ตี, เฆ บอ ต็อห แบน โมยว แบน โมยว, กาลาง นา จีจีว ดี อัน.
ลอง เฆ ตึย เฌา เยซู ดี ดา กาณา มืง
66ปา แคหณา ซีณวัห, เฆ ดา ตาง แคง อืง ยูดา บอ เฆ ดา ตาง อี แยต เฆ ดูอี อี หลู ดี เฌาพรา, บอ เฆ ดา ซารา อี มาโนว ดารา เฌาพรา, เฆ ดูอี อี ซูงพยาด อามู ตี, เฆ บอ ตัห กาฌูะ. เฆ ตึย เฌา เยซู ตัห ฌัม แคง โฮง ลาย ซังคยาง เฆ. เฆ บอ ต็อห, 67“เซ แม มูห อัน เฌา ปี ร็อห ปี ตึย เฌาพรา แตห อัน คยอด ดูอี, แตห แม กาลาง ดี เย.”
เฌา เยซู วี ต็อห ดี เฆ, “เซ โอว ดี กาลาง ดี เบ, โอว แฮะ นับ, เบ ตู หณึม โอว. 68เซ โอว ยี ดีหมอด เบ, โอว แฮะ นับ, เบ ตู วี เวียะ โฆรห โอว. 69อู ซีณ ดอ ตี นี, ดูอี อี แฮะ แบน ฆอน ดูอี, อัน ดี ปึอน ดี กอย บลาก อาอัห เฌาพรา, อี มึห ปวน ตาง.”
70เฆ พึง ดูอี อี ซูงพยาด ดารา วี ต็อห ดี เฌา เยซู, “เซ อึณ ปาย ตี, แม มูห ฆอน เฌาพรา?” “แฮะ หมาน ปี ต็อห เบ,” อัน วี ต็อห ดี เฆ.
71ปัน ตี เฆ วี ลาย กามวน, วี ต็อห, “เบ ยึร, เอ แฮะ ฮอต โทม โฆรห อี เลห แคง โมต อัน. อัน แฮะ ฮอต แคณ เฌาพรา. เอ อาว ฮู โลว ดูอี เฮา วี กาลาง ดี เอ ลอง แปะ แฮะ โบง อัน.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translator, Inc. All rights reserved.