په‌سنییه‌كان 64
64
هی پێشه‌وای گۆرانیبێژانه. په‌سنیه‌كی داویده.
1 خودایه گوێ له ده‌نگی سكاڵام بگره. ژیانم له مه‌ترسی دوژمنانم بپارێزه.
2 له پیلانی به‌دكاران بمشاره‌وه، له كۆمه‌ڵی تاوانباران.
3 كه زمانیان وه‌ک شمشێر تیژ كردووه. وشه تاڵه‌كانیان وه‌ک تیری هاوێژراوه.
4 تا له بۆسه‌كانیانه‌وه كه‌سی بێتاوانی پێ بپێكن، له‌ناكاو ده‌یپێكن و ناترسن.
5 بۆ كاری خراپه هانی یه‌كتر ده‌ده‌ن. ده‌رباره‌ی شاردنه‌وه‌ی داوه‌كانیان ده‌دوێن، ده‌ڵێن: “كێ ده‌مانبینێت؟”
6 ته‌گبیر بۆ تاوان ده‌كه‌ن، پیلانێكی ته‌واویان داناوه. دڵ و ده‌روونی مرۆڤ قووڵه.
7 به‌ڵام خودا تیریان تێده‌گرێت، له‌ناكاو لێیان ده‌دات.
8 زمان درێژییان ده‌بێته هۆی كه‌وتنیان، هه‌ر كه‌سێ كه ده‌یانبینێت سه‌ری باده‌دات.
9 هه‌موو مرۆڤ ده‌ترسن، كاری خودا ڕاده‌گه‌یه‌نن و بیرده‌كه‌نه‌وه له‌وه‌ی كه كردی.
10 خوداناسان به په‌روه‌ردگار دڵخۆشن و په‌نا ده‌به‌نه به‌ر ئه‌و، هه‌موو دڵڕاستان شادمانن.
دیاریکراوەکانی ئێستا:
په‌سنییه‌كان 64: PNTZS
بەرچاوکردن
هاوبەشی بکە
لەبەرگرتنەوە
دەتەوێت هایلایتەکانت بپارێزرێت لەناو ئامێرەکانتدا> ? داخڵ ببە
© Bible Society in Lebanon (2017)
کۆمەڵگەی پەرتووکی پیرۆز لە لوبنان ٢٠١٧