Génesis 17
17
Pacto ruwasqan señalmanta
1Abramqa isqon chunka isqonniyuq watanpi kachkaptinmi Tayta Dios rikuriykuspan nirqa:
Ñoqam kani Tukuy Atiyniyuq Tayta Dios, munasqayman hinayá kawsay. 2Qanwanmi pactota ruwasaq hinaspam nana-nanaqta mirachisqayki, nispa.
3Chaymi Abramqa qonqoraykuspa pampakama kumuykurqa, hinaptinmi Dios kaynata nirqa:
4Kaynam qanwan pacto ruwasqayqa kanqa: Qanmantam achka nacionkuna lloqsinqa. 5#Ro 4.17.Chaynaqa, manañam Abramñachu sutikiqa kanqa, aswanqa #17.5 Hebreo simipi Abraham ninanqa “achka nacionkunapa taytan” ninanmi.Abrahamñam, nana-nanaq runakunapa taytanñam qamqa kanki. 6Anchallataña mirachiptiymi qanmanta hatarinqa reykuna chaynallataq nacionkunapas. 7#Lc 1.55.Pactotam qanwan ruwani chaynataq miraynikikunawanpas, qampa chaynallataq miraynikikunapaqpas wiña-wiñaypaq Diosnikichik kanaypaq. 8#Hch 7.5.Kay yachasqayki Canaán llapallan allpatam qanman, chaynallataq miraynikikunamanpas wiñaypaq qosqayki, hinaspam Diosnikichik kasaq, nispa. 9Abrahamtam huktawan Dios nirqa:
Kay pactotam kasukunki, qampas chaynallataq miraynikikunapas. 10#Hch 7.8.Kaymi kay pactoy, kaytam ruwayman churankichik qampas chaynallataq miraynikikunapas: Qamkunamanta kaq llapallan qarikunam qari kayninpi señalasqa kanqaku. 11Señalankichikqa qari kayninpa qarachanta kuchuspam, chaymi qamkunawan pacto ruwasqaypa señalnin kanqa. 12Kunanmantam qamkuna ukupi naceq lliw qari wawakuna pusaq punchawninpi qari kayninpi señalasqa kanqaku, señalasqam kanqa wasikipi naceqkunapas, mana miraynikimanta kaqkunapas, huklawmanta hamuspa qamkunawan yachaqkunapas chaynallataq qollqewan rantisqaykikunapas, 13lliwmi señalasqa kanqaku. Chaynapim pacto ruwasqayqa cuerpoykichikpi wiñaypaq señal kanqa. 14Ima qaripas mana señalasqa kaspanqa qamkunamantam qarqosqa kanqa, pactoyta mana kasukusqanrayku, nispa.
15Abrahamtam huktawan Dios nirqa:
Kunanmantaqa warmikipa sutinpas manañam Saraiñachu kanqa, aswanqa Sarañam. 16Payta bendeciptiymi churikita wachakunqa, chaymi nacionkunapa maman kanqa, paymanta nacemuqkunam nacionkunapa reyninkuna hatarinqa, nispa.
17Chaymi Abraham pampakama kumuykuspan asikurqa, hinaspanmi sonqonpi nirqa:
¿Pachak watayuq runapas yaqaraqchum churiyuq kanman? ¿Sarapas isqon chunka watayuqchum wachakunmanraq? nispa.
18Hinaspanmi Diosta Abraham nirqa:
Ima allinchá kanman qampa qayllaykipi Ismaelpa kawsakuyninqa, nispa.
19Diosñataqmi nirqa:
Cheqaptapunim warmiki Sara qampa churikita wachakunqa, hinaptinmi #17.19 Hebreo simipi Isaac ninanqa “asikuy” ninanmi.Isaacwan sutichanki, paywanmi wiñaypaq pactota ruwasaq, chaynallataqmi mirayninkunawanpas. 20Ismaelpaq mañakuwasqaykitapas uyarikim, paytapas bendecispaymi sinchillataña mirachisaq. Paypa mirayninkunamantam chunka iskayniyuq kamachikuqkuna hatarinqa, paymantam huk hatun nacionta hatarichisaq. 21Pactoytam ichaqa Isaacwan sapinchasaq. Paytam wataman kunan hinata warmiki Sara wachakunqa, nispa.
22Diosmi Abrahamwan rimayta tukuruspan pasakurqa. 23Chaynapim Abrahamqa chay punchawpi señalarqa churin Ismaelta, wasinpi naceqkunata chaynallataq qollqenwan rantisqan esclavonkunatapas. Diospa nisqanman hinam qari kayninkupa qarachanta kuchuspan señalarqa. 24Abrahamqa isqon chunka isqonniyuq watanpiñam karqa qari kayninpa qarachanta kuchuptinkuqa. 25Churin Ismaelñataqmi chunka kimsayuq watanpi karqa. 26Hina chay punchawllapim Abrahampas chaynataq churin Ismaelpas qari kayninkupi señalasqa karqaku. 27Paywan kuskataqmi wasinpi llapallan qarikunapas señalasqa karqaku, chaypi naceq esclavonkunapas chaynallataq huklawmanta qollqewan rantimusqankunapas.
S'ha seleccionat:
Génesis 17: RCHQ2
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Chuya Qellqa Revisión @ Sociedad Bíblica Peruana, 2012