Lucas 14
14
Jakapäkushqa nunata Jesús kachakätsinqan
1Tsëpitanam jamakï junaqchö Jesús ëwarqan mandakuq fariseupa wayinman mikuq. Tsëchö këkaqkunanam Jesústa rikaräyarqan <<mä kanan imatash ruranqa>> nishpa. 2Jesúspa nöpanchönam këkarqan pasëpa jakapäkïwan qeshyaq nuna. 3Jesúsnam ley yachatsikuqkunata y fariseukunata kënö tapurqan: <<Qeshyaq nunata jamakï junaqchö ¿kachakätsishwanku o manaku?>>
4Pëkunanam upällalla kakuyarqan. Tsënam qeshyaqta Jesús yatarirnin kachakäratsir nirqan: <<Kananqa wayikita ewkï>>.
5Tsëpitanam tsë nunakunata Jesús nirqan: <<Mëqëkipapis wamrëkikuna o törïkikuna pözuman jeqaptin jamakï junaq këkaptinpis ¿manaku tsë höra jorquq ëwayanki?>>#14.5 Tsënö Jesús nirqan nunakuna wamranta o törunta jamakï junaq këkaptinpis pözupita jorquyashqannö pëpis qeshyaqkunata jamakï junaqchöpis kachakätsishqantam.
6Tsënö niptin manam ni ima nitapis puëdiyarqantsu.
Mana precisaq tukunantsikpaq Jesús yachatsikunqan
7Invitädu nunakuna täkuyänanpaq punta puntamanraq ëwaqta rikëkurmi Jesús nirqan: 8<<Casakï fiestaman invitayäshuptiki ama precisaqkunapa täkuyänanman täkuyankitsu. Itsa qamkunapita mas precisaqta invitashqa kanman. 9Tsëman täkuyaptikim invitayäshuqniki niyäshunki: <Pë täkunanpaq witikï> nir. Tsënam penqakur ushashqa qepaman ëwar täkuriyanki. 10Tsëmi fiestaman invitayäshuptikiqa qepallachö täkuyanki. Tsënam invitashuqniki shamïkur kënö niyäshunki: <Yanasa, mas puntaman ewkamï>. Tsënam mësachö qamwan täkuqkuna respetayäshunki. 11Nuna tukuqkunaqa penqakushqam kayanqa. Y qollmi shonqu kaqkunaqa alli precisaqmi kayanqa>>.
Mikuyänanpaq pikunata invitanantsikpaq Jesús ninqan
12Tsënam invitaqnin fariseutana Jesús kënö nirqan: <<Wayikichö qarakurninqa ama precisaq yanasëkikunallataqa, wawqikikunallataqa, castëkikunallataqa o kapuqyuq marka mayikikunallataqa invitankitsu. Pëkunallata invitaptikiqa rantintanam qamtapis invitayäshunki. 13Tsëpa rantinqa qayatsinki waktsakunata, invälidukunata, weqrukunata y wiskukunata. 14Pëkuna mana kutitsiyäshuptikipis alli ruraq nunakuna kawariyämunan junaqmi Teyta Dios kutitsishunki>>.
Mikuyänanpaq invitanqan nunakunaman Jesús iwalatsinqan
Mateo 22.1-10
15Tsëmi mësachö Jesúswan tëkaq juk nuna kënö nirqan: <<¡Alläpa kushikïchöchi kayanqa Teyta Diospa mandakïninchö mikuqkuna!>>
16Tsënam Jesús nirqan: <<Juk nunash atska nunakunata invitanaq wayinchö alli mikïkunata mikuyänanpaq. 17Mikuyänan höra chäriptinnash sirwiqninta kachanaq invitashqan nunakunata: <Llapanpis listunam. Jina höra ewkalläyämïna> nir qayayämunanpaq.
18<<Tsënö qayatsiptinpis tsë invitädukunanash llapanpis disculpata mañakuyänaq. Juk kaqshi kënö ninaq: <Chakratam tsëraq rantirirqü. Tsëmi chakra rikaq ëwar puëdillätsu shamïta. Disculpëkallämätsun>.
19<<Jukninnash kënö ninaq: <Pitsqa par yuntatam rantirirqü. Kananmi ëwä mansaq. Disculpëkallämätsun>.
20<<Juk kaqnash jina ninaq: <Tsëllaran casakurirqü. Tsëmi puëdillätsu shamïta>.
21<<Sirwiqnin kutirirnash nunakuna imanö niyanqanta patronninta willanaq. Patronninnash alläpa piñakurnin sirwiqninta ninaq: <Pläzakunapa y cällikunapa jinallachö ëwar waktsakunata, weqrukunata y wiskukunata pushamï>.
22<<Tsënash nishqannö rurarir patronninta ninaq: <Mandamashqëkinömi rurarqü. Tsënö kaptinpis jayëkanran wayi>.
23<<Tsënash patronnin ninaq: <Nänikunapa y estanciakunapa ëwar tarinqëki nunakunata imanöpapis pushamï wayïchö junta kayänanpaq. 24Noqam niyaq: Puntata invitanqä kaqkunaqa mananam wayïchö mikuyanqanatsu> >>.
Discïpulun kananpaq Jesús yachatsikunqan
Mateo 10.37-38
25Atskaq nunakuna qatiräyaptinmi Jesús kënö nirqan: 26<<Pipis discïpulü këta munarqa mamäninta, tëtanta, warminta, tsurinkunata, wawqinkunata, paninkunata y kikinpa kawëninta kuyashqanpitapis noqata mas kuyamätsun. Tsënö mana kuyamarqa manam discïpulü kayanmantsu. 27Cruzninta apaqnö mana qatirämarqa#14.27 Cruzninta apaqnö mana qatirämar nirqa ima jipakïchö karpis Jesucristuta qatiränanpaqmi nikan. manam discïpulü kayanmantsu.#Mat. 10.38; Mar. 8.34; Luc. 9.23; Juan 12.25.
28<<Mëqëkipis wayita rurayänëkipaq shumaqran yarpakachäyanki ushatsiyänëkipaq qellëniki tinkushqanta o mana tinkushqantapis. 29Cimientullata rurëkur jaqiriyaptikiqa llapan rikaqkunam kënö nir penqapäyäshunki: 30<¡Kë nunaqa wayita qallëkur manam ushatsita puëdishqatsu!>
31<<Maski juk rey yarqutsun jukpa contran guërrata rurananpaq. Manaraq ëwarmi yarpakachar nin: <Noqapa soldädükuna chunka waranqallam (10,000). Tsënö kaptinpis chikimaqnïpaqa ishkë chunka waranqam (20,000). Tsë wallkaqlla soldädükunawan ¿vencishaqtsuraq?> 32Mana puëdiqnö karqa contran rey karullachöraq këkaptinmi willakuqkunata kachanqa manana pelyayänanpaq. 33Tsënöllam mëqëkipis imëkikunata noqa rëkur mana jaqirirqa discïpulü këta puëdiyankitsu>>.
Kachiman Jesús iwalatsinqan
Mateo 5.13; Marcos 9.50
34<<Kachiqa allim. Tsënö kaptinpis qamläkurirqa manam imapaqpis sirwinnatsu. 35Allpapaqpis wanupaqpis manana sirwiptinmi jitarintsik. ¡Rinriyuq kaqkunaqa nishqäkunata wiyakuyë!>>
S'ha seleccionat:
Lucas 14: qwhB
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2018, Wycliffe Bible Translators, Inc. All rights reserved.
Lucas 14
14
Jakapäkushqa nunata Jesús kachakätsinqan
1Tsëpitanam jamakï junaqchö Jesús ëwarqan mandakuq fariseupa wayinman mikuq. Tsëchö këkaqkunanam Jesústa rikaräyarqan <<mä kanan imatash ruranqa>> nishpa. 2Jesúspa nöpanchönam këkarqan pasëpa jakapäkïwan qeshyaq nuna. 3Jesúsnam ley yachatsikuqkunata y fariseukunata kënö tapurqan: <<Qeshyaq nunata jamakï junaqchö ¿kachakätsishwanku o manaku?>>
4Pëkunanam upällalla kakuyarqan. Tsënam qeshyaqta Jesús yatarirnin kachakäratsir nirqan: <<Kananqa wayikita ewkï>>.
5Tsëpitanam tsë nunakunata Jesús nirqan: <<Mëqëkipapis wamrëkikuna o törïkikuna pözuman jeqaptin jamakï junaq këkaptinpis ¿manaku tsë höra jorquq ëwayanki?>>#14.5 Tsënö Jesús nirqan nunakuna wamranta o törunta jamakï junaq këkaptinpis pözupita jorquyashqannö pëpis qeshyaqkunata jamakï junaqchöpis kachakätsishqantam.
6Tsënö niptin manam ni ima nitapis puëdiyarqantsu.
Mana precisaq tukunantsikpaq Jesús yachatsikunqan
7Invitädu nunakuna täkuyänanpaq punta puntamanraq ëwaqta rikëkurmi Jesús nirqan: 8<<Casakï fiestaman invitayäshuptiki ama precisaqkunapa täkuyänanman täkuyankitsu. Itsa qamkunapita mas precisaqta invitashqa kanman. 9Tsëman täkuyaptikim invitayäshuqniki niyäshunki: <Pë täkunanpaq witikï> nir. Tsënam penqakur ushashqa qepaman ëwar täkuriyanki. 10Tsëmi fiestaman invitayäshuptikiqa qepallachö täkuyanki. Tsënam invitashuqniki shamïkur kënö niyäshunki: <Yanasa, mas puntaman ewkamï>. Tsënam mësachö qamwan täkuqkuna respetayäshunki. 11Nuna tukuqkunaqa penqakushqam kayanqa. Y qollmi shonqu kaqkunaqa alli precisaqmi kayanqa>>.
Mikuyänanpaq pikunata invitanantsikpaq Jesús ninqan
12Tsënam invitaqnin fariseutana Jesús kënö nirqan: <<Wayikichö qarakurninqa ama precisaq yanasëkikunallataqa, wawqikikunallataqa, castëkikunallataqa o kapuqyuq marka mayikikunallataqa invitankitsu. Pëkunallata invitaptikiqa rantintanam qamtapis invitayäshunki. 13Tsëpa rantinqa qayatsinki waktsakunata, invälidukunata, weqrukunata y wiskukunata. 14Pëkuna mana kutitsiyäshuptikipis alli ruraq nunakuna kawariyämunan junaqmi Teyta Dios kutitsishunki>>.
Mikuyänanpaq invitanqan nunakunaman Jesús iwalatsinqan
Mateo 22.1-10
15Tsëmi mësachö Jesúswan tëkaq juk nuna kënö nirqan: <<¡Alläpa kushikïchöchi kayanqa Teyta Diospa mandakïninchö mikuqkuna!>>
16Tsënam Jesús nirqan: <<Juk nunash atska nunakunata invitanaq wayinchö alli mikïkunata mikuyänanpaq. 17Mikuyänan höra chäriptinnash sirwiqninta kachanaq invitashqan nunakunata: <Llapanpis listunam. Jina höra ewkalläyämïna> nir qayayämunanpaq.
18<<Tsënö qayatsiptinpis tsë invitädukunanash llapanpis disculpata mañakuyänaq. Juk kaqshi kënö ninaq: <Chakratam tsëraq rantirirqü. Tsëmi chakra rikaq ëwar puëdillätsu shamïta. Disculpëkallämätsun>.
19<<Jukninnash kënö ninaq: <Pitsqa par yuntatam rantirirqü. Kananmi ëwä mansaq. Disculpëkallämätsun>.
20<<Juk kaqnash jina ninaq: <Tsëllaran casakurirqü. Tsëmi puëdillätsu shamïta>.
21<<Sirwiqnin kutirirnash nunakuna imanö niyanqanta patronninta willanaq. Patronninnash alläpa piñakurnin sirwiqninta ninaq: <Pläzakunapa y cällikunapa jinallachö ëwar waktsakunata, weqrukunata y wiskukunata pushamï>.
22<<Tsënash nishqannö rurarir patronninta ninaq: <Mandamashqëkinömi rurarqü. Tsënö kaptinpis jayëkanran wayi>.
23<<Tsënash patronnin ninaq: <Nänikunapa y estanciakunapa ëwar tarinqëki nunakunata imanöpapis pushamï wayïchö junta kayänanpaq. 24Noqam niyaq: Puntata invitanqä kaqkunaqa mananam wayïchö mikuyanqanatsu> >>.
Discïpulun kananpaq Jesús yachatsikunqan
Mateo 10.37-38
25Atskaq nunakuna qatiräyaptinmi Jesús kënö nirqan: 26<<Pipis discïpulü këta munarqa mamäninta, tëtanta, warminta, tsurinkunata, wawqinkunata, paninkunata y kikinpa kawëninta kuyashqanpitapis noqata mas kuyamätsun. Tsënö mana kuyamarqa manam discïpulü kayanmantsu. 27Cruzninta apaqnö mana qatirämarqa#14.27 Cruzninta apaqnö mana qatirämar nirqa ima jipakïchö karpis Jesucristuta qatiränanpaqmi nikan. manam discïpulü kayanmantsu.#Mat. 10.38; Mar. 8.34; Luc. 9.23; Juan 12.25.
28<<Mëqëkipis wayita rurayänëkipaq shumaqran yarpakachäyanki ushatsiyänëkipaq qellëniki tinkushqanta o mana tinkushqantapis. 29Cimientullata rurëkur jaqiriyaptikiqa llapan rikaqkunam kënö nir penqapäyäshunki: 30<¡Kë nunaqa wayita qallëkur manam ushatsita puëdishqatsu!>
31<<Maski juk rey yarqutsun jukpa contran guërrata rurananpaq. Manaraq ëwarmi yarpakachar nin: <Noqapa soldädükuna chunka waranqallam (10,000). Tsënö kaptinpis chikimaqnïpaqa ishkë chunka waranqam (20,000). Tsë wallkaqlla soldädükunawan ¿vencishaqtsuraq?> 32Mana puëdiqnö karqa contran rey karullachöraq këkaptinmi willakuqkunata kachanqa manana pelyayänanpaq. 33Tsënöllam mëqëkipis imëkikunata noqa rëkur mana jaqirirqa discïpulü këta puëdiyankitsu>>.
Kachiman Jesús iwalatsinqan
Mateo 5.13; Marcos 9.50
34<<Kachiqa allim. Tsënö kaptinpis qamläkurirqa manam imapaqpis sirwinnatsu. 35Allpapaqpis wanupaqpis manana sirwiptinmi jitarintsik. ¡Rinriyuq kaqkunaqa nishqäkunata wiyakuyë!>>
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2018, Wycliffe Bible Translators, Inc. All rights reserved.