Oblíbené biblické verše z Valumi 11

Sdílet

Kwasawuli finu fyeka finhuma kwa mwene na hofili kwasawuli ya wuvetso wake na hofili kwasawuli yake. Wuvina wuvaje kwake mwene siku tseka tsotsigaya wudugo! Eena.

Eee, Mulungu anafyo finu fyolofu finofu ndalahela! Ntselo tsake hamwe na nyala tsake tsilihela wudugo. Kaha kuduhuli munu yo afuluche kuwuhadisa wulamulo wake na ng'asi tsake sinambe tsitselaniche.

Kota Mandiko fyo ganlonga “Mbe, nani yo an'tsela mahontso ga Mutwa? Awu nani yo afuluche amulonjele Mulungu cha kulamula?

Duve, nambe sambi yili hihyo, kuna vanu vatunga wo vasije wo avahagwe Mulungu kwa wuwuya wake. Mulungu avahagulwe kwa wuwuya wake, siyo kwasawuli ya ndongwa tsawo tso van'dita. Manyi yika yive kwasawuli ya ndongwa tsawo tso van'dita, wuwuya siwukakuva wuwuya ndaya!

Eee, mitambi jinji ja mibichi ja mitsayituni mu chinyungu jatemilwe, na litambi linji lya litsayituni lya mwijejele livisilwe hono hawo. Henye vanu wosi Vayawudi wo litambi lya mutsayituni lya mwijejele, wo sambi mwihantsitse mu wumi wa mutsayituni gwa muchinyungu. Ihyo lelo, mulekaje kuvabedala vanu vala wo vatemilwe kota mitambi. Lelo mungidutsila chinu chachi? Nambe kuve na lulongwa lwa kidutsila, mwiwukaje kuta siyo henye yo mungutsitanga ndela tsa mubichi, ila ndela tso tsinguvatanga henye.