Jovane 8
8
Džuvli sava dolde ki preljuba
1O Isus đelo ko Maslinsko brego. 2A sabalin palem avilo ano Hram thaj sa e manuša ćidije pe paše leste. Vov bešlo thaj lija te sikavol len. 3Tegani e učitelja tare Mojsijaso zakon thaj e fariseja ande ke leste džuvlja savi doldi ani preljuba. Čute la maškar e manuša 4thaj vaćarde lese: “Učitelju! Kaja džuvli si doldi kana ćerda preljuba. 5O Mojsije ano Zakon naredisada gasave džuvljen te mudara barencar. So vaćare tu?” 6Kava vaćarde te bi iskušina le, sar te avol len paše so te banđaren le.
Al o Isus čučnisada tele thaj pisisada najesa pi phuv. 7A sar ni ačhade e učitelja tare Mojsijaso zakon thaj e fariseja te pučen le, vov uspravisajlo thaj vaćarda lenđe: “Ko si maškar tumende bizo greh, angleder nek čhudol pe late o bar.” 8Palem čučnisada thaj pisisada ki phuv.
9Kana von gova šunde, lije te džan gothar jekh pale avereste. Angleder lije te džan e po purane. Gija gothe ačhilo samo o Isus e džuvljasa so sasa ko maškar.
10Tegani o Isus uspravisajlo thaj pučlja la: “Džuvlije! Kaj si kala? Nijekh ni osudisada tut?”
11Voj phenda: “Nijekh, Gospode!”
Gija o Isus vaćarda laće: “Ni me ni osudiv tut. Dža thaj ma vadži greši!”]#8,11 Ke empurane grčka rukopisura tare Jovaneso lil kala stihura ni ačhen.
O Isus si svetlo e svetoso
12Pale gova o Isus pale phenda e manušenđe: “Me sem svetlo e svetoso. Ko džal pale mande, nikad ni ka phirol ano kalipe, al ka avol le svetlost savo inđarol ano džuvdipe.”
13Tegani vaćarde lese e fariseja: “Tu korkoro tuće svedoči. Ćiro svedočanstvo naj dovoljno.”
14O Isus phenda lenđe: “Thaj te svedočiv korkoro mandar, dovoljno si mingro svedočanstvo, golese kaj džanav kotar avav thaj kaj džav. Al tumen ni džanen kotar avav thaj kaj džav. 15Tumen sudin palo manušikano merilo, al me ni sudiv khanikase. 16Al čak i te sudisadem, mingro sudo si čačukano, golese kaj ni sudiv korkoro, nego si mancar o Dad savo bičhalda man. 17A i ane tumaro Zakon ačhol pisimo kaj o svedočanstvo si dovoljno ako duj svedokura vaćarde isto. 18Me svedočiv korkoro mandar thaj manđe svedočil o Dad savo bičhalda man.”
19Tegani pučlje le: “Kaj si ćiro dad?”
O Isus phende lenđe: “Tumen ni džanen ko sem me, pa ni džanen ni ko si mingro Dad. Kana bi džanena man, bi džanena i le.” 20Kala lafura o Isus vaćarda kana sikada e manušen ano Hram paše kutije kaj ćidena pe e pare. Thaj khoni ni dolda le golese kaj vadži ni avilo leso sato.
E Jevreja ni pačan e Isuse
21O Isus palem vaćarda lenđe: “Me džav thaj tumen ka roden man thaj ka meren ane tumaro greh. Kaj me džav, odori tumen našti aven.”
22Tegani e Jevrejska šorutne lije te pučen pe: “Te ni manđol te mudarol pe kana gija vaćarol: ‘Kaj me džav, odori tumen našti aven’?”
23O Isus vaćarda lenđe: “Tumen sen tare telune, a me sem tare uprune. Tumen sen tare kava sveto, al me naj sem tare kava sveto. 24Golese vaćardem tumenđe kaj ka meren ane tumare grehura. Ako ni ka pačan kaj Me Sem,#8,24 “Me Sem” si alav savesa o Dol korkoro pes akharol ano Purano Savez. ka meren ane tumare grehura.”
25Tegani pučlje le: “Ko san tu?”
O Isus vaćarda lenđe: “Me sem kova so taro anglunipe vaćarav tumenđe. 26But isi man so bi šajine te vaćarav tumendar pe tumari osuda. Kova savo bičhalda man si čačukano thaj me vaćarav samo kale svetose so šundem Lestar.” 27Al von ni haljarde kaj vaćarda lenđe taro Dad.
28Golese o Isus vaćarda lenđe: “Kana ka vazden e Čhave e Manušese, tegani ka džanen kaj Me Sem thaj korkoro mandar khanči ni ćerav, nego vaćarav gija sar sikada man o Dad. 29Thaj Kova so bičhalda man si mancar. Ni ačhada man korkore, golese kaj me ćerav kova so si lese šukar.”
30Kana kava o Isus vaćarda, but džene pačaje ane leste.
O čačipe ka oslobodil tumen
31Tegani vaćarda o Isus kole Jevrejenđe save pačaje ane leste: “Ako tumen ačhen ano mingro sikajipe, čače sen mingre sikade. 32Thaj ka pindžaren o čačipe thaj o čačipe ka oslobodil tumen.”
33A e Jevreja phende lese: “Amen sam potomkura e Avraamese thaj nikase nikad ni sama robura. Sar šaj te vaćare: ‘Ka aven oslobodime’?”
34O Isus phenda lenđe: “Čače, čače, vaćarav tumenđe: dži jekh ko ćerol greh, si robo e grehose. 35O robo ni ačhol ani familija zauvek, al o čhavo ačhol zauvek. 36Te oslobodisada tumen o Čhavo, čače ka aven oslobodime. 37Džanav kaj sen potomkura e Avraamese. Al tumen dičhen te mudaren man, golese kaj ane tumare ile naj than mingre lafese. 38Me vaćarav gova so sikada manđe o Dad thaj tumen ćeren kova so phenda tumenđe tumaro dad.”
39Von vaćarde lese: “Amaro dad si o Avraam.”
O Isus phenda lenđe: “Te aven čhave e Avraamese, bi ćerena gova so ćerda o Avraam. 40Al mesto gova tumen akana dičhen te mudaren man, samo golese so vaćardem tumenđe čačipe savo šundem taro Dol. O Avraam nikad ni ćerda gija! 41Tumen ćeren e buća tumare dadese.”
Tegani vaćarde lese: “Amen naj sam bijande tari preljuba. Jekh dad isi amen, o Dol!”
E benđese čhave
42O Isus vaćarda lenđe: “Kana bi avola o Dol tumaro dad, manđena bi i man golese kaj me ikliljem taro Dol thaj akana sem akari. Me ni aviljem korkoro mandar, nego vov bičhalda man. 43Sose našti haljaren so vaćarav tumenđe? Golese so našti trpin mingro lafi. 44Tumaro dad si o beng thaj tumen manđen te ćeren kova so vov manđol. Vov sasa taro anglunipe kova savo mudarol thaj ni ićarol pe po čačipe, golese kaj ane leste naj khanči čačipe. Kana xoxavol, vov sikavol piro čačukano muj golese kaj si xoxavno thaj si dad e xoxaimaso. 45Al golese kaj me čačipe vaćarav, tumen ni pačan man. 46Ko tumendar šaj dokažil manđe jekh greh? Te vaćardem čačipe, sose ni pačan man? 47Ko si taro Dol, šunol e Devlese lafura. Tumen ni šunen golese kaj naj sen taro Dol.”
O Isus thaj o Avraam
48E Jevreja pučlje le: “Ni li šukar vaćara kaj san Samarijanco thaj o beng si ane tute?”
49O Isus vaćarda: “Ane mande naj beng, nego me poštujiv mingre Dade a tumen man ni poštuin. 50Me ni rodav slava manđe – isi khoni savo rodol la thaj savo sudil. 51Čače, čače vaćarav tumenđe: ko ićarol pe ke mingro lafi, nikad ni ka dičhol o meripe.”
52Tegani vaćarde lese e Jevreja: “Akana džana kaj si o beng ane tute. O Avraam mulo thaj gija i e prorokura, a tu vaćare: ‘Ko ićarol pe ke mingro lafi, nikad ni ka dičhol o meripe.’ 53Tu li san po baro tare amaro dad o Avraam, savo mulo? Thaj e prorokura mule. So tu de gođi, ko san tu?”
54O Isus phenda lenđe: “Te slavisadem man korkore, mingri slava khanči ni vredil. Al man proslavil mingro Dad, savese tumen vaćaren kaj si tumaro Dol. 55Iako tumen ni pindžaren le, me pindžarav le. Te vaćardem kaj ni pindžarav le, bi avava xoxavno sar tumen. Al me pindžarav le thaj ke leso Lafi ićarav man. 56O Avraam, tumaro dad, radujisajlo so ka dičhol mingro avipe. Thaj dikhlja le thaj radujisada pe.”
57Tegani e Jevreja vaćarde lese: “Vadži naj tut pinda berš, a vaćare kaj dikhljan e Avraame?”
58O Isus phenda lenđe: “Čače, čače vaćarav tumenđe: angleder nego so bijandilo o Avraam, Me Sem!”
59Tegani lije e bara thaj manglje te čhuden len pe leste, al o Isus garadilo thaj iklilo taro Hram.
S'ha seleccionat:
Jovane 8: GSP
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió