Luk 24
24
Jizọs Fị Ḅụ Saghịm
(Mat 28.1-10; Mak 16.1-8; Jọn 20.1-10)
1Dedefụfụ Tamunoéné ma ḅụ, ẹ́rẹ́ámáapụ ma mịẹ karakáráma kụ́nụ́ pulo ma pa dupu ma múm. 2Nnị warị árị ḅẹẹ n pa dupu ma gbẹ́ẹ̄ dapịrị ma n suma simam.
3Nnị pa warị ma sọmum kụ́ma nnị ine Kịnịnyáná Jizọs oju ma arịgha. 4Nnị mịma kóróma kọarị sáá, buapághá ḅara ḅụ mmẹẹ́ owiapụ sofịnị kọrịarị ḅara pa kọrịarị suabịtẹ suaapụ warị anị kịrịkị́rị́ nna angásá sẹ́. 5Opu ḅáláfa go, ẹ́rẹ́ámáapụ ma warị tọ́rụ́ i ḅo kiri owiapụ ma warị n ḅẹ, <<O tẹ́ go dumaḅọ dọghụarị fịmaapụ ogbobie? 6Ọ mịnga ofori. Ọ fịị ḅụ saghịmam. O biekóróma o dugho ọ pịrịnyẹ ọ pa ọmịnị na fịnị sa Galili ḅụ: 7<Ḅẹẹ n Tumḅọ yii Tụwọ ma saghị ḅọ́rọ́ma siiamịẹnyẹapụ pịrịbẹm, nnị ọ ḅaupálịbẹm, tẹ́rẹ́ a dii kárámá éné ọ pịghị fịị ḅụ saghịbẹm.> >> 8Ẹ́rẹ́ámáapụ ma warị ori ẹ́gẹ́rẹ pa biekóróma.
9Nnị warị pịghịma ḅo dupu yọ ma ḅụ, warị mịị nyẹ mamgba dugho oyingieapụ findi ọḅụduaapụ ma na jẹ́apụ pịrị. 10Ẹ́rẹ́ámáapụ ma anịị Meri Magdala ḅụ saghị ḅoḅọ, Joana na pịghị Meri Jems nyingi nnị na jẹ́ ẹ́rẹ́ámáapụ anị mịnanyẹ ma dugho nfịrịmaapụ ma pịrịnyẹ. 11Kuma nfịrịmaapụ ma sịịm ḅẹ́ ẹ́rẹ́ámáapụ ma dughonyẹ ma ọ́ papanyẹ anịgo nnị n mininigha. 12Kụ́ma Pita saghịm sị mangị dupu yọ ma muu, o tughum sị warị dụadipi bịtẹ ma ngéré arịm ḅụlọlọ fịnịarị, kuma dua anị bie ofori. Ọ warị so wárị muu, pághámáa nyẹ ma warị o ḅụ́gbérépuma.
Nwángị Immaus Muu
(Mak 16.12-13)
13Anị gbẹ́rẹ́ éné ma ḅụ, mmẹẹ́ Jizọs ọḅụduaapụ n pa Immaus sị gbẹ́rẹ́ káláma muarị, Jerusalem ḅụ akị mú anị angaá láa ọ́ sọ́nọ́ma maili. 14Nnị warị dugho jụghọ jụghọ pịrịarị pághámányẹ mamgba. 15Nnị ẹ́gẹ́rẹ, pịghị bịpị ḅẹ́lẹ́maarị sa ori Jizọs warị kikiaḅọ sị saghị nnị na nwángị. 16Nnị ori arịm kụ́ma anị fịnị ḅara, nnị ine o lighilighiḅogha.
17Jizọs warị n ḅẹẹ, <<Ọ ḅọ́rọ́ tẹ́ ẹ́gẹ́rẹ kọọ jụghọ jụghọ pịrịarị ọ nwángịma muarịnyẹ ma?>>
Nnị warị sẹ gbẹ́rẹ́ ogboku tẹ́mẹ́sii na nna fụ́ḅárá ogbo. 18Nna ḅụ gbẹ́rẹ́ḅọ Kileopas pa sịḅọ, warị ọ gbíla ḅẹẹ, <<Ịrị ngéré biaḅọ Jerusalem ḅụ sị pághárịnyẹ nimighaḅọ mị ndẹa dii ḅụ?>>
19Ọ warị n gbíla, <<Anị tẹ́ nyẹ?>>
Nnị warị pagharaa, <<Jizọs Nazarẹtị ḅụ saghị ḅoḅọ ḅụ pághányẹ. Mịị owitụ́wọ ma ori ikiakoroḅọ, ọ pịghị opuma kụrọm ọrẹ dughonyẹ ḅụ na ori mịẹnyẹ mamgba ḅụ Tamuno na túminị́ tórúku. 20Wámịna igwagwaalaapụ na wa táarịapụ ọ saghị pịrịm ḅẹẹ n fịị ḅẹ́rẹ́pẹ́lẹ́ ọ sịbị sị ọ ḅaupálị, 21wa pịghị pa biekpọmaarị ḅẹẹ ori anịị ḅo Izirẹlị ḅọ́rọ́ma bẹḅọ ma. Mịị mamgba wáriso, mịngba anị tẹ́rẹ́ a dii mịnanyẹ ma kiriakị sáá. 22Jẹa ẹ́rẹ wámịna ogboapụ wa ḅụ́gbérépumam, n dupu yọ ma múm dede dede, 23kụ́ma ine ori oju arịgha. Nnị warị pịghịma ḅo ḅẹẹ n tẹ́mẹ́ju sookumuapụ árịmam, dugho n pịrịapụ ḅẹ́ o dumam. 24Wámịna ḅụ jẹ́apụ dupu yọ ma múm warị mú anị árị ẹ́rẹ́ámáapụ ma dugho gbẹ́rẹ́ ḅara ma. Kụ́ma nnị ori arịgha.>>
25Anịsáa Jizọs warị ḅo nnị ḅẹẹ, <<Dighi ọ mịnị oḅori sọọ ḅara, dighi anịsa pa ọmịnị akịarị ḅara ikiakoroapụ ma dughonyẹ minini. 26Anị karakáragha ḅẹẹ, Krais mị tọ́rụ́siarị mamgba árị sị ori ipine ḅụ sọọ?>> 27Jizọs warị dughofindi nnị pịrị o gbólómanyẹ mamgba Tọ́ndiri ma dughonyẹ, Mosis diri akị muu ikiakoroapụ ma gịẹnyẹ mamgba.
28Nnị ḅo n múuarị káláma ma na kikia sáá, Jizọs warị pa toruku muu dọghụ ḅara pa nwángị kọm. 29Kụ́ma nnị ọ nụ́nụ́ ọḅụdaam ḅẹẹ, <<Wamịnị na fịnị; éné mumam, kánákáná sọ pịghị ḅoarị.>> Ọ warị somuu n nnị na fịnị.
30Ọ kpọrọfịnịm ḅẹẹ ori n nnị na nyẹ́fị, ọ warị fịtúrú akị warị anị boma sị die n pịrị. 31Anịsáa anịị nna tọ́rụ́ ḅo findinyẹ sị olighilighiḅo ọ warị ẹmẹẹfa nna tọ́rụ́ ḅụ. 32Nnị warị jụghọ jụghọ ḅẹ́ ḅẹẹ, <<Anị fịnị dọ́ghụ́ma ḅara pa wámịna bie dọghụmagha ọ wamịnị na ẹ́gẹ́rẹ́arị sa sị Tamuno ẹ́gẹ́rẹ́ ma dughofindi wa pịrị asọogbo ma ḅụ?>>
33Nnị warị saghị anị gbẹ́rẹ́kirikiri pịghịma Jerusalem mú nnị oyi ngịẹ ọḅụduaapụ ma árị angaá, nnị na jẹ́apụ na kobiri angaá. 34Nnị warị ḅẹẹ, <<Kị́nị́nyánáḅọ ma karakáráma ọ fịị ḅụ saghịmam! Ori ọ ḅụ pa Saimọn diemam!>> 35Mmẹapụ ma warị dugho nnị pịrị pághá nyẹ asọogbo sị n pịghị o lighilighiḅo ḅara o fịtúrú die n pịrịarị sáá.
Jizọs Ọ Ḅụ Pa Ori Ọḅụduaapụ Diem
(Mat 28.16-20; Mak 16.14-18; Jọn 20.19-23; Nfb 1.6-8)
36Mịná mmẹapụ ma mịma dugho n pịrịarị sáá, n dighi bẹ sáá Kị́nị́nyánáḅọ ọ ḅụgbọrụ nna ogboku bie sẹ́mam, warị ḅẹẹ, <<Diin ọ nana fịnị.>>
37Nnị ḅáláfaam, sịarị ḅẹ́ nnị ibadua árịmam. 38Kụ́ma ori n ḅẹm ḅẹẹ, <<O tẹ́ go ḅáláfaarị ọ tẹ́mẹ́ tegó mmẹẹ́ mmẹẹ́ mịẹarị. 39Ọmịnị ị ḅárákū na ị ḅụọ dighi si árị ḅẹẹ ọ́ ịrị, ọ ḅara pa i lama sị arịị ḅẹẹ, ibadua ojumẹnị na mgbe nyanagha a nyáná ḅara.>>
40Ọ mịma dughom warị ọ ḅara na o ḅụọ pa n die. 41Nnị pa ine mininigha, tegó bieḅẹlẹ na ḅụgbérépu nna tọ́rụ́ bim. Anịgo ọ warị n gbíla, <<Mịnga ọ fị bẹnyẹ nyáná?>> 42Nnị warị nnị sọọ nji mpara pa ọ pịrị. 43Ọ warị akị pẹẹ́ nna tórúku.
44Anịsáa ọ warị ḅo n ḅẹẹ, <<Mịị anị a dugho ọ pịrịnyẹ ma a pa ọ nana fịnị sa ḅẹẹ, ị gboloma sị n gịẹnyẹ gonyẹ́ gonyẹ́ Mosis ologho diri na ikiakoroapụ ma diri na pịghị ibi Núme diri ma bie anị ḅoo kiri ákịbẹm.>>
45Anịsáa, ọ warị n tẹ́mẹ́bie findi sị nnị Tamunoẹ́gẹ́rẹ́ ma akanyaḅo. 46Warị n ḅẹẹ, <<Mị anị n gịẹnyẹ: ḅẹẹ Krais ma tọ́rụ́siarịbẹm, ọ pịghị fịị ḅụ saghịbẹm tẹ́rẹ́ a dii éné ḅọ́rọ́ sáá, 47ḅẹẹ ori ẹrẹ ḅụ sii ḅụ pịghị na siiḅụḅarasipịrị oku ma n dugho pághámabẹm sẹ́kiri mamgba ḅụ, Jerusalem ḅụ saghị. 48Ọmịnị so pịghị onyẹ́sẹ mịnanyẹ mamgba pịrịm. 49I ḅụgbọrụ sọ pa ọ fịrịmabẹm i Daá minini ọ pịrịnyẹ. Kụ́ma o kurufịnịbẹm Jerusalem ḅụ sị sobie saghị ḅo kụ́rọ ma kóróḅo ọmịna ọgọ́nọ́.>>
Nnị Jizọs Sị Akị Sobie Muum
(Mak 16.19-20; Nfb 1.9-11)
50Ọ warị ori ọḅụduaapụ daa pághámaḅo opu ama ma bie, akị mú Bẹtani láa. Anị ngaa ọ warị ḅara saghị sị n karịibima. 51Ori n Karịibimaarị sa, ọ kẹ́lẹ́ n ḅụ fofoom, n warị o dighiákị sobie muu. 52Nnị susi ọ pịrịm warị opu bieḅẹlẹ pa soo Jerusalem muu. 53Nnị warị nna sáá mamgba Tamunoopuwárị ma bie fịnị sị ịmịẹḅam pa Tamuno pịrịarị.
S'ha seleccionat:
Luk 24: IBY
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
©2024 Luke Initiative for Scripture Translation
Luk 24
24
Jizọs Fị Ḅụ Saghịm
(Mat 28.1-10; Mak 16.1-8; Jọn 20.1-10)
1Dedefụfụ Tamunoéné ma ḅụ, ẹ́rẹ́ámáapụ ma mịẹ karakáráma kụ́nụ́ pulo ma pa dupu ma múm. 2Nnị warị árị ḅẹẹ n pa dupu ma gbẹ́ẹ̄ dapịrị ma n suma simam.
3Nnị pa warị ma sọmum kụ́ma nnị ine Kịnịnyáná Jizọs oju ma arịgha. 4Nnị mịma kóróma kọarị sáá, buapághá ḅara ḅụ mmẹẹ́ owiapụ sofịnị kọrịarị ḅara pa kọrịarị suabịtẹ suaapụ warị anị kịrịkị́rị́ nna angásá sẹ́. 5Opu ḅáláfa go, ẹ́rẹ́ámáapụ ma warị tọ́rụ́ i ḅo kiri owiapụ ma warị n ḅẹ, <<O tẹ́ go dumaḅọ dọghụarị fịmaapụ ogbobie? 6Ọ mịnga ofori. Ọ fịị ḅụ saghịmam. O biekóróma o dugho ọ pịrịnyẹ ọ pa ọmịnị na fịnị sa Galili ḅụ: 7<Ḅẹẹ n Tumḅọ yii Tụwọ ma saghị ḅọ́rọ́ma siiamịẹnyẹapụ pịrịbẹm, nnị ọ ḅaupálịbẹm, tẹ́rẹ́ a dii kárámá éné ọ pịghị fịị ḅụ saghịbẹm.> >> 8Ẹ́rẹ́ámáapụ ma warị ori ẹ́gẹ́rẹ pa biekóróma.
9Nnị warị pịghịma ḅo dupu yọ ma ḅụ, warị mịị nyẹ mamgba dugho oyingieapụ findi ọḅụduaapụ ma na jẹ́apụ pịrị. 10Ẹ́rẹ́ámáapụ ma anịị Meri Magdala ḅụ saghị ḅoḅọ, Joana na pịghị Meri Jems nyingi nnị na jẹ́ ẹ́rẹ́ámáapụ anị mịnanyẹ ma dugho nfịrịmaapụ ma pịrịnyẹ. 11Kuma nfịrịmaapụ ma sịịm ḅẹ́ ẹ́rẹ́ámáapụ ma dughonyẹ ma ọ́ papanyẹ anịgo nnị n mininigha. 12Kụ́ma Pita saghịm sị mangị dupu yọ ma muu, o tughum sị warị dụadipi bịtẹ ma ngéré arịm ḅụlọlọ fịnịarị, kuma dua anị bie ofori. Ọ warị so wárị muu, pághámáa nyẹ ma warị o ḅụ́gbérépuma.
Nwángị Immaus Muu
(Mak 16.12-13)
13Anị gbẹ́rẹ́ éné ma ḅụ, mmẹẹ́ Jizọs ọḅụduaapụ n pa Immaus sị gbẹ́rẹ́ káláma muarị, Jerusalem ḅụ akị mú anị angaá láa ọ́ sọ́nọ́ma maili. 14Nnị warị dugho jụghọ jụghọ pịrịarị pághámányẹ mamgba. 15Nnị ẹ́gẹ́rẹ, pịghị bịpị ḅẹ́lẹ́maarị sa ori Jizọs warị kikiaḅọ sị saghị nnị na nwángị. 16Nnị ori arịm kụ́ma anị fịnị ḅara, nnị ine o lighilighiḅogha.
17Jizọs warị n ḅẹẹ, <<Ọ ḅọ́rọ́ tẹ́ ẹ́gẹ́rẹ kọọ jụghọ jụghọ pịrịarị ọ nwángịma muarịnyẹ ma?>>
Nnị warị sẹ gbẹ́rẹ́ ogboku tẹ́mẹ́sii na nna fụ́ḅárá ogbo. 18Nna ḅụ gbẹ́rẹ́ḅọ Kileopas pa sịḅọ, warị ọ gbíla ḅẹẹ, <<Ịrị ngéré biaḅọ Jerusalem ḅụ sị pághárịnyẹ nimighaḅọ mị ndẹa dii ḅụ?>>
19Ọ warị n gbíla, <<Anị tẹ́ nyẹ?>>
Nnị warị pagharaa, <<Jizọs Nazarẹtị ḅụ saghị ḅoḅọ ḅụ pághányẹ. Mịị owitụ́wọ ma ori ikiakoroḅọ, ọ pịghị opuma kụrọm ọrẹ dughonyẹ ḅụ na ori mịẹnyẹ mamgba ḅụ Tamuno na túminị́ tórúku. 20Wámịna igwagwaalaapụ na wa táarịapụ ọ saghị pịrịm ḅẹẹ n fịị ḅẹ́rẹ́pẹ́lẹ́ ọ sịbị sị ọ ḅaupálị, 21wa pịghị pa biekpọmaarị ḅẹẹ ori anịị ḅo Izirẹlị ḅọ́rọ́ma bẹḅọ ma. Mịị mamgba wáriso, mịngba anị tẹ́rẹ́ a dii mịnanyẹ ma kiriakị sáá. 22Jẹa ẹ́rẹ wámịna ogboapụ wa ḅụ́gbérépumam, n dupu yọ ma múm dede dede, 23kụ́ma ine ori oju arịgha. Nnị warị pịghịma ḅo ḅẹẹ n tẹ́mẹ́ju sookumuapụ árịmam, dugho n pịrịapụ ḅẹ́ o dumam. 24Wámịna ḅụ jẹ́apụ dupu yọ ma múm warị mú anị árị ẹ́rẹ́ámáapụ ma dugho gbẹ́rẹ́ ḅara ma. Kụ́ma nnị ori arịgha.>>
25Anịsáa Jizọs warị ḅo nnị ḅẹẹ, <<Dighi ọ mịnị oḅori sọọ ḅara, dighi anịsa pa ọmịnị akịarị ḅara ikiakoroapụ ma dughonyẹ minini. 26Anị karakáragha ḅẹẹ, Krais mị tọ́rụ́siarị mamgba árị sị ori ipine ḅụ sọọ?>> 27Jizọs warị dughofindi nnị pịrị o gbólómanyẹ mamgba Tọ́ndiri ma dughonyẹ, Mosis diri akị muu ikiakoroapụ ma gịẹnyẹ mamgba.
28Nnị ḅo n múuarị káláma ma na kikia sáá, Jizọs warị pa toruku muu dọghụ ḅara pa nwángị kọm. 29Kụ́ma nnị ọ nụ́nụ́ ọḅụdaam ḅẹẹ, <<Wamịnị na fịnị; éné mumam, kánákáná sọ pịghị ḅoarị.>> Ọ warị somuu n nnị na fịnị.
30Ọ kpọrọfịnịm ḅẹẹ ori n nnị na nyẹ́fị, ọ warị fịtúrú akị warị anị boma sị die n pịrị. 31Anịsáa anịị nna tọ́rụ́ ḅo findinyẹ sị olighilighiḅo ọ warị ẹmẹẹfa nna tọ́rụ́ ḅụ. 32Nnị warị jụghọ jụghọ ḅẹ́ ḅẹẹ, <<Anị fịnị dọ́ghụ́ma ḅara pa wámịna bie dọghụmagha ọ wamịnị na ẹ́gẹ́rẹ́arị sa sị Tamuno ẹ́gẹ́rẹ́ ma dughofindi wa pịrị asọogbo ma ḅụ?>>
33Nnị warị saghị anị gbẹ́rẹ́kirikiri pịghịma Jerusalem mú nnị oyi ngịẹ ọḅụduaapụ ma árị angaá, nnị na jẹ́apụ na kobiri angaá. 34Nnị warị ḅẹẹ, <<Kị́nị́nyánáḅọ ma karakáráma ọ fịị ḅụ saghịmam! Ori ọ ḅụ pa Saimọn diemam!>> 35Mmẹapụ ma warị dugho nnị pịrị pághá nyẹ asọogbo sị n pịghị o lighilighiḅo ḅara o fịtúrú die n pịrịarị sáá.
Jizọs Ọ Ḅụ Pa Ori Ọḅụduaapụ Diem
(Mat 28.16-20; Mak 16.14-18; Jọn 20.19-23; Nfb 1.6-8)
36Mịná mmẹapụ ma mịma dugho n pịrịarị sáá, n dighi bẹ sáá Kị́nị́nyánáḅọ ọ ḅụgbọrụ nna ogboku bie sẹ́mam, warị ḅẹẹ, <<Diin ọ nana fịnị.>>
37Nnị ḅáláfaam, sịarị ḅẹ́ nnị ibadua árịmam. 38Kụ́ma ori n ḅẹm ḅẹẹ, <<O tẹ́ go ḅáláfaarị ọ tẹ́mẹ́ tegó mmẹẹ́ mmẹẹ́ mịẹarị. 39Ọmịnị ị ḅárákū na ị ḅụọ dighi si árị ḅẹẹ ọ́ ịrị, ọ ḅara pa i lama sị arịị ḅẹẹ, ibadua ojumẹnị na mgbe nyanagha a nyáná ḅara.>>
40Ọ mịma dughom warị ọ ḅara na o ḅụọ pa n die. 41Nnị pa ine mininigha, tegó bieḅẹlẹ na ḅụgbérépu nna tọ́rụ́ bim. Anịgo ọ warị n gbíla, <<Mịnga ọ fị bẹnyẹ nyáná?>> 42Nnị warị nnị sọọ nji mpara pa ọ pịrị. 43Ọ warị akị pẹẹ́ nna tórúku.
44Anịsáa ọ warị ḅo n ḅẹẹ, <<Mịị anị a dugho ọ pịrịnyẹ ma a pa ọ nana fịnị sa ḅẹẹ, ị gboloma sị n gịẹnyẹ gonyẹ́ gonyẹ́ Mosis ologho diri na ikiakoroapụ ma diri na pịghị ibi Núme diri ma bie anị ḅoo kiri ákịbẹm.>>
45Anịsáa, ọ warị n tẹ́mẹ́bie findi sị nnị Tamunoẹ́gẹ́rẹ́ ma akanyaḅo. 46Warị n ḅẹẹ, <<Mị anị n gịẹnyẹ: ḅẹẹ Krais ma tọ́rụ́siarịbẹm, ọ pịghị fịị ḅụ saghịbẹm tẹ́rẹ́ a dii éné ḅọ́rọ́ sáá, 47ḅẹẹ ori ẹrẹ ḅụ sii ḅụ pịghị na siiḅụḅarasipịrị oku ma n dugho pághámabẹm sẹ́kiri mamgba ḅụ, Jerusalem ḅụ saghị. 48Ọmịnị so pịghị onyẹ́sẹ mịnanyẹ mamgba pịrịm. 49I ḅụgbọrụ sọ pa ọ fịrịmabẹm i Daá minini ọ pịrịnyẹ. Kụ́ma o kurufịnịbẹm Jerusalem ḅụ sị sobie saghị ḅo kụ́rọ ma kóróḅo ọmịna ọgọ́nọ́.>>
Nnị Jizọs Sị Akị Sobie Muum
(Mak 16.19-20; Nfb 1.9-11)
50Ọ warị ori ọḅụduaapụ daa pághámaḅo opu ama ma bie, akị mú Bẹtani láa. Anị ngaa ọ warị ḅara saghị sị n karịibima. 51Ori n Karịibimaarị sa, ọ kẹ́lẹ́ n ḅụ fofoom, n warị o dighiákị sobie muu. 52Nnị susi ọ pịrịm warị opu bieḅẹlẹ pa soo Jerusalem muu. 53Nnị warị nna sáá mamgba Tamunoopuwárị ma bie fịnị sị ịmịẹḅam pa Tamuno pịrịarị.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
©2024 Luke Initiative for Scripture Translation