Oblíbené biblické verše z Ja̰ 16

Sdílet

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Logə Njil gə njetar gə tɔgərɔ a ɗe ɗaa, a kɔr no-si ɗəw tar gə tɔgərɔ gə ja tɔ̰y. Mba n-a pa tar gə dɔ rɔ-ɛ baa ang, nga tarje tɔ̰y gə n-a ko le ja ɓa n-a pa ɓi, ngaɓa neje tɔ̰y gə a ɗe le, n-a pa tar-ɛ kar-sisəy tɔ.

Saar ɓisine kara ꞌdəjije ne kara gə ri-m ang ja dɔrɔ ɓi; ꞌdəjije nama a kinga-je mba kar rɔləl lə-si gola ta mar-ɛ yal-yal.

Ngaa ꞌma le, m-pa tar gə tɔgərɔ ja m-ar-si: To may lə-si mba kar ꞌma m-ɔdə m-aw; mba to gə ɓo m-ɔdə m-aw ang nama Njekuul mə-si a ɗe kinga-si ang; ngaa to gə ɓo m-ɔdə m-aw nama, m-a kula-a kar n-ɗe n-inga-si. Logə n-ɗe nama, n-a cɛdə gɛ̰ngərɛ̰ dəwje dɔ nangə nee ɔji dɔ neɗa gə kṵra̰y, neɗa gə gadə-gadə ngaɓa ɔji dɔ gangə tar tɔ.

Sisəy kara, ɓisine ɗaa kəm-si ɗa ndoo; ngaa m-a təl ko-si to gə ɗangə ɓi ɗaa rɔləl a ɗusu mə-si njḭ-njḭ ngaɓa rɔləl lə-si le dəw kara gə a nar gə si ta godo. Be ɓa, dɔ ndɔ-ɛ gə əng le a dəji-mje tar ɔji dɔ ne kara ang ngaa. Tar gə tɔgərɔ ja, m-pa m-ar-si, ne gə ꞌdəjije Bɔy gə ri-m nama, n-a kar-si ne le ja.

Tar gə tɔgərɔ ja m-pa m-ar-si, a suumje ngaɓa a noje rɔ-si, ngaa dɔ nangə ɗaa a ɗa rɔləl; kəm-si a ɗa ndoo, ngaa kəm ndoo lə-si a təl to gə rɔləl.