KEJADIAN 34
34
Dina Birogol
1Ku nanek arik Dina kisueg memerip urag kerdor nyengnyam mai Kanaan. Dina ajeh kenon kerdor Yakub ru Lea. 2Ku mase ajeh, Sikhem kibakek Dina. Sikhem ajeh kenon Hamor. Hamor ajeh ketue mai Hewi ku kawasan ajeh. Sikhem kien jar Dina lalu kirogol kek. 3Telas ajeh Sikhem pen ihad kipekenan ha Dina lei kek kihod ha Dina. Kek kibeusehe supaye kerdor ajeh kihok ha ilei. 4Jadi, Sikhem kiurok nu iapak, “Eng ngsemanj supaye jenbeusehe jenberkep kerdor ajeh ha eng. Eng ngha-jeg kek.”
5Yakub kicerngai ikenon kerdor ya birogol. Tapi ku mase ajeh, kekenon keral Yakub tengah naijaga binatag daknek ku padag. Jadi, kek pek kikot ma-ma tindakan sebelom naijog.
6Telas ajeh Hamor apak Sikhem kiet nu Yakub kaha-belwal ru kek. 7Ku mase ajeh juga, kekenon keral Yakub naijog ju padag. Telas naicerngai tentang hal ajeh, enai naikekjet ru ihad naiberiknos ha bahneh Sikhem ajeh. Sikhem ya kihina dikdij sengoi Israel ya ibahneh nu kenon kerdor Yakub ajeh. Hal ajeh pek patot belaku.
8Tapi Hamor kiurok nu Yakub ru ikekenon, “Sikhem kenon eng ihad kihod ha kenon kerdor jen. Ngsemanj supaye jenog kenon eng kijeg kek. 9Beiloh hinikah campor. Engkeog kekenon kerdor nu jik, ru jik doh jiog kekenon kerdor nu engkek. 10Geiloh besama ru jik. Tik adeh tebuka ha engkek. Engkek buleh engkecip nu belok-belok ru engkemilek harta ku padeh.”
11Sikhem juga kiurok nu apak Dina ru itetenek begei adeh: “Tuneiloh semmanj eng adeh, eng doh ngog ma-ma taleh pen de engkehod. 12Urokloh hadiah ma de engkehod ru petentuloh imas kawen. Eng doh ngog ma de engkesemanj, asal taleh engkeog ngjeg kerdor ajeh.”
13Kerana Sikhem ya kirogol menang enai Dina, kekenon keral Yakub nailenglod Sikhem ru Hamor iapak. 14Naiurok nu nar mom sengoi ajeh, “Jik pek buleh jiog menang jik kibegengsir ru sengoi de pek besunat kerana hal ajeh kipeaep jik. 15Jik buleh jisetuju semmanj hek ajeh amen haterima nek nanek syarat taleh. Hek mesti hajadi begei jik. Dikdij keral ku engkap hek pen hodloh bisunat juga. 16Telas ajeh baruloh jisetuju ru cenadang hek haha-nikah campor. Doh jigei besama ru hek, ru jijadi nanek bangse ru hek. 17Tapi amen pek haterima syarat jik ru hanyek bisunat, jik doh jikot menang jik ru jiet.”
18Hamor ru Sikhem baisetuju ru syarat ajeh. 19Lalu Sikhem pen deras kibesedia kaha-tunei syarat ajeh kerana kihod ha Dina. Ku engkap puak iperingak, Sikhem ajeh de paleng bihormat.
20Jadi, Hamor ru Sikhem baiet nu tempat pertemuan ku pintu gerbang kote lalu kiurok nu mai de gigei ku kote, 21“Sengoi Israel ajeh kawat hik. Jadi, biarloh naigei ku tik hik adeh ru naicip nu belok-belok taleh. Tik hik adeh ihad luas ha enai juga. Hik buleh hijeg kekerdor enai ru enai pen buleh naijeg kekerdor hik. 22Tapi hik mesti hitunei syarat enai. Dikdij keral ku engkap hik hodloh bisunat begei ha enai. Telas ajeh enai doh naigei besama ru hik ru naijadi nanek bangse ru hik. 23Begei ajehloh dikdij binatag ru harta enai doh jadi hak hik. Beiloh hisetuju semmanj enai supaye naigei besama ru hik.”
24Dikdij mai de bekumpol ku pintu gerbang kote ajeh naisetuju ha cenadang Hamor ru Sikhem. Jadi, dikdij keral ku kote ajeh pen bisunat.
25Nik arik ju kenjeh, mase dikdij keral lekat naipehod kerana bisunat, nar mom kenon Yakub, Simeon ru Lewi, tetenek Dina ajeh, baikot pedang lalu baimuj serakngek nu kateh kote ajeh. Ubai perdat dikdij keral ku pajeh 26temasok Hamor ru Sikhem. Telas ajeh baikot Dina ju deg Sikhem lalu naiet. 27Telas ajeh kekenon keral Yakub de kilek naihol nu kote de mong mayat-mayat ajeh ru nairumpak kote ajeh naiha-balas dendam kerana menang enai ya birogol. 28Naikot kambeg, dombe, lembu, keldei ru dikdij ma de mong ku kateh kote ru padag. 29Naikot dikdij barang de beharga, naitawan dikdij kerdor ru sanget, ru nairampas dikdij deg ku kote ajeh.
30Telas ajeh Yakub kiurok nu Simeon ru Lewi, “Jerkepesusah ha eng. Hunen sengoi Kanaan, sengoi Feris, ru dikdij mai de gigei ku tik adeh doh naigetek ha eng. Sengoi hik pek jeoi. Amen dikdij mai de gigei ku pajeh naibepakat naiha-lawan ru naiserag eng, dikdij peringak hik doh jadi binasa.”
31Tapi baiberlag, “Jar pek buleh jarbiar menang jar bibeh begei numom pelacor.”
S'ha seleccionat:
KEJADIAN 34: AEH
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
KEJADIAN 34
34
Dina Birogol
1Ku nanek arik Dina kisueg memerip urag kerdor nyengnyam mai Kanaan. Dina ajeh kenon kerdor Yakub ru Lea. 2Ku mase ajeh, Sikhem kibakek Dina. Sikhem ajeh kenon Hamor. Hamor ajeh ketue mai Hewi ku kawasan ajeh. Sikhem kien jar Dina lalu kirogol kek. 3Telas ajeh Sikhem pen ihad kipekenan ha Dina lei kek kihod ha Dina. Kek kibeusehe supaye kerdor ajeh kihok ha ilei. 4Jadi, Sikhem kiurok nu iapak, “Eng ngsemanj supaye jenbeusehe jenberkep kerdor ajeh ha eng. Eng ngha-jeg kek.”
5Yakub kicerngai ikenon kerdor ya birogol. Tapi ku mase ajeh, kekenon keral Yakub tengah naijaga binatag daknek ku padag. Jadi, kek pek kikot ma-ma tindakan sebelom naijog.
6Telas ajeh Hamor apak Sikhem kiet nu Yakub kaha-belwal ru kek. 7Ku mase ajeh juga, kekenon keral Yakub naijog ju padag. Telas naicerngai tentang hal ajeh, enai naikekjet ru ihad naiberiknos ha bahneh Sikhem ajeh. Sikhem ya kihina dikdij sengoi Israel ya ibahneh nu kenon kerdor Yakub ajeh. Hal ajeh pek patot belaku.
8Tapi Hamor kiurok nu Yakub ru ikekenon, “Sikhem kenon eng ihad kihod ha kenon kerdor jen. Ngsemanj supaye jenog kenon eng kijeg kek. 9Beiloh hinikah campor. Engkeog kekenon kerdor nu jik, ru jik doh jiog kekenon kerdor nu engkek. 10Geiloh besama ru jik. Tik adeh tebuka ha engkek. Engkek buleh engkecip nu belok-belok ru engkemilek harta ku padeh.”
11Sikhem juga kiurok nu apak Dina ru itetenek begei adeh: “Tuneiloh semmanj eng adeh, eng doh ngog ma-ma taleh pen de engkehod. 12Urokloh hadiah ma de engkehod ru petentuloh imas kawen. Eng doh ngog ma de engkesemanj, asal taleh engkeog ngjeg kerdor ajeh.”
13Kerana Sikhem ya kirogol menang enai Dina, kekenon keral Yakub nailenglod Sikhem ru Hamor iapak. 14Naiurok nu nar mom sengoi ajeh, “Jik pek buleh jiog menang jik kibegengsir ru sengoi de pek besunat kerana hal ajeh kipeaep jik. 15Jik buleh jisetuju semmanj hek ajeh amen haterima nek nanek syarat taleh. Hek mesti hajadi begei jik. Dikdij keral ku engkap hek pen hodloh bisunat juga. 16Telas ajeh baruloh jisetuju ru cenadang hek haha-nikah campor. Doh jigei besama ru hek, ru jijadi nanek bangse ru hek. 17Tapi amen pek haterima syarat jik ru hanyek bisunat, jik doh jikot menang jik ru jiet.”
18Hamor ru Sikhem baisetuju ru syarat ajeh. 19Lalu Sikhem pen deras kibesedia kaha-tunei syarat ajeh kerana kihod ha Dina. Ku engkap puak iperingak, Sikhem ajeh de paleng bihormat.
20Jadi, Hamor ru Sikhem baiet nu tempat pertemuan ku pintu gerbang kote lalu kiurok nu mai de gigei ku kote, 21“Sengoi Israel ajeh kawat hik. Jadi, biarloh naigei ku tik hik adeh ru naicip nu belok-belok taleh. Tik hik adeh ihad luas ha enai juga. Hik buleh hijeg kekerdor enai ru enai pen buleh naijeg kekerdor hik. 22Tapi hik mesti hitunei syarat enai. Dikdij keral ku engkap hik hodloh bisunat begei ha enai. Telas ajeh enai doh naigei besama ru hik ru naijadi nanek bangse ru hik. 23Begei ajehloh dikdij binatag ru harta enai doh jadi hak hik. Beiloh hisetuju semmanj enai supaye naigei besama ru hik.”
24Dikdij mai de bekumpol ku pintu gerbang kote ajeh naisetuju ha cenadang Hamor ru Sikhem. Jadi, dikdij keral ku kote ajeh pen bisunat.
25Nik arik ju kenjeh, mase dikdij keral lekat naipehod kerana bisunat, nar mom kenon Yakub, Simeon ru Lewi, tetenek Dina ajeh, baikot pedang lalu baimuj serakngek nu kateh kote ajeh. Ubai perdat dikdij keral ku pajeh 26temasok Hamor ru Sikhem. Telas ajeh baikot Dina ju deg Sikhem lalu naiet. 27Telas ajeh kekenon keral Yakub de kilek naihol nu kote de mong mayat-mayat ajeh ru nairumpak kote ajeh naiha-balas dendam kerana menang enai ya birogol. 28Naikot kambeg, dombe, lembu, keldei ru dikdij ma de mong ku kateh kote ru padag. 29Naikot dikdij barang de beharga, naitawan dikdij kerdor ru sanget, ru nairampas dikdij deg ku kote ajeh.
30Telas ajeh Yakub kiurok nu Simeon ru Lewi, “Jerkepesusah ha eng. Hunen sengoi Kanaan, sengoi Feris, ru dikdij mai de gigei ku tik adeh doh naigetek ha eng. Sengoi hik pek jeoi. Amen dikdij mai de gigei ku pajeh naibepakat naiha-lawan ru naiserag eng, dikdij peringak hik doh jadi binasa.”
31Tapi baiberlag, “Jar pek buleh jarbiar menang jar bibeh begei numom pelacor.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.