यूहन्ना 19
19
कोड़ा मारतोर आउर मजाक उड़ातोर
1ऐ थाने पिलातुस ईशु के कोड़ा मरालो। 2पलटनमन काटामन चो मुकुट गुतुन भाती हुनचो मुण्ड उपरे संगाला, आउर हुनके बयंजनी फटीई पिन्दाला, 3आउर हुनचो लगे ऐऊन-ऐऊन भाती बल्ला, “हे यहूदीमन चो राजा, जुहार!” आउर हुनके थापड़ बले मारला। 4तेबे पिलातुस फेर बाहरे निकरून भाती लोगमन ले बल्लो, “दका, मय हुनके तुमचो लगे फेर बाहरे आने से; बल्ले तुमी जाना कि मय हुनचो ने काई बले दोष नी पायें।”
कुरूस उपरे चेगातो काजे सोपतोर
5तेबे ईशु काटामन चो मुकुट आउर बयंजनी फटीई पिन्दुन भाती बाहरे निकरलो आउर पिलातुस हुनमन ले बल्लो, “दका, ऐ माने!” 6जिदलदाय परधान याजकमन आउर जगवारमन हुनके दकला, तेबे चिचयाऊन भाती बल्ला, “हुनके कुरूस थाने चेगाव, कुरूस थाने!” पिलातुस हुनमन ले बल्लो, “तुमी ची हुनके धरून भाती कुरूस थाने चेगाहा, कसनबल्लोने मय हुनचो ने काई दोष नी पायें।” 7यहूदीमन हुनके जबाप दिला, “आमचो बले नियम आसे आउर हुन नियम चो अनुसार हुन मारा जातोर लायक आय कसनबल्लोने हुन आपन खुद के माहापुरू चो बेटा बनालो।” 8जिदलदाय पिलातुस ऐ गोठ सुनलो तेबे आउर बले डरून गेलो, 9आउर फेर किला चो भीतरे गेलो आउर ईशु ले बल्लो, “तुय काहां चो आस?” मान्तर ईशु हुनके काई बले जबाप नी दिलो। 10ऐ थाने पिलातुस हुनचो ले बल्लो, “मोचो ले केंव नी गोठयाईस? काय तुय नी जानीस कि तुके छांडुन देतोर अधिकार मोके आसे, आउर तुके कुरूस थाने चेगातोर चो बले मोके अधिकार आसे।” 11ईशु जबाप दिलो, “अगर तुके उपर ले नी दिया जाति, तो तुचो मोचो उपरे काई अधिकार नी होती; ऐईकाजे जोन मोके तुचो हाथे धरालो से हुनचो पाप जुगे आय।” 12ऐ थाने पिलातुस हुनके छांडुन देतोर चाहा लो, मान्तर यहूदीमन चिचयाऊन-चिचयाऊन भाती बल्ला, “‘अगर तुय ऐके छांडुन दे से, तो तुचो भक्ति राजा चो बाटे निआय। जोन कोनी आपन खुद के राजा बनाऊ आय हुन राजा चो सामना करू आय।’ 13ऐ गोठमन सुनुन भाती पिलातुस ईशु के बाहरे आनलो आउर हुन जगा गोटक चबुतरा रये जोन इब्रानी ने ‘गब्बता’ बलाया जाऊ आय, आउर हुता नियाय आसन थाने बसलो। 14हुन फसह चो तिआरी चो दिन रये, आउर छठवां घंटा चो लग-भग रये। तेबे हुन यहूदीमन ले बल्लो, ‘दका तुमचो राजा!’ 15मान्तर हुनमन चिचयाला, ‘निआ! निआ! हुनके कुरूस थाने चेगावा!’ पिलातुस हुनमन ले बल्लो, ‘काय मय तुमचो राजा के कुरूस थाने चेगाऊ आय?’ परधान याजकमन जबाप दिला, ‘राजा के छांडुन आमचो आउर कोनी राजा निआत।’” 16तेबे हुन हुनके हुनमन चो हाथे सोपलो कि हुन कुरूस थाने चेगाया जाओ।
कुरूस उपरे चेगाय जातोर
17“तेबे हुनमन ईशु के धरून नीला, आउर हुन आपलो कुरूस के उठाऊन भाती हुन जगा लगले बाहरे गेलो, जोन ‘खोपड़ी चो जगा’ बलाया जाऊ आय आउर इब्रानी ने ‘गुलगुता’।” 18हुन थाने हुनमन हुनके आउर हुनचो संगे आउर दुय झान मानेमन के कुरूस थाने चेगाला, गोटक के ऐ पाट आउर गोटक के हुनपाट, आउर मंजारे ईशु के। 19पिलातुस गोटक दोष पतर लिकुन भाती कुरूस ने लगालो आउर हुन थाने, लिकलोर रये, “ईशु नासरी, यहूदीमन चो राजा।” 20ऐ दोष चिठ्ठी खुबे असन यहूदीमन पड़ला, कसनबल्लोने हुन जगा जोन थाने ईशु कुरूस ने चेगाया जाऊ रलो नंगर चो लगे रये आउर चिठ्ठी इब्रानी आउर लतीनी आउर यूनानी ने लिका जाऊ रये। 21तेबे यहूदीमन चो परधान याजकमन पिलातुस के बल्ला, “‘यहूदीमन चो राजा’ नी लिक मान्तर ऐ कि ‘हुन बल्लो, मय यहूदीमन चो राजा आय’।” 22पिलातुस जबाप दिलो, “मय जोन लिकुन दिले, हुन लिकुन दिले।” 23जिदलदाय पलटन ईशु के कुरूस थाने चेगाला, तेबे हुनचो फटीई के धरून चार भाग करला, सपाय पलटन चो काजे गोटक भाग, आउर कुड़ता बले धरला, मान्तर कुड़ता नी सिललोर उपर ले खाले तक बुनलोर रये। 24ऐईकाजे हुनमन आपस ने बल्ला, “आमी ऐके नी चिरू, मान्तर ऐ थाने चिठ्ठी डालु कि ऐ कोचो होये दे।” ऐ ऐईकाजे होली कि पवितर शास्त्र ने जोन बोला गेली हुन पुरा होओ, “हुनमन मोचो फटीई आपस ने बाटला आउर मोचो फटीई थाने चिठ्ठी डालला।”
ईशु चो आपलो आया काजे बेवस्था
25आउर पलटनमन असने ची करला। ईशु चो कुरूस लगे हुनचो आया, आउर हुनचो आया चो भईन, क्लोपास चो बायले मरियम, आउर मरियम मगदलीनी उबा रवत। 26जिदलदाय ईशु आपलो आया, आउर हुन चेला के जेचो ले हुन मया संगाते रलो लगे उबा दकलो तेबे आपलो आया ले बल्लो, “हे बायले लेकी, दक, ऐ तुचो बेटा आय।” 27तेबे हुन चेला ले बल्लो, “ऐ तुचो आया आय।” आउर हुनी समया ले हुन चेला हुनके आपलो घर ने नीलो।
काममन चो पुरा होतोर
28ऐचो पाचे ईशु ऐ जानुन भाती कि अदायं सपाय काई पुरा होऊन गेली, ऐईकाजे कि पवितर शास्त्र ने जोन बोला गेली हुन पुरा होओ, बल्लो, “मय पिआस आंसे।” 29हुता सिरका ले भरलोर गोटक बरतन रली, आउर हुनमन सिरका ले भिजालो बिती कापस के झुफा थाने संगाऊन भाती हुनचो मुंह ले लगाला। 30जिदलदाय ईशु हुन सिरका धरलो, तेबे बल्लो, “पुरा होली”; आउर मुण्ड लुआऊन भाती जीव छांडलो।
भाला ले भुसतोर
31ऐईकाजे कि हुन तिआरी चो दिन रये, यहूदीमन पिलातुस ले गुहार करला कि हुनचो पाँयमन टुटाऊन दिया जाओ आउर हुनमन उतराया जाओ, बल्ले सब्त चो दिने हुनमन कुरूसमन थाने नी रवत, कसनबल्लोने हुन सब्त चो दिन बड़े दिन रये। 32आउर पलटनमन ऐऊन भाती हुन मानेमन थानले पयले तो पाँयमन टुटाला तेबे दुसर चो बले, जोन हुनचो संगे कुरूसमन थाने चेगाया जाऊ रवत; 33मान्तर जिदलदाय ईशु चो लगे ऐऊन भाती दकला कि हुन मरलो से, तेबे हुनचो पाँयमन नी टुटाला। 34मान्तर पलटनमन थानले गोटक बरछा ले हुनचो पांजरा के छेदलो, आउर हुन थानले तुरते लऊ आउर पानी निकरली। 35जोन बले ऐ दकला, हुन गोहई दिलो से आउर हुनचो गोहई सत आय; आउर हुन जाने से कि हुन सत बोलु आय कि तुमी बले बिश्वास करा। 36ऐ गोठमन ऐईकाजे होली कि पवितर शास्त्र ने जोन बोला गेली हुन पुरा होओ, “हुनचो कोनी हाड़ा टुटाया नी जाय दे।” 37फेर गोटक दुसर जगा ने ऐ लिकलोर आसे, “जोन के हुनमन भेदला सोत, हुनचो उपरे हुनमन नंजरा दे।”
यूसुफ चो कबर ने ईशु चो लाश के तोपतोर
38ऐ गोठमन चो पाचे अरिमतिया चो यूसुफ जोन ईशु चो चेला रये, मान्तर यहूदीमन चो डर ले ऐ गोठ के लुकाऊन संगालो, पिलातुस ले गुहार करलो कि काय हुन ईशु चो लाश नेऊक सके। पिलातुस हुनचो बिनती सुनलो, आउर हुन ऐऊन भाती हुनचो लाश नीलो। 39नीकुदेमुस बले, जोन पयले ईशु चो लगे रात ने जाऊ रलो, पचास सेर चो लग-भग मीसरा बिती गंदरस आउर एलवा धरून आनलो। 40तेबे हुनमन ईशु चो लाश धरला, आउर यहूदीमन चो तोपतोर रीति अनुसार हुनके बास देतो बिती तेल चो संगे मोड़ा फटीई ने गुन्ड़ीयाला। 41हुन जगा ने जोन थाने ईशु कुरूस ने चेगाया जाऊ रलो, गोटक बनवाड़ी रली, आउर हुन बनवाड़ी ने गोटक नवा कबर रली जोन थाने केबीई कोनी नी संगाऊ रला। 42ऐईकाजे यहूदीमन चो तिआरी चो दिन चो कारन हुनमन ईशु के हुनी थाने संगाला, कसनबल्लोने हुन कबर लगे रली।
S'ha seleccionat:
यूहन्ना 19: HLBNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Halbi Bible by The Love Fellowship is licensed under Creative Commons Attribution-ShareAlike 4.0 License.
यूहन्ना 19
19
कोड़ा मारतोर आउर मजाक उड़ातोर
1ऐ थाने पिलातुस ईशु के कोड़ा मरालो। 2पलटनमन काटामन चो मुकुट गुतुन भाती हुनचो मुण्ड उपरे संगाला, आउर हुनके बयंजनी फटीई पिन्दाला, 3आउर हुनचो लगे ऐऊन-ऐऊन भाती बल्ला, “हे यहूदीमन चो राजा, जुहार!” आउर हुनके थापड़ बले मारला। 4तेबे पिलातुस फेर बाहरे निकरून भाती लोगमन ले बल्लो, “दका, मय हुनके तुमचो लगे फेर बाहरे आने से; बल्ले तुमी जाना कि मय हुनचो ने काई बले दोष नी पायें।”
कुरूस उपरे चेगातो काजे सोपतोर
5तेबे ईशु काटामन चो मुकुट आउर बयंजनी फटीई पिन्दुन भाती बाहरे निकरलो आउर पिलातुस हुनमन ले बल्लो, “दका, ऐ माने!” 6जिदलदाय परधान याजकमन आउर जगवारमन हुनके दकला, तेबे चिचयाऊन भाती बल्ला, “हुनके कुरूस थाने चेगाव, कुरूस थाने!” पिलातुस हुनमन ले बल्लो, “तुमी ची हुनके धरून भाती कुरूस थाने चेगाहा, कसनबल्लोने मय हुनचो ने काई दोष नी पायें।” 7यहूदीमन हुनके जबाप दिला, “आमचो बले नियम आसे आउर हुन नियम चो अनुसार हुन मारा जातोर लायक आय कसनबल्लोने हुन आपन खुद के माहापुरू चो बेटा बनालो।” 8जिदलदाय पिलातुस ऐ गोठ सुनलो तेबे आउर बले डरून गेलो, 9आउर फेर किला चो भीतरे गेलो आउर ईशु ले बल्लो, “तुय काहां चो आस?” मान्तर ईशु हुनके काई बले जबाप नी दिलो। 10ऐ थाने पिलातुस हुनचो ले बल्लो, “मोचो ले केंव नी गोठयाईस? काय तुय नी जानीस कि तुके छांडुन देतोर अधिकार मोके आसे, आउर तुके कुरूस थाने चेगातोर चो बले मोके अधिकार आसे।” 11ईशु जबाप दिलो, “अगर तुके उपर ले नी दिया जाति, तो तुचो मोचो उपरे काई अधिकार नी होती; ऐईकाजे जोन मोके तुचो हाथे धरालो से हुनचो पाप जुगे आय।” 12ऐ थाने पिलातुस हुनके छांडुन देतोर चाहा लो, मान्तर यहूदीमन चिचयाऊन-चिचयाऊन भाती बल्ला, “‘अगर तुय ऐके छांडुन दे से, तो तुचो भक्ति राजा चो बाटे निआय। जोन कोनी आपन खुद के राजा बनाऊ आय हुन राजा चो सामना करू आय।’ 13ऐ गोठमन सुनुन भाती पिलातुस ईशु के बाहरे आनलो आउर हुन जगा गोटक चबुतरा रये जोन इब्रानी ने ‘गब्बता’ बलाया जाऊ आय, आउर हुता नियाय आसन थाने बसलो। 14हुन फसह चो तिआरी चो दिन रये, आउर छठवां घंटा चो लग-भग रये। तेबे हुन यहूदीमन ले बल्लो, ‘दका तुमचो राजा!’ 15मान्तर हुनमन चिचयाला, ‘निआ! निआ! हुनके कुरूस थाने चेगावा!’ पिलातुस हुनमन ले बल्लो, ‘काय मय तुमचो राजा के कुरूस थाने चेगाऊ आय?’ परधान याजकमन जबाप दिला, ‘राजा के छांडुन आमचो आउर कोनी राजा निआत।’” 16तेबे हुन हुनके हुनमन चो हाथे सोपलो कि हुन कुरूस थाने चेगाया जाओ।
कुरूस उपरे चेगाय जातोर
17“तेबे हुनमन ईशु के धरून नीला, आउर हुन आपलो कुरूस के उठाऊन भाती हुन जगा लगले बाहरे गेलो, जोन ‘खोपड़ी चो जगा’ बलाया जाऊ आय आउर इब्रानी ने ‘गुलगुता’।” 18हुन थाने हुनमन हुनके आउर हुनचो संगे आउर दुय झान मानेमन के कुरूस थाने चेगाला, गोटक के ऐ पाट आउर गोटक के हुनपाट, आउर मंजारे ईशु के। 19पिलातुस गोटक दोष पतर लिकुन भाती कुरूस ने लगालो आउर हुन थाने, लिकलोर रये, “ईशु नासरी, यहूदीमन चो राजा।” 20ऐ दोष चिठ्ठी खुबे असन यहूदीमन पड़ला, कसनबल्लोने हुन जगा जोन थाने ईशु कुरूस ने चेगाया जाऊ रलो नंगर चो लगे रये आउर चिठ्ठी इब्रानी आउर लतीनी आउर यूनानी ने लिका जाऊ रये। 21तेबे यहूदीमन चो परधान याजकमन पिलातुस के बल्ला, “‘यहूदीमन चो राजा’ नी लिक मान्तर ऐ कि ‘हुन बल्लो, मय यहूदीमन चो राजा आय’।” 22पिलातुस जबाप दिलो, “मय जोन लिकुन दिले, हुन लिकुन दिले।” 23जिदलदाय पलटन ईशु के कुरूस थाने चेगाला, तेबे हुनचो फटीई के धरून चार भाग करला, सपाय पलटन चो काजे गोटक भाग, आउर कुड़ता बले धरला, मान्तर कुड़ता नी सिललोर उपर ले खाले तक बुनलोर रये। 24ऐईकाजे हुनमन आपस ने बल्ला, “आमी ऐके नी चिरू, मान्तर ऐ थाने चिठ्ठी डालु कि ऐ कोचो होये दे।” ऐ ऐईकाजे होली कि पवितर शास्त्र ने जोन बोला गेली हुन पुरा होओ, “हुनमन मोचो फटीई आपस ने बाटला आउर मोचो फटीई थाने चिठ्ठी डालला।”
ईशु चो आपलो आया काजे बेवस्था
25आउर पलटनमन असने ची करला। ईशु चो कुरूस लगे हुनचो आया, आउर हुनचो आया चो भईन, क्लोपास चो बायले मरियम, आउर मरियम मगदलीनी उबा रवत। 26जिदलदाय ईशु आपलो आया, आउर हुन चेला के जेचो ले हुन मया संगाते रलो लगे उबा दकलो तेबे आपलो आया ले बल्लो, “हे बायले लेकी, दक, ऐ तुचो बेटा आय।” 27तेबे हुन चेला ले बल्लो, “ऐ तुचो आया आय।” आउर हुनी समया ले हुन चेला हुनके आपलो घर ने नीलो।
काममन चो पुरा होतोर
28ऐचो पाचे ईशु ऐ जानुन भाती कि अदायं सपाय काई पुरा होऊन गेली, ऐईकाजे कि पवितर शास्त्र ने जोन बोला गेली हुन पुरा होओ, बल्लो, “मय पिआस आंसे।” 29हुता सिरका ले भरलोर गोटक बरतन रली, आउर हुनमन सिरका ले भिजालो बिती कापस के झुफा थाने संगाऊन भाती हुनचो मुंह ले लगाला। 30जिदलदाय ईशु हुन सिरका धरलो, तेबे बल्लो, “पुरा होली”; आउर मुण्ड लुआऊन भाती जीव छांडलो।
भाला ले भुसतोर
31ऐईकाजे कि हुन तिआरी चो दिन रये, यहूदीमन पिलातुस ले गुहार करला कि हुनचो पाँयमन टुटाऊन दिया जाओ आउर हुनमन उतराया जाओ, बल्ले सब्त चो दिने हुनमन कुरूसमन थाने नी रवत, कसनबल्लोने हुन सब्त चो दिन बड़े दिन रये। 32आउर पलटनमन ऐऊन भाती हुन मानेमन थानले पयले तो पाँयमन टुटाला तेबे दुसर चो बले, जोन हुनचो संगे कुरूसमन थाने चेगाया जाऊ रवत; 33मान्तर जिदलदाय ईशु चो लगे ऐऊन भाती दकला कि हुन मरलो से, तेबे हुनचो पाँयमन नी टुटाला। 34मान्तर पलटनमन थानले गोटक बरछा ले हुनचो पांजरा के छेदलो, आउर हुन थानले तुरते लऊ आउर पानी निकरली। 35जोन बले ऐ दकला, हुन गोहई दिलो से आउर हुनचो गोहई सत आय; आउर हुन जाने से कि हुन सत बोलु आय कि तुमी बले बिश्वास करा। 36ऐ गोठमन ऐईकाजे होली कि पवितर शास्त्र ने जोन बोला गेली हुन पुरा होओ, “हुनचो कोनी हाड़ा टुटाया नी जाय दे।” 37फेर गोटक दुसर जगा ने ऐ लिकलोर आसे, “जोन के हुनमन भेदला सोत, हुनचो उपरे हुनमन नंजरा दे।”
यूसुफ चो कबर ने ईशु चो लाश के तोपतोर
38ऐ गोठमन चो पाचे अरिमतिया चो यूसुफ जोन ईशु चो चेला रये, मान्तर यहूदीमन चो डर ले ऐ गोठ के लुकाऊन संगालो, पिलातुस ले गुहार करलो कि काय हुन ईशु चो लाश नेऊक सके। पिलातुस हुनचो बिनती सुनलो, आउर हुन ऐऊन भाती हुनचो लाश नीलो। 39नीकुदेमुस बले, जोन पयले ईशु चो लगे रात ने जाऊ रलो, पचास सेर चो लग-भग मीसरा बिती गंदरस आउर एलवा धरून आनलो। 40तेबे हुनमन ईशु चो लाश धरला, आउर यहूदीमन चो तोपतोर रीति अनुसार हुनके बास देतो बिती तेल चो संगे मोड़ा फटीई ने गुन्ड़ीयाला। 41हुन जगा ने जोन थाने ईशु कुरूस ने चेगाया जाऊ रलो, गोटक बनवाड़ी रली, आउर हुन बनवाड़ी ने गोटक नवा कबर रली जोन थाने केबीई कोनी नी संगाऊ रला। 42ऐईकाजे यहूदीमन चो तिआरी चो दिन चो कारन हुनमन ईशु के हुनी थाने संगाला, कसनबल्लोने हुन कबर लगे रली।
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Halbi Bible by The Love Fellowship is licensed under Creative Commons Attribution-ShareAlike 4.0 License.