JOHN 4
4
Jesu Hüyange Samaria Sheko
1 #
Jn 3.22. Aope Jesuwe John phei shenyei she Iye baptitam-e hüyange pin omnang she Phariseelanne jaipu shing; 2ütingpa me Jesu, Iye yeje; I pinlanne baptitam. 3Aope Jesuwe tüopa jai, Iye Judea angyange Galilee te ye.
4 #
Lk 9.52; 17.11. Sha-a I Samaria kaiye yelak ne ngoh.
5 #
Kaht 33.19; 48.22; Jos 24.32. Tüokhei Jacob-e Iha Joseph jingne phapu kahtok phei owe, Samaria me ngohpu Saikhar (Sychar) she minpu ching ja te I pei. 6Jacob yengnung tüome ngoh, hüyange lamme kemwante nyaiteiye peiye Jesu tüome shot. Hüwante penme ni#Jehudilan jingne ghonda wok paji nanjing ngoh.
7Hüwante Samaria sheko ja yengshao ne pei, hüyange Jesuwe yha te i, “Üte yinglak yeng yahkhu.” 8Hangjingne I pinlan chingnyu te hahying shaklak jingne ongteiye ngoh. 9#Mt 10.5; Jn 8.48; Ezr 4.3-6.Samaria shekonyu Ite janne i, “Nanga Jehudi hüyange taowa Samaria ja, hangke nange üte yinglak yeng tongpu shi?” (Hangjingne Jehudilanne aope-o Samarialan jonpu wan hei shengme yejon.) 10#Jn 7.37; Ütah 21.6; 22.17.Jesuwe yha te janne i, “Nange Kahwang hünghao shingshih ma-a, hüyange ‘Üte yinglak yeng yahkei,’ she nangte aowe iyapeih shingshihma-a, nange Ite tonghah shepu hüyange Iye nangte üyin yeng phahah shepu.”
11Shekonyuwe i, “Üyongpa, nangme yengshaolak hango yenang hüyange yengnung lunang. Nange ümeken mepu üyin yeng tüolak shi? 12Nang toman üpa Jacob, aowe tomante yengnung pha, hüyange Iye-o tüopa mepu ying, hüyange I hayim hei I yinmoklan ne ying, I phei sheyongpu a?” 13Jesuwe yhate janne i, “Aowe tüopa yeng mepu yinglakei nishe yenglelak; 14#Jn 6.35; 7.38.hüyangpoi aowe Taowe Ite phapu yeng yinglakei nishe yelelak. Hangjingne Taowe Ite phalak yeng Ime üyin yenglok ne menglak, hüyange Ite jintepu üyin phalak.”
15 #
Jn 6.34. Shekonyuwe Ite i, “Üyongpa, hatüo yeng üte yahkei; tüome nakshih tao aope-o yelelak, yejema-a tüopa mepu yengshao ne yepeilak.”
16Jesuwe yha te i, “Taitüoh nang netanpa te nyik kei, hüyange tüome yekei.”
17Shekonyuwe jan, “Taowe netanpa yenang.” Jesuwe yha te i: “Netanpa yenang she, nange ipu shunang. 18#2 Ahng 17.24; Hos 2.7.Hangjingne nang netanlan nga phei ngoh, hüyange sha-a nang ao phei ngoh I nangjing ütingpa netanpa yeje. Tüopa me nange üte üting iyangki.”
19Shekonyuwe Ite i, “Üyongpa, taowe nanga hipa ja she ngenang.” 20#Hin 11.29; Jos 8.33; Lk 9.53.“Toman Samaria puyimlanne tüopa kahtang me Kahwang te khüm, hüyangpoi kahtalanne Kahwang te khümlak nyoi Jerusalem üja she nange inang.”
21 #
Jn 5.25; 16.2,32; Mal 1.11. Jesuwe yhate i: “Shekonyu, üte ütinglak yah, numan-e üpate tüopa kahtangme jeyah, Jerusalem me jeyah yekhümlak hipak ja peikülak. 22#2 Ahng 17.28-41; Isa 2.3; Rom 9.4.Numan-e hangheyeih, yeshingpu ja te khümnang; toman-e hanghe shing tüopate toman-e khümnang, hangjingne yinyepupa-a Jehudilan mepu ngohnang. 23Hüyangpoi hipak ja peiküki, hüyange hatüowa sha-a ngohnang, aope ütingme khümpa lanne üpate yaha me hüyange ütingpa me khümlakei, ütingpa khümpalanne mengetamlak jingne üpawe hükihpu kahtalan yamnang. 24#Phi 3.3.Kahwang-a Yaha, hüyange aoyinne Ite khümlakei yaha me hüyange ütingpa me khümlak yang.”
25Shekonyuwe Ite i, “Khrista she nyikpu, Messiah peilak taowe shingnang. Aope I peilakeih Iye tomante khongkümpu iphalak!” 26#Jn 8.24.Jesuwe yhate janne i, “Tao, aowe nangphei ngaonang, Tao I ngohnang.”
Pinlan Jesu Tangte Leihye
27Hüwante Jesu pinlan ye-e ngoi; hüyange I sheko ja phei ngaowe ngohpu ngeye iman yeonge yashan. Hüyangpoi iman yo me aowe-o yha te “Nange hanghe yampu?” she yengao; yejema-a “Yha phei nang hangne ngaoki?” she Ite yetong.
28Tüophei me shekonyuwe yengtük tüohyange chingte ong, hüyange tüome ngohpu kahtalante i, 29#Jn 7.26; Mt 12.23.“Kei, hüyange kahta te leitüoh, taowe linge peiyangpu lili üte ngaoyangki. I Messiah ne mengyalak shi?” 30Tüophei me iman-e ching tüohyange Jesu tangte pei.
31Tüopa hipak me pinlanne Jesute tonge i, “Rabbi, (Konnyüopa) ülamja hahyah.” 32#Mt 4.4.Hüyangpoi Iye jan, “Numan-e yeshingpu hahlak ja taowe tüowe ngohnang.” 33Pinlanne iman pa me teingaowe i, “Ütamme Ite hahlak peitüoh pu a?” 34#Jn 5.30; 6.38; 17.4.Jesuwe imante i, “Ü-hahyinga Tao aowe shonyapeih I toi linglak hüyange Iye üte phapu toishao sholak ngohnang.”
35 #
Lk 10.2; Mt 9.37. “Lekeng peli ngohnang, hüyange ‘tahyahlak hipak’ peikülak she numan-e ye-i a? Taowe numante inang, kahte leiyah; iman yahlak ne nyinteki! 36Kahta aowe tahyah nang Ite nanmee phanang hüyange ülicklan jintepu üyin jingne shai jemnang; tüokhei ao kahtawe dei hüyange aowe tah yah imni moini jamshe mongmeilak. 37#Job 31.8; Mik 6.15.Hangjingne jawe dei hüyange jawe yah she ipu ütingme ngainang. 38Numan-e ümeken me yeham tüome tah yahlak jingne numan shonnang; ülao lanne hamyangki, hüyange iman-e hampu me numan jamnang.”
Samarialan Maawe Ütinglak
39Tüopa chingme ngohpu Samarialan maawe Jesute ütinglak, hangjingne “Taowe hanghe linge pei khongkümpu Iye üte i,” she shekonyuwe ngao. 40Tüokhei aope Samarialan peiye iman phei jamme ngohkei she Ite tong; tüoken me Jesu nyih ni nyoi.
41I ngao kaiye kahtalan maawe ütinglak-e meng, 42#1 Jn 4.14; 2 Tim 1.10.hüyange iman-e shekonyu te i, “Sha-a toman-e ütinglak nangki; hüyangpoi nange ipu jingne shaha yeje, hüyangpoi toman-e I mepu jaiteki, hüyange I-a kahtoknyu Yinyetampa she toman-e shing.”
Jesuwe Üyongpa Üha Meitam
43Nyih ni ngohyange tüomepu Jesu Galilee te tai. 44#Mk 6.4; Mt 13.57.Hangjingne Jesu Iye muh iyangki, “Hipa ja yoi chingshao kahtalanne yeyah.” 45Aope I Galilee ngoi tüome ngohpu kahtalanne I yah, hangjingne Yinyepu Mo jingne Jerusalem te iman ong hüyange mo hipak me Iye hangyin toiling iman-e nge.
46 #
Jn 2.1-11; Mt 8.5-10; Lk 7.2-10. Tüophei me Galilee mepu Kana, ümeken me Iye yeng-a wuwüngti ne ling tüo nyoite Jesu leihye; Kapernaum me Iha dakpu sokali shaoshanpa üyong ja tüome ngoh. 47Aope Iye Judea mepu Galilee te Jesu peiteki she jai, I tangte I wen hüyange Kapernaum te taiye Iha ao pali she dak-e ngoh meitamlak jingne Ite tong. 48#Dan 4.2; Mk 13.22; Lam 2.19; 4.30; Rom 15.19; Heb 2.4.Tüokhei Jesuwe Ite i, “Numan-e füo hüyange kahnyingwüngha mannge mannge numan aowe-o üting yelak lak.” 49Üyongpawe jan, “Üyongpa, üha manlipe ü-phei laihah kei.”
50Jesuwe Ite i, “Taitüoh, nangha üyin me ngohlak!” Tüopa kahtawe Jesuwe Ite ngaotampu ngaote ütinglak hüyange tai. 51I nok manngoipe lamme ngohwante I shaoshanpalan ngaolan phei lamme hüo, hüyange Ite i, “Nang ha üyin me ngohnang!” 52Iye imante tong hangke ting phei shuwe I ha-a meine wangpu, “Menyih nyihning ja paji me I dak mepu phünpu üja she, iman-e i,” 53#Lam 11.14.Tüophei me Ipawe “Nangha üyin me ngohlak,” she Jesuwe Ite ipu hipak yang she shinge pei. Tüophei me I hüyange Inok üshei ütinglak.
54 #
Jn 2.11. Hatüowa Judea mepu Galilee te Jesu pei pheime lingpu nishepupa kahnyingwüngha füo ne ngohyangki.
S'ha seleccionat:
JOHN 4: KONYBSI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.