यूहन्ना 12
12
मरियम द्वारा यीशु को आदर-सम्मान
(मत्ती 26:6-13; मर 14:3-9)
1अर यीशु फसह का त्योवार से छह दिन पैलि बैतनिय्याह गौं मा ऐ। अर जै लाजर तैं यीशु न ज्यून्दु कैरी छौ उ इखि रौन्दु छौ। 2तब उख ऊंन यीशु खुणि खाणु बणै अर मारथा खातिरदारि मा लगि रै, अर लाजर भि ऊंका दगड़ा मा खाणुक खाणु कू बैठयूं छौ। 3तब मरियम करीब अधा माणि असली खुशबुदार तेल तैं लेके ऐ, जु कि जटामांसी पौद को बणयूं छौ अर बड़ु कीमती छौ। अर वींन वे तेल तैं यीशु का खुटों मा डालि अर अपणा बाळो से वेका खुटों तैं फुंजण लगि गै। तब वे खुशबुदार तेल की खुशबु से घौर मैहकंण लगि गै।
4तब यीशु का चेलों मा बटि यहूदा इस्करियोती, जु की वेतैं धोखा से पकड़ौण वळु छौ वेन बोलि, 5“यू खुशबुदार तेल तीन सौ दीनार#12:5 तीन सौ दीनार को मतलब बारह मैने की ध्याड़ि का बराबर च। मा बिकी सकदु छौ, अर उ पैसा गरीबों तैं दिये जै सकदा छा।”
6अर वेन या बात इलै नि बोलि, कि वेतैं गरीब लोगु की चिन्ता-फिकर छै। पर उ त चोर छौ, अर रुपयों की थैली भि वेमा ही रौन्दी छै। अर जु कुछ भि उखुन्द डळै जान्दु छौ, उ वामा बटि निकाळि देन्दु छौ। 7तब यीशु न बोलि कि, “वींकू कुछ नि बोला, किलैकि वींन मेरा बदन तैं कबरुन्द रखण से पैलि खुशबुदार तेल लगै के तयारी#12:7 यहूदी लोगु का बीच मा, कै मनखि का मुरण पर लांश पर लोग खुशबुदार चीजों तैं लगौन्दिन अर वेका बाद कबर मा रखदिन। अर इख मा यीशु अपणी मौत का बारा मा पैलि ही बतै देन्दु कि, वु मुरण वळु च। कैरियाली। 8किलैकि गरीब लोग त हमेसा तुमरा दगड़ा मा छिन, पर मिन हमेसा तुमरा दगड़ा मा नि रौण।”
लाजर तैं जान से मरणे की जाळसाजि
9जब भौत सरा यहूदी लोगु तैं पता चलि की यीशु उख च, त ऊ यीशु तैं दिखणु कू ऐनी। अर केवल वेतैं ही ना, बल्किन मा वे लाजर तैं भि दिखणु खुणि ऐनी, जैतैं वेन मुरदो मा बटि ज्यून्दु कैरी छौ। 10तब मुख्य पुरोहितों न लाजर तैं भि जान से मरणे की जाळसाजि बणै। 11किलैकि वेकी वजै से भौत सरा यहूदी लोग ऊंतैं छोड़ि के यीशु पर बिस्वास करण लगि गै छा।
यीशु को राजा का रुप मा यरूशलेम नगर मा जाण
(मत्ती 21:1-11; मर 11:1-11; लूका 19:28-40)
12अर दुसरा दिन फसह का त्योवार मा अयां भौत सरा लोगु न सुणी, कि यीशु यरूशलेम नगर मा औणु च। 13तब ऊ लोग स्वागत करणु कू खजूर की फौंक्यों तैं हाथ मा लेके वेतैं मिलणु कू गैनी। अर ऊ जोर-जोर से बोन्न लगि गैनी,
#
भजन 118:25-26
“होसन्ना,#12:13 होसन्ना को मतलब इन कि “परमेस्वर की तारीफ हो।” धन्य च उ जु प्रभु का नौ से औन्दु,
उई इस्राएल को राजा च।”
14तब यीशु तैं गधा को एक बच्चा मिली, अर उ वे पर बैठि गै। अर यू इलै ह्वे कि पवित्रशास्त्र की बात पूरि हो, जन कि लिख्यूं च,
15 #
जकर्या 9:9
“हे सिय्योन#12:15 यरूशलेम नगर सिय्योन नौ का ढौंडा पर बस्यूं च इलै ये खुणि सिय्योन भि बुले जान्दु मतलब उखा का लोग। की नौनि, नि डौऽर।
देख तेरु राजा गधा का बच्चा पर बैठि के औणु च।”
16अर वेका चेला पैलि त यों बातों तैं नि समझिनी, पर जब ऊंन यीशु को बड़ु आदर-सम्मान#12:16 अभि तक यीशु मुरण का बाद ज्यून्दु नि ह्वे छौ अर स्वर्ग मा नि गै छौ। होण देखि, तब ऊंतैं याद ऐ कि यू बात वेका बारा मा ही लिखीं छै, अर लोगु न भि वेका दगड़ा मा उन्नि कैरी।
17जब यीशु न लाजर तैं कबर बटि बुलै के ज्यून्दु कैरी छौ, तब वे बगत जु लोग यीशु का दगड़ा मा छा, ऊंन भि ये काम की गवै देई। 18इलै भौत सरा लोग वेतैं मिलणु खुणि ऐनी, किलैकि ऊंन सुणी छौ की यू उई च जैन वु अदभुत काम कैरी। 19तब फरीसी दल का लोग आपस मा बुलण लगि गैनी, “हम लोगु बटि कुछ भि नि ह्वे सकणु च, देखा, सरी दुनियां का लोग वेका पिछनै चलण लगि गैनी।”
अपणी मौत का बारा मा यीशु की भविष्यबाणी
20अर जु लोग उख त्योवार मा भक्ति करणु कू यरूशलेम नगर मा अयां छा, ऊंमा बटि कुछ लोग यहूदी जाति का नि छा। 21अर यू लोग गलील मुलक का बैतसैदा नगर का रौण वळा फिलिप्पुस का पास गैनी, अर वे बटि बिन्ती कैरी कि, “श्रीमान, हम तुमरा गुरु यीशु बटि मिलण चन्द्यां।” 22तब वेन जैके अन्द्रियास मा बतै, फिर ऊं दुईयों न जैके यीशु मा बोलि। 23तब यीशु न ऊंकू बोलि, “देखा, अब मनखि का पुत्र को बड़ु आदर-सम्मान करण को बगत ऐ गै। 24अर मि तुम बटि सच्चि ही बोन्नु, जबरि तक ग्यूँ को बीज माटा मा पोड़ि के मोरि नि जान्दु, तबरि तक उ इखुली ही रौन्दु पर जब उ मोरि जान्दु त भौत सरा फल लान्दु च। 25अर जु कुई अपणा पराण बटि प्यार करदु, उ वेतैं ख्वे देन्दु। पर जु कुई ईं दुनियां मा अपणा पराण बटि प्यार नि करदु, उ वेतैं सदनि का जीवन खुणि बचै के रखदु। 26अगर कुई मेरी सेवा करदु, त उ मेरा पिछनै चलो। अर जख मि रौलु उख मेरु सेवक भि होलु। अर जु कुई मेरी सेवा करदु, वेतैं मेरु पिता आदर-सम्मान द्यालु।
27“मेरु ज्यू घबराणु च। अब मिन क्या बोन्न? ‘हे पिता दुख का ये बगत से#12:27 दुख का ये बगत से कुछ कागज्दों मा इख मा “ये कटोरा तैं मेरा समणि बटि हटै द्या” लिख्यूं च। मितैं बचै द्या,’ इन बुलण क्या? ना, इन नि बोन्न। किलैकि येका बानो ही मि अयूं छौं। 28हे पिता, तुम कथगा महान#12:28 इख मा यीशु इन बतौन्दु कि, अपणा नौ की महिमा कैर। छाँ, यू लोगु तैं दिखै द्या।” तब सरग बटि इन्दरि आवाज ह्वे, “मिन त पैलि भि यू देखैलि, अर अगनै भि दिखौण।” 29तब उख जु लोग खड़ा होयां छा यू सुणी के ऊंन इन बोलि कि, “सरग गगड़ाणु च।” अर औरु न बोलि, “कै स्वर्गदूत न वेसे बात कैरी।” 30तब यीशु न बोलि, “या आवाज मि खुणि ना, बल्किन तुमरा फैदा खुणि ह्वे। 31अब ईं दुनियां को न्याय होणो को बगत ऐ गै। अर जु ईं दुनियां पर राज#12:31 दुनियां पर राज करण वळु शैतान च। कनु च, वेतैं भैर निकळे जालु। 32अर जब मि ईं धरती मा बटि ऊँचा#12:32 इख मा यीशु क्रूस पर मुरणु की बात बतौणु च। पर चड़ये जौलु, तब मि सभि लोगु तैं अफ जनै खैंचुलु।”
33इन बोलि के यीशु न यू बतै दिनी, कि वेकी मौत कनकै होण। 34तब लोगु न वेकू बोलि, “हमुन पवित्रशास्त्र मा बटि यू सुणी, कि मसीह त हमेसा रालु। पर तुम इन किलै बुलणा कि, ‘मनखि का पुत्र तैं ऊँचा पर चड़ये जालु?’ त फिर यू मनखि को पुत्र कु च?” 35तब यीशु न ऊंकू बोलि, “अब उज्याळु कुछ ही देर तक तुमरा बीच मा च। अर जबरि तक उज्याळु तुमरा दगड़ा मा च तबरि तक तुम उज्याळा मा हिटणा रा, कखि इन ना हो की अन्धेरु ऐके तुमतै घेरि द्यो किलैकि जु कुई अन्धेरा मा हिटदु, उ नि जणदु कि उ कख जाणु च। 36अर जब तक उज्याळु तुमरा दगड़ा मा च, तुम उज्याळा पर बिस्वास कैरा। ताकि तुम उज्याळे की औलाद बणि जा।”
अर यों बातों तैं बोन्ना का बाद यीशु उख बटि चलि गै, अर ऊं बटि छिप्यूं रै।
यहूदी लोगु को बिस्वास नि करण
37अर यीशु न ऊं लोगु का समणि भौत सरा चिन्न-चमत्कार करिनी, पर फिर भि ऊंन वे पर बिस्वास नि कैरी। 38इन इलै ह्वे, किलैकि ज्वा बात परमेस्वर का रैबर्या यशायाह न बोलि छै, उ सब सच्च ह्वे जौ। अर वा बात इन च, की
#
यशा 53:1
“हे प्रभु कैन हमरा वचनों पर बिस्वास कैरी?
अर कै पर प्रभु की शक्ति परगट ह्वेई?”
39अर वु इलै बिस्वास नि कैरी सकिनी, किलैकि यशायाह न इन भि बोलि छौ कि,
40 #
यशा 6:10
“वेन ऊंका आंख्यों तैं अन्धु अर मन तैं निठुर कैरियाली,
ताकि वु आंख्यों बटि ना देखा अर ना ही मन बटि समझा।
अगर ऊंन देखियाली अर समझियालि अर अपणा मन से पस्ताप कैरियाली,
त कखि इन ना हो कि मि ऊंतैं खूब कैरी द्यूं।”
41अर यशायाह न यों बातों तैं इलै बोलि, किलैकि वेन वेकी महानता तैं देखियाली छौ, अर वेका बारा मा बोलि भि छौ।
42फिर भि भौत सरा यहूदी मुख्यों न यीशु पर बिस्वास कैरी, पर फरीसी दल का लोगु की डौऽरा का बानो उ खुलाआम नि बुलणा छा। किलैकि ऊंतैं या डौऽर लगदी छै, कि कखि हमतै प्रार्थना भवन बटि भैर नि किये जौ। 43किलैकि ऊंतैं परमेस्वर की तरफा बटि मिलण वळु आदर-सम्मान से भि जादा मनखियों की तरफा बटि मिलण वळु आदर-सम्मान जादा खूब लगदु छौ।
यीशु का वचनों का द्वारा लोगु को न्याय होण
44तब यीशु न ऊँची आवाज मा बोलि, “जु कुई मि पर बिस्वास करदु, उ मि पर ना, बल्किन जैन मितैं भेजि च वे पर बिस्वास करदु। 45अर जु मितैं दिखदु, वेन वे परमेस्वर तैं भि देखियाली जैन मितैं भेजि च। 46अर मि ईं दुनियां मा उज्याळु बणि के अयूं छौं। ताकि जु कुई भि मि पर बिस्वास कैरो, उ अन्धेरा मा नि रौ। 47अर जु कुई मेरी बातों तैं सुणी के वेका मुताबिक नि चलदु वे पर मि दोष नि लगौन्दु, किलैकि मि दुनियां का लोगु तैं दोषी ठैराणु खुणि ना, बल्किन दुनियां का लोगु तैं बचौणु खुणि अयूं छौं। 48अर जु कुई मितैं सुद्दी समझदु अर मेरी बातों तैं नि मणदु, वे पर दोष लगौण वळु त एक च। मतलब जौं बातों तैं मिन बोलि, उई आखिरी का दिन मा वेतैं दोषी ठैराली। 49किलैकि मिन अपणी तरफा बटि कुछ भि नि बोलि, पर पिता जैन मितैं भेजि च, वेन मितैं या आज्ञा देई, कि मिन क्या-क्या बोन्न, अर क्या-क्या बतौण। 50अर मि जणदु छौं, कि वेकी आज्ञा सभ्यों तैं सदनि का जीवन की तरफा लेके जान्दी। इलै जु कुछ भि मि बोन्नु छौं, जन मेरा पिता न मितैं सिखै, उन्नि मि बोन्नु छौं।”
S'ha seleccionat:
यूहन्ना 12: GBM
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© (Active) Wycliffe Bible Translators, Inc. All rights reserved.
यूहन्ना 12
12
मरियम द्वारा यीशु को आदर-सम्मान
(मत्ती 26:6-13; मर 14:3-9)
1अर यीशु फसह का त्योवार से छह दिन पैलि बैतनिय्याह गौं मा ऐ। अर जै लाजर तैं यीशु न ज्यून्दु कैरी छौ उ इखि रौन्दु छौ। 2तब उख ऊंन यीशु खुणि खाणु बणै अर मारथा खातिरदारि मा लगि रै, अर लाजर भि ऊंका दगड़ा मा खाणुक खाणु कू बैठयूं छौ। 3तब मरियम करीब अधा माणि असली खुशबुदार तेल तैं लेके ऐ, जु कि जटामांसी पौद को बणयूं छौ अर बड़ु कीमती छौ। अर वींन वे तेल तैं यीशु का खुटों मा डालि अर अपणा बाळो से वेका खुटों तैं फुंजण लगि गै। तब वे खुशबुदार तेल की खुशबु से घौर मैहकंण लगि गै।
4तब यीशु का चेलों मा बटि यहूदा इस्करियोती, जु की वेतैं धोखा से पकड़ौण वळु छौ वेन बोलि, 5“यू खुशबुदार तेल तीन सौ दीनार#12:5 तीन सौ दीनार को मतलब बारह मैने की ध्याड़ि का बराबर च। मा बिकी सकदु छौ, अर उ पैसा गरीबों तैं दिये जै सकदा छा।”
6अर वेन या बात इलै नि बोलि, कि वेतैं गरीब लोगु की चिन्ता-फिकर छै। पर उ त चोर छौ, अर रुपयों की थैली भि वेमा ही रौन्दी छै। अर जु कुछ भि उखुन्द डळै जान्दु छौ, उ वामा बटि निकाळि देन्दु छौ। 7तब यीशु न बोलि कि, “वींकू कुछ नि बोला, किलैकि वींन मेरा बदन तैं कबरुन्द रखण से पैलि खुशबुदार तेल लगै के तयारी#12:7 यहूदी लोगु का बीच मा, कै मनखि का मुरण पर लांश पर लोग खुशबुदार चीजों तैं लगौन्दिन अर वेका बाद कबर मा रखदिन। अर इख मा यीशु अपणी मौत का बारा मा पैलि ही बतै देन्दु कि, वु मुरण वळु च। कैरियाली। 8किलैकि गरीब लोग त हमेसा तुमरा दगड़ा मा छिन, पर मिन हमेसा तुमरा दगड़ा मा नि रौण।”
लाजर तैं जान से मरणे की जाळसाजि
9जब भौत सरा यहूदी लोगु तैं पता चलि की यीशु उख च, त ऊ यीशु तैं दिखणु कू ऐनी। अर केवल वेतैं ही ना, बल्किन मा वे लाजर तैं भि दिखणु खुणि ऐनी, जैतैं वेन मुरदो मा बटि ज्यून्दु कैरी छौ। 10तब मुख्य पुरोहितों न लाजर तैं भि जान से मरणे की जाळसाजि बणै। 11किलैकि वेकी वजै से भौत सरा यहूदी लोग ऊंतैं छोड़ि के यीशु पर बिस्वास करण लगि गै छा।
यीशु को राजा का रुप मा यरूशलेम नगर मा जाण
(मत्ती 21:1-11; मर 11:1-11; लूका 19:28-40)
12अर दुसरा दिन फसह का त्योवार मा अयां भौत सरा लोगु न सुणी, कि यीशु यरूशलेम नगर मा औणु च। 13तब ऊ लोग स्वागत करणु कू खजूर की फौंक्यों तैं हाथ मा लेके वेतैं मिलणु कू गैनी। अर ऊ जोर-जोर से बोन्न लगि गैनी,
#
भजन 118:25-26
“होसन्ना,#12:13 होसन्ना को मतलब इन कि “परमेस्वर की तारीफ हो।” धन्य च उ जु प्रभु का नौ से औन्दु,
उई इस्राएल को राजा च।”
14तब यीशु तैं गधा को एक बच्चा मिली, अर उ वे पर बैठि गै। अर यू इलै ह्वे कि पवित्रशास्त्र की बात पूरि हो, जन कि लिख्यूं च,
15 #
जकर्या 9:9
“हे सिय्योन#12:15 यरूशलेम नगर सिय्योन नौ का ढौंडा पर बस्यूं च इलै ये खुणि सिय्योन भि बुले जान्दु मतलब उखा का लोग। की नौनि, नि डौऽर।
देख तेरु राजा गधा का बच्चा पर बैठि के औणु च।”
16अर वेका चेला पैलि त यों बातों तैं नि समझिनी, पर जब ऊंन यीशु को बड़ु आदर-सम्मान#12:16 अभि तक यीशु मुरण का बाद ज्यून्दु नि ह्वे छौ अर स्वर्ग मा नि गै छौ। होण देखि, तब ऊंतैं याद ऐ कि यू बात वेका बारा मा ही लिखीं छै, अर लोगु न भि वेका दगड़ा मा उन्नि कैरी।
17जब यीशु न लाजर तैं कबर बटि बुलै के ज्यून्दु कैरी छौ, तब वे बगत जु लोग यीशु का दगड़ा मा छा, ऊंन भि ये काम की गवै देई। 18इलै भौत सरा लोग वेतैं मिलणु खुणि ऐनी, किलैकि ऊंन सुणी छौ की यू उई च जैन वु अदभुत काम कैरी। 19तब फरीसी दल का लोग आपस मा बुलण लगि गैनी, “हम लोगु बटि कुछ भि नि ह्वे सकणु च, देखा, सरी दुनियां का लोग वेका पिछनै चलण लगि गैनी।”
अपणी मौत का बारा मा यीशु की भविष्यबाणी
20अर जु लोग उख त्योवार मा भक्ति करणु कू यरूशलेम नगर मा अयां छा, ऊंमा बटि कुछ लोग यहूदी जाति का नि छा। 21अर यू लोग गलील मुलक का बैतसैदा नगर का रौण वळा फिलिप्पुस का पास गैनी, अर वे बटि बिन्ती कैरी कि, “श्रीमान, हम तुमरा गुरु यीशु बटि मिलण चन्द्यां।” 22तब वेन जैके अन्द्रियास मा बतै, फिर ऊं दुईयों न जैके यीशु मा बोलि। 23तब यीशु न ऊंकू बोलि, “देखा, अब मनखि का पुत्र को बड़ु आदर-सम्मान करण को बगत ऐ गै। 24अर मि तुम बटि सच्चि ही बोन्नु, जबरि तक ग्यूँ को बीज माटा मा पोड़ि के मोरि नि जान्दु, तबरि तक उ इखुली ही रौन्दु पर जब उ मोरि जान्दु त भौत सरा फल लान्दु च। 25अर जु कुई अपणा पराण बटि प्यार करदु, उ वेतैं ख्वे देन्दु। पर जु कुई ईं दुनियां मा अपणा पराण बटि प्यार नि करदु, उ वेतैं सदनि का जीवन खुणि बचै के रखदु। 26अगर कुई मेरी सेवा करदु, त उ मेरा पिछनै चलो। अर जख मि रौलु उख मेरु सेवक भि होलु। अर जु कुई मेरी सेवा करदु, वेतैं मेरु पिता आदर-सम्मान द्यालु।
27“मेरु ज्यू घबराणु च। अब मिन क्या बोन्न? ‘हे पिता दुख का ये बगत से#12:27 दुख का ये बगत से कुछ कागज्दों मा इख मा “ये कटोरा तैं मेरा समणि बटि हटै द्या” लिख्यूं च। मितैं बचै द्या,’ इन बुलण क्या? ना, इन नि बोन्न। किलैकि येका बानो ही मि अयूं छौं। 28हे पिता, तुम कथगा महान#12:28 इख मा यीशु इन बतौन्दु कि, अपणा नौ की महिमा कैर। छाँ, यू लोगु तैं दिखै द्या।” तब सरग बटि इन्दरि आवाज ह्वे, “मिन त पैलि भि यू देखैलि, अर अगनै भि दिखौण।” 29तब उख जु लोग खड़ा होयां छा यू सुणी के ऊंन इन बोलि कि, “सरग गगड़ाणु च।” अर औरु न बोलि, “कै स्वर्गदूत न वेसे बात कैरी।” 30तब यीशु न बोलि, “या आवाज मि खुणि ना, बल्किन तुमरा फैदा खुणि ह्वे। 31अब ईं दुनियां को न्याय होणो को बगत ऐ गै। अर जु ईं दुनियां पर राज#12:31 दुनियां पर राज करण वळु शैतान च। कनु च, वेतैं भैर निकळे जालु। 32अर जब मि ईं धरती मा बटि ऊँचा#12:32 इख मा यीशु क्रूस पर मुरणु की बात बतौणु च। पर चड़ये जौलु, तब मि सभि लोगु तैं अफ जनै खैंचुलु।”
33इन बोलि के यीशु न यू बतै दिनी, कि वेकी मौत कनकै होण। 34तब लोगु न वेकू बोलि, “हमुन पवित्रशास्त्र मा बटि यू सुणी, कि मसीह त हमेसा रालु। पर तुम इन किलै बुलणा कि, ‘मनखि का पुत्र तैं ऊँचा पर चड़ये जालु?’ त फिर यू मनखि को पुत्र कु च?” 35तब यीशु न ऊंकू बोलि, “अब उज्याळु कुछ ही देर तक तुमरा बीच मा च। अर जबरि तक उज्याळु तुमरा दगड़ा मा च तबरि तक तुम उज्याळा मा हिटणा रा, कखि इन ना हो की अन्धेरु ऐके तुमतै घेरि द्यो किलैकि जु कुई अन्धेरा मा हिटदु, उ नि जणदु कि उ कख जाणु च। 36अर जब तक उज्याळु तुमरा दगड़ा मा च, तुम उज्याळा पर बिस्वास कैरा। ताकि तुम उज्याळे की औलाद बणि जा।”
अर यों बातों तैं बोन्ना का बाद यीशु उख बटि चलि गै, अर ऊं बटि छिप्यूं रै।
यहूदी लोगु को बिस्वास नि करण
37अर यीशु न ऊं लोगु का समणि भौत सरा चिन्न-चमत्कार करिनी, पर फिर भि ऊंन वे पर बिस्वास नि कैरी। 38इन इलै ह्वे, किलैकि ज्वा बात परमेस्वर का रैबर्या यशायाह न बोलि छै, उ सब सच्च ह्वे जौ। अर वा बात इन च, की
#
यशा 53:1
“हे प्रभु कैन हमरा वचनों पर बिस्वास कैरी?
अर कै पर प्रभु की शक्ति परगट ह्वेई?”
39अर वु इलै बिस्वास नि कैरी सकिनी, किलैकि यशायाह न इन भि बोलि छौ कि,
40 #
यशा 6:10
“वेन ऊंका आंख्यों तैं अन्धु अर मन तैं निठुर कैरियाली,
ताकि वु आंख्यों बटि ना देखा अर ना ही मन बटि समझा।
अगर ऊंन देखियाली अर समझियालि अर अपणा मन से पस्ताप कैरियाली,
त कखि इन ना हो कि मि ऊंतैं खूब कैरी द्यूं।”
41अर यशायाह न यों बातों तैं इलै बोलि, किलैकि वेन वेकी महानता तैं देखियाली छौ, अर वेका बारा मा बोलि भि छौ।
42फिर भि भौत सरा यहूदी मुख्यों न यीशु पर बिस्वास कैरी, पर फरीसी दल का लोगु की डौऽरा का बानो उ खुलाआम नि बुलणा छा। किलैकि ऊंतैं या डौऽर लगदी छै, कि कखि हमतै प्रार्थना भवन बटि भैर नि किये जौ। 43किलैकि ऊंतैं परमेस्वर की तरफा बटि मिलण वळु आदर-सम्मान से भि जादा मनखियों की तरफा बटि मिलण वळु आदर-सम्मान जादा खूब लगदु छौ।
यीशु का वचनों का द्वारा लोगु को न्याय होण
44तब यीशु न ऊँची आवाज मा बोलि, “जु कुई मि पर बिस्वास करदु, उ मि पर ना, बल्किन जैन मितैं भेजि च वे पर बिस्वास करदु। 45अर जु मितैं दिखदु, वेन वे परमेस्वर तैं भि देखियाली जैन मितैं भेजि च। 46अर मि ईं दुनियां मा उज्याळु बणि के अयूं छौं। ताकि जु कुई भि मि पर बिस्वास कैरो, उ अन्धेरा मा नि रौ। 47अर जु कुई मेरी बातों तैं सुणी के वेका मुताबिक नि चलदु वे पर मि दोष नि लगौन्दु, किलैकि मि दुनियां का लोगु तैं दोषी ठैराणु खुणि ना, बल्किन दुनियां का लोगु तैं बचौणु खुणि अयूं छौं। 48अर जु कुई मितैं सुद्दी समझदु अर मेरी बातों तैं नि मणदु, वे पर दोष लगौण वळु त एक च। मतलब जौं बातों तैं मिन बोलि, उई आखिरी का दिन मा वेतैं दोषी ठैराली। 49किलैकि मिन अपणी तरफा बटि कुछ भि नि बोलि, पर पिता जैन मितैं भेजि च, वेन मितैं या आज्ञा देई, कि मिन क्या-क्या बोन्न, अर क्या-क्या बतौण। 50अर मि जणदु छौं, कि वेकी आज्ञा सभ्यों तैं सदनि का जीवन की तरफा लेके जान्दी। इलै जु कुछ भि मि बोन्नु छौं, जन मेरा पिता न मितैं सिखै, उन्नि मि बोन्नु छौं।”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© (Active) Wycliffe Bible Translators, Inc. All rights reserved.