M. Yohana 7
7
1LOMBA pavuli pa ivi Yesu enzonyungula mGalilaya: pakuti ekanonyungula mu Yudaya chikomo Ayuda esakompaya. 2Lomba siku likuru la Ayuda, ilo la misasa, lenze pafupi. 3Teti akwaŵo emuuzya, Fumaponi, nkoyani ku Yudaya kuti asambili ŵanu naŵo soti akaŵone milimo imuchita. 4Pakuti paliye muntu ochita kantu kunsei na mwine osakoziŵikwa pasweta. Kati muchita ivi mkaliŵonesye pasweta pa charo cha pansi. 5Pakuti chukanga akwaŵo aliyomzomera. 6Teti Yesu eŵanenera, Nsita yangu ikaliyekuza; sembe nsita yanu ni yowamizyatu nsiku zyonse. 7Charo cha pansi sichingampateni, sembe neo chunipata panuchichitira untoni wakuti milimo ya chine ni iipa. 8Nkoyani mweo ku siku likuru: neo siniyako lomba ku siku ili likuru, nsita yangu paikaliyosilizika. 9Naye akalaŵire naŵo ivi akalunkala pa Galilaya.
10Lomba pamene akwaŵo akaye ku siku likuru pamene apo echiya naye soti, nte pasweta sembe nga ni kunsei. 11Teti Ayuda emsakasaka pa siku likuru nonena, Ali kuni? 12Pa maumba penze mang'ung'unzilo akuru a yeve: ayake echiti, Ni muntu muweme; ayake echiti, Si tetyo, lomba oŵaluvisya maumba. 13Lomba paliye muntu elaŵira pasweta zyake poŵayopa Ayuda.
14Lomba pepenze pakati pa masiku akuru echiyoloŵa mchipupilo nosambizya. 15Teti Ayuda ni pechizizwa echiti, Uyu oziŵa tyani vizemba pakaliyosambila? 16Teti Yesu eŵayasuka echiti, Mayeruzyo ŵangu sali ŵangu sembe na uyo enituma. 17Kati muntu akazomera kuchita chipangwilo chake azaziŵe zya mayeruzyo kano na a Mlungu, kano nulaŵira neka. 18Uyo olaŵira yeka osaka mchinzi wake mwine: sembe uyo osaka mchinzi wa uyo emtuma wamene uyu ni wendi, mwa yeve muliye vyomavyavya. 19Kansi Musa ntempani dango ilo, lomba paliye wa mweo olichita dango? Musakonipairanji? 20Maumba eyasuka, Wina chiŵanda: ni ŵani osakokupaya? 21Yesu eyasuka eŵanenera, Nichita neo mulimo umo, na mweo monse muzizwa. 22Chikomo choteti ni pechimpani Musa chisirimuko (nte kuti chifuma kwa Musa, sembe kwa amausu wanu); na pa sabata musirimula muntu. 23Kati muntu akapokera chisirimuko pa sabata lingatyoke dango la Musa, kansi munikalipira penipozya muntu ngako pa sabata? 24Msapingula kwa maŵonekero, lomba pingulani nopinguzi wolungama.
25Teti ayake ŵala a pa Yerusalemi echiti, Kansi uyu si wamene wakusakopaya? 26Lomba ŵonani, olaŵira pasweta, naŵo solaŵira naye kantu. Kansi ni kuti achiyeruzya amziŵa chendi kuti uyu ni Kristo? 27Sembe seo tumziŵa uyu kwechifuma: sembe akaza uyo Kristo paliye ati aziŵe kwati afumile. 28Teti Yesu ekuwa mchipupilo koyeruzya nonena, Na neo muniziŵa noziŵa kwinifuma; nane sinichiza neka, sembe uyo enituma ni wendi, wamene umsaziŵa. 29Neo numziŵa, pakuti nifuma kwake, naye enituma. 30Teti esakomkata: paliye muntu emuŵikira kwanja, nsita yake paikaliyekuza. 31Sembe mmaumba anyinji emzomera; naŵo echiti, Apo pati azafwike Kristo azachite kansi viziŵikwilo vinyinji kupula vyakuchita uyu? 32Afarisayo echimvwa maumba enzomng'ung'unzilila pali ivi; naŵo akuru a ansembe na Afarisayo etuma manjolinjoli kuyomkata. 33Yesu naye echiti, Kasalako kansita katonto kanikali namwe pamo, ninga niye kwa uyo enituma. 34Mze munisake, namwe simti munifwane: kunti nkaŵe simngazeko. 35Tetyo Ayuda enena ŵekaŵeka, Uyu aye kuni kwiti tikanomfwana? kansi aaye ku Ŵomwazika a mwa Ahellene nosambizya Ahellene? 36Nga aŵa na malizu ŵanji ŵanena, Mze munisake, namwe simti munifwane: na kuti, Kunti nkaŵe simngazeko?
37Lomba pa siku losililila, ilo likuru la masiku ŵala akuru, Yesu eima nokuwa kuti, Kati ali wonse ana njota nanizile na kumwa. 38Uyo onimvwila, umo mwechinenera malembo, mmala mwake muze mfume tumana twa manzi amoyo. 39Lomba enena ichi cha Mzimu wati apokeko ŵala enzommvwila: pakuti Mzimu enzevopewe, Yesu pakaliyochinzikiwa. 40Tetyo ŵambi a mliumba pechimvwa malizu aŵa echiti, Uyu ng'aleze ni muŵirizi ula. 41Ŵambi echiti, Uyu ni Kristo ula. Sembe ŵambi echiti, Nga kansi Kristo afume mGalilaya? 42Kansi malembo ntechiti Kristo ula akuza mu mbuto ya Davide, na mBetelehemu mmunzi mwenze Davide? 43Tetyo mwenze kalekano mmaumba chikomo cha yeve. 44Ŵambi echiti timkate, lomba paliye muntu emuŵikira manja.
45Lomba manjolinjoli echiya kwa akuru a ansembe na Afarisayo; naŵo ŵala eŵakonsha, Ni chinji pamuliyekuza naye? 46Manjolinjoli eyasuka, Paliye muntu elaŵira tetyo nsita zyonse. 47Teti Afarisayo eŵayasuka, Kansi namwe soti mwasovishiwa? 48Kansi akuru ŵambi ommvwila, kano Afarisayo? 49Sembe ili liumba lamene lisaliziŵa dango ni loshamikiwa. 50Nikodemo enena naŵo (wamene uyo emzila kale, ni umo wa ŵala), 51Nga dango lasu lupingula muntu likakanakumvwa poyamba ku mwine, noziŵa vyakuchita? 52Ŵeve eyasuka emkonsha, Nawe soti wifuma kansi mGalilaya? Sazima ningoŵone kuti mGalilaya simuuka muŵirizi.
[53Pamene apo eimapo ali wonse kuya ku ng'anda yake mwine:
S'ha seleccionat:
M. Yohana 7: MA23
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Mapangano Alomba © Bible Society of Zambia, 1923.