Oblíbené biblické verše z Matthieu 24

Sdílet

Nyan ra ke bann-bann à in dè made’t ke kété-kété. Gir’n ke nè á tár nan le dooge bule à tel sɔl ɗêng-ɗêng. Nè nanan ke nda dè njann’t njáng sár ndɔ ke ngeinn’t ɓaa, d’a d’aje’n.

Konɓee le Nube nga, d’a d’ile mber’n kade dooge malang ke geri Nube lé ke ndii dè nang nè bere mbak ooi kété ɓita dè nang nè à tuju ɓai.

Sei a kooi ká rɔ se ser rɔ ke dooge à rɔi nan. Nè adii kàde si gete get-get lé. Gar-gar nyange nè nga à teei kété ɓita, nè à è ngei ndɔ kade dè nang nè bere mbak tuju’n lé ɓai.

Girkoje dooge ke karé à in-in le rɔi se girkoje dooge karé ke rang a, ngar ke kêm ɓeekon karé à in le rɔ se ngar made’n ke kêm ɓeekon karé ke rang a tɔ. Ɓo-bò à oso se loo-loo a, kêl loo ke nange nang à yei ɓuk-ɓuk a tɔ. Nè nyange nè malang è kunn gir nyantosowur ke à ra sei ke ra ɓai titeke ndo ra’n dinye bè.

Danran se nang nè à gotoi ɓai, nè tàge le’m à teli yai ndan lé sár kade nyange nè malang undei loo teei kété ɓita.

Oiyo, dooge bule à unni ri’m le reei kedi nè: «Man nga kuwe m’ee Krist.» D’a tam bè le sú’n dooge bule kade ndemi.

D’a tuwe sei ra kum si ndoo a, d’a tɔl sei a, dooge ke geri Nube lé à ɔri sei njêt a tɔ, tede ri’m man ke m’ee Ngonn doo nga. Gir’n ke nè á, dooge bule à tusi kundekêm le de kinyei a, à unni dè nan a tɔ. Njé tête tà kunde tà Nube’tge bule à ɔsi nang kin-in le súi dooge bule a tɔ.

Jésu tel ile de dè’t ede nè: – Kêm si dè ra si’t le kade doo karé bè géa sú sei lé.

Gir’n ke nè á sei géa, uwei dè nja ra si tede man ke m’ee Ngonn doo nga m’a m’tel ree dè kàde ke sei giri’t nga lé.

Bè ɓaa, i ndii kum tede sei geri ndɔ tel le Kuwe-ɓee le si nga lé.

Tà ke ɔje dè ndɔ’n éké kàde’n nga, doo karé bè géa ger lé. Dooge ke danrán éké man ke m’ee Ngonn doo nga géa jè ger lé a tɔ. Nè Bɔ’m kuwe se kar’n bere á ger.

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Nyan ke ndɔ ke tee kêm ndɔnge’t le Noé nga à è titeke bè ndɔ tel ree le’m man ke m’ee Ngonn doo nga tɔ. Kété ɓita kade ndo ke mann bêlm ree ɓai nga, dooge usei se an-in nyan se go dege non dege a, dé táa nan a, d’ade ngann dege géa taai nan a tɔ. Dé ra titeke bè sár tee’n kêm ndɔn’t ke Noé in ur’n kák kêm bato’t. Dooge ndii neng sár ade mann bêlm ree pujur’n dè de a, ndum’n de ndarak a tɔ. Ndɔ tel ree le’m man ke m’ee Ngonn doo géa à è titeke bè kuwe tɔ.