Génesis 9
9
Noeywan pactota Dios ruwasqanmanta
1 #
Gn 1.28. Diosmi Noeyta hinaspa churinkunata bendecispan nirqa:
Achka wawa-churiyuq kaspayá kay pachata huntaychik. 2Qamkunam munaychakunkichik purun animalkunapi, alton pawaq animalkunapi, qasqonpa puriq animalkunapi chaynataq lamar qochapi challwakunapipas. 3Chay animalkunatam qoykichik mikunaykichikpaq, qoykichiktaqmi yuyukunatapas chaynataq sachakunatapas. 4#Lv 7.26-27; 17.10-14; 19.26; Dt 12.16, 23; 15.23.Kikillanmanta wañusqa animalpa aychantaqa amam mikunkichikchu, yawarninpi kawsaynin kasqanrayku. 5Qamkuna wañuchiqtaqa, runa kaptinpas otaq animal kaptinpas cuentatam mañasaq.
6 #
Ex 20.13. #
Gn 1.26. Pipas runamasin wañuchiqtaqa
paytapas runamasintaqmi wañuchinqa,
runaqa Diosman rikchakuq ruwasqa kasqanrayku.
7 #
Gn 1.28. Qamkunaqa achka wawa-churiyuqyá kaychik,
anchallataña miraspa kay pachata huntaychik.
8Diosmi Noeytawan churinkunata nirqa:
9Ñoqam qamkunawan chaynataq miraynikichikkunawanpas pactota ruwani; 10ruwanitaqmi alton pawaq animalkunawan, uywa animalkunawan, purun animalkunawan llapallan kay pachapi arcamanta lloqsimuq animalkunawanpas. 11Qamkunawanmi pactota ruwani, manañam huktawanqa kayna sinchi parawan haykam kawsaqkunata nitaq kay pachatapas puchukachisaqñachu. 12Diosqa nirqataqmi: Qamkunawan chaynataq animalkunawanpas wiñaypaq pacto ruwasqaypa señalninqa kaymi kanqa: 13Chirapaytam puyupi churani, chay chirapam kay pachapi kawsaqkunawan pacto ruwasqaypa señalnin kanqa. 14Kay pachapa hawanpi puyurichimuptiymi chirapay chay puyukunapi rikurinqa; 15hinaptinmi qamkunawan chaynataq llapallan animalkunawan pacto ruwasqayta yuyarisaq. Kaynata hinaqa yakukunapas manañam kay pachapi kawsaqkunata puchukachinqañachu. 16Puyupi chirapay rikurimuptinmi, chayta qawarispay yuyarisaq qamkunawan chaynallataq llapallan animalkunawanpas wiñaypaq pacto ruwasqayta, nispa.
17Noeytam Dios nirqa:
Chay chirapam kay pachapi llapallan kawsaqkunawan pacto ruwasqaypa señalnin kanqa, nispa.
Noeymantawan churinkunamanta
18Arcamanta lloqsimuq Noeypa churinkunam kaykuna: Sem, Cam hinaspa Jafet. Camqa karqa Canaanpa taytanmi. 19Noeypa kay kimsan churinkunamantam kay pachata runakuna huntarqa. 20Chaymantam Noeyqa chakrapi llamkayta qallarispa uvasta plantarqa. 21Chaymi vinota upyaruspan paqwayta sinkarurqa carpan ukupi qalalla wischurayanankama. 22Canaanpa taytan Camñataqmi rikururqa taytan qalalla wischurayasqanta, hinaspanmi hawapi iskaynin wawqenkunaman willaykurqa. 23Chaymi Semwan Jafetñataq pachata hombronkuman sawakuykuspa qepanpallaman asuykuspanku taytankuta qataykurqaku, chaynapim paykunaqa taytankupa qalalla kayninta mana rikurqakuchu.
24Sinka puñusqanmanta mallaqyaruspanmi, Noeyqa sullka churinpa imam ruwasqanta yacharurqa. 25Chaymi nirqa:
¡Ñakasqa kachun Canaán!
Wawqenkunapa esclavonpapas esclavon kachun.
26Tayta Diospa bendecisqanyá Sem kachun,
Canaanñataqyá Sempa esclavon kachun.
27Diospa hatunchasqan #9.27 Hebreo simipi Jafet ninanqa “hatunchasqa” ninanmi.Jafet kachun,
Sempa carpankunapiyá yachakuchun,
Canaanñataqyá Jafetpa esclavon kachun, nispa.
28Sinchi para usyamusqanmantam kimsa pachak pichqa chunka watataraq Noé kawsarqa. 29Noeyqa isqon pachak pichqa chunka watanpiñam wañukurqa.
S'ha seleccionat:
Génesis 9: RCHQ2
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Chuya Qellqa Revisión @ Sociedad Bíblica Peruana, 2012