دووەم کۆرنسۆس 5:2-11
دووەم کۆرنسۆس 5:2-11 پەیمانی نوێ و زەبوورەکان بە سۆرانی (PNTZS)
به‌ڵام ئه‌گه‌ر یه‌كێک بووه هۆی خه‌مباری، ئه‌وا ته‌نها منی خه‌مبار نه‌كردووه، به‌ڵكو تا ڕاده‌یه‌ک هه‌مووتانی خه‌مبار كردووه، ئه‌گه‌ر زۆرم نه‌ووتبێت. ئیتر به‌سه ئه‌و سزایه‌ی كه‌وا له‌لایه‌ن زۆرینه‌یه، به پێچه‌وانه‌وه، باشتره بیبه‌خشن و دڵنه‌وایی بكه‌ن، نه‌وه‌ک له خه‌فه‌تی زۆره‌وه قووت بدرێت. بۆیه تكاتان لێ ده‌كه‌م خۆشویستنی خۆتانی بۆ دووپات بكه‌نه‌وه. چونكه بۆ ئه‌مه بۆم نووسین تاكو به سه‌لماندنتان بزانم، ئاخۆ له هه‌موو شتێكدا گوێڕایه‌ڵن؟ جا ئه‌وه‌ی له شتێک لێی ده‌یبه‌خشن، منیش وا ده‌كه‌م. چونكه ئه‌وه‌ی به‌خشیم ئه‌گه‌ر له شتێک به‌خشیم ئه‌وا له‌به‌رده‌م مه‌سیح له‌پێناوی ئێوه ده‌یبه‌خشم، نه‌وه‌ک شه‌یتان له‌خشته‌مان ببات. چونكه له مه‌به‌سته‌كانی بێ ئاگا نین.
دووەم کۆرنسۆس 5:2-11 كوردی سۆرانی ستانده‌رد (KSS)
بەڵام ئەگەر یەکێک بووەتە هۆی خەمباری، ئەوا تەنها منی خەمبار نەکردووە، بەڵکو هەتا ڕادەیەک هەمووتانی خەمبار کردووە، ئەگەر زیادەڕۆییم نەکردبێت. ئیتر بەسە ئەو سزایەی کە لەلایەن زۆرینەیە، بە پێچەوانەوە، باشترە گەردنی ئازاد بکەن و دڵنەوایی بکەن، نەوەک لە خەفەتی زۆرەوە هەڵبلووشرێت. لەبەر ئەوە تکاتان لێ دەکەم خۆشەویستی خۆتانی بۆ دووپات بکەنەوە، چونکە بۆ ئەمە بۆم نووسین تاکو بە سەلماندنتان بزانم، ئاخۆ لە هەموو شتێکدا گوێڕایەڵن. منیش گەردنی ئەو کەسە ئازاد دەکەم کە ئێوە گەردنی ئازاد دەکەن. هەروەها ئەگەر پێویستی بەوە کردبێت گەردنی کەسێک ئازاد بکەم، ئەوا لەبەردەم مەسیح لەبەر ئێوە گەردنم ئازاد کردووە، نەوەک شەیتان لەخشتەمان ببات، چونکە لە مەبەستەکانی بێئاگا نین.