Yùxanà Kìtaabuà kùnàgoo

Kìtaabuà kùnàgoo

Àwà Yesù rè kàràndzin neè ɲàn, nìi na kir'là ci Yùxanà, Yesù rè kàràndzin kɛniunmaà (21.20-25), tɔ̀ rii nèe kìtaabu rèe sɛbɛun. Jàtsìkun neè raa dèù ma, à y'à sɛbɛun jii cɛɛ̀n ko dzin tsyeùn (90), ko jii caànmoò (100) rìì flàncɛɛ ɲàn Yesù Kirisà shɔ̀ùn. Wò rii Kùnàgoo Dziɔ̀ kìtaabu rèè nààlènaa, nìi dzyee zhììgi reè dzii tsyɛɛn. À Yesù rèè gooma reè ko à re goo fauma rèè lakɛɛ kɛ̀rɔ̀ùn'n kur'la, nìi yè e si dzyee rèè rà. Yùxanà rè Kùnàgoo Dziɔ̀ na goomaa Yesù ker'la goo rèè tsɛ waa, ŋà è re goomaa jɔ̀ɔn nìi ka, tɔ̀ rii yɛ à y'à jaa dèe ci Yesù Kirisà Ŋaablà ree goomaa, nìi ni tsuù Ŋaablà ka kudɛyn (1.1-18).

Kìtaabuà doun goo

Mùn kàjaa bla fii jàa Yùxanà rèè kìtaabuà doùn. Jɔ̀naà, è sen suran soo è bè teeŋ fiɛ̀ rà (1–12), tɔ goomaɔ̀ Yesù rè kabagoo goo ɲɛɛ̀nun tsɛ twɛy nìì reè kiriɔ tàànmàshɛn reè, è ɲɛn à tsɛ, twɛy y'à kpàdèe ci Yesù Ŋaablà Dzin Kpir'la. Tɔ̀ kàjàà jɔnaa doùn, Yesù ko dzinɛ jɔundzin sɔn ne bàrà gooma deò (suran 3), à ko samarika taan sɔn ne bàrà gooma deò (suran 4), ko ɲìnìnkɔɔn reè swey raa goo (suran 5 ko 9). Yesù gooma danman sa deò, nìi yɛ ci wo ɲwɛyn ge, nìi jaamabee sìan, wo dzwɛka kplatsuubaa, nìì adamàdzin mòdzin neè kuru kun wɔɔ̀ Ŋaablà tsɛ, wò yeè bà dziɲantsiɛ vyevyeè. Kàjàà fiiraa doùn, è sen suran teeŋ zhiigi, è bè mòo sɔn (13–21), tɔ goomaɔ̀ Yesù bo waatsia goo rèè tsɛ dziɲantsiɛ doùn, è bè e Fa Ŋaablà re. Tɔ̀ kàjaa ɲàn, Yesù goomaa e re kàràndzin neè ka, è làtsii sìn è ra, nìi nà dzi wɔ è ra à dɔ̀n beumaà shɔ̀ùn (suran 13–16). Tà shɔ̀ùn è Ŋaablà mafyɛ̀n è re, è kɛ̀ɛ̀yfa à mà (suran 17). Yùxanà goo nìì reè deò à saàn goo rèè tsɛ (suran 18 ko 19), twɛy giri ko Matsiyù, ko Marikì ko Lukì raà yè e si bosi.

S'ha seleccionat:

Yùxanà Kìtaabuà kùnàgoo: BDZU

Subratllat

Comparteix

Copia

Vols que els teus subratllats es desin a tots els teus dispositius? Registra't o inicia sessió

Més informació sobre Bible Dzùùngoo Unicode

Yùxanà Kìtaabuà kùnàgoo

Versets bíblics populars de
Yùxanà Kìtaabuà kùnàgoo

La Bíblia:

Dzùùngoo

Versió: Bible Dzùùngoo Unicode - BDZU