Oblíbené biblické verše z Ja̰ 15

Sdílet

M-to gə kagə bḭyə̰, sisəy ꞌtoje gə bar kəm kagə bḭyə̰: dəw gə to mə-m gə ɗəw kara baa to gə ꞌma m-to m-e gə ɗaa nj-ɛ nee le kand-e to ya̰. Mba, to gə ɓo ɔsəje rɔ-si ngərəng rɔ-m gə nama ne kara kara a kasə ɗaje ang tɔ.

ꞌToje mə-m gə to gə ꞌma kara m-to mə-sisəy gə tɔ. Ɗəw kara baa to gə bar kəm bḭyə̰ gə nam kar kag-ɛ gə ang nama a kasə kandə gə dɔ rɔ-ɛ ang le, sisəy kara to gə ɓo ꞌnam-je kar-m ang nama a kandə-je ang tɔ.

To gə ɓo um-je sə-m naa gə ngaɓa uwaje tar lə-m mə-si gə nama ꞌdəjije ne gə mə-si njigi, ɗaa sisəy a kingaje.

To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Njigi gə to ɓəəl ya̰ unda ye gə kar dəw ila təbə lə-a kɔrɔ mba njekuraje lə-a le godo

Bar kəm kagə bḭyə̰ gə ɗa-ɗa gə uba kar-m gə ɓa ɓo andə ang ɗaa n-tuga-a gə ɗangə; ngaɓa bar kəm kagə bḭyə̰ gə andə ɗaa n-ndər dɔ-ɛ mba kar-ɛ andə gə kede-kede.

Ndu kun lə-m ꞌma le ɓa to nee: ꞌNjigije naa gə yo gə nee ɗəw kara baa to gə ꞌma kara m-ɓol-si be tɔ.

Ɗəw gə Bɔy a kinga ne riɓar le ɓa to nee: kar-sisəy andəje mbənji-mbənji ngaɓa kar ꞌtoje gə ngan njenendoje lə-m tɔ.

ꞌMa ja m-to gə kagə bḭyə̰ gə tɔgərɔ ɗaa Bɔy ɓa to njendɔ bḭyə̰.

Dəw gə um sə-m naa gə ang nama d-ɔs-ɛ d-ila-a ɗaga asə naa gə bar kəm kagə bḭyə̰, n-tudu kurum ɗaa d-un-e d-ila-a pədə ɗaa pər o̰.

M-pa tar to gə be m-ar-si mba kar rɔləl lə-m ꞌma nay gə si ngaɓa mba kar rɔləl lə-sisəy kara tɔl ne t-ɛ bɛm tɔ.

To gə ɓo ꞌngom-je ndu-m nama sisəy um-je sə-m naa gə dɔ njigi gə lə-m ɗəw kara to gə ꞌma m-ngom ndu Bɔy le ɗaa m-um ne sə-a naa gə dɔ njigi gə lə-a tɔ.

Ne gə m-un ndu-m kəne m-ar-si le, mba kar-si ꞌnjigije naa gə yo gə nee.

To gə ɓo ꞌtoje gə dɔ nangə gə nee nama dɔ nangə le ne gə to gə k-ɛ ye ɓa njigi. To gə ɓo dɔ nangə ndɔɔl-si nama, mba sisəy ꞌtoje gə njeka-ɛje ang, ngaɓa ꞌma ɓa m-mbərə-si mə dɔ nangə gə tɔ.