GÉNESIS 2
2
1Jökorai opa oyeapo ara, ɨvɨ, jare opaete ipo reta. 2Tumpa opa omboapɨ jembiapo reta; jare oputuu#Ex 20.11; Heb 4.4,10. chiúa ara pe opaete jembiapo reta güi. 3Jökorai Tumpa iporerekua chiúa ara re, jare oñono tee iyeupeguarä, echa jókuae ara oputuu opaete jembiapo güi, oyapo güire opaete mbaembae.#Ex 20.11.
Kuimbae kó pe ɨvɨ Edén pe
4Körai oyemboɨpɨ arakae ara jare ɨvɨ, yandeYa Tumpa oyapo ramo yave opaete kuaekuae reta. 5Opaete ñana ndeiño vɨteri oë ɨvɨ güi, jare opaete temitɨ ndeiño vɨteri jeñɨi. Echa yandeYa Tumpa ndeiño ombou ama ɨvɨ re, ndeiño vi oime kuimbae omaetɨ vaerä. 6Ërei ngatu ɨvɨ güi oë ɨsapɨirä, kuae omoäkɨ opaete ɨvɨ. 7Jayave yandeYa Tumpa oyapo kuimbae ɨvɨkúi güi, jare oipeyu iñäpɨgua pe tekove. Jökorai omboɨpɨ oikove kuimbae.
8Jare yandeYa Tumpa oñono kó Edén pe, kuaraɨ oëa kotɨ; joko pe oñono jókuae kuimbae oyapogüe. 9Jare yandeYa Tumpa ombokuakuaauka ɨvɨ güi opaete ɨvɨra ia ikavi yae oyekuaa jare ikavi yae oyeu vaerä vae. Jaeramiño vi oñono kó mbɨte pe ɨvɨra tekove pegua.#Ap 2.7; 22.2,14. Jare ɨvɨra, ikavi vae jare ikavimbae oikuaauka vae.
10Edén güi oë metei ɨ̈aka omoäkɨ vaerä ko, joko güi jókuae ɨ̈aka oyemboyao irundɨ pe. 11Metei ɨ̈aka jee Pisón; kuae ɨ̈aka oyere opaete ɨvɨ Havila jee vae re, oro oimea pe. 12Jókuae ɨvɨ pegua oro ikavi yae; oime vi jókuae ɨvɨ pe ɨvɨra iyaɨsɨgüe bedelio jee vae jare ita ipöra vae ónice jee vae. 13Ɨ̈aka mokoía jee Gihón; kuae ɨ̈aka oyere opaete ɨvɨ Cus jee vae re. 14Ɨ̈aka mboapɨa jee Hidekel; kuae ɨ̈aka oasa Asiria güi kuaraɨ oëa kotɨ. Jare ïru ɨ̈aka ko jee Éufrates.
15YandeYa Tumpa oñono kuimbae kó pe Edén pe, omaetɨ vaerä pɨpe jare oyangareko vaerä jese. 16YandeYa Tumpa oyókuai kuimbae, körai jei chupe: “Opaete ɨvɨra iagüe kuae kó pe oï vae ndepuere reu; 17ërei jókuae ɨvɨra oikuaauka ikavi vae jare ikavimbae vae iagüe agüɨye jeu; echa jókuae ara reu ko yave remanota ko.”#Ro 6.23.
18Jayave yandeYa Tumpa jei: “Mbaetɨ ikavi kuimbae oiko vaerä jaeño; tayapo chupe imborɨarä.” 19YandeYa Tumpa güeru Adán pe opaete ɨvɨ güi oyapogüe, opaete mbaemɨmba ñana rupigua, jare opaete güɨra reta, ipuere vaerä omae jese jare kërai ombojee. Jare opaete oikove vae reta Adán ombojee vae, jökorai ko jee. 20Adán ombojee opaete mbaemɨmba jare güɨra reta, jare opaete mɨmba reta ñana rupigua; ërei Adán peguarä mbaetɨ oñeväe imborɨarä. 21Jayave yandeYa Tumpa omonge täta Adán, jare oke ramboeve oekɨ chugüi metei iñäruka, jare oyokenda ye isoo iñäruka jendagüe. 22Jare yandeYa Tumpa oyapo metei kuña jókuae kuimbae iñärukagüe güi, jare güeru omee kuimbae pe. 23Jayave Adán jei:
“¡Kuae ko jae chekägüe ïru jare chesoo ïru! Jeeta ‘kuña’, echa kuimbae güi ko oyeapo.”
24Jáeramo, kuimbae oeya tu jare ichɨ, oyogüɨreko vaerä jembireko ndive, jare oyogüɨreko metei ramiño.#Mt 19.5; Mc 10.7-8; 1 Co 6.16; Ef 5.31.
25Jare Adán jembireko ndive inandi yogüɨreko, ërei mbaetɨ imara reta.
S'ha seleccionat:
GÉNESIS 2: GUABD
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Biblia DC Guaraní Bolivia © Bolivian Bible Society, 2001.