Oblíbené biblické verše z ꤗꤢꤞꤢꤧ 8

Sdílet

ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤒꤢꤩ꤬ꤛ꤫ꤢꤦ꤬ꤕꤣꤧ꤬ꤒꤤ ꤞꤤ꤭꤮, ꤞꤤ꤭ ꤡꤝꤢꤞꤤꤤ꤬ꤏꤢꤩ꤭ ꤊꤣꤧ꤬ꤒꤢꤩ ꤔꤣꤧ꤬ꤗꤢ꤬ ꤗꤢꤩ꤬ꤒꤢꤩ꤭?” ꤢ꤬ ꤟꤢꤩꤓꤥ꤭ ꤚꤣꤧ꤬ ꤢ꤬ ꤊꤣꤧ꤬ꤓꤢꤪ꤬ ꤞꤤꤖꤚꤝꤢ꤭ ꤊ꤫ꤢꤩ꤬ꤜꤣꤧ꤬ꤞꤢꤩꤣꤧ꤭ ꤔꤢꤧ ꤓꤣꤧ꤭ꤟꤢꤟꤥ ꤣꤧ꤭ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤊ꤫ꤢꤩ꤬ꤜꤣꤧ꤬ꤞꤢꤩ ꤥ꤬ꤊꤥ ꤟꤢꤧ꤭ꤖꤚꤢꤦꤡꤣꤧ꤯

ꤊꤜꤣꤧ꤭ꤟꤢꤨ ꤒꤣ꤬ꤛꤢꤩ꤬ ꤢ꤬ꤊꤢꤨ꤬ꤊꤜꤢꤪ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤢꤩꤏꤢꤦ꤬ ꤔꤢꤧ, “ꤙꤢꤧ꤬ꤡꤢꤩ꤬, ꤔꤢꤧ꤬ ꤟꤢꤧ꤭ꤔꤥ꤭ꤖꤢꤧ ꤘꤣ ꤠꤢꤧ꤭ꤟꤤ꤬ꤊꤢꤨ꤭ ꤖꤢꤧꤔꤣꤧ꤬ ꤢ꤬ ꤊꤢꤪ꤬ ꤔꤢꤧ ꤠꤢꤧ꤭ ꤒꤥ꤬꤯ ꤟꤢꤩꤒꤢ꤭ꤖꤢꤧ ꤔꤢꤧ꤬ꤍ꤫ꤥ꤬ ꤒꤣ꤬ꤗꤢꤦ꤭ꤖꤢꤧ ꤔꤣꤧ꤬ꤗꤢ꤬ ꤠꤢꤧ꤭ꤜꤢꤨ꤬ꤜꤢꤩ ꤥ꤬ꤗꤥ꤬ꤋꤛꤢ꤭ ꤔꤢꤧ꤭ꤘꤢꤦ꤬ꤟꤣꤧ꤯

ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤔ꤫ꤤ꤬ꤟꤥ꤭ ꤒꤢꤩ꤬ꤟꤢꤩꤙꤢꤩ꤬ ꤣꤧ꤭ ꤢ꤬ꤋꤢꤩ꤭, ꤢ꤬ ꤋꤛꤢꤛꤢꤦ ꤔꤢꤧ꤬ꤡꤣꤧ ꤚꤣꤧ꤬ ꤢ꤬ ꤟꤢꤩ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤚꤝꤢ꤭ ꤜꤢꤨ꤭ꤋꤛꤢ꤭ ꤒꤣꤧ꤬ꤟꤢꤩ꤬ ꤔꤢꤧ, “ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤏꤢꤪ꤭ꤟꤢꤨꤣꤧ꤭ ꤘꤣ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤢ꤬ꤊꤜꤢꤩ꤭ꤔꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ꤔꤢꤪ ꤜꤢ꤭ꤟꤤꤒꤥ꤬꤯

ꤓꤥ꤭ꤚꤣꤧ꤬ ꤢ꤬ ꤟꤢꤩ ꤊꤜꤣꤧ꤭ꤊꤢꤨ꤬ꤊꤜꤢꤪ ꤔꤢꤧ, “ꤊꤢ꤬ꤗꤣꤧ꤭, ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ꤘꤢꤦ꤬ ꤟꤢꤨ ꤔꤢꤧ꤬ ꤛ꤫ꤢꤦ꤬ꤢꤩ꤬ ꤔꤣꤧ꤬ ꤕꤢ꤭꤯” ꤚꤣꤧ꤬ ꤢ꤬ꤜꤢꤨ꤬ꤜꤢꤩ ꤔꤣꤧ꤬ꤒꤣ꤬ꤖꤚꤢꤩ꤬ ꤥ꤬ꤗꤥ꤬ꤊꤢ꤬ ꤒꤥ꤭ꤒꤢꤦ ꤙꤣꤧ ꤙꤢꤧ꤬ꤡꤢꤩ꤬ ꤟꤢꤩ ꤜꤢꤨ꤭ ꤢ꤬ꤏꤣꤧꤋꤢꤩ꤭ꤔꤣꤧ꤬꤯

ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤋꤛꤢꤛꤢꤦ ꤜꤢꤪ꤭ꤕꤜꤤ꤭ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤜꤢꤨ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤡꤣꤧ ꤟꤢꤨꤒꤢꤩ꤭ꤒꤢꤩ꤭? ꤢ꤬ꤒꤣꤧ꤬ꤚꤣꤧ꤭ ꤡꤝꤢꤘꤢꤨ꤬ ꤡꤣꤧ ꤙꤢꤔꤣꤧ꤬ꤔꤣꤧ꤬꤯ ꤊ꤫ꤢꤩ꤬ꤜꤣꤧ꤬ꤞꤢꤩ ꤔꤢꤧ ꤓꤣꤧ꤭ꤟꤢꤟꤥ ꤔ꤫ꤤ꤬ꤘꤢ꤭ ꤡꤣꤧ ꤜꤢꤨ꤭ꤍ꤫ꤥ꤬ꤍ꤫ꤥ꤬꤯”