Na Sailm 8
8
Salm 8.
Domine, Dominus noster.
1A Ṫiarna ár Rialtóir: is oirirc dʼAinm ar fuaid na cruinne!
2Is tú a dʼardaiġ do ġlóir os cionn neiṁe: as béal na naíonán agus na leanḃ cíċe dʼordaiġ tú neart,
3De ḃarr do naiṁde: go gcuirfeá tost ar an té a mbíonn an naiṁdeas agus rún an díoltais ina ċroí.
4Nuair a ḃreaṫnaím do spéarṫa, a ṡaoṫraiġ do ṁéara: an ġealaċ agus na réalta a ċruṫaiġ tú;
5Cad is duine ann, gur cuiṁneaċ leat é: agus mac an duine, go dtiocfá ċuige?
6Dʼḟág tú níos ísle ná na haingil é: go gcuirfeá barr glóire agus gradam air.
7Ċuir tú i gceannas oibreaċa do láṁ é: agus níl ní nár ċuir tú faoina ċosa;
8Na caoiriġ uile agus an t‑eallaċ: agus beiṫíġ an ṁaċaire;
9Éanlaiṫ an aeir, agus éisc na farraige: agus a siúlann cosáin na mara.
10A Ṫiarna ár Rialtóir: is oirirc dʼAinm ar fuaid na cruinne!
S'ha seleccionat:
Na Sailm 8: OC1965G
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Cumann Gaelach na hEaglaise (Irish Guild of the Church) 1965