Jon 9
9
1An neterakavan neterahm ieremim ker nemrin rou le nuaihan in.
2An tan ieremim min netakaihrapuk ton mama, Rabi, pehe ramol tehwaga tat, ieremim uk wa remin mene inen moma kinuaih nemrin rou?
3Iesu neteraram, Resolan moma ieremim uk ramol tehwaga tat wa remin mene inen, mero moma nolan te Wuhgin tefhinatin lan.
4Katar takaikeikei marol nolan te ierem rehmalipa io le nian; lapin terua ieremim ker to resolan nar lan.
5Takama io le ten uk, io nisia te ten uk.
6An neterenita nar min uk neterahg le nemapten neterol nemtig le hninoan, an netereuptipen nemtig le nemrin.
7An netereni ton, Uan maiuk le nu Sailoam (ierem kameni le nakaran uk, Kehnalipen). An neteruan maiuk in, a neterua mahm nar.
8An nerem neuti nauanu mene nerem kamaihm in paupan mama ierem ramametamap netakani, Resolan moma ieremim uk ierem ramamowata mametamap?
9Nevin netakani mama, In uk; nevin netakani, Kapa, mero retikiteam. In netereni, moma, Io parhien.
10An netakani ton, Kametol nemram rait?
11In neteraram, Ieremim netigen Iesu ramol nemtig matepi nemrok lan, meni tonio, Uan Sailoam hmapel ik. An iavan hmapel io, mahm mun nar.
12An netakani ton, In ihia? Netereni, Iakatiktik am.
13Netakarir marua to Farisi min ierem nemrin rou paupan.
14An nian ausim loanian ka Iesu ramol nemtig mol nemrin rait.
15An Farisi min netakaihrapuk mun ton mama remtuahm mun nar. An netereni to ilar, Ramol pen nemtig le nemrok an iehmapel io, an iakamahm nar.
16An Farisi min nevin netakani, Reslon moma ieremim uk remsipe le Wuhgin, mero in ka resosutan nian ausim. Mero nevin netakani, Ierem tehwaga tahan retat teretua mol nimtatin min mok lan? An kenarotaprai ilar min.
17An netakani mun to ierem nemrin ramakamou, Ik tenakani neta lan mero in ka ramol nemram rait? Netereni moma, In Profeta.
18An Ju min kamesanian nuparhienan lan mama in iemnou paupan mero reknahm mun nar, mero netakaiunin remin ierem ramahm mun nar mene inen,
19An netakaihrapuk to ilau mama, In uk nerimilau ierem nukuani muoma kamuaih in nemrin rou? An retol reknahm nar towe?
20An remin mene inen netukuaram muani, Iakiahinatin muoma in uk nerimlau an muoma kuaih le nemrin rou;
21Mero remetua mahm nar towe iakuatiktik am, wa pehe ramol nemrin rait kamlau ikauatiktik am. Eihrapuk ru ton, in rekninerik, in terepeni atu.
22Remin mene inen netukuani nar min uk mero in ka kamuagnin Ju min, mero in ka Ju min kamamaniafugen ita mama takama ieremim ker tereni apu moma in Kristo takhaliatou le nimwa ahwak.
23Le nar uk remin mene inen netukuani muoma, In rekninerik, eihrapuk ton.
24An netakaiunin mau kiu ierem nemrin rou mani ton, Ani vi Wuhgin. Iakarhinatin mama ieremim uk tehwaga tahan retat.
25An neteraram, Takama in ierem tehwaga tahan retat iakatiktik; nar ker am iakhinatin, moma nemrok ramou mero towe mene iaknamahm nar.
26An netakani ton, Ramol neta kam ik? Remetuol nemram rait?
27Neteraram to ilar, iemeni to kamiar towek an kamiar nemesairouan. Retol nakama tenakairou mun? Kamiar mun nakama tapol kamiar neremim tahan min?
28An netakameitat in mamani, Ik tan ieremim ker, mero kamar tan ieremim Moses min.
29Kamar iakarhinatin mama Wuhgin ramakar kam Moses, mero ieremim uk iakatiktik am mama remsipetuan.
30Ieremim ka neteraram menipen to ilar, Mero in uk nar nanumutil terika ton moma kamiar nakatiktik mama remsipetuan mero in reknol nemrok reknait.
31Katar karhinatin mama Wuhgin resetelegan in nerem tehwaga tenilar retat, mero takama ieremim ker terahwak kam Wuhgin mamol nowa tahan, tererou in.
32Le nerwowuna ten kameserouan moma ieremim ker ramol nemri ieremim ker rait kavaih le nemrin rou.
33Takama ieremim uk resesipenan le Wuhgin, to resolan nar ker.
34Netakairam manipen ton, Ik etahun kavaih ik le tehwaga tat, an ik tenakatikun kamar? An netakahiliatou in.
35An Iesu netererou moma kamahilatou in, and neterahm in mameni, Ik tenakani nuparhienan le Neri Ieremim?
36In neteraram meni, An in pehe, Ieremera, moma tiakani nuparhienan lan?
37Iesu netereni ton, Ik neknahm in, an in uk in ierem ramakar kam ik.
38An netereni, Tiakani nuparhienan lam, Ieremera. An neteramohwak kam in.
39An Iesu netereni, To nuhwapraian io iava le ten uk moma nerem kasaihman nar tepaihm nar, an moma nerem kamaihm nar teparol nemnou nemnou in ilar.
40An neremim min ka nevin le Farisi min ilar min netakairou nar min uk, an netakani ton, Kamar mun nemrimar rou?
41Iesu netereni to ilar, Takama nemrimiar rou, tehwaga tat terepuka le kamiar; mero towek nakama, Iakamaihm nar, tehwaga tat temiar ramarik.
S'ha seleccionat:
Jon 9: LEN1902
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society in 1902, reprinted in 1935.