Oblíbené biblické verše z لُوقا 12

Sdílet

وَ خَلَاصْ إِنْتُو كُلَ أَقْعُدُوا جَاهِزِينْ أَشَانْ أَنَا إِبْن الْإِنْسَانْ نِقَبِّلْ فِي يَوْم وَاحِدْ الْمَا تَرْجَوْنِي فَوْقَهْ.»

وَ خَلَاصْ، خُطُّوا بَالْكُو فِي مَمْلَكَةْ اللّٰهْ بَسْ وَ اللّٰهْ يَنْطِيكُو الْأَشْيَاءْ دَوْل.

وَ عِيسَى حَجَّى لِلنَّاسْ وَ قَالْ: «أَنْقَرْعُوا وَ أَوْعُوا بَالْكُو مِنْ أَيِّ شَيّءْ هَنَا طَمَعْ. أَشَانْ حَيَاةْ الْإِنْسَانْ مَا تَمْشِي حَسَبْ كَتَرَةْ مَالَهْ.»

أَشَانْ الْبَكَانْ الْمَالَكْ قَاعِدْ فَوْقَهْ، دَا بَسْ الْبَكَانْ الْقَلْبَكْ قَاعِدْ فَوْقَهْ.

«وَ كَنْ نَادُمْ مِنْكُو يِهِمّ كَتِيرْ، الْهَمّ دَا مَا يَقْدَرْ يِزِيدْ عُمْرَهْ بِسَاعَةْ وَاحِدَةْ كُلَ.

وَ عِيسَى حَجَّى لِتَلَامِيذَهْ وَ قَالْ: «فِي شَانْ دَا، نُقُولْ لَيْكُو مَا تِهِمُّوا لِحَيَاتْكُو فِي شَانْ الْأَكِلْ وَ لَا لِجِسِمْكُو فِي شَانْ الْخُلْقَانْ.

وَ إِنْتُو كُلَ، اللّٰهْ قَاعِدْ يِفَكِّرْ فَوْقكُو وَ يَعَرِفْ عَدَدْ صُوفْ رَاسْكُو. أَيِّ وَاحِدْ مِنْكُو مُهِمّ زِيَادَةْ لِلّٰهْ مِنْ طُيُورْ كَتِيرِينْ. وَ خَلَاصْ، مَا تَخَافَوْا مِنْ النَّاسْ.

«يَا غِنَيْمَاتِي، مَا تَخَافَوْا. أَبُوكُو اللّٰهْ عِنْدَهْ نِيَّةْ يَنْطِيكُو الْمَمْلَكَةْ.

فَكُّرُوا فِي الْغُرَابْ. هُو مَا يِتَيْرِبْ وَ لَا يَقْطَعْ غَلَّةْ وَ مَا عِنْدَهْ دَبَنْقَةْ وَ لَا مَخَزَنْ وَ لَاكِنْ اللّٰهْ يِعَيِّشَهْ. وَ أَكِيدْ إِنْتُو مُهِمِّينْ لِلّٰهْ زِيَادَةْ مِنْ الطُّيُورْ.

«وَ بِمِثِلْ دَا، مَا تَسْأَلَوْا نُفُوسْكُو فِي الشَّيّءْ التَّاكُلُوهْ وَ تَشَرْبَوْه وَ مَا تِهِمُّوا لَيَّهْ.

وَ كَنْ اللّٰهْ يِلَبِّسْ الْقَشّ بِالنُّوَّارْ مِثِلْ دَا وَ الْقَشّ دَا قَاعِدْ الْيَوْم وَ أَمْبَاكِرْ يَزْقُلُوهْ فِي نَارْ الْفُرُنْ، أَكِيدْ بِزِيَادَةْ هُو يِلَبِّسْكُو إِنْتُو. شِدُّوا حَيْلكُو إِنْتُو الْإِيمَانْكُو لِسَّاعْ ضَعِيفْ.

وَ مَا فِي شَيّءْ مُلَبَّدْ الْبَعَدَيْن مَا يِنْكَشِفْ وَ مَا فِي سِرّ الْبَعَدَيْن مَا يِنْعَرِفْ.