Oblíbené biblické verše z Ja̰ 10

Sdílet

Njeɓogo ɗe gə mba ɓogo gə ɓogo, gə mba tɔl gə tɔl, ngaɓa gə mba busu ne gə busu ja baa. ꞌMa m-ɗe gə mba kar dəwje d-inga təbə, ngaɓa kar d-inga gə dɔ mar-ɛ dɔ mar-ɛ gə.

ꞌMa m-to gə njenekuul gə may; njenekuul gə may ḭya̰ rɔ-ɛ ar yo mba badəmje lə-a.

Badəmje lə-m d-o ndu-m, ꞌma le, m-gərə-je, ɗaa ꞌjejee ꞌndole go-m tɔ.

Ɗaa ꞌma, m-ar-je təbə gə to gə ndɔ gə ndɔ; d-a busu ang saar gə no ngaɓa dəw kara kara a kasə kuwa-je kɔr-je ji-m gə ang tɔ.

M-to gə ta ɗəw, to gə ɓo dəw andə gə ɗəw gə ɓə lə-m nama a kinga təbə, n-a kaw gə n-a təl ɗaa n-a kinga nekusa t-ɛ.

ꞌMa m-to njekuul badəmje gə may, m-gərə badəmje lə-m, ngaɓa badəmje lə-m kara ꞌgərə-m tɔ

Ne gə Bɔy gə ar-m le, to ɓəəl unda neje tɔ̰y ngaɓa dəw kara kara singamong-ɛ asə kɔr ne kara mə ji Bɔy gə ce ne ang. ꞌMa je gə Bɔy j-a to gə kara baa.

ɗəw kara baa to gə Bɔ dəwje gərə-m ꞌma ngaɓa ꞌma kara m-gərə Bɔ dəwje tɔ; ɗaa m-ḭya̰ rɔ-m m-ar yo mba badəmje lə-m.

Dəw kara kara ɔr təbə lə-m ang, ngaa ꞌma ja gə dɔ-m m-ḭya̰ təbə lə-m m-ila kɔrɔ; M-aw gə singamongə mba kḭya ne təbə lə-m kila kɔrɔ ngaɓa m-aw gə singamongə mba təl kinga ne to gə ɗangə tɔ; ye gə nee ɓa to gə ndu gə m-inga ta Bɔy gə.

Jeju təl pa to gə ɗangə cibi na: Tar gə tɔgərɔ ja, m-pa m-ar-si, m-to gə ta ɗəw kandə lə badəmje.

Njeɗakula lar gə to gə njenekuul gə tɔgərɔ ang, ngaɓa badəmje ꞌto gə k-ɛ ang le, n-o da ngangə aw ɗe ɗaa n-uba badəmje n-ḭya̰-je n-a̰y kagə n-aw; ɗaa da ngangə uwa-je gə k-ɛ ngaɓa sɛ̰rɛ̰-je pəsəsə tɔ.

Tar gə tɔgərɔ, m-pa m-ar-si, dəw gə andə mə kinga gə lə badəmje gə ta ɗəw ang, ngaa al dɔ-ɛ gə lo gə mbɔr kara ɗaa, nj-ɛ nee le to gə nje ɓogo ngaɓa gə gayim nəm tɔ.