मर्कुस कितापक परिचय
कितापक परिचय
मर्कुस येसुक बाह्र जेना चेलासबमद्धे मुक्खे चेला सिमोन पत्रुसक नजिकइक साङ्घाति रहइ। मर्कुसके पत्रुसेइ “मेर छावा” कहल बाटइ (१ पत्रुस ५:१३)। मर्कुस पावल प्रेरितक साङ्घाति र बारनाबासक आफन्त पुनु रहइ (प्रेरित १२:२५; कलस्सि ४:१०; २ तिमोथि ४:११)। मर्कुस येसुक बाह्र जेना चेलासबमद्धे नाइभइने पुनु, येसुक जिबनक बारेयँ उहाइ पत्रुसकमाटे सिख्ल। पत्रुसेइ कहल अनुसार मर्कुसेइ आफ्निक सुसमचार लेख्ल। बाइबलक धेरइजस्न बिदुवानसब्क बिचार यस्न बाटइ कि मर्कुसेइ इसे सुसमचार रोमि साम्राज्जेक राजधानि रोमसे लेख्ल। बिसेस करिकुन मतिइ यहुदिसब्क लागि आफ्निक सुसमचार लेख्ल, ओसिनकरिकुन मर्कुसेइ रोमिसब्क लागि इसे सुसमचार लेख्ल। चारोटा सुसमचारमद्धे मर्कुसक सुसमचार सभइकते आघु लेख्ल रहइ (मतिक परिचय चाहउ)। मर्कुसक सुसमचार इस्बि सम्बत ५५-६५ समनयँ, अथबा येसु मोर्लक धन्नइ तिस बर्सपाछु लेख्ल रहइ। मर्कुसेइ लेख्ल सुसमचारक धेरइ कुरा मति र लुकाइ पुनु आ-आफ्न सुसमचारयँ राख्ल बाटइ। धेरइ जस्न मर्कुसक सुसमचारयँ लेख्ल कुरा मतिक सुसमचारयँ राख्ल बाटइ।
बिसय-सुचि
सुसमचारक सुरु १:१-१३
येसुइ गालिलयँ करिकेभइल काम १:१४—९:५०
गालिलसे यरुसलेमसमन १०:१-५२
येसु अन्तिम हप्ता यरुसलेमयँ बोसिकेभइल ११:१—१५:४७
येसु मोर्लकमाटे जिइकेभइल १६:१-८
येसु सोर्ग जाइकेभइल १६:९-२०
S'ha seleccionat:
मर्कुस कितापक परिचय: DRY
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2024 (Active), Mother Tongue Translators Society and Wycliffe Bible Translators, Inc. All rights reserved.