Jọn 1
1
Ẹ́gẹ́rẹ́ Ma Ḅoo Mẹnị Suam
1Súghú sághị ma ḅụ Ẹ́gẹ́rẹ́ ma imii, Ẹ́gẹ́rẹ́ ma Tamuno na imi, Ẹ́gẹ́rẹ́ ma pịghị Tamuno. 2Súghú sághị ma ḅụ ori na Tamuno na imi.
3Ọ ḅụ ḅọ́rọ́ anịị Tamuno ọ tẹ́mẹ́nyẹ mamgba tẹ́mẹ́nyẹ; n tẹ́mẹ́nyẹ mamgba ḅụ gbẹ́rẹ́nyẹ sọ ofori sị ori tẹ́mẹ́gha nyẹ. 4Ọ ḅụbie anịị duma fịnịnyẹ, anị duma ma anịị túminị́ baá ma. 5Baá ma biarị kánákánábie, kụ́ma kánákáná ma na ine anị akanyaḅogha.
6Tamuno ori oku muḅọ fịrịmam, Jọn pa siḅọ. 7Ori onyésẹ̄ḅọ ḅara pa ḅom sị ọ baá ma gbólómanyẹ dugho págháma bẹ ḅara, sị ọ ḅụ ḅọ́rọ́ túminị́ mamgba minini bẹ ḅara. 8Ori ma ḅụgbọrụ baá magha; o ḅom ḅẹẹ ori onyẹ́sẹ baá ma ngéré pịrị. 9Mịma anịị karakárá baá, tuminikiri ḅo sị túminị́ mamgba ḅụ biarị nyẹ.
10O tuminikiri ma bie imi, ọ ḅụ ḅọ́rọ́ anịị tuminikiri ma tẹ́mẹ́nyẹ n bẹ sọ, tuminikiri ma o lighilighiḅogha. 11Ori ọrẹ sẹkiriapụ damaḅom, kụ́ma ori a túminị́ ọ daákịgha. 12Kụ́ma ọ daakịapụ mamgba, pịghị ori ẹrẹ ḅụ mininiapụ ọ kụrọ pa nnị pịrịm sị nnị Tamuno awọ sọọ. 13Nnị Tamuno awọ sọgha túminị́ nna nyingi na nna daa awọ sọ ḅara, anịị gbẹ́rẹ́ daa yii awọ kụ́ma ori Tamuno ma anịị nna Daa.
14Ẹ́gẹ́rẹ́ ma ḅo tumḅọ sọm sị wamịnị na ngaa. Wamịnị ori ipine árịmam, Daḅọ ma ḅara sághị ḅo Kpọ́kpọ́ gbẹ́rẹ́ḅọ tọ́rụ́kụrụkụ́rụ́ na karakárá ḅụ bi ḅo.
15Jọn o gbólómanyẹ dugho pághámam, ori owu pághámam dughoarị ḅẹẹ, <<Mịị ori a o gbólómanyẹ ma dugho ḅọ ma, <Ị́yẹ́ ọḅụju ḅoarịḅọ ma ori dụḅa i nẹngịm tẹ́ go na nnị i yiigha sa éné éné ḅụ ori imii.> >> 16Ori tọ́rụ́kụrụkụ́rụ́ bi wasa ḅara gosi ọ wamịnị kị́nị́mamgba bomam, gbẹ́rẹ́ boma ḅụ akị mú jẹ́ la. 17Tamuno ólóghó ma Mosis ḅara sághịḅom, kụ́ma tọ́rụ́kụrụkụ́rụ́ na karakárá Jizọs Krais ḅara sághịḅom. 18Gbẹ́rẹ́ḅọ sọ jẹ́ éné na Tamuno arịgha. Kpọ́kpọ́ gbẹ́rẹ́ tụ́wọ ma, ori na Tamuno na gbẹ́rẹ́nyẹ ma, ori ma pịghị Daḅọ ma ngása imi, ori ma pịghị mịẹmam sị wamịnị o nimi.
Jọn Mingi Saraḅọ Pighim Ḅẹ́ Ori Kraisigha
(Mat 3.1-12; Mak 1.1-8; Luk 3.1-18)
19Mịma anịị Jọn dugho págháma nyẹ, Jerusalem Juuapụ sịbịdaapụ Tamuno fịrịnwangịapụ na Livai furoawọ fịrịma sáá ḅẹẹ n ḅo o gbíla ḅẹẹ, <<Ịrị tụọ mọ?>> 20Jọn anị pighigha ḅara ḅụ dughom, kụ́ma dughofindi n pịrịm ḅẹẹ, <<Ịrị Krais maagha.>>
21Nnị o gbilam, <<Anịsáa Ịrị tụọ? Ịrị Elaija?>>
Ori nnị pagharam, <<Irịgha.>>
Túminị́ ma warị sima gbíla, <<Ịrị ikiakoroḅọ ma?>>
Ori nnị pagharam, <<Irịgha.>>
22Kunema n dughom, <<Ịrị Tụọ? Wa págháraa, wa dughonyẹ nyáná wa fịrịmaapụ pịrịbẹ ḅara. Ị gbólómanyẹ ma ḅụ ị tẹ́ dugho?>> 23Jọn pagharam nnị dugho warị ḅara ikiakoro Aizaya diri bie, Ịrị anịị owuarị pụghọ elesiri ḅụ, <<Kị́nị́nyánáḅọ asọ ma mịẹ gbụ́nụ́nụ́ maá!>> 24Mị́sa jẹ́ Farisiiapụ, n fịrịmamaapụ 25o gbilam, <<Ị tẹ́ go mingi sáráarị ịrị ḅọ́rọ́ Krais maagha, anịgha Elaija anịgha ikiakoroḅọ ma?>> 26Jọn pagharam, <<A mingi pa túminị́ saram, kụ́ma ọmịnị ogboku bie sẹ́fịnị gbẹ́rẹ́ḅọ imi o nimighaḅọ. 27Ori anịị ị́yẹ́ ọḅụju ḅoarị ḅo, o sua agbaa a laagha sị tughu anị fiima.>>
28Mịnanyẹ mamgba kiriakịm Bẹtani ḅụ anịị ịrụa ma saghị saghị párángáa Jọdan tọ́rụ ma ḅụ, Jọn mingi saraarị ngá.
Jizọs Tamuno Ma Ánáná
29Anị ḅụ éné ḅa Jọn Jizọs arịm nwángị ọ fịnịnga ḅoarị warị ḅẹẹ, <<Tamuno Ánáná ma dighi, tuminikiri gbọrụ sii dighiákị soarị ḅọ! 30Mịị a ḅẹ́arịḅọ ma, a ḅẹ́ sáá ḅẹẹ, <Gbẹ́rẹ́ḅọ ị́yẹ́ ọḅụju ḅoarị kụ́ma o gélé i nẹngịm, tegó na nnị i yiigha sáá éné éné ori imii.> 31Irị ḅụgbọrụ o nimigha, kụ́ma a go ḅo sị mingi pa túminị́ sararị nyẹ anịị ori ọ ḅụ pa Izirẹlị diepágháma bẹ ḅara.>>
32Jọn mịị dugho págháma nyẹ ma nyánam: <<A Tẹ́mẹ́ ma arịm sobie saghị kóróḅo elesia ḅara ma sị ori ọgọnọ fịnịm. 33A o nimiḅobịgha, kuma i fịrịma ḅọ ma ḅẹ́ a ḅoo mingi sara, dugho i pịrịm, <Tẹ́mẹ́ ma kóróḅo sị oju ḅụ gbánā fịnị owitụ́wọ ma ori ma anịị Tẹ́mẹ́ ma pa mingi pa ọ sara bẹḅọ.> 34A árịmam pịghị dugho págháma ḅẹẹ mịị Tamuno Tụwọ ma.>>
Parị Ọḅụduaapụ
35Anị ḅụ éné ḅa, Jọn anị ngaa imii ori na ori mmẹẹ́ a ọḅụduaapụ.
36O Jizọs arịm ọ ḅọ́rọ́arị sáá, warị ḅẹẹ, <<Tamuno Ánáná ma dighi!>>
37Mmẹẹ́ ọḅụduaapụ ma Jọn náa sị mịma dugho sáá, nnị Jizọs duam.
38Ọ tọ́rụ́ pịghị sáá, Jizọs nna arịm o duarị, sị n gbilam, <<Ọ tẹ́ dọghụ?>>
Nnị pagharam, <<Rabbai#1.38 Rabbai: Anịị dughoarị ḅẹẹ, Nyẹ́dieḅọ., i tẹ́ angaá ngáarị?>>
39Ọ pagharam, <<Ḅoo, ọ pịghị árịbẹm.>>
Nnị warị muu sị muu ọ fịnịarị ngá ma árị nnị warị anị ngá ọ nana fịnị anị éné ma ḅụ, mịma anịị ḅupiri ḅụ ínia énékịẹnyẹ. 40Anduru Saimọn Pita numboru owitụ́wọ anịị mmẹapụ ma ḅụ gbẹ́rẹ́ḅọ Jọn dughonyẹ naaḅọ sị pịghị Jizọs dua. 41Anduru parị mịẹnyẹ anịị ori o numboru owitụ́wọ dọghụ pághámaḅom sị dugho ọ pịrị ḅẹẹ, <<Wa Mesaya ma árịmam>> (anịị Krais ma) 42Ọ warị ọ pa Jizọs damaḅo. Jizọs tọ́rụ́ pịghị o dighim sị ḅẹẹ, <<Ịrị anịị Saimọn Jọn tụ́wọ, Kefas.>> (Anịị n pa ị sị bẹnyẹ mịma anịị n pa Pita sị nyẹ.)
Jizọs Filipụ Na Natanieli Sịm
43Jẹ́ éné ḅá sáá Jizọs ọ tẹ́mẹ́bie tọmam ḅẹẹ ọ Galili mubẹm. O ḅo Filipụ árị sáá ori ọ ḅẹm, <<I dua.>> 44Filipụ Bẹtịsaida ḅụ saghịḅom, Anduru na Pita ngá ama. 45Filipụ Natanieli dọghụ pághámaḅom sị dugho o pịrị ḅẹẹ, <<Wamịnị o dọghụ pághámaḅomam, Mosis o gbólómanyẹ dughoḅọ ma ólóghó diri ma bie, na pịghị ikiakoroapụ ma o gbólómanyẹ dughoḅọ ma Jizọs Nazarẹtị ḅụ saghị ḅo Josẹf tụ́wọ.>>
46Natanieli gbilam, <<Nazarẹtị ḅụ anị bie págháḅo bẹ ibinyẹ imi?>>
Filipụ pagharam <<Ḅo dighi.>>
47Jizọs Natanieli árị sị ọ ḅoarị sáá, mịị o gboloma sị o dughonyẹ, <<Mịị karakárá Izirẹlịḅọ, epele ḅụ oforighaḅọ.>>
48Natanieli gbilam, <<I tọ́rọ́ pa ị nimi?>> Jizọs pagharam, <<A ị́yẹ́ arịm i pa fịgị sịị ma suu fịnịarị sáá, Filipụ na ị sịgha sáá.>>
49Natanieli ọ pagharam <<Rabbai, ị́rị anịị Tamuno Tụ́wọ ma, ịrị anịị Izirẹlị Ámányánáḅọ ma.>> 50Jizọs warị ḅẹẹ, <<Ị mininim tegó a dugho i pịrịm ḅẹ́ a ị́yẹ́ arịm fịgị sịị ma sughu. Ị mịma nẹ́ngịma nyẹ árịbẹm.>> 51Ọ warị jẹ́nyẹ dugho, <<A karakárányẹ ma dugho i pịrịm, ị́yẹ́ árịbẹm so ma findi ngaa sị Tamuno oku muapụ ma arịị Tumḅọ yii Tụ́wọ ḅụ tándị iwọarị pịghị ọ tándị kóróḅoarị.>>
S'ha seleccionat:
Jọn 1: IBY
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
©2024 Luke Initiative for Scripture Translation
Jọn 1
1
Ẹ́gẹ́rẹ́ Ma Ḅoo Mẹnị Suam
1Súghú sághị ma ḅụ Ẹ́gẹ́rẹ́ ma imii, Ẹ́gẹ́rẹ́ ma Tamuno na imi, Ẹ́gẹ́rẹ́ ma pịghị Tamuno. 2Súghú sághị ma ḅụ ori na Tamuno na imi.
3Ọ ḅụ ḅọ́rọ́ anịị Tamuno ọ tẹ́mẹ́nyẹ mamgba tẹ́mẹ́nyẹ; n tẹ́mẹ́nyẹ mamgba ḅụ gbẹ́rẹ́nyẹ sọ ofori sị ori tẹ́mẹ́gha nyẹ. 4Ọ ḅụbie anịị duma fịnịnyẹ, anị duma ma anịị túminị́ baá ma. 5Baá ma biarị kánákánábie, kụ́ma kánákáná ma na ine anị akanyaḅogha.
6Tamuno ori oku muḅọ fịrịmam, Jọn pa siḅọ. 7Ori onyésẹ̄ḅọ ḅara pa ḅom sị ọ baá ma gbólómanyẹ dugho págháma bẹ ḅara, sị ọ ḅụ ḅọ́rọ́ túminị́ mamgba minini bẹ ḅara. 8Ori ma ḅụgbọrụ baá magha; o ḅom ḅẹẹ ori onyẹ́sẹ baá ma ngéré pịrị. 9Mịma anịị karakárá baá, tuminikiri ḅo sị túminị́ mamgba ḅụ biarị nyẹ.
10O tuminikiri ma bie imi, ọ ḅụ ḅọ́rọ́ anịị tuminikiri ma tẹ́mẹ́nyẹ n bẹ sọ, tuminikiri ma o lighilighiḅogha. 11Ori ọrẹ sẹkiriapụ damaḅom, kụ́ma ori a túminị́ ọ daákịgha. 12Kụ́ma ọ daakịapụ mamgba, pịghị ori ẹrẹ ḅụ mininiapụ ọ kụrọ pa nnị pịrịm sị nnị Tamuno awọ sọọ. 13Nnị Tamuno awọ sọgha túminị́ nna nyingi na nna daa awọ sọ ḅara, anịị gbẹ́rẹ́ daa yii awọ kụ́ma ori Tamuno ma anịị nna Daa.
14Ẹ́gẹ́rẹ́ ma ḅo tumḅọ sọm sị wamịnị na ngaa. Wamịnị ori ipine árịmam, Daḅọ ma ḅara sághị ḅo Kpọ́kpọ́ gbẹ́rẹ́ḅọ tọ́rụ́kụrụkụ́rụ́ na karakárá ḅụ bi ḅo.
15Jọn o gbólómanyẹ dugho pághámam, ori owu pághámam dughoarị ḅẹẹ, <<Mịị ori a o gbólómanyẹ ma dugho ḅọ ma, <Ị́yẹ́ ọḅụju ḅoarịḅọ ma ori dụḅa i nẹngịm tẹ́ go na nnị i yiigha sa éné éné ḅụ ori imii.> >> 16Ori tọ́rụ́kụrụkụ́rụ́ bi wasa ḅara gosi ọ wamịnị kị́nị́mamgba bomam, gbẹ́rẹ́ boma ḅụ akị mú jẹ́ la. 17Tamuno ólóghó ma Mosis ḅara sághịḅom, kụ́ma tọ́rụ́kụrụkụ́rụ́ na karakárá Jizọs Krais ḅara sághịḅom. 18Gbẹ́rẹ́ḅọ sọ jẹ́ éné na Tamuno arịgha. Kpọ́kpọ́ gbẹ́rẹ́ tụ́wọ ma, ori na Tamuno na gbẹ́rẹ́nyẹ ma, ori ma pịghị Daḅọ ma ngása imi, ori ma pịghị mịẹmam sị wamịnị o nimi.
Jọn Mingi Saraḅọ Pighim Ḅẹ́ Ori Kraisigha
(Mat 3.1-12; Mak 1.1-8; Luk 3.1-18)
19Mịma anịị Jọn dugho págháma nyẹ, Jerusalem Juuapụ sịbịdaapụ Tamuno fịrịnwangịapụ na Livai furoawọ fịrịma sáá ḅẹẹ n ḅo o gbíla ḅẹẹ, <<Ịrị tụọ mọ?>> 20Jọn anị pighigha ḅara ḅụ dughom, kụ́ma dughofindi n pịrịm ḅẹẹ, <<Ịrị Krais maagha.>>
21Nnị o gbilam, <<Anịsáa Ịrị tụọ? Ịrị Elaija?>>
Ori nnị pagharam, <<Irịgha.>>
Túminị́ ma warị sima gbíla, <<Ịrị ikiakoroḅọ ma?>>
Ori nnị pagharam, <<Irịgha.>>
22Kunema n dughom, <<Ịrị Tụọ? Wa págháraa, wa dughonyẹ nyáná wa fịrịmaapụ pịrịbẹ ḅara. Ị gbólómanyẹ ma ḅụ ị tẹ́ dugho?>> 23Jọn pagharam nnị dugho warị ḅara ikiakoro Aizaya diri bie, Ịrị anịị owuarị pụghọ elesiri ḅụ, <<Kị́nị́nyánáḅọ asọ ma mịẹ gbụ́nụ́nụ́ maá!>> 24Mị́sa jẹ́ Farisiiapụ, n fịrịmamaapụ 25o gbilam, <<Ị tẹ́ go mingi sáráarị ịrị ḅọ́rọ́ Krais maagha, anịgha Elaija anịgha ikiakoroḅọ ma?>> 26Jọn pagharam, <<A mingi pa túminị́ saram, kụ́ma ọmịnị ogboku bie sẹ́fịnị gbẹ́rẹ́ḅọ imi o nimighaḅọ. 27Ori anịị ị́yẹ́ ọḅụju ḅoarị ḅo, o sua agbaa a laagha sị tughu anị fiima.>>
28Mịnanyẹ mamgba kiriakịm Bẹtani ḅụ anịị ịrụa ma saghị saghị párángáa Jọdan tọ́rụ ma ḅụ, Jọn mingi saraarị ngá.
Jizọs Tamuno Ma Ánáná
29Anị ḅụ éné ḅa Jọn Jizọs arịm nwángị ọ fịnịnga ḅoarị warị ḅẹẹ, <<Tamuno Ánáná ma dighi, tuminikiri gbọrụ sii dighiákị soarị ḅọ! 30Mịị a ḅẹ́arịḅọ ma, a ḅẹ́ sáá ḅẹẹ, <Gbẹ́rẹ́ḅọ ị́yẹ́ ọḅụju ḅoarị kụ́ma o gélé i nẹngịm, tegó na nnị i yiigha sáá éné éné ori imii.> 31Irị ḅụgbọrụ o nimigha, kụ́ma a go ḅo sị mingi pa túminị́ sararị nyẹ anịị ori ọ ḅụ pa Izirẹlị diepágháma bẹ ḅara.>>
32Jọn mịị dugho págháma nyẹ ma nyánam: <<A Tẹ́mẹ́ ma arịm sobie saghị kóróḅo elesia ḅara ma sị ori ọgọnọ fịnịm. 33A o nimiḅobịgha, kuma i fịrịma ḅọ ma ḅẹ́ a ḅoo mingi sara, dugho i pịrịm, <Tẹ́mẹ́ ma kóróḅo sị oju ḅụ gbánā fịnị owitụ́wọ ma ori ma anịị Tẹ́mẹ́ ma pa mingi pa ọ sara bẹḅọ.> 34A árịmam pịghị dugho págháma ḅẹẹ mịị Tamuno Tụwọ ma.>>
Parị Ọḅụduaapụ
35Anị ḅụ éné ḅa, Jọn anị ngaa imii ori na ori mmẹẹ́ a ọḅụduaapụ.
36O Jizọs arịm ọ ḅọ́rọ́arị sáá, warị ḅẹẹ, <<Tamuno Ánáná ma dighi!>>
37Mmẹẹ́ ọḅụduaapụ ma Jọn náa sị mịma dugho sáá, nnị Jizọs duam.
38Ọ tọ́rụ́ pịghị sáá, Jizọs nna arịm o duarị, sị n gbilam, <<Ọ tẹ́ dọghụ?>>
Nnị pagharam, <<Rabbai#1.38 Rabbai: Anịị dughoarị ḅẹẹ, Nyẹ́dieḅọ., i tẹ́ angaá ngáarị?>>
39Ọ pagharam, <<Ḅoo, ọ pịghị árịbẹm.>>
Nnị warị muu sị muu ọ fịnịarị ngá ma árị nnị warị anị ngá ọ nana fịnị anị éné ma ḅụ, mịma anịị ḅupiri ḅụ ínia énékịẹnyẹ. 40Anduru Saimọn Pita numboru owitụ́wọ anịị mmẹapụ ma ḅụ gbẹ́rẹ́ḅọ Jọn dughonyẹ naaḅọ sị pịghị Jizọs dua. 41Anduru parị mịẹnyẹ anịị ori o numboru owitụ́wọ dọghụ pághámaḅom sị dugho ọ pịrị ḅẹẹ, <<Wa Mesaya ma árịmam>> (anịị Krais ma) 42Ọ warị ọ pa Jizọs damaḅo. Jizọs tọ́rụ́ pịghị o dighim sị ḅẹẹ, <<Ịrị anịị Saimọn Jọn tụ́wọ, Kefas.>> (Anịị n pa ị sị bẹnyẹ mịma anịị n pa Pita sị nyẹ.)
Jizọs Filipụ Na Natanieli Sịm
43Jẹ́ éné ḅá sáá Jizọs ọ tẹ́mẹ́bie tọmam ḅẹẹ ọ Galili mubẹm. O ḅo Filipụ árị sáá ori ọ ḅẹm, <<I dua.>> 44Filipụ Bẹtịsaida ḅụ saghịḅom, Anduru na Pita ngá ama. 45Filipụ Natanieli dọghụ pághámaḅom sị dugho o pịrị ḅẹẹ, <<Wamịnị o dọghụ pághámaḅomam, Mosis o gbólómanyẹ dughoḅọ ma ólóghó diri ma bie, na pịghị ikiakoroapụ ma o gbólómanyẹ dughoḅọ ma Jizọs Nazarẹtị ḅụ saghị ḅo Josẹf tụ́wọ.>>
46Natanieli gbilam, <<Nazarẹtị ḅụ anị bie págháḅo bẹ ibinyẹ imi?>>
Filipụ pagharam <<Ḅo dighi.>>
47Jizọs Natanieli árị sị ọ ḅoarị sáá, mịị o gboloma sị o dughonyẹ, <<Mịị karakárá Izirẹlịḅọ, epele ḅụ oforighaḅọ.>>
48Natanieli gbilam, <<I tọ́rọ́ pa ị nimi?>> Jizọs pagharam, <<A ị́yẹ́ arịm i pa fịgị sịị ma suu fịnịarị sáá, Filipụ na ị sịgha sáá.>>
49Natanieli ọ pagharam <<Rabbai, ị́rị anịị Tamuno Tụ́wọ ma, ịrị anịị Izirẹlị Ámányánáḅọ ma.>> 50Jizọs warị ḅẹẹ, <<Ị mininim tegó a dugho i pịrịm ḅẹ́ a ị́yẹ́ arịm fịgị sịị ma sughu. Ị mịma nẹ́ngịma nyẹ árịbẹm.>> 51Ọ warị jẹ́nyẹ dugho, <<A karakárányẹ ma dugho i pịrịm, ị́yẹ́ árịbẹm so ma findi ngaa sị Tamuno oku muapụ ma arịị Tumḅọ yii Tụ́wọ ḅụ tándị iwọarị pịghị ọ tándị kóróḅoarị.>>
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
©2024 Luke Initiative for Scripture Translation