زەبوورەکان 1:8-8
زەبوورەکان 1:8-8 پەیمانی نوێ و زەبوورەکان بە سۆرانی (PNTZS)
ئه‌ی په‌روه‌ردگاری گه‌وره‌مان، ناوت له سه‌راپای زه‌ویدا چه‌ند شكۆداره! تۆ شكۆمه‌ندیی خۆت خستۆته سه‌رووی ئاسمانان. له زاری منداڵان و شیره‌خۆرانه‌وه ستایشت داڕشتووه به‌هۆی ناحه‌زه‌كانته‌وه، بۆ ده‌مكوتكردنی دوژمنه تۆڵه‌سێنه‌ره‌كان. كاتێ ته‌ماشای ئاسمانه‌كانت ده‌كه‌م، كه په‌نجه‌كانی تۆ دروستی كردوون، مانگ و ئه‌ستێره‌كان، كه دروستت كردوون، مرۆڤ كێیه تاكو له بیرت بێت؟ یان ئاده‌میزاد تاكو بایه‌خی پێ بده‌یت؟ كه‌مێک له فریشته‌كان كه‌متری دابنێیت، تاجی شكۆ و ڕێزت خسته سه‌ری. ده‌سه‌ڵاتت داوه‌تێ به‌سه‌ر هه‌موو ده‌ستكردی خۆتدا، هه‌موو شتێكت خستووه‌ته ژێر پێی: هه‌موو مانگا و مه‌ڕه‌كان، هه‌روه‌ها ئاژه‌ڵانی كێویش، باڵنده‌ی ئاسمان و ماسیی ده‌ریا و هه‌رچی له ڕێگای ده‌ریا ده‌ڕوات.
زەبوورەکان 1:8-8 كوردی سۆرانی ستانده‌رد (KSS)
ئەی یەزدانی پەروەردگارمان، ناوت لە سەراپای زەویدا چەند شکۆدارە! تۆ شکۆمەندی خۆتت خستووەتە سەرووی ئاسمان. بە ستایشی منداڵان و شیرەخۆران هێزت بۆ خۆت دامەزراندووە لە دژی ناحەزەکانت، هەتا دوژمنە تۆڵەسێنەرەکانی پێ دەمکوت بکەیتەوە. کاتێک تەماشای ئاسمانت دەکەم، کە پەنجەکانی تۆ دروستی کردووە، مانگ و ئەستێرەکان، کە تۆ لەوێ داتناون، مرۆڤ چییە تاکو بیری لێ بکەیتەوە؟ کوڕی مرۆڤ چییە تاکو بایەخی پێبدەیت؟ کەمێک لە فریشتەکانت بە کەمتر دانا و تاجی شکۆ و ڕێزت خستە سەری. دەسەڵاتت داوەتێ بەسەر هەموو دەستکردی خۆتدا، تۆ هەموو شتێکت خستووەتە ژێر پێی ئەو: هەموو مەڕ و مانگاکان، هەروەها ئاژەڵی کێوی، باڵندەی ئاسمان و ماسی دەریا و هەرچی لەناو دەریادا دەژی.