संत.जोहन जान-चिनहार
जान-चिनहार
जोहन लिखा लअः बेस खभाईर नावाँ कनहुन रेनअः होना चाईर पुथी मेंसे मियांड हेके जे ख्रीस्त ईसु आला जिनगी रेनअः बखानेआय। होना मेंसे जामा के मियांड बेस खभाईर मेन गेआकु, जेकर माने हेके बेस खभाईर। होना के ईसु आला गोजोअः तयोम मत्ती, मरकुस, लुकास आउर जोहन पखा तरअः लिखा लअः थिना। जोहन लिखा लअः बेस खभाईर प्रेरित जोहन दोवारा ख्रीस्त आला जनम रअः लगभग 90 साल तयोम लिखा लअः थिना। सेरे होः पुथी रे ओकाःड़े होः लिखा लअः कनोआँ ची नोःआँ के लि-लिखाई जोहन हेके, बकिर नोःआँ रेनअः लि-लिखा रेनअः ढंग जोहन आला पहिला पत्री, दुसरा पत्री तेकर तीसरा पत्री मिलाअ-जुलाअ। थोड़ेक पहिल रिनकु लि-लिखा वाला होना बेरा जोहन के इफिसुस रे ताहिनोअ वाला मेन गेआकु, हिना लःअय ढेर जादे हुयाव सकाआ नोःआँ रेनअः लि-लिखा इफिसुस रे हुयाव नेना। जोहन नोःआँ पुथी के लि-लिखा रेनअः अपन उदेस्य सफा उदूगेआय ची पढ़ाअकु पाड़ीकु ची ईसु गी जिवीःड परमेसर आली होपोन हेके (20:31) आउर नोःआँ बि-बिसवास दोवारा हुनी आला नुमू तरअः जिनगी नामेकु। नोःआँ पुथी रेनअः रचना जाहुदी तेकर गैर जाहुदी बनार बरान रिनकु पढ़ाअकु लःअय इया लआकु। जोहन आला बेस खभाईर ढेर माने रे एटाअ पेने बेस खभाईर तरअः अलगे एदनाआ। हुनी मुख भेस रे ईसु दोवारा कामी लआ छकरित काम रे धेयान एमा ची लःअय आउर हुनी आला गाम रेनअः बारे जादे एतान होः काय लिखा लअः। एटाअ मुख घटना, जाइसन ची ईसु आला बतिस्मा आउर बितील ओत रे हुनी आला परीकछा रेनअः बखान होः नोःआँ बेस खभाईर रे का लआ एदनाआ।
रुपरेखा
1. जोहन बेस खभाईर रेनअः एहेबेआय (1:1–18)
2. फिन हुनी ईसु दोवारा कामी लआ थोड़ेक छकरित काम रेनअः बखानेआय (1:19—12:50)
3. होना तयोम हुनी ईसु आला जिनगी रे घटाव नेना घटना रेनअः बखानेआय, जे अन्ततः हुनी आला गोजोअः आउर जिवीःड बिरिडोअ पखी इ-इदीआय (13:1—20:31)
4. बेस खभाईर रेनअः चाबा ईसु आला गोजोअः तयोम हुनी आला गोएःग उनकु मेसे मियांड रेनअः ब-बखान दोवारा तेकर नोःआँ पुथी के लि-लिखा रेनअः मतलोब के उदूः दोवारा याय (21)
S'ha seleccionat:
संत.जोहन जान-चिनहार: ASR
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2023 NLCI CC BY-NC-ND 4.0