کردار 6:13-12
کردار 6:13-12 پەیمانی نوێ و زەبوورەکان بە سۆرانی (PNTZS)
به دوورگهكهدا گهڕان تاكو گهیشتنه پاپۆس. لهوێ تووشی جادووگهرێكی جوو بوون پێغهمبهرێكی درۆزن بوو، ناوی بهڕشووما بوو، لهگهڵ فهرمانڕهوا سرجیۆس پۆڵۆس، كه پیاوێكی تێگهیشتوو بوو. بهرنڤا و شاوولی بانگكرد، داوای كرد گوێی له وشهی خودا بێت. بهڵام عهلیمی جادووگهر ئهمه ناوهكهی بوو بهربهرهكانێی كردن و ههوڵی دا فهرمانڕهوا له باوهڕ لابدات. كهچی شاوول كه پۆڵۆسی پێ دهووترا، پڕبوو له ڕووحی پارسا و تێیڕووانی، وتی: “ئهی پڕ له ههموو فریو و فێڵ! ڕۆڵهی ئیبلیس! دوژمنی ههموو خوداناسییهک! له چهوتكردنی ڕێگای ڕاستی خودا ناوهستی؟ ئهوهتا دهستی پهروهردگارت لهسهره و كوێر دهبیت، بۆ ماوهیهک خۆر نابینی”. یهكسهر تهم و تاریكی دایپۆشی و گهڕا بهدوای یهكێک تاكو دهستی بگرێت. كاتێ فهرمانڕهواكه بینی چی ڕوویدا، باوهڕی هێنا، له فێركردنهكهی پهروهردگار سهرسام بوو.
کردار 6:13-12 كوردی سۆرانی ستاندهرد (KSS)
بە هەموو دوورگەکەدا گەڕان هەتا گەیشتنە پافۆس. لەوێ تووشی جادووگەرێکی جولەکە بوون بە ناوی باریەشوع کە پێغەمبەرێکی درۆزن بوو. باریەشوع لەگەڵ سرگیۆس پۆڵسی فەرمانڕەوا بوو، کە پیاوێکی تێگەیشتوو بوو. سرگیۆس بەرناباس و شاولی بانگکرد، چونکە دەیویست گوێی لە پەیامی خودا بێت. بەڵام ئەلیماس کە جادووگەر واتای ناوەکەی بوو، بەربەرەکانێی کردن و هەوڵی دا فەرمانڕەوا لە باوەڕ لابدات. کەچی شاول کە پۆڵسی پێ دەگوترا، پڕبوو لە ڕۆحی پیرۆز و تێیڕوانی و گوتی: «ئەی پڕ لە هەموو جۆرە فرتوفێڵێک! کوڕی شەیتان! دوژمنی هەموو ڕاستودروستییەک! لە خوارکردنی ڕێگای ڕاستی یەزدان ناوەستی؟ ئەوەتا دەستی یەزدان لە دژی تۆیە و کوێر دەبیت، بۆ ماوەیەک خۆر نابینی.» دەستبەجێ تەم و تاریکی دایپۆشی و بەدوای یەکێکدا گەڕا تاکو دەستی بگرێت. کاتێک فەرمانڕەواکە بینی چ ڕوویدا، باوەڕی هێنا، لە فێرکردنەکەی مەسیحی خاوەن شکۆ سەرسام بوو.