Matthaisioi Phrinzangpo 9
9
1Yang kho nayoeang jukse thsoe pharkaa bings yang rangi yuliang skyods. 2Yang misto, khongis nyalkhriika snyale yodkhan chhanggu chikchik khoe shitia khyongs yang Yeshus khongi chheslukspo thongmana chhangguwa mols ; Wa phru! Rdyangchan duk, khyeri nyespaunla skyonzod songsed. 3Yang, misto, chhoszbrikhanuniangna khachigis "Dyurus rshmunmo tabed" zere khontang ranga zes. 4Yang Yeshua khonguni sambaun shose mols : Khyenti snyinguniang rtsoqpo chia samed ? 5Chiazerbana, khyeranga khyeri nyespaunla skyonzod songsed zerchao na lsngse drul zerchiang gao ltsamo in ? 6Amma Miwi Buthsawa miyulika nyespaunla skyonzod bachi khyudpo yod khyentanga shesuk zore, ni : Khos chhanggu songkhanpoa moled : "Wa, langso khyeri nyalkhri khure khyeri khangmaa song! 7Yang langse rangi khangmaa song. 8Ni, mibongsla dyao thongmana jiks, yang miunla ḏinḏa wang chik salskhan Ashipaa stodkha bas.
9Yang Yeshu dekana skyodtsana minga Matthaios zerkhan mi chikchik shokhral lenkhan malscka dukse yodpao khoa thong, yang khos khoa moled "Ngi lzaa yong!" Yang kho langse khoe lzaa yongs. 10Ni, ḏinḏek, song, Yeshu khangmaa sangma donma yoden, misto, shokhral lenkhanun nang nyespachanun mangmo yongse Yeshu nang khoo lzadrulbakhanun nanyambo zacha za duks. 11Yang Pharisyapaunla dyu thongmana khoe lzadrulbakhanunla zes : Khyenti ltsabkhanpos shokhral lenkhanun nang nyespachanun na nyambo sangma chia doned ? 12Amma Yeshua dya goana khongunla mols Nad medkhanunla smanpa rgospamed dobasang nadpaunla rgosed. 13Ni, nga snyingi lukspoa thaded yang skalla thadpa med zorchi de rshkangpao khyentang songse lobshik! Chiazorbana khadrangunla yong zere nga yongskhan men, nga nyospachanun gyodluksla yongshik zerba yongskhan in. 14Dekana Yoannesi lzadrulbakhanun Yeshui shitia yongse khoa juid : Ngacha nang Pharisyapaun/Ashipi lamiang khastong/chia duged, yang yori lzadrulbakhanun chia dukpamed ? 15Yang Yoshus khongunla mols : Baqstoni khangmi snyapaunla baqpo khontang na drese yodyod thsaqpa zdukspa nyaneda ? Amma khongi shitiana baqpo phese khyerohi jaqun hlobcha in, ni, detsana khong/Ashipi lamiang khastong/ duktuk. 16Amma rshnyingma gonchoka machhaqskhan snambuik sus taba med, chiazerbana de tabskhan snambus gonchao thono khyere snani basang chhadkhan chhed, 17Hana khongis soma rgunchhang rshnyingma chhangrshkyaluniang tangma mcd; taqdir tangsna chhangrshkyalun chhade rgunchhangpo bose chhangrshkyalun jikkhan chhok; dobasang khongis soma rgunchhang soma chhangrshkyaluniang tanged, tangmana nyiska majikpa lused. 18Khos di tamun khongunla mole yodtsana, ltosang gowa chikchik yongse khoa rchorena jus : Kasa, ju, mana dare chok, ngi bomo nongsed, amma yerang skyodena khoeka laqpa kalba zadang yang kho soncha in! 19Yang langsena Yeshu nang khoe lzadrulbakhanun khoe jukna skyods.
20Yang misto, lo chunyis koqpa jikse yodkhan anok rgyabpoa yongse khoe gonchi snawa thus bas. 21Chiazerbana de aneos snyingpeang samsedsuk : Taqdir khoe gonchao tsa-a ngas thus bana ngarang noro chhok. 22Amma Yeshus rgyabpoa loqse de aneo thongmana mols: La, bomo, rdyangchan duk, khyeri chheslukspo khyerang noro chhachuged! Yang dya, thookana de aneo noro song.
23Ni, Yeshu, gowi khangmeang hlobse hlingbu phukhanun nang hiling halang bakhan mibongspo thongmana. 24Mols: Bingse songshik chiazerbana bomo shispamed, dobasang nyid yongse yod. Yang khongis khoeka rgod tangs. 25Amma mibongspo phingso tangsona, kho nanga skyode de bomoa laqpa thams, yang bomo kuaq langs. 26Yang de sperao dyana rgyastrid tsoqa khyed.
27Yang Yoshu dekana skyodtsana jarba nyis rgyabpona yongse kus tabse juin : Kasa Dawidi rshras, ngacha zdikpa thsorba zadang ju! 28Yang khangmoangnuk hlobana do jarbaun khoe shitia yongs, yang Yeshu khonga mols: Nga dyu ba khyuded zere khyentang chhesoda ? Khongis khoa juid : Kasa Ashipa! 29Dekana khos khongi mikunla thus baso molod : Khyonti chheslukspo nazomse khyontanga songshik! 30Khongi mikun be yang Yeshus khonga mana labchad baso moled : Snanga bashik dyu sua shesmachukshik! 31Amma khong songse rgyastrid saqeang khoe mingpo khyodchuks.
32Yang khong phyistaa bingso chhatsana, ltosang miunis drebyar qud chikchik khoe shitia khyongs. 33Yang dreo phingse tangmana qudpos spera tangs, yang mibongsunis rgyalo zerod : Israoliang ḏinḏek thongspa medsuk. 34Amma Pharisyapaunis zos : Khos drouni gowi snyedika droun phingod.
35Yang Yeshu yulun nang gronguniang khoren khonguni rshmaqdussauniang khongunla ltsaben rgyastridpe phrinzangun hagochuks: yang khongi ga nad nang zermo noro chhachugen yodpin. 36Ni, kho mibongs thongmana kho zdikpa shes, chiazerbana khong lurdzi medkhan nor natsoḵẖs base yane songse yang lamstorla songkhan phoqse yodsuk. 37Ni, khos rangi lzadrulbakhanunla mols: Thoqpo mangmo, amma lasmiun nyuntse yod. 38Dephya, thoqi Ashipawa rangi thoqpoa lasmi tangma zadang zere khyentes jushik!
S'ha seleccionat:
Matthaisioi Phrinzangpo 9: SOMA
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Société Biblique de Genève