लुका 13
13
पश्चाताप कोरु नि ती मोरू
1तिनी टेमे काहनास माणसे आव लाग्या, एने तीनु साते चू गलील मायला वाते कोरणे बाज गोया जिंदरो लुय पिलात तिंदरात बलिदान साते भेसकलु होतु. 2यो सोमवीन तीनुक चू जोवाबमा यो कोयू, “काय तुमु सोमजतला कि ये गलील एने आखा गलीली गोथा जादा पापी होता कि तिंदरे पोर ओसो संकट पोळ्यो? 3मे तुमु काजे कोयो कि नी बाकीन अगर तुमु मोन नि फिरावे ती तुमु आखा बी इना रितीसी नाश होय जासू. 4नीती, काय तुमु सोमोजतेला कि चे आठरा जोना जीनुपोर सिलोहोन टावर पोळ्यु, एने चे डाबायीन मोर गोया यरुशलेम मायला एने आखा रोयने वावा गोथा जादा गुणावा होता? 5मे तुमु काजे कोयो कि नी; बाकीन अगर तुमु मोन नि फिरावे ती तुमु आखा बी इना रितीसी नाश होय जासू.”
बिना फोव वावु गुलोरोन झाड
6ओवतेन येसु यु दाखलु बी कोयू “काहनास आंगुरोन वाळीमा एक गुलोरोन झाड लागाळलो होतो चु तीनामा फोव हेरने आव्यु, बाकीन नि जोळ्यो. 7ती चू वाळीन राखवाव काजे कोयू, ‘देख, तीन साल मे इना गुलोरोन झाडोमा फोव हेरने आवतेलु, बाकीन नि जोळतलो इना काजे काट दे कि यो जागा काजे काहा रुक रोये?’ 8चू तीनाक जोवाब आप्यू, ‘हे मालिक, इनाक इने साल ओवी रोयने दे कि मे एरे चारू धोळे खोंदीन खोत घाल. 9अगर ओगो फोवे ती भोलो, नीती तीनाक काट देजी.’”
कुबळी बायोर काजे वारू करनो
10दितवारोन दाहळे चू एक प्रार्थना घोरोमा सिकाळतू होतु. 11चा एक बायोर होती तिनीक आठरा सालोसी एक कोमजुर कोरणे वावी भुंडली आत्मा लागली होती, एने ची कुबळी होय गोयली होती एने काहनात रितीसी सुदी नि होय सोकती होती. 12येसु तिनीक देखीन बुलाव्यू एने कोयू, “हे बायर, तू तारी कोमजूरीसी छुट गोयी.” 13तेत्यार चू तिनी पोर हात मेक्यू, एने ची तेत्यारुत सुदी होय गोयी एने परमेश्वरोन महिमा कोरणे बाज गोयी. 14इनान कोरता कि येसु शब्बाथोन दाहळे तिनीक वारू कोरलु होतु, प्रार्थना घोरोन सरदार रीसवायीन माणसो काजे कोयने बाज गोयू, “छोव, दाहळा छे जीनुमा काम कोरनो जुवे, आखरी तीनुत दाहळामा आवीन वारू होये, बाकीन शब्बाथोन दाहळे नी.” 15यो सोमवीन प्रभू जोवाब आप्यू, “हे दोगावा, काय शब्बाथोन दाहळे तुमरे मायीन आखा जोना आपना बुल्योक एने गोदळा काजे जागा पोर गोथा छुळीन पाणी पावणे नि लीजातला?” 16“ती काय वारू नि होतो कि ची बायर जी अब्राहामन बेटीस छे जीनीक भुतडू आठरा सालोसी बांदीन मेक रोयू होतु, शब्बाथोन दाहळे इना बंधनमा गोथी छुळवाय जाय?” 17जेतार येसु ये वाते कोयू, ती तेरा आखा दुष्मोन लाजवाय गोया, एने आखी भीळ तिनी महिमान कामो पोरसी जो चू कोरतू होतु, खुश होय गोया.
राईन दाना एने खमिरोन दाखलू
(मत्ती 13:31-33; मरकुस 4:30-32)
18एने येसु कोयू, “परमेश्वरोन राज कुनी सारको छे? एने मे तेरो नाव कुनी सारको आपो? 19चो राईन दाना सारको छे, जीनाक एक माणूस लीन आपनी वाळीमा वेऱ्यु; एने चो वोदीन झाड बोन गोयो; एने सोरग मायला चिल्ला तेरा डाव्या पोर पुतरा बांद्या.” 20चू ओवी कोयू, “मे परमेश्वरोन राजोन नाव कुनी सारको आपो? 21चो खमीर सारको छे, जीना काजे एक बाय लीन तीन माप पिठामा भेसक्यू, एने बोनतु-बोनतु आखू पिठू खमीर बोन गोयू.”
साकळू झोपलु
22येसु सोहोर-सोहोरोमा, एने गाव-गावमा जायीन सिकाळतू जायीन यरुशलेम भूनी जातू होतु, 23ती काहनुस एक जोनू तीना काजे पुछु, “हे प्रभू, काय छुटकारू लेणे वावा थुलाक छे?” चू तीनुक कोयू, 24“साकेळला झोपलामा गोथा जानेन कोशिश कोरु, काहाकि मे तुमु काजे कोयो कि घोन सोवटा जानेन कोरसे, एने नि जाय सोके.” 25जेतार घोरोन मालिक उठीन झोपलू बोंद कोर लेदू होसे, एने तुमु बारथे उबरोयीन झोपलू ठूकीन कोयसू, “हे प्रभू, आमरेन कोरता उगाळ दे,” एने चू जोवाब आपसे, “मे तुमु काजे नि उवेखतलु, तुमु का वावा छे?” 26तेत्यार तुमु कोयसू, “आमु तारे सामने खादला-पिदला एने तू आमरा हाटोमा सिकाळतलु.” 27बाकीन चू कोयसे, “मे तुमु काजे कोयो, मे नि उवेखतलु तुमु का गोथा छे हे अधोरमोन कामे कोरणे वावा तुमु आखा मारेंचा गोथा छेटा होयू.” 28चा रोडणो एने दात कोकळावनो होसे; जेतार तुमु अब्राहाम एने इसाहाक एने याकुब एने आखा भविष्य कोरता काजे परमेश्वरोन राजमा बोस रोयला, एने आपना खुदो काजे बारथे निकावला देखसु. 29एने पुरब एने पच्छिम; उत्तर एने दक्षिण गोथा माणसे आवीन परमेश्वरोन राजमा खाणेन भागीदार होयसे. 30एने देखू, “काहनास पोछला छे चे पेहेला होयसे, एने काहनास जे पेहेला छे, चे पोछला होयसे.”
हेरोदोन दुष्मोनी
(मत्ती 23:37-39)
31तिनी टेमे काहनास फरुशी आवीन तीना काजे कोया, “न्या गोथू निकवीन जात रोय काहाकि हेरोद तुसेक मारनेन कोर रोयू.” 32येसु तीनुक कोयू, “जायीन तीना कुल्या काजे कोय देवू कि देख, मे आज एने वाहाणे भुंडली आत्मा-काजे निकावो एने बिमारी वावा काजे वारू कोरो, एने तिसरे दाहळे आपनो काम पुरो कोरीस.” 33ते बी मेसेक आज एने वाहाने एने पोनदाहळे चालनो जोरुरी छे, काहाकि होय नी सोकतलो कि काहनुस भविष्य कोरता यरुशलेमोन बारथे माराय जाय.
यरुशलेमोन कोरता झगळू
34“हे यरुशलेमोन माणसे, हे यरुशलेमोन माणसे, तु जू भविष्य कोरता काजे मार नाखतलू, एने जे तारेनचा मुकेलला छे तिंदरे पोर दोगळ मार कोरतेलू कोतरा कावा मेसेक लागतो होतो कि जोसी कुकळी आपना पीच्या काजे आपना पाखळा तोवे एखठा कोरतेली, तोसुच मे बी तारा पुऱ्या काजे एखठा कोरो, बाकीन तुमुक यो नि गोवतो. 35देखू, तुमरा घोरे तुमरेन कोरता उजाळ्या छुळ देतला, एने मे तुमु काजे कोयो जेतार तोक तुमु नी कोये, ‘सोयावा छे चे, जे प्रभून नावोसी आवतेला छे,’ तेत्यार तोक तुमु मेसेक ओवी कोबी नी देखे.”
S'ha seleccionat:
लुका 13: BFBNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.