یەکەم پەترۆس 6:5-11
یەکەم پەترۆس 6:5-11 پەیمانی نوێ و زەبوورەکان بە سۆرانی (PNTZS)
بۆیه له ژێر ده‌ستی به توانای خودا خاكسار بن، تاكو له كاتی خۆیدا به‌رزتان بكاته‌وه. هه‌موو خه‌مێكتان بخه‌نه سه‌ر ئه‌و، چونكه ئه‌و بایه‌ختان پێ ده‌دات. چاوكراوه و بێدرا بن، چونكه شه‌یتانی دوژمنتان وه‌ک شێرێكی به نه‌عره‌ته‌یه، ده‌سووڕێته‌وه و ده‌گه‌ڕێ به‌دوای یه‌كێک تا قووتی بداته‌وه. به‌ربه‌ره‌كانێی بكه‌ن، جێگیر بن له باوه‌ڕ، بزانن براكانیشتان له جیهاندا هه‌مان ئازار ده‌چێژن. خودای هه‌موو به‌خششێک، ئه‌وه‌ی بانگی كردوون بۆ شكۆ جاویدانیه‌كه‌ی له ئیشۆعی مه‌سیحدا، كه تۆزێک ئازارتان چێژت، خۆی ته‌واوكارتانه و جێگیرتان ده‌كات و به‌هێزتان ده‌كات و بناغه‌تان داده‌نێت. تاجاویدانی هێز بۆ ئه‌وه. ئامین.
یەکەم پەترۆس 6:5-11 كوردی سۆرانی ستانده‌رد (KSS)
بۆیە لەژێر دەستی بەهێزی خودا بێفیز بن، تاکو لە کاتی خۆیدا بەرزتان بکاتەوە. هەموو خەمێکتان بە خودا بسپێرن، چونکە ئەو بایەختان پێدەدات. چاوکراوە بن و ئێشک بگرن، شەیتانی دوژمنتان وەک شێرێکی بە نەڕەنەڕ دەسووڕێتەوە، بەدوای یەکێکدا دەگەڕێ بۆ ئەوەی بیخوات. بەربەرەکانێی بکەن، لە باوەڕەکە بچەسپێن، بزانن خوشک و براکانیشتان لە جیهاندا هەمان ئازار دەچێژن. خودای هەموو نیعمەتێک، ئەوەی بە یەکبوون لەگەڵ عیسای مەسیحدا بانگی کردوون بۆ شکۆیە هەتاهەتاییەکەی، کە تۆزێک ئازارتان چێژت، خۆی ڕاستە ڕێتان دەکات و واتان لێ دەکات کە بەهێز و چەسپاو و دەمەزراو بن. هەتاهەتایە دەسەڵات بۆ ئەوە. ئامین.