यूहन्ना 20
20
मेलाय कबर
1सपता चो पईल दिने मरियम मगदलीनी बड़े बिहाने अंधार रते ची कबर ने ईला, आउर पकना के कबर ले गुचलोर दकला। 2तेबे हुन पराला आउर शिमोन पतरस आउर हुन दुसर चेलामन चो लगे जेचो ले ईशु मया संगाते रलो, ऐऊन भाती बल्ला, “हुनमन परबु के कबर थानले निकराऊन नीला से, आउर आमी नी जानु कि हुनके काहां संगाला से।” 3तेबे पतरस आउर हुन दुसर चेला निकरून भाती कबर चो बाटे गेला। 4हुनमन दुनो संगे-संगे पराते रवत, मान्तर दुसर चेला पतरस ले पयले बडुन भाती कबर थाने पयले अमरलो; 5आउर लोऊन भाती फटीई पड़लोर दकलो, तेबले बले हुन भितरे नी गेलो। 6तेबे शिमोन पतरस हुनचो पाट-पाट अमरलो, आउर कबर चो भीतरे गेलो आउर फटीई पड़लोर दकलो; 7आउर हुन ओंगची जोन हुनचो मुण्ड ले बान्दलोर रये, फटीईमन चो संगे पड़लोर नाई, मान्तर अलगे गोटक जगा लेपटून भाती संगालोर दकलो। 8तेबे दुसर चेला बले जोन कबर ने पयले पहुँचुन रये, भीतरे गेलो आउर दकुन भाती बिश्वास करलो। 9हुनमन तो ऐबले पवितर शास्त्र चो हुन गोठ नी समजु रवत कि हुनके मरलो बितामन थानले जीव उठुक पड़े दे। 10तेबे ऐ चेलामन आपलो घरे लेवटून गेला।
मरियम मगदलीनी के दरशन
11मान्तर मरियम गागते-गागते कबर चो लगे ची बहारे उबा रली, आउर गागते-गागते कबर बाटे लोऊन भाती, 12दुय सरग दूतमन के उजर फटीई पिन्दलोर गोटक के मुण्ड बाटे आउर दुसर के पाँय बाटे बोसलोर दकली, जोन थाने ईशु चो लाश संगालोर रली। 13हुनमन हुनचो ले बल्ला, “हे बायले लेकी, तुय केंव गागे सीस?” हुन हुनमन ले बल्ली, “हुनमन मोचो परबु के उठाऊन धरून गेला आउर मय नी जाने कि हुनके काहां संगाला से।” 14ऐ बोलुन भाती हुन पाटे उलटली आउर ईशु के उबा दकली, मान्तर नी चिताली कि ऐ ईशु आय। 15ईशु हुनके बल्लो, “हे बायले लेकी, तुय केंव गागे सीस? काके डगराय सीस?” हुन माली समजुन भाती हुनचो ले बल्ली, “हे मालिक, अगर तुय हुनके उठाऊन निली सीस तो मोके सांग कि हुनके काहां संगाली सीस, आउर मय हुनके धरून जायें दें।” 16ईशु हुनके बल्लो, “मरियम!” हुन पाटे पलटून भाती हुनचो ले इब्रानी ने बल्लो, “रब्बूनी!” बल्लोने “हे गुरू।” 17ईशु हुनचो ले बल्लो, “मोके नी छिंव, कसनबल्लोने मय ऐबे ले बुआ चो लगे उपरे नी गेले से, मान्तर मोचो भाईमन चो लगे जाऊन भाती हुनमन ले बोलुन देस, कि मय आपलो बुआ आउर तुमचो बुआ, आउर आपलो माहापुरू आउर तुमचो माहापुरू चो लगे उपरे जाये से।” 18मरियम मगदलीनी जाऊन भाती चेलामन के सांगली, “मय परबु के दकले, आउर हुन मोचो ले ऐ गोठमन बल्लो।”
चेलामन चो मंजी ने ईशु चो परकट होतोर
19हुनी दिने जोन सपता चो पयला दिन रये, सांज चो समया जिदलदाय हुता चो बाट जाहां चेलामन रवत, यहूदीमन चो डर चो मारे बंद रये, तेबे ईशु ईलो आउर हुनमन चो मंजी उबा होऊन भाती हुनमन ले बल्लो, “तुमके शान्ति मिरो।” 20आउर ऐ बोलुन भाती हुन आपलो हाथ आउर आपलो पंजरा हुनमन के दकालो। तेबे चेलामन परबु के दकुन भाती हरिक होला। 21ईशु फेर हुनमन ले बल्लो, “तुमके शान्ति मिरो; जसन बुआ मोके पठालो से, असने ची मय बले तुमके पटायें से।” 22ऐ बोलुन भाती हुन हुनमन चो उपरे फुक लो आउर हुनमन ले बल्लो, “पवितर आत्मा धरा। 23जोनमन चो पाप तुमी छमा करा, हुनमन-हुनमन चो काजे छमा करा गेला से, जेचो तुमी संगाहा, हुनमन संगाया गेली से।”
दकतोर आउर बिश्वास करतोर
24मान्तर बारो थानले गोटक, बल्लोने थोमा जोन दिदुमुस बलाया जाऊ आय, जिदलदाय ईशु ईलो तेबे हुनमन संगे नी रये। 25जिदलदाय दुसर चेलामन हुनचो ले बोलुक मुरयाला, “आमी परबु के दकलु से,” तेबे हुन हुनमन ले बल्लो, “जिदलदाय ले मय हुनचो हाथमन ने खिला चो छेदा नी दकें, आउर खिला चो छेदामन ने आपलो अंडकी नी डाले, आउर हुनचो पंजरा ने आपलो हाथ नी डाले, हुदलदाय ले मय बिश्वास नी करें दें।” 26आंट दिन चो पाचे हुनचो चेलामन फेर घर चो भीतरे रवत, आउर थोमा हुनमन चो संगे रये; आउर कपाट बंद रये, तेबे ईशु ईलो आउर हुनमन चो मंजी ने उबा होऊन भाती बल्लो, “तुमके शान्ति मिरो।” 27तेबे हुन थोमा ले बल्लो, “आपलो अंडकी ऐथा आनुन भाती मोचो हाथमन ने दक आउर आपलो हाथ आनुन भाती मोचो पंजरा ने डाल, आउर अबिश्वासी नाई मान्तर बिश्वासी हो।” 28ऐ सुनुन थोमा जबाप दिलो, “हे मोचो परबु, हे मोचो माहापुरू!” 29ईशु हुनचो ले बल्लो, “तुय मोके दकली सीस, काय ऐईकाजे बिश्वास करली सीस? धन्य हुनमन आत जोनमन बिन दके बिश्वास करला।”
ऐ किताब यूहन्ना केंव लिकलो
30ईशु आउर बले खुबे असन चिना चेलामन चो पुरे दकालो, जोन ऐ किताब ने लिका नी गेली से; 31मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।
S'ha seleccionat:
यूहन्ना 20: HLBNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Halbi Bible by The Love Fellowship is licensed under Creative Commons Attribution-ShareAlike 4.0 License.
यूहन्ना 20
20
मेलाय कबर
1सपता चो पईल दिने मरियम मगदलीनी बड़े बिहाने अंधार रते ची कबर ने ईला, आउर पकना के कबर ले गुचलोर दकला। 2तेबे हुन पराला आउर शिमोन पतरस आउर हुन दुसर चेलामन चो लगे जेचो ले ईशु मया संगाते रलो, ऐऊन भाती बल्ला, “हुनमन परबु के कबर थानले निकराऊन नीला से, आउर आमी नी जानु कि हुनके काहां संगाला से।” 3तेबे पतरस आउर हुन दुसर चेला निकरून भाती कबर चो बाटे गेला। 4हुनमन दुनो संगे-संगे पराते रवत, मान्तर दुसर चेला पतरस ले पयले बडुन भाती कबर थाने पयले अमरलो; 5आउर लोऊन भाती फटीई पड़लोर दकलो, तेबले बले हुन भितरे नी गेलो। 6तेबे शिमोन पतरस हुनचो पाट-पाट अमरलो, आउर कबर चो भीतरे गेलो आउर फटीई पड़लोर दकलो; 7आउर हुन ओंगची जोन हुनचो मुण्ड ले बान्दलोर रये, फटीईमन चो संगे पड़लोर नाई, मान्तर अलगे गोटक जगा लेपटून भाती संगालोर दकलो। 8तेबे दुसर चेला बले जोन कबर ने पयले पहुँचुन रये, भीतरे गेलो आउर दकुन भाती बिश्वास करलो। 9हुनमन तो ऐबले पवितर शास्त्र चो हुन गोठ नी समजु रवत कि हुनके मरलो बितामन थानले जीव उठुक पड़े दे। 10तेबे ऐ चेलामन आपलो घरे लेवटून गेला।
मरियम मगदलीनी के दरशन
11मान्तर मरियम गागते-गागते कबर चो लगे ची बहारे उबा रली, आउर गागते-गागते कबर बाटे लोऊन भाती, 12दुय सरग दूतमन के उजर फटीई पिन्दलोर गोटक के मुण्ड बाटे आउर दुसर के पाँय बाटे बोसलोर दकली, जोन थाने ईशु चो लाश संगालोर रली। 13हुनमन हुनचो ले बल्ला, “हे बायले लेकी, तुय केंव गागे सीस?” हुन हुनमन ले बल्ली, “हुनमन मोचो परबु के उठाऊन धरून गेला आउर मय नी जाने कि हुनके काहां संगाला से।” 14ऐ बोलुन भाती हुन पाटे उलटली आउर ईशु के उबा दकली, मान्तर नी चिताली कि ऐ ईशु आय। 15ईशु हुनके बल्लो, “हे बायले लेकी, तुय केंव गागे सीस? काके डगराय सीस?” हुन माली समजुन भाती हुनचो ले बल्ली, “हे मालिक, अगर तुय हुनके उठाऊन निली सीस तो मोके सांग कि हुनके काहां संगाली सीस, आउर मय हुनके धरून जायें दें।” 16ईशु हुनके बल्लो, “मरियम!” हुन पाटे पलटून भाती हुनचो ले इब्रानी ने बल्लो, “रब्बूनी!” बल्लोने “हे गुरू।” 17ईशु हुनचो ले बल्लो, “मोके नी छिंव, कसनबल्लोने मय ऐबे ले बुआ चो लगे उपरे नी गेले से, मान्तर मोचो भाईमन चो लगे जाऊन भाती हुनमन ले बोलुन देस, कि मय आपलो बुआ आउर तुमचो बुआ, आउर आपलो माहापुरू आउर तुमचो माहापुरू चो लगे उपरे जाये से।” 18मरियम मगदलीनी जाऊन भाती चेलामन के सांगली, “मय परबु के दकले, आउर हुन मोचो ले ऐ गोठमन बल्लो।”
चेलामन चो मंजी ने ईशु चो परकट होतोर
19हुनी दिने जोन सपता चो पयला दिन रये, सांज चो समया जिदलदाय हुता चो बाट जाहां चेलामन रवत, यहूदीमन चो डर चो मारे बंद रये, तेबे ईशु ईलो आउर हुनमन चो मंजी उबा होऊन भाती हुनमन ले बल्लो, “तुमके शान्ति मिरो।” 20आउर ऐ बोलुन भाती हुन आपलो हाथ आउर आपलो पंजरा हुनमन के दकालो। तेबे चेलामन परबु के दकुन भाती हरिक होला। 21ईशु फेर हुनमन ले बल्लो, “तुमके शान्ति मिरो; जसन बुआ मोके पठालो से, असने ची मय बले तुमके पटायें से।” 22ऐ बोलुन भाती हुन हुनमन चो उपरे फुक लो आउर हुनमन ले बल्लो, “पवितर आत्मा धरा। 23जोनमन चो पाप तुमी छमा करा, हुनमन-हुनमन चो काजे छमा करा गेला से, जेचो तुमी संगाहा, हुनमन संगाया गेली से।”
दकतोर आउर बिश्वास करतोर
24मान्तर बारो थानले गोटक, बल्लोने थोमा जोन दिदुमुस बलाया जाऊ आय, जिदलदाय ईशु ईलो तेबे हुनमन संगे नी रये। 25जिदलदाय दुसर चेलामन हुनचो ले बोलुक मुरयाला, “आमी परबु के दकलु से,” तेबे हुन हुनमन ले बल्लो, “जिदलदाय ले मय हुनचो हाथमन ने खिला चो छेदा नी दकें, आउर खिला चो छेदामन ने आपलो अंडकी नी डाले, आउर हुनचो पंजरा ने आपलो हाथ नी डाले, हुदलदाय ले मय बिश्वास नी करें दें।” 26आंट दिन चो पाचे हुनचो चेलामन फेर घर चो भीतरे रवत, आउर थोमा हुनमन चो संगे रये; आउर कपाट बंद रये, तेबे ईशु ईलो आउर हुनमन चो मंजी ने उबा होऊन भाती बल्लो, “तुमके शान्ति मिरो।” 27तेबे हुन थोमा ले बल्लो, “आपलो अंडकी ऐथा आनुन भाती मोचो हाथमन ने दक आउर आपलो हाथ आनुन भाती मोचो पंजरा ने डाल, आउर अबिश्वासी नाई मान्तर बिश्वासी हो।” 28ऐ सुनुन थोमा जबाप दिलो, “हे मोचो परबु, हे मोचो माहापुरू!” 29ईशु हुनचो ले बल्लो, “तुय मोके दकली सीस, काय ऐईकाजे बिश्वास करली सीस? धन्य हुनमन आत जोनमन बिन दके बिश्वास करला।”
ऐ किताब यूहन्ना केंव लिकलो
30ईशु आउर बले खुबे असन चिना चेलामन चो पुरे दकालो, जोन ऐ किताब ने लिका नी गेली से; 31मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Halbi Bible by The Love Fellowship is licensed under Creative Commons Attribution-ShareAlike 4.0 License.