Yuxan Kitap haqqında maǵlıwmat
Kitap haqqında maǵlıwmat
Bul kitap Jańa Kelisimdegi tórt Xosh Xabardıń tórtinshisi. Bul Xosh Xabardı elshi Yuxan jazǵan. Onıń ózi kitapta jazılǵan kóp waqıyalardıń gúwası bolǵan. Yuxannıń bul Xosh Xabardı jazǵandaǵı maqseti adamlardıń Iysanıń Qutqarıwshı Masiyx ekenine iseniwinen hám bul arqalı ómirge erisiwinen ibarat edi (20:31).
Bul kitap ázelden bar bolǵan Sóz haqqında maǵlıwmat penen baslanadı. Iláhiy Sóz dúnya jaratılmastan aldın bar bolǵan. Ne jaratılǵan bolsa, hámmesi Sóz arqalı payda bolǵan. Qudaydıń Sózi adam bolıp tuwıldı, Ol Iysa Masiyx edi. Iysa Masiyx qarańǵılıqqa batıp ketken bul dúnyaǵa ómir nurı bolıp keldi. Masiyxqa isengen hár bir adam aspandaǵı Ákeni tanıp aladı hám máńgi ómirge iye boladı.
Iysa Masiyx adamlarǵa Óziniń kimligin túsindiriw ushın hár túrli súwretlewlerdi paydalanadı. Ol Ózin «ómir nanı», «ómir beretuǵın tiri bulaq», «dúnyanıń nurı», «jaqsı shopan», «jol, haqıyqat hám ómir», «haqıyqıy júzim aǵashı» hám «adamlardı aqırette qayta tiriltiwshi, olarǵa ómir beriwshi» dep ataydı.
Kitaptıń 13–17-baplarında Iysanıń Óz shákirtlerine qılǵan ǵamxorlıǵına, Ustaz hám shákirtleri arasındaǵı múnásibetke itibar beriledi. Kitaptıń keyingi baplarında Iysanıń qolǵa alınıwı, azaplanıwı, óltiriliwi hám tiriliwi haqqındaǵı waqıyalar orın alǵan (18–21-baplar). Kitap Iysa tirilgennen soń bir neshe márte shákirtlerine kóringeni haqqındaǵı waqıyalar menen tamamlanadı.
S'ha seleccionat:
Yuxan Kitap haqqında maǵlıwmat: QrqMK22
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Институт перевода Библии, 2022