Luka 7
7
Báya ngɨyɛ yɔ ngama ɔ ɓasʉda
(Mat 8:5-13)
1Ndʉ Yeso a꞉pipo anʉngakɨa ambaja ɔ ɓombi yaka ngɨyɛnɛnɨ ɓɔ gba, ɔ꞉sa anɔ Kapalanaumu. 2Inani, ngama ɔ ɓasʉda mʉngana ɔ Ɓalɔma, a꞉ɓio nɔ baya angɔ mʉngana ngɨa a꞉ɓimʉkʉnda nɔgbɛ. Baya ngɨananɨ, a꞉ɓio nɔ kaɓu, tinene akɔkio mʉtɨma. 3Angbinga ngɨa ngama ɔ ɓasʉda ɔ꞉ka-ɔɔ ɨsaʉ yɔ Yeso, ɔ꞉tʉma nganangana ɔ ɓatataɓasie ɓɔ Ɓayuda atɨ Yeso. A꞉ɓʉtʉma ɓɔ ɓɨsa nayɔ anisekio Yeso, dɔ, ɨmuheisio ɓaka baya ngɨananɨ angɔ. 4Ndʉ ɓombi ngʉɓɔnanɨ ɓa꞉ɓɔya aki Yeso a꞉ɓio-ɛɛ, kʉdɔ, ɓɔ꞉mʉndɨanɨa ɓɔ: «Hii aba, ʉka ɓaka ndɨana ngɨyɔ ngama ɔ ɓasʉda ʉkanɨ, dɔ, yɔkwananɔ ta ɓanɨ. 5Dɔ, anɔ ɓʉkʉnda akʉʉ eso Ɓayuda, nɔ ɨyɔ akɛ, a꞉tɨtuɓokisio pɔngɔ ɨkáá yɔ nɨta ngɨyeso.»
6Kʉdɔ, Yeso ɔ꞉sa ɨhɔ naɓɔ. Ɨɓɔ tɨa tinene akɔɓɔya, ngama ngɨananɨ, ɔ꞉tɔtʉma ɓata ɓawai ɓangɔ anʉngɨa Yeso ɓɔ: «Makwɔɓɨɨ, watɨgisomʉ ɓaka angu ɓʉtʉʉ. Nangɔmʉ musisekie adaa ngɨa wakumonio-ɔɔ andamɨ ambɛnɨ. 7Kʉdɔ, nɛnɔ ɓɔ ɨmɨ ingainga, nɔsisekiomʉ anijoo apɛɨ asɔɔ. Yakamɛngana, injo pɨ ta ʉpanʉ, ambɔ baya ngɨasɛmɨ ɨhɛa. 8Ɨmɨ makwɔngɔ, na kʉ asɨ ɔ ʉpanʉ wɔ ɓombi ngʉɓa ɓa akʉʉ asɛmɨ. Nɔ, na kʉ nɔ ɓasʉda asɨ ɔ ʉpanʉ ngʉwɔsɛmɨ. Nɔsigieni mʉngana ɓɔ: ‹Sa!› Abi ta nɨsa. Nɔ, nɔsigieni ɔmɔ ɓɔ: ‹Ika!› Ɛka kʉ nɨka. Nɔ ɓata, nɔsigieni baya ngɨasɛmɨ ɓɔ: ‹Kɨa ɓɔ!› Ɔkɨa kʉndʉ ananɨ.»
9Angbinga ngɨa Yeso ɔ꞉ka-ɔɔ yaka ngɨyɛnɛnɨ, yɔ ngama ɔ ɓasʉda, yɔmʉmbangɨa ta mbangɨa. Kʉdɔ, ɔ꞉natana, nɔ, ɔ꞉sigio ambaja ngɨa a꞉ɓio nayɔ akpata ɓɔ: «Nanenu anʉngɨa ɓɔ, na꞉ngɛnamʉ sina ɨmɨ, ɨkananja yɔ báya ngɨyɛ, ati ɔ ɓana ɓɔ Ɨsalaɛlɛ aka.» 10Ndʉ ɓombi ngʉɓa ɓa꞉ɓʉtʉma, ɓa꞉tɔa atɨ ngama ɔ ɓasʉda, ɓɔ꞉mʉgbʉka mombi ɔ tɛa ngɨyɔ kaɓu tɨta ɓʉmʉ ɓʉmʉ.
Yeso ɔheiso mʉnda
11Ambise ngɨananɨ, Yeso ɔ꞉sa agʉlʉ mʉngana ino ɓɔ Naini, ɨɓɔ, ɨhɔ nɔ ɓakpata kʉ nɔ ambaja ɔ ɓombi. 12Ndʉ ɓa꞉ɓio tɨa tinene nɔ umongu wɔ gʉlʉ ngɨananɨ, tɨa ambaja ɔ ɓombi ɨyananɨ sioo, ɨɓɔ anɨsa ahʉna mʉnda amanjaʉ. Ya꞉ɓio mukpekpe wɔ mwana ata gue ɔ woko ta nangana ɓɔ kpekele. Nɔ, ambaja ɔ ɓombi ɓaja ngʉɓa ɓɔ ɨkʉmbʉ ngɨyɛnɛnɨ, a꞉ɓio ɨhɔ nɔ atɨ woko ngɨananɨ. 13Ɨyɛ Makwɔɓɨɨ Yeso a꞉mɨna, ɔ꞉mɨnɨa ikoko, nɔ, ɔ꞉musigio ɓɔ: «Sɨa ndɨa.» 14Kʉdɔ, Yeso ɛ꞉sɨngana, nɔ, ɔ꞉tɔɓoto sanda ngɨa ɓa꞉tʉmba nayɔ mombi. Tɨa kʉ ananɨ, ɓombi ngʉɓa ɓa꞉ɓio nɔ mombi mʉtʉmbɛ ɓɛ꞉maa. Yeso ɔ꞉sigio mʉnda ngʉwɔnanɨ ɓɔ: «Mwana ata gue, nɔnasigio ɓɔ ʉngwa ɨkʉʉ.» 15Kʉdɔ, mwana ata gue ngɨananɨ a꞉ɓio ɔweni, ɔ꞉wolo ga jikomu, nɔ, ɔ꞉pʉnga yaka. Yeso ɔ꞉mutosio inye.
16Ɓombi ɓaɓomu ɓɔ꞉huo nɔ ʉɓá, nɔ, ɓɔ꞉bibiso Asɔɓɨɨ asugo ɓɔ: «Ɨgbɛ yɛta ɨja ya꞉chwɛanɨa pɛ ati ɔ iso.» Nɔ, ɓɔ꞉matɨa ɓata ɓɔ: «Asɔɓɨɨ ɛ꞉kɨɔ pɛngɛ ɓombi ɓangɔ isingo.»
17Awɨa ɔ yaka ngɨyɛnɛnɨ, ɔ꞉ndanaka aihoi kʉ iɓomu ngɨyɛ yɔ Yudɛa, nɔ lihoi ngalɔmɔ amutii wɔngɔ kʉtaa.
Yeso enjo mapanʉ akʉʉ ɔ Yɔanɨ
(Mat 11:2-19)
18Kʉdɔ, ɓakpata ngʉɓa ɓɔ Yɔanɨ, ɓɔ꞉mʉngakɨa Yɔanɨ yaka yɛta ɨmbangɛ ngɨyɛnɛnɨ ta iɓomu. Yɔanɨ ɛ꞉soko ɓombi ɓapɨnɨ ati ɔ ɓakpata ngʉɓangɔ. 19Ɔ꞉ɓʉtʉma atɨ Makwɔɓɨɨ nayɔ akɔɓokuo ɓɔ: «Ʉwɛ ndɨ akɛ wa mombi ngɨa Asɔɓɨɨ a꞉mʉchwa anɨka? Pɔ ɓɔ tɨɓɛtɨa ɓata-sɨ kʉ mombi ngakɔmɔ?»
20Ndʉ ɓakpata ngʉɓɔnanɨ ɓa꞉ɓɔya aki Yeso a꞉ɓio-ɛɛ, ga ɨɓɔ nayɔ ɓɔ: «Yɔanɨ, ɔ꞉tɨtʉmɔ andɔɔ, nɔwɛ akɔɓokuo ɓɔ: ‹Ʉwɛ ndɨ akɛ wa mombi ngɨa Asɔɓɨɨ a꞉mʉchwa akɔnɨka? Pɔ ɓɔ tɨɓɛtɨa ɓata-sɨ kʉ mombi ngakɔmɔ?›»
21Kʉ angbinga mʉngana ngɨananɨ ɓa꞉ɓɔya-ɔɔ, ɓɔ꞉tɔgbʉka ɨyɔ Yeso, aheiso ɓombi ɓɔ ɓakaɓu, nɔ ɓombi ɓɔ majangi di di di. Ɔ꞉tɔheiso kʉ nɔ ɓombi ngʉɓa mɨtɨma yɔ madu ya꞉ɓʉjɛnganakiso, ɨhɔ kʉ nɔ ɓombi ɓɔ mamɔmɔ. 22Kʉdɔ, Yeso ɔ꞉ɓutosio ɓombi ngʉɓɔnanɨ Yɔanɨ a꞉ɓʉtʉma ɓɔ: «Seni anʉngɨa Yɔanɨ yaka ngɨyɛ nɛ́꞉nɔ nɔ mesu, nɔ ɨyɛ, nɔ́꞉kɔ nɔ machwei. Ɓombi ɓɔ mamɔmɔ ɓa tɨa anɨna, nɔ, ɓombi ɓɔ dɛɛ ɓakɔkyɛndaka tɨa ngbingbii. Ɓombi ɓɔ keɓukeɓu ɓɔhɛa keɓukeɓu ngɨyeɓo, nɔ ɓombi ngʉɓa ɓa꞉dɨkpa machwei, ɓatɨa anʉka. Mɨnda yɔngwɔ ɨkʉʉ, nɔ, ɓajanga ɓɔkɔ ɨsaʉ yɛta iɗo. 23Ɨgyagya akɔ mombi ngɨa anɨsɨnganaka nɛmɨ akɔbaya.»
24Ndʉ ɓakpata ngʉɓa Yɔanɨ a꞉ɓʉtʉma ɓa꞉sa, Yeso ɔ꞉pʉnga ngakɨa ɓambaja ɓɔ ɓombi yaka akʉʉ ɔ Yɔanɨ asugo ɓɔ: «Ná꞉sa pɨ anɨna ɨmanɨ amukengu? Ná꞉sa pɛ ndɨ anɨna ʉmbamba ngʉwa, wadʉanaka nɔ mahuo? Haa! 25Dɔ, nɔ́꞉sugo ɓanɨ, ná꞉sa ndɨ dɔ anɨna mombi mʉngana ɔpenyonokeni nɔ lɨpʉkʉ lɛta manjanja? Haa! Yakamɛngana, ɓombi ngʉɓa ɓakɨpenyonoko lɨpʉkʉ lɨta manjanja, nɔ ɓɔdya uɓei wɔta uɗo, ɓakɨkɨa alɨkáá lɔ ɓangama ɓʉta ɓakpɔkpɔ. 26Ná꞉sa pɛ sɨ anɨna ɨmanɨ? Ya꞉ɓio pɛ ndɨ ɨgbɛ? Iii! Ingono, yakamɛngana, nanenu anʉngɨa ɓɔ nɛ꞉na mombi ngɨa ɔchanɔ kʉ nɔ ɨgbɛ. 27Dɔ, Yɔanɨ a mombi ngɨa Mabii kɔ Asɔɓɨɨ ka꞉ngaka akʉʉ angɔ ɓɔ: ‹Ɨná, natʉma titima ngɨa asɛmɨ apɛɨ asɔɔ, nɔwɛ akɔtambanakɨa ɨngbaa.›#popoko Mal 3:1 28Nanenu aɓɨa ɓɔ, mombi ata mʉja achana Yɔanɨ angɔmʉ pɔ mʉngana. Yakamɛngana, mombi ngɨa ata bele nɔgbɛ amati ɔ Ɓʉngama ɓɔ Asɔɓɨɨ, a mombi ata mʉja nɔgbɛ, nayɔ akɔchana kʉ nɔ ɨyɔ Yɔanɨ.»
29Ɓombi ɓaɓomu, nɔ gʉtʉ kʉ nɔ ɓombi ɓɔ lipisa manjanja ngʉɓa ɓɔ꞉ka, nɔ nɨkwa uɓatiso ngʉwɔ Yɔanɨ, ɓa꞉pemiso ta pemisoni ɓɔ Asɔɓɨɨ a ngbingbii. 30Yakamɛngana, Ɓafalisayɔ, nɔ ɓapananakɨa ɓɔ mapanʉ, ɓa꞉yaa anɨkwa uɓatiso ngʉwɔ Yɔanɨ. Kʉdɔ, ɓɔ꞉tɔjanga yaka ngɨyɛ Asɔɓɨɨ a꞉ɓio akʉnda akʉʉ eɓo.
31Ga Yeso ɓata kʉ ɓɔ: «Nakwanana dɔ-sɨ sisono ɓombi ngʉɓɔ ɓʉɓʉnʉ nɔ ɨmanɨ? Ɓa dɔ-sɨ ngbanga ndʉ ɨmanɨ? 32Ɓa ngbanga ta ndʉ ɨyɛ, ɓana ɓakɨkɨa-ɔɔ ɓawele aibamu, ɓɔpʉnga tʉɓanakɨa yaka ɓɔ: ‹Tɔ꞉nɨɓɛndɨɔ pɛngɛ ɓabiba, yakamɛngana, sɔkɔmʉ nɔ́꞉jo ʉmbɔ! Nɔ ɓata, tɔ꞉nɨsʉɨa lɨta lɔ didima, sɔkɔmʉ nɔ́꞉ndɨa kʉ ɓanɨ!› 33Ya ngbanga kʉ ɓanɨ, ndʉ Yɔanɨ ngɨa a꞉tɨɓatisa ɛ꞉ka, sɔkɔmʉ ɨyɔ, adyakaka ndʉ ɓangɛ, nɔ sɔkɔmʉ anɨmwa ʉkyɛpʉ kʉɓanɨ, nɔ́pʉnga nayɔ sigio ga anɔ mʉtɨma wɔ idu. 34Ɨmɨ, Mwana ngɨyɔ Mombi, nɛ꞉ka, nɔ nadyakanaka nɔ mwakanaka, yakamɛngana, nákɔsugo kʉ ɓɔ: ‹Ineni ngbuka ngɨa, nɔ mombi ɔ ɨdamʉ ngɨa, awai ɔ ɓombi ɓɔ lipisa manjanja, nɔ ɓombi ɓɔ mʉkyananakɨa wɔta ɓɨɓɨ!› 35Ɨnadɔ, mʉtɨma wɔ pemiso yaka ngʉa Asɔɓɨɨ, wɛmbɨanɨa ɓɔ wa ingono, ta nɔ ɓombi ngʉɓa ɓa nayɔ akɔkpataka.»
Moi ɔ mʉkyananakɨa wɔta mʉsʉgʉ
(Mat 26:6-13; Mlk 14:3-9; Yɔa 12:1-8)
36Mʉfalisayɔ mʉngana e꞉soko Yeso anɨsa akɔdyakaka andɔngɔ. Kʉdɔ Yeso a꞉sa atɨ gue ngɨananɨ andei, nɔ ɓɔ꞉pʉnga dyakaka. 37Ɨnadɔ, amati ɔ gʉlʉ ngɨananɨ, ya꞉ɓio nɔ moi mʉngana ɔ mʉkyananakɨa wɔta mʉsʉgʉ. Ndʉ ɔ꞉ka ɓɔ Yeso akɔdyakaka atɨ mʉfalisayɔ ngɨananɨ, ɛ꞉ka nɔ malaji wɔ ɨgabʉ, nɔ ʉwɔta mvo tɨpɨ, amati ɔ mʉkɛɛ#7:37 pɔ ɓɔ ɓa꞉ʉkɨa nɔ makopi kɔ ɨgabʉ ɓɔ kyɛɛ. 38Ɨyɛ a꞉ɓɔya, ɔ꞉wolo anɔ ambamba ɔ lɨgbata lɔ Yeso ga jikomu. Ɔ꞉pʉnga ndɨa, nɔ njɨlakiso masoi alɨgbata lɔ Yeso, nɔ nalɔ abɨaka nɔ ndii ngɨangɔ. Kʉdɔ, ɔ꞉naputo lɨgbata ngɨlɔ Yeso, ga ɨyɔ nɔ malaji ga fʉɔ fʉɔ. 39Ɨyɛ Mʉfalisayɔ ngɨa e꞉soko Yeso ɛ꞉na yaka ngɨyɛnɛnɨ, ɔ꞉pʉnga yakanaka amati angɔ ɓɔ: «Gue ngɨa, ɔɓieni pɛngɛ-sɨ ta ɨgbɛ yɔ Asɔɓɨɨ ingono, ambɔ ɛmbɨɔ ɓɔ moi ngɨa anayɔ akɔɓotoko a anɨ. Dɔ, a moi mʉngana ata mʉsʉgʉ.»
40Kʉdɔ, ga Yeso nɔ Mʉfalisayɔ ngɨananɨ ɓɔ: «Simoni, nanɔ yaka nɔwɛ anɔngɨa.» Ga Simoni ɓɔ: «Sugo pɨ, Mʉpananakɨa.» 41Yeso ɔ꞉pʉnga nayɔ asigio ɓɔ: «Ɓombi ɓapɨnɨ ɓa꞉ɓio nɔ uɓu wɔ mombi mʉngana. Mombi ngɨyɔ pɛɨ, a꞉ɓio nɔ uɓu wɔ ɓagyɛgyɛ lɨmɨa ɓɔkʉ, ɨyakɛ ɔmɔ ɓatɛkɛɓɛ ɓɔkʉ. 42Mombi pɔ mʉngana ati ɔ ɓombi ɓɔ maɓu ngʉɓɔnanɨ, a꞉ɓiomʉ adaa ngɨa amutosio-ɔɔ uɓu ngʉwangɔ. Kʉdɔ, ɔ꞉ɓɨpaakɨa maɓu ngʉkɔnanɨ, ɨɓɔ ɓaɓomu ɓapɨnɨ. Tɨa ati ɔ ɓombi ngʉɓɔnanɨ ɓa ɓapɨnɨ, anɨ akɛ a꞊mʉkʉnda nɔgbɛ?» 43Simoni ɔ꞉mutosio ɓɔ: «Akɔ ɨmɨ, nanɨna ndʉ, ya mombi ngɨa ɓa꞉mɨpaya uɓu ʉja.» Yeso ɔ꞉musigio aka ɓɔ: «Wɔngakɔ ingono.» 44Kʉdɔ, Yeso ɔ꞉natana mesu aki moi ngɨananɨ a꞉ɓio-ɛɛ, ga ɨyɔ nɔ Simoni ɓɔ: «Wɛnɔ ndɨ kʉɔ yaka ngɨyɛ moi ngɨa ɔ꞉kɨɔ? Nɛkɔ andɔɔ aka, sɔkɔmʉ wɔnenjo mipo kɔ mɨtɨndɨ, yakamɛngana, ɨyɔ, ɔnagyaɓɔ mɨtɨndɨ nɔ masoi ngʉkangɔ, nɔ, ɔ꞉nabɨaka nɔ ndii ngɨangɔ. 45Aka nɛkɔ-ɔɔ, wɔ꞉kɔnaputo pɔ kʉɓanɨ, akɔpananiso ɨgyagya ngɨyɛsɔɔ, yakamɛngana, moi ngɨa ɔ꞉kɔsɨɔmʉ nɛmɨ akɔnaputo mɨtɨndɨ. 46Wɔ꞉natomʉ nɔ umbundo amʉtʉ kʉɓanɨ, yakamɛngana, moi ngɨa ɔ꞉nachochoko lɨgbata nɔ umbundo wɔta mvo tɨpɨ.
47Tɨa kʉ ananɨ, nanɔwɛ anʉngɨa ɓɔ, ɓʉkʉnda ɓɔta ɓʉja ngʉɓɔnanɨ ɔ꞉pananiso akʉʉ asɛmɨ, ɓanɨmbiiso ɓɔ ɓʉɓɨɓɨ ngʉɓangɔ ɓʉja ɓɛ꞉paanakɨɔ. Yakamɛngana, atɨ mombi ngɨa ɓɔ꞉mɨpaakɨɔ ɓʉɓɨɓɨ bele, apananiso ɓʉkʉnda kʉ bele.» 48Kʉdɔ, Yeso ɔ꞉sigio moi ngɨananɨ ɓɔ: «Ɓʉɓɨɓɨ ngʉɓɔsɔɔ ɓɛpaanakɨɔ ɨpaanakɨanɨ.» 49Ɓombi ngʉɓa ɓa꞉ɓio akɔdyakaka ɨhɔ naɓɔ, ɓɔ꞉pʉnga ɓokuono amati eɓo ɓɔ: «Mombi ngɨa a-sɨ ɨyɔ ndʉ anɨ, ɨya akwanana paakɨa ɓombi ɓʉɓɨɓɨ?» 50Kʉdɔ, Yeso a꞉sigio ɓata moi ngɨananɨ ɓɔ: «Báya ngɨyɛsɔɔ yɔnaheiso heisoni, sa kʉ nɔ majɨɔ.»
S'ha seleccionat:
Luka 7: buuN
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translators, Inc.
Luka 7
7
Báya ngɨyɛ yɔ ngama ɔ ɓasʉda
(Mat 8:5-13)
1Ndʉ Yeso a꞉pipo anʉngakɨa ambaja ɔ ɓombi yaka ngɨyɛnɛnɨ ɓɔ gba, ɔ꞉sa anɔ Kapalanaumu. 2Inani, ngama ɔ ɓasʉda mʉngana ɔ Ɓalɔma, a꞉ɓio nɔ baya angɔ mʉngana ngɨa a꞉ɓimʉkʉnda nɔgbɛ. Baya ngɨananɨ, a꞉ɓio nɔ kaɓu, tinene akɔkio mʉtɨma. 3Angbinga ngɨa ngama ɔ ɓasʉda ɔ꞉ka-ɔɔ ɨsaʉ yɔ Yeso, ɔ꞉tʉma nganangana ɔ ɓatataɓasie ɓɔ Ɓayuda atɨ Yeso. A꞉ɓʉtʉma ɓɔ ɓɨsa nayɔ anisekio Yeso, dɔ, ɨmuheisio ɓaka baya ngɨananɨ angɔ. 4Ndʉ ɓombi ngʉɓɔnanɨ ɓa꞉ɓɔya aki Yeso a꞉ɓio-ɛɛ, kʉdɔ, ɓɔ꞉mʉndɨanɨa ɓɔ: «Hii aba, ʉka ɓaka ndɨana ngɨyɔ ngama ɔ ɓasʉda ʉkanɨ, dɔ, yɔkwananɔ ta ɓanɨ. 5Dɔ, anɔ ɓʉkʉnda akʉʉ eso Ɓayuda, nɔ ɨyɔ akɛ, a꞉tɨtuɓokisio pɔngɔ ɨkáá yɔ nɨta ngɨyeso.»
6Kʉdɔ, Yeso ɔ꞉sa ɨhɔ naɓɔ. Ɨɓɔ tɨa tinene akɔɓɔya, ngama ngɨananɨ, ɔ꞉tɔtʉma ɓata ɓawai ɓangɔ anʉngɨa Yeso ɓɔ: «Makwɔɓɨɨ, watɨgisomʉ ɓaka angu ɓʉtʉʉ. Nangɔmʉ musisekie adaa ngɨa wakumonio-ɔɔ andamɨ ambɛnɨ. 7Kʉdɔ, nɛnɔ ɓɔ ɨmɨ ingainga, nɔsisekiomʉ anijoo apɛɨ asɔɔ. Yakamɛngana, injo pɨ ta ʉpanʉ, ambɔ baya ngɨasɛmɨ ɨhɛa. 8Ɨmɨ makwɔngɔ, na kʉ asɨ ɔ ʉpanʉ wɔ ɓombi ngʉɓa ɓa akʉʉ asɛmɨ. Nɔ, na kʉ nɔ ɓasʉda asɨ ɔ ʉpanʉ ngʉwɔsɛmɨ. Nɔsigieni mʉngana ɓɔ: ‹Sa!› Abi ta nɨsa. Nɔ, nɔsigieni ɔmɔ ɓɔ: ‹Ika!› Ɛka kʉ nɨka. Nɔ ɓata, nɔsigieni baya ngɨasɛmɨ ɓɔ: ‹Kɨa ɓɔ!› Ɔkɨa kʉndʉ ananɨ.»
9Angbinga ngɨa Yeso ɔ꞉ka-ɔɔ yaka ngɨyɛnɛnɨ, yɔ ngama ɔ ɓasʉda, yɔmʉmbangɨa ta mbangɨa. Kʉdɔ, ɔ꞉natana, nɔ, ɔ꞉sigio ambaja ngɨa a꞉ɓio nayɔ akpata ɓɔ: «Nanenu anʉngɨa ɓɔ, na꞉ngɛnamʉ sina ɨmɨ, ɨkananja yɔ báya ngɨyɛ, ati ɔ ɓana ɓɔ Ɨsalaɛlɛ aka.» 10Ndʉ ɓombi ngʉɓa ɓa꞉ɓʉtʉma, ɓa꞉tɔa atɨ ngama ɔ ɓasʉda, ɓɔ꞉mʉgbʉka mombi ɔ tɛa ngɨyɔ kaɓu tɨta ɓʉmʉ ɓʉmʉ.
Yeso ɔheiso mʉnda
11Ambise ngɨananɨ, Yeso ɔ꞉sa agʉlʉ mʉngana ino ɓɔ Naini, ɨɓɔ, ɨhɔ nɔ ɓakpata kʉ nɔ ambaja ɔ ɓombi. 12Ndʉ ɓa꞉ɓio tɨa tinene nɔ umongu wɔ gʉlʉ ngɨananɨ, tɨa ambaja ɔ ɓombi ɨyananɨ sioo, ɨɓɔ anɨsa ahʉna mʉnda amanjaʉ. Ya꞉ɓio mukpekpe wɔ mwana ata gue ɔ woko ta nangana ɓɔ kpekele. Nɔ, ambaja ɔ ɓombi ɓaja ngʉɓa ɓɔ ɨkʉmbʉ ngɨyɛnɛnɨ, a꞉ɓio ɨhɔ nɔ atɨ woko ngɨananɨ. 13Ɨyɛ Makwɔɓɨɨ Yeso a꞉mɨna, ɔ꞉mɨnɨa ikoko, nɔ, ɔ꞉musigio ɓɔ: «Sɨa ndɨa.» 14Kʉdɔ, Yeso ɛ꞉sɨngana, nɔ, ɔ꞉tɔɓoto sanda ngɨa ɓa꞉tʉmba nayɔ mombi. Tɨa kʉ ananɨ, ɓombi ngʉɓa ɓa꞉ɓio nɔ mombi mʉtʉmbɛ ɓɛ꞉maa. Yeso ɔ꞉sigio mʉnda ngʉwɔnanɨ ɓɔ: «Mwana ata gue, nɔnasigio ɓɔ ʉngwa ɨkʉʉ.» 15Kʉdɔ, mwana ata gue ngɨananɨ a꞉ɓio ɔweni, ɔ꞉wolo ga jikomu, nɔ, ɔ꞉pʉnga yaka. Yeso ɔ꞉mutosio inye.
16Ɓombi ɓaɓomu ɓɔ꞉huo nɔ ʉɓá, nɔ, ɓɔ꞉bibiso Asɔɓɨɨ asugo ɓɔ: «Ɨgbɛ yɛta ɨja ya꞉chwɛanɨa pɛ ati ɔ iso.» Nɔ, ɓɔ꞉matɨa ɓata ɓɔ: «Asɔɓɨɨ ɛ꞉kɨɔ pɛngɛ ɓombi ɓangɔ isingo.»
17Awɨa ɔ yaka ngɨyɛnɛnɨ, ɔ꞉ndanaka aihoi kʉ iɓomu ngɨyɛ yɔ Yudɛa, nɔ lihoi ngalɔmɔ amutii wɔngɔ kʉtaa.
Yeso enjo mapanʉ akʉʉ ɔ Yɔanɨ
(Mat 11:2-19)
18Kʉdɔ, ɓakpata ngʉɓa ɓɔ Yɔanɨ, ɓɔ꞉mʉngakɨa Yɔanɨ yaka yɛta ɨmbangɛ ngɨyɛnɛnɨ ta iɓomu. Yɔanɨ ɛ꞉soko ɓombi ɓapɨnɨ ati ɔ ɓakpata ngʉɓangɔ. 19Ɔ꞉ɓʉtʉma atɨ Makwɔɓɨɨ nayɔ akɔɓokuo ɓɔ: «Ʉwɛ ndɨ akɛ wa mombi ngɨa Asɔɓɨɨ a꞉mʉchwa anɨka? Pɔ ɓɔ tɨɓɛtɨa ɓata-sɨ kʉ mombi ngakɔmɔ?»
20Ndʉ ɓakpata ngʉɓɔnanɨ ɓa꞉ɓɔya aki Yeso a꞉ɓio-ɛɛ, ga ɨɓɔ nayɔ ɓɔ: «Yɔanɨ, ɔ꞉tɨtʉmɔ andɔɔ, nɔwɛ akɔɓokuo ɓɔ: ‹Ʉwɛ ndɨ akɛ wa mombi ngɨa Asɔɓɨɨ a꞉mʉchwa akɔnɨka? Pɔ ɓɔ tɨɓɛtɨa ɓata-sɨ kʉ mombi ngakɔmɔ?›»
21Kʉ angbinga mʉngana ngɨananɨ ɓa꞉ɓɔya-ɔɔ, ɓɔ꞉tɔgbʉka ɨyɔ Yeso, aheiso ɓombi ɓɔ ɓakaɓu, nɔ ɓombi ɓɔ majangi di di di. Ɔ꞉tɔheiso kʉ nɔ ɓombi ngʉɓa mɨtɨma yɔ madu ya꞉ɓʉjɛnganakiso, ɨhɔ kʉ nɔ ɓombi ɓɔ mamɔmɔ. 22Kʉdɔ, Yeso ɔ꞉ɓutosio ɓombi ngʉɓɔnanɨ Yɔanɨ a꞉ɓʉtʉma ɓɔ: «Seni anʉngɨa Yɔanɨ yaka ngɨyɛ nɛ́꞉nɔ nɔ mesu, nɔ ɨyɛ, nɔ́꞉kɔ nɔ machwei. Ɓombi ɓɔ mamɔmɔ ɓa tɨa anɨna, nɔ, ɓombi ɓɔ dɛɛ ɓakɔkyɛndaka tɨa ngbingbii. Ɓombi ɓɔ keɓukeɓu ɓɔhɛa keɓukeɓu ngɨyeɓo, nɔ ɓombi ngʉɓa ɓa꞉dɨkpa machwei, ɓatɨa anʉka. Mɨnda yɔngwɔ ɨkʉʉ, nɔ, ɓajanga ɓɔkɔ ɨsaʉ yɛta iɗo. 23Ɨgyagya akɔ mombi ngɨa anɨsɨnganaka nɛmɨ akɔbaya.»
24Ndʉ ɓakpata ngʉɓa Yɔanɨ a꞉ɓʉtʉma ɓa꞉sa, Yeso ɔ꞉pʉnga ngakɨa ɓambaja ɓɔ ɓombi yaka akʉʉ ɔ Yɔanɨ asugo ɓɔ: «Ná꞉sa pɨ anɨna ɨmanɨ amukengu? Ná꞉sa pɛ ndɨ anɨna ʉmbamba ngʉwa, wadʉanaka nɔ mahuo? Haa! 25Dɔ, nɔ́꞉sugo ɓanɨ, ná꞉sa ndɨ dɔ anɨna mombi mʉngana ɔpenyonokeni nɔ lɨpʉkʉ lɛta manjanja? Haa! Yakamɛngana, ɓombi ngʉɓa ɓakɨpenyonoko lɨpʉkʉ lɨta manjanja, nɔ ɓɔdya uɓei wɔta uɗo, ɓakɨkɨa alɨkáá lɔ ɓangama ɓʉta ɓakpɔkpɔ. 26Ná꞉sa pɛ sɨ anɨna ɨmanɨ? Ya꞉ɓio pɛ ndɨ ɨgbɛ? Iii! Ingono, yakamɛngana, nanenu anʉngɨa ɓɔ nɛ꞉na mombi ngɨa ɔchanɔ kʉ nɔ ɨgbɛ. 27Dɔ, Yɔanɨ a mombi ngɨa Mabii kɔ Asɔɓɨɨ ka꞉ngaka akʉʉ angɔ ɓɔ: ‹Ɨná, natʉma titima ngɨa asɛmɨ apɛɨ asɔɔ, nɔwɛ akɔtambanakɨa ɨngbaa.›#popoko Mal 3:1 28Nanenu aɓɨa ɓɔ, mombi ata mʉja achana Yɔanɨ angɔmʉ pɔ mʉngana. Yakamɛngana, mombi ngɨa ata bele nɔgbɛ amati ɔ Ɓʉngama ɓɔ Asɔɓɨɨ, a mombi ata mʉja nɔgbɛ, nayɔ akɔchana kʉ nɔ ɨyɔ Yɔanɨ.»
29Ɓombi ɓaɓomu, nɔ gʉtʉ kʉ nɔ ɓombi ɓɔ lipisa manjanja ngʉɓa ɓɔ꞉ka, nɔ nɨkwa uɓatiso ngʉwɔ Yɔanɨ, ɓa꞉pemiso ta pemisoni ɓɔ Asɔɓɨɨ a ngbingbii. 30Yakamɛngana, Ɓafalisayɔ, nɔ ɓapananakɨa ɓɔ mapanʉ, ɓa꞉yaa anɨkwa uɓatiso ngʉwɔ Yɔanɨ. Kʉdɔ, ɓɔ꞉tɔjanga yaka ngɨyɛ Asɔɓɨɨ a꞉ɓio akʉnda akʉʉ eɓo.
31Ga Yeso ɓata kʉ ɓɔ: «Nakwanana dɔ-sɨ sisono ɓombi ngʉɓɔ ɓʉɓʉnʉ nɔ ɨmanɨ? Ɓa dɔ-sɨ ngbanga ndʉ ɨmanɨ? 32Ɓa ngbanga ta ndʉ ɨyɛ, ɓana ɓakɨkɨa-ɔɔ ɓawele aibamu, ɓɔpʉnga tʉɓanakɨa yaka ɓɔ: ‹Tɔ꞉nɨɓɛndɨɔ pɛngɛ ɓabiba, yakamɛngana, sɔkɔmʉ nɔ́꞉jo ʉmbɔ! Nɔ ɓata, tɔ꞉nɨsʉɨa lɨta lɔ didima, sɔkɔmʉ nɔ́꞉ndɨa kʉ ɓanɨ!› 33Ya ngbanga kʉ ɓanɨ, ndʉ Yɔanɨ ngɨa a꞉tɨɓatisa ɛ꞉ka, sɔkɔmʉ ɨyɔ, adyakaka ndʉ ɓangɛ, nɔ sɔkɔmʉ anɨmwa ʉkyɛpʉ kʉɓanɨ, nɔ́pʉnga nayɔ sigio ga anɔ mʉtɨma wɔ idu. 34Ɨmɨ, Mwana ngɨyɔ Mombi, nɛ꞉ka, nɔ nadyakanaka nɔ mwakanaka, yakamɛngana, nákɔsugo kʉ ɓɔ: ‹Ineni ngbuka ngɨa, nɔ mombi ɔ ɨdamʉ ngɨa, awai ɔ ɓombi ɓɔ lipisa manjanja, nɔ ɓombi ɓɔ mʉkyananakɨa wɔta ɓɨɓɨ!› 35Ɨnadɔ, mʉtɨma wɔ pemiso yaka ngʉa Asɔɓɨɨ, wɛmbɨanɨa ɓɔ wa ingono, ta nɔ ɓombi ngʉɓa ɓa nayɔ akɔkpataka.»
Moi ɔ mʉkyananakɨa wɔta mʉsʉgʉ
(Mat 26:6-13; Mlk 14:3-9; Yɔa 12:1-8)
36Mʉfalisayɔ mʉngana e꞉soko Yeso anɨsa akɔdyakaka andɔngɔ. Kʉdɔ Yeso a꞉sa atɨ gue ngɨananɨ andei, nɔ ɓɔ꞉pʉnga dyakaka. 37Ɨnadɔ, amati ɔ gʉlʉ ngɨananɨ, ya꞉ɓio nɔ moi mʉngana ɔ mʉkyananakɨa wɔta mʉsʉgʉ. Ndʉ ɔ꞉ka ɓɔ Yeso akɔdyakaka atɨ mʉfalisayɔ ngɨananɨ, ɛ꞉ka nɔ malaji wɔ ɨgabʉ, nɔ ʉwɔta mvo tɨpɨ, amati ɔ mʉkɛɛ#7:37 pɔ ɓɔ ɓa꞉ʉkɨa nɔ makopi kɔ ɨgabʉ ɓɔ kyɛɛ. 38Ɨyɛ a꞉ɓɔya, ɔ꞉wolo anɔ ambamba ɔ lɨgbata lɔ Yeso ga jikomu. Ɔ꞉pʉnga ndɨa, nɔ njɨlakiso masoi alɨgbata lɔ Yeso, nɔ nalɔ abɨaka nɔ ndii ngɨangɔ. Kʉdɔ, ɔ꞉naputo lɨgbata ngɨlɔ Yeso, ga ɨyɔ nɔ malaji ga fʉɔ fʉɔ. 39Ɨyɛ Mʉfalisayɔ ngɨa e꞉soko Yeso ɛ꞉na yaka ngɨyɛnɛnɨ, ɔ꞉pʉnga yakanaka amati angɔ ɓɔ: «Gue ngɨa, ɔɓieni pɛngɛ-sɨ ta ɨgbɛ yɔ Asɔɓɨɨ ingono, ambɔ ɛmbɨɔ ɓɔ moi ngɨa anayɔ akɔɓotoko a anɨ. Dɔ, a moi mʉngana ata mʉsʉgʉ.»
40Kʉdɔ, ga Yeso nɔ Mʉfalisayɔ ngɨananɨ ɓɔ: «Simoni, nanɔ yaka nɔwɛ anɔngɨa.» Ga Simoni ɓɔ: «Sugo pɨ, Mʉpananakɨa.» 41Yeso ɔ꞉pʉnga nayɔ asigio ɓɔ: «Ɓombi ɓapɨnɨ ɓa꞉ɓio nɔ uɓu wɔ mombi mʉngana. Mombi ngɨyɔ pɛɨ, a꞉ɓio nɔ uɓu wɔ ɓagyɛgyɛ lɨmɨa ɓɔkʉ, ɨyakɛ ɔmɔ ɓatɛkɛɓɛ ɓɔkʉ. 42Mombi pɔ mʉngana ati ɔ ɓombi ɓɔ maɓu ngʉɓɔnanɨ, a꞉ɓiomʉ adaa ngɨa amutosio-ɔɔ uɓu ngʉwangɔ. Kʉdɔ, ɔ꞉ɓɨpaakɨa maɓu ngʉkɔnanɨ, ɨɓɔ ɓaɓomu ɓapɨnɨ. Tɨa ati ɔ ɓombi ngʉɓɔnanɨ ɓa ɓapɨnɨ, anɨ akɛ a꞊mʉkʉnda nɔgbɛ?» 43Simoni ɔ꞉mutosio ɓɔ: «Akɔ ɨmɨ, nanɨna ndʉ, ya mombi ngɨa ɓa꞉mɨpaya uɓu ʉja.» Yeso ɔ꞉musigio aka ɓɔ: «Wɔngakɔ ingono.» 44Kʉdɔ, Yeso ɔ꞉natana mesu aki moi ngɨananɨ a꞉ɓio-ɛɛ, ga ɨyɔ nɔ Simoni ɓɔ: «Wɛnɔ ndɨ kʉɔ yaka ngɨyɛ moi ngɨa ɔ꞉kɨɔ? Nɛkɔ andɔɔ aka, sɔkɔmʉ wɔnenjo mipo kɔ mɨtɨndɨ, yakamɛngana, ɨyɔ, ɔnagyaɓɔ mɨtɨndɨ nɔ masoi ngʉkangɔ, nɔ, ɔ꞉nabɨaka nɔ ndii ngɨangɔ. 45Aka nɛkɔ-ɔɔ, wɔ꞉kɔnaputo pɔ kʉɓanɨ, akɔpananiso ɨgyagya ngɨyɛsɔɔ, yakamɛngana, moi ngɨa ɔ꞉kɔsɨɔmʉ nɛmɨ akɔnaputo mɨtɨndɨ. 46Wɔ꞉natomʉ nɔ umbundo amʉtʉ kʉɓanɨ, yakamɛngana, moi ngɨa ɔ꞉nachochoko lɨgbata nɔ umbundo wɔta mvo tɨpɨ.
47Tɨa kʉ ananɨ, nanɔwɛ anʉngɨa ɓɔ, ɓʉkʉnda ɓɔta ɓʉja ngʉɓɔnanɨ ɔ꞉pananiso akʉʉ asɛmɨ, ɓanɨmbiiso ɓɔ ɓʉɓɨɓɨ ngʉɓangɔ ɓʉja ɓɛ꞉paanakɨɔ. Yakamɛngana, atɨ mombi ngɨa ɓɔ꞉mɨpaakɨɔ ɓʉɓɨɓɨ bele, apananiso ɓʉkʉnda kʉ bele.» 48Kʉdɔ, Yeso ɔ꞉sigio moi ngɨananɨ ɓɔ: «Ɓʉɓɨɓɨ ngʉɓɔsɔɔ ɓɛpaanakɨɔ ɨpaanakɨanɨ.» 49Ɓombi ngʉɓa ɓa꞉ɓio akɔdyakaka ɨhɔ naɓɔ, ɓɔ꞉pʉnga ɓokuono amati eɓo ɓɔ: «Mombi ngɨa a-sɨ ɨyɔ ndʉ anɨ, ɨya akwanana paakɨa ɓombi ɓʉɓɨɓɨ?» 50Kʉdɔ, Yeso a꞉sigio ɓata moi ngɨananɨ ɓɔ: «Báya ngɨyɛsɔɔ yɔnaheiso heisoni, sa kʉ nɔ majɨɔ.»
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translators, Inc.