Luke 11
11
1တစ်နေ့တွင် ဂုရုယေရှုဂျီသည် တစ်စုံတစ်ခုသောနေရာ၌ ဆုတောင်းတော်မူ၏။ ဆုတောင်းပြီးသောအခါ ပရ်ဘူယေရှုထံသို့ စစ်စရောတစ်ယောက်သည်လာ၍ " ဂုရုဂျီ၊ အကျွန်ုပ်တို့အား ဆုတောင်းစေခြင်းငှာ ယောဟန်သည် သူ၏စစ်စရောတို့ကို သွန်သင်ပေးခဲ့သည်အတိုင်း သွန်သင်ပေးတော်မူပါ "ဟု လျှောက်တင်လေ၏။ 2ဂုရုယေရှုက " သင်တို့သည် ဆုတောင်းလျှင် ဤကဲ့သို့ ဆုတောင်းလော့။ အိုးအဖ ပရ်ဘူ၏နာမတော်ကို ရိုသေလေးမြတ်ခြင်းရှိပါစေသော်။ နိုင်ငံတော် တည်ထောင်ပါစေသော။ 3ကျွန်ုပ်တို့အား အသက်မွေးလောက်သောအစာကို နေ့ရက်စဉ်တိုင်ပေးသနားတော်မူပါ။ 4ကျွန်ုပ်တို့အားပြစ်မှားခဲ့သော သူတပါးတို့၏အပြစ်ကို ခွင့်လွှတ်သကဲ့သို့ အကျွန်ုပ်တို့၏အပြစ်ကိုလည်း ခွင့်လွှတ်တော်မူပါ။ အကျွန်ုပ်တို့ကို အပြစ်၏သွေးဆောင်ဖြာရောင်ခြင်းမှ ကယ်နှုတ်တော်မူပါ " ဟုမိန်တော်မူ၏။ 5ထို့နောက် ပရ်ဘူယေရှုက " သင်တို့တွင် သူငယ်ချင်းတစ်ယောက်ရှိသည်ဖြစ်၍ သင်တို့သည် ညသန်းခေါင်ယံအချိန်၌ ထိုသူငယ်ချင်းအိမ်သို့သွားပြီးလျှင်၊ 6အကျွန်ုပ်၏သူငယ်ချင်းတစ်ယောက်သည် ခရီးမှကျွန်ုပ်ထံသို့ရောက်ရှိ၏။ အကျွန်ုပ်၌သူ့အား စားစရာပေးရန်မရှိသဖြင့် မုန့်သုံးလုံး ငှားပါဟုဆိုသော်၊ 7ထိုအခါ အိမ်ရှင်က ငါ့ကိုနှောက်ယှက်ခြင်းမပြုနှင့်။ တံခါးပိတ်ထားလျက်ရှိပြီး ငါ့သားသမီးများနှင့်အတူအိပ်ရာဝင်ပြီးဖြစ်၍ ငါသည်ဘာမှမပေးနိုင်ပါ ဟုပြောလိမ့်မည်။ 8ငါဆိုသည်ကား ထိုသူသည် အိမ်ရှင်၏သူငယ်ချင်းဖြစ်သော်လည်း အိပ်ရာမှထ၍ မုန့်ကို ပေးလိမ်မည်မဟုတ်။ သို့သော် ထိုသူသည် အရှက်အကြောက်ကင်းမဲ့လျက်ဆက်လက်၍ တောင်းနေလျှင် အိမ်ရှင်သည် ထ၍ ထိုသူလိုအပ်သမျှတို့ကိုပေးလိမ့်မည်။ 9ထို့ကြောင့် ငါသည် သင်တို့အားဆိုသည်ကား တောင်းကြလော့၊ တောင်းလျှင်ရလိမ့်မည်။ရှာကြလော့ ရှာလျှင်တွေ့လိမ့်မည်။ တံခါးခေါက်ကြလော့ ခေါက်လျှင်တံခါးပွင့် လိမ့်မည်။ " 10တောင်းသောသူသည် ရလိမ့်မည်။ ရှာသောသူသည် တွေ့လိမ့်မည်။ တံခါးခေါက်သောသူအတွက် တံခါးပွင့်လိမ့်မည်။ 11သင်တို့တွင် အဘယ်ဖခင်သည် မိမိ၏သားအား ငါးကိုတောင်းလျှင် မြွေကိုပေးမည်နည်း။ 12သို့မဟုတ် သူသည် ဥတစ်လုံးကို တောင်းလျှင် သင်တို့တွင်အဘယ်သူသည် ကင်းမြီးကောက်ကို ပေးမည်နည်း။ 13သင်တို့သည် ဆိုးသောသူများဖြစ်လျက်ပင် သင်တို့၏ သားသမီးများကို ကောင်းသောအရာကို ပေးတတ်သည်ရှိသော် ဆွာရ်(ဂ်)တွင်ရှိတော်မူသော သင်တို့၏အဖ ဆုတောင်းသောသူကို ပဘိသ(ရ်)အာသ်မားကို ပေးတော်မူမည် မဟုတ်သလော " ဟု မိန်တော်မူ၏။ 14ပရ်ဘူယေရှုသည် စကားအသော ဒူစ(တ်)အာသ်မားကို နှင်ထုတ်တော်မူ၍ ထိုဒူစ(တ်)အာသ်မားစွဲသောသူသည် စကားမပြောနိုင်ချေ။ ဒူစ(တ်)အာသ်မားထွက်သွားသောအခါ ထိုအသောသူသည် စကားပြောလေ၏။ ထိုအခြင်အရာကို မြင်သော လူအပေါင်းတို့သည် အံသြခြင်းရှိ၏။ 15သို့သော် လူတစ်ချို့တို့က " ဤသူသည် ဒူစ(တ်)အာသ်မားတို့ကို ဒူစ(တ်)အာသ်မားမင်း ဗေလဇဗုလ၏တန်ခိုးကိုအမှီပြု၍ နှင့်ထုတ်သည် " ဟုဆိုကြ၏။ 16အချို့လူတို့ကလည်း ပရ်ဘူယေရှုကို စုံစမ်းစေခြင်းငှာ " မိုးကောင်းကင်မှ အံ့ဖွယ်သောနိမိတ်လက္ခဏာပြတော်မူပါ " ဟု တောင်းဆိုကြ၏။ 17ထိုသူတို့သည် မည်ကဲ့သို့ တွေးတောနေသည်ကို ပရ်ဘူယေရှုသိတော်မူ၏။ ထိုအခါ ပရ်ဘူယေရှုဂျီက " မည်သည့်တိုင်းနိုင်ငံတွင် အချင်းချင်းတိုက်ခိုက်သည်ရှိသော် ထိုနိုင်ငံသည် ပျက်စီးလိမ့်မည်။ထိုနည်းတူ မိသားစုတစ်စုတွင် အချင်းချင်းမသင့်မတင့်ကွဲပြားလျှင် ထိုမိသားစုသည်လည်း ပြိုလဲ ပျက်စီးလိမ့်မည်။ 18သင်တို့သည် ငါ့ကို ဗေလဇဗုလ၏တန်ခိုးကိုအမှီပြု၍ ဒူစ(တ်)အာသ်မားတို့ကို နှင်ထုတ်သည် ဟု သင်တို့ဆို၏။ဆယ်သားနန်းသည် သူတို့အချင်းချင်းတိုက်ခိုက်ကြလျှင် သူတို့၏နိုင်ငံသည် အဘယ်သို့ရပ်တည်နိုင်မည်နည်း။ 19အကယ်၍ ငါသည် ဗေလဇဗုလ၏တန်ခိုးကိုအမှီပြု၍ ဒူစ(တ်)အာသ်မားတို့ကိုနှင်ထုတ်သည်ရှိသော် သင်တို့၏နောက်လိုက်များသည် မည်သူကို အမှီပြု၍ ဒူစ(တ်)အာသ်မားတို့ကို နှင်ထုတ်ကြသနည်း။ ထိုသူတို့က သင်တို့များအကြောင်း သက်သေထူးကြလိမ်မည်။ 20သို့သော် ငါသည် ပရ်မေဆွာရ်၏တန်ခိုးတော်ကို အမှီပြု၍ ဆယ်သားနန်းတို့ကိုနှင်ထုတ်ခဲ့သည်ရှိသော် ပရ်မေဆွာရ်၏နိုင်ငံတော်သည် သင်တို့ရှိရာသို့ ရောက်ရှိလာလျက်ရှိ၏။ 21ခွန်အားကြီးသော သူတစ်ယောက်သည် လက်နက်အပြည့်အစုံနှင့် သူ၏အိမ်ကိုစောင့်ရှောက်သောအခါ သူပိုင်ဆိုင်သော ပစ္စည်းဥစ္စာသည် လုံခြုံလိမ့်မည်။ 22သို့သော် ထိုသူထက် ခွန်အားကြီးသောသူသည် ရောက်လာ၍ တိုက်ခိုက်သောအခါ ထိုသူကို အောင်မြင်၍ ထိုသူအားထားရသောလက်နက်တို့ကို လုယူလိမ့်မည်။ ထို့နောက် တိုက်ခိုက်၍ရရှိသောပစ္စည်းဥစ္စာများကိုလည်းခွဲဝေလိမ့်မည်။ 23အကြင်သူသည် ငါဘက်၌ မရှိလျှင် ငါ့ကိုဆန့်ကျင်သောသူဖြစ်၏။ ငါနဲ့အတူမစုသိမ်းသောသူသည် ဖြန့်ကြဲသောသူဖြစ်၏" ဟုမိန်တော်မူ၏။ 24တစ်ဖန်ယေရှုဂျီက " ဒူစ(တ်)အာသ်မားများသည် လူထဲက ထွက်သောအခါ အဘယ်သို့ဖြစ်သနည်း။ သူသည် အနားယူရန်အတွက် ခြောက်သွေ့သောနေရာအရပ်သို့ လှည့်လည်တတ်၏။ မတွေ့လျှင် 'ငါယခင်က ထွက်သွားခဲ့သည့်နေရာကိုပြန့်သွားမည် ' ဟု ဆို၏။ 25သူသည် ပြန်လည်ရောက်ရှိသောအခါ ထိုနေရာသည် သန့်ရှင်းသပ်ရပ်စွာပြင်ဆင်ထားသည်ကိုတွေ့သော်၊ 26မိမိထက် ညစ်ညူးသောဒူစ(တ်)အာသ်မား ခုနှစ်ဦးကိုခေါ်ခဲ့၍ ထိုနေရာတွင်နေထိုင်လေ၏။ သို့ဖြစ်၍ ယခင်က ဒူစ(တ်)အာသ်မားဝင်ပူးခဲ့သော သူသည် ယခင်က အခြေအနေထက် ပို၍ဆိုးလေ၏ " ဟု မိန့်တော်မူ၏။ 27ပရ်ဘူယေရှုသည် ဤသို့မိန့်တော်မူစဉ်တွင် လူအစုအဝေးမှ အမျိုးသမီးတစ်ယောက်ထွက်လာ၍ ကျယ်လောင်သောအသံဖြင့် " ပရ်ဘူဂျီကိုမွေးဖွား၍ ကြီးပြင်းလာအောင် ပြုစုပျိုးထောင်ခဲ့သောမိခင်သည့် မင်္ဂလာရှိ၏ " ဟု လျှောက်တင်လေ၏။ 28ထိုအခါ ပရ်ဘူယေရှုဂျီက " ပရ်မေဆွာရ်၏နှုတ်ကပတ်တော်ကို ကြားနား၍ လိုက်နာဆောင်ရွက်သောသူသည် သာ၍ မင်္ဂလာရှိ၏ " ဟုပြန်၍ မိန်မြွတ်တော်မူ၏။ 29လူအစုအဝေးတို့သည် ဆက်လက်၍ ထပ်လာနေကြစဉ်တွင် ပရ်ဘူဂျီက " ယခုခေတ်လူတို့သည် အလွန်ဆိုးညစ်ကြ၏။ သူတို့သည် ပရ်မေဆွာရ်ထံမှ နိမိတ်လက္ခဏာကိုတောင်းဆိုကြ၏။ သို့သော် ယောန၏နိမိတ်လက္ခဏာမှတစ်ပါး အဘယ်နိမိတ်လက္ခဏာကိုမျှ သူတို့အား ပြသလိမ့်မည်မဟုတ်။ 30ထိုယောနသည် နိနဝေမြို့သားတို့အတွက် ပရ်မေဆွာရ်ထံမှ နိမိတ်လက္ခဏာဖြစ်သကဲ့သို့ လူသားသည်လည်းယခုခေတ်လူတို့အတွက် နိမိတ်လက္ခဏာ ဖြစ်လိမ့်မည်။ 31တောင်ပိုင်းပြည်၏ဘုရင်မသည် တရားစီရင်ရာနေ့ရက်တွင် ယခုခေတ်အချိန်အသက်ရှင်သောသူတို့နှင့်အတူ ထ၍ ထိုသူတို့ကို အပြစ်ရှိကြောင်း စွဲချက်တင်လိမ့်မည်။ အကြောင်းမူကား၊ ထိုဘုရင်မှသည် ရှောလမုန်မင်းကြီး၏ ဉာဏ်ပညာစကားကို နားထောင်ရန်အတွက် မြေကြီးအစွန်းမှ လာ၏။ သို့သော် ကြည့်ကြလော့။ ယခုအခါ၌ ရှောလမုန်မင်းထက်သာ၍ ကြီးမြတ်သောသူတစ်ယောက် ရောက်ရှိလျက်ရှိ၏။ 32နိနဝေမြို့သားတို့သည် တရားစီရင်ရာရက်တွင် ယခုခေတ်အချိန်၌ အသက်ရှင်သောသူတို့နှင့်အတူ ထ၍ ထိုသူတို့ကို အပြစ်ရှိကြောင့် စွဲချက်တင်လိမ်မည်။ အကြောင်းမူကား၊ နိနဝေမြို့သားတို့သည် ယောန၏သွန်သင်ချက်ကြောင့် မိမိတို့အပြစ်တို့မှ နောင်တရကြ၏။ သို့သော်ယခုကြည့်ရှုကြလော့။ ယောနထက်သာ၍ ကြိးမြတ်သောသူတစ်ယောက်ရောက်ရှိလျက်ရှိ၏ " ဟု မိန်တော်မူ၏။ 33ထို့နောက် ပရ်ဘူယေရှုက " လူတို့သည် ဆီမီးထွန်းပြီး ဖုံးကွယ်၍ထားလေ့မရှိ။ တောင်းများ၏ အောက်တွင်လည်း ထားလေ့မရှိ။ အိမ်သို့လာသောသူတို့သည်အလင်းကိုမြင်စေခြင်းငှာ ဆီမီးတင်ရာခုံပေါ်တွင် တင်ထားလေ့ရှိ၏။ 34သင်တို့၏ မျက်စိသည် သင်တို့၏ခန္ဓာကိုယ်အတွက် ဆီမီးသဖွယ်ဖြစ်၏။ အကယ်၍ သင်တို့၏မျက်စိကောင်းလျှင် သင်တို့၏ခန္ဓာကိုယ်တစ်ခုလုံးအတွက် အလင်းနှင့်ပြည့်စုံလိမ့်မည်။ သင်တို့မျက်စိမကောင်းလျှင် သင်တို့၏ခန္ဓာကိုယ်တစ်ခုလုံး မှောင်မိုက်လိမ့်မည်။ 35ထို့ကြောင့် သင်တို့တွင် ရှိသောအလင်းသည် မှောင်မိုက်ခြင်းသို့ မရောက်စေခြင်းငှာ သတိပြုကြလော့။ 36အကယ်၍ သင်တို့၏ခန္ဓာကိုယ်သည် အလင်းနှင့်ပြည့်စုံ၍ အဘယ်အစိတ်အပိုင်းမျှ မှောင်မိုက်၌ မရှိသော်၊ထိုအခါ သင်တို့၏ခန္ဓာကိုယ်တစ်ခုလုံး အလင်းနှင့်ပြည့်စုံလိမ့်မည်။ ဤအကြောင်းသည် ဆီမီးက သင်တို့၏ခန္ဓာကိုယ်အပေါ် ထွန်းလင်းတောက်ပသကဲ့သို့ဖြစ်၏ "ဟုမိန်တော်မူ၏။ 37ထိုသို့ ပရ်ဘူယေရှု မိန့်တော်မူပြီးနောက် ဖာရိရှဲတစ်ယောက်သည်လည်း ပရ်ဘူဂျီအား ညစာအတူတကွသုံးဆောင်ရန်ဖိတ်ခေါ်၏။ထို့ကြောင့် ပရ်ဘူဂျီသည် သူ၏အိမ်သို့ကြွတော်မူပြီး စားပွဲတွင်ထိုင်တော်မူ၏။ 38ဤသို့ ပရ်ဘူယေရှုသည် အစားမစားမီ လက်နှင့်မျက်နှာကိုမဆေးကြောကြောင်း ဖာရိရှဲသိရှိသောအခါ အံ့ဩခြင်းရှိလေ၏။ 39ထိုအခါ ပရ်ဘူယေရှုက " သင်တို့သည် ပန်ကန်ခွက်များ၏ ပြင်ပကိုသန့်စင်အောင်ဆေးကြ၏။ သို့သော် သင်တို့အတွင်းထဲ၌ လောဘနှင့်စိုးညစ်မှုတို့ဖြင့် ပြည်လျက်ရှိ၏။ 40အချင်း ဉာဏ်တိမ်သောလူတို့ ပြင်ပပုံသဏ္ဍာန်ကို ဖမ်းဆင်းထားသောသူသည်အတွင်းပုံသဏ္ဍာန်ကိုလည်း ဖန်ဆင်းထားသည်မဟုတ်သလော့။ 41ပန်ကန်၌ရှိသမျှကို ဆင်းရဲသားတို့အား ပေးကြလော့။ ထိုသို့ပြုလျှင် သင်တို့အတွက်အရာခပ်သိမ်းတို့သည် ဖြူစင်သန့်စင်လာလိမ့်မည်။ 42အချင်း ဖာရိရှဲတို့ သင်တို့သည် အမင်္ဂလာရှိကြ၏။ အကြောင်းမှုကား၊ သင်တို့သည်ပင်စိမ်းရွက်၊ လျူရွက်မျိုးမှစ၍ ဥယျာဉ်ရှိအပင်များ၏ ဆယ်ပုံတစ်ပုံကို လှူကြသော်လည်း တရားမျှတမှုနှင့် ပရ်မေဆွာရ်ကို ကြည်ညိုမှုကို မေ့လျော်ကြ၏။ အရင်လုပ်နေသော ဆယ်ပုံတစ်ပုံ ပေးလှူခြင်းနှင့် တရားမျှတမှုကိုမပျက်ကွယ်ဘဲ ပရ်မေဆွာရ်အားကြည်ညိုခြင်းတို့ကိုပါ လေ့ကျင့်ထားသင့်၏။ 43အချင်း ဖာရိရှဲ သင်တို့သည် အမင်္ဂလာရှိကြ၏။ အကြောင်းမူကား၊ သင်တို့သည် မန်နဒီရ်၌မြင့်မြတ်သောနေရာများနှင့် စျေးများတွင် လူတို့၏ အလေးပြုနှုတ်ဆက်ခြင်းကို နှစ်သက်ကြ၏။ 44သင်တို့သည် အမင်္ဂလာရှိ၏။ အကြောင်းမူကား၊ သင်တို့သည် အမှတ်အသားမထင်ရှား၍ လူတို့သည် မသိကြလျက် အုတ်ဂူအပေါ်သို့သွားလာကြသော် အုတ်ဂူများနှင့်တူကြ၏ " ဟုမိန့်တော်မူသည်ရှိသော်၊ 45ကျမ်းတက်ဂုရုတစ်ယောက်က ဂုရုယေရှုအား " ဂုရုဂျီ ၊ ဤသို့ မိန်တော်မူသည်မှာ အကျွန်ပ်တို့ကို စော်ကားရာရောက်ပါ၏ " ဟုလျှောက်လေ၏။ 46ထိုအခါ ပရ်ဘူယေရှုက " ကျမ်းတက်ဂုရု သင်တို့သည်အမင်္ဂလာရှိ၏။ အကြောင်းမူကား၊ သင်တို့သည် လူတို့မထမ်းနိုင်သောဝန်ကို သူတပါးအပေါ်သို့ တင်ကြ၍ သင်တို့သည် ထိုဝန်ကို သင်တို့၏ လက်ဖျားနှင့်တောင် မတို့မထိကြ။ 47သင်တို့သည် အမင်္ဂလာရှိကြ၏။ အကြောင်းမူကား၊ သင်တို့၏ ဘိုးဘေးများသတ်ခဲ့သော ပရ်မေဆွာရ်၏ပရ်ဘက်သာတို့အတွက် သင်တို့သည် သင်္ချိုင်းအုပ်ဂူများကို တည်ဆောက်ကြ၏။ 48ထို့ကြောင့် သင်တို့၏ဘိုးဘေးများ အရင်ကပြုခဲ့သောအမှုတို့ကို သဘောတူကြောင့် သက်သေခံ၏။ သင်တို့၏ဘိုးဘေးများသည် ပရ်မေဆွာရ်၏ပြောရေးဆိုခွင့်ရှိသောသူများကို သတ်ခဲ့ကြပြီး သင်တို့သည်ထို ပရ်မေဆွာရ်၏ပြောရေးဆိုခွင့်ရှိသောသူတို့အတွက် သင်္ချိုင်းအုတ်ဂူများ ဆောက်လုပ်ကြ၏။ 49ဤသို့ဖြစ်ခြင်းကြောင့် ပရ်မေဆွာရ်၏ဉာဏ်တော်ဖြင့် မိန်မြွတ်သည်ကား၊ လူတို့ကြားတွင် ပရ်ဘက်သာနှင့်ဗောကသ်များကို ငါစေလွှတ်မည်။ ထိုပရ်ဘက်သာနှင့်ဗောကသ်များအနက် လူတို့က တစ်ချို့ကိုသတ်ကြပြီး တစ်ချို့တို့ကို ညှဉ်းဆဲရန် ကြိုးစားကြလိမ့်မည်။ 50ထို့ကြောင့် ကမ္ဘာဦးအစမှစ၍ ယနေ့တိုင်အောင် ပရ်မေဆွာရ်၏ပရ်ဘက်သာတို့၏ သွန်းလောင်းခဲ့သော သွေးအားလုံးအတွက် ယနေ့ခေတ်လူတို့က စစ်ကြောခြင်းခံရလိမ့်မည်။ 51ငါဆိုလိုသည်မှာ အာဗေလ သွေးမှစ၍ ယဇ်ပလ္လင်နှင့်မန်နဒီရ်စပ်ကြား အသတ်ခံရသော ဇာခရိ၏သွေးအထိတိုင်အောင်၊ ယခုခေတ်လူတို့သည် ဤအမှုအလုံးစုံတို့ကြောင့် အပြစ်ပေးခံရလိမ့်မည်ဟု ငါဆို၏။ 52အို ကျမ်းတက်ဂုရုတို့ သင်တို့သည် အမင်္ဂလာရှိကြ၏။ အကြောင်းမူကား၊ သင်တို့သည် ပညာဖွင့်သော သော့ကို လုယူသိမ်းထားကြပြီ၊ သင်တို့ကိုယ်တိုင်လည်း မဝင်၊ ဝင်ရန်အလိုရှိသောသူတို့၏ ရှေ့တွင်ရပ်၍ တားဆီးကြသည် " ဟု မိန့်တော်မူ၏။ 53ဂုရုယေရှုသည် ထိုအရပ်မှ ထွက်ကြွတော်မူသောအခါ ဖာရိရှဲများနှင့် ကျမ်းတက်ဂုရုများသည် ပရ်ဘူဂျီအား ပြင်းထန်စွာ ကန့်ကွက်ကြ၏။ 54ပရ်ဘူဂျီ၏ နှုတ်ထွက်စကားတော်တွင် အမှားရှာရန်အတွက် ချောင်းမြောင်းလျက်များစွာသောအကြောင်းအရာတို့ကိုမေးကြ၏။
S'ha seleccionat:
Luke 11: HNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió