Oblíbené biblické verše z Yoni 4

Sdílet

Yaubada tauna yaluyaluwa tuga, 'enega yaisigedi taudi 'ena sibwagobwago, yaluyaluwadi maibo'ana 'enega ta wate 'ate 'ai'ailidiyega sida bwagobwago.”

Ta tuta ni'atu selabenaya, ta wate ni'atu gete tuga 'iapwesa, be taudi Tamada 'ana tobwagobwago 'ai'ailao 'ena sida bwagobwago, ta 'idi bwagobwago nina yaluyaluwadi maibo'ana 'enega, ta wate 'ate 'ai'ailidiyega. Taudi gete nadigega tobwagobwago nidi Yaubada nuwanuwana be 'ena sida bwagobwago.

ta 'eguma 'ebweu yaita bwasi nina 'eguyega 'inumai, geya'abo wate tona'ana 'iyapayapasa limana. Manuna bwasi nina tauna yada 'ebwa'e 'atenaya be 'ida ewewelupwa ta yawasina ataya 'enega 'ida loba.”

Ta Yesu waine Samelia nina 'ieonena, 'igwae, “'Eguma 'umwalamwalatoni Yaubada 'ina oboboma 'emuya, ta wate 'abo 'umwalatonina 'aene yaita 'abo'agu numa manuna yasidasidawa, 'oyo esi 'ilobwenemu be 'eguya 'uda sida bwasi yawasiyo manuna, be yada 'ebwa'eyo.”

Ta Yesu 'iona limana ga 'ediya 'igwae, “'Agu masula nate 'agu Toetune nina 'ina nuwanuwa sabi guinuwedi, be 'ina paisewa sabi losalonina.”

'Enega waine nina 'igwae, “'Inapwana, nigeya 'imu 'ebe goimo ta wate bwasi gaula 'imwa'uta wawasae. Ta 'aene mane 'enega bwasi 'uda 'ebwa'egu yawasigu manuna?

Ta waine Yesu 'ieonena ga 'igwae, “Ni'atu yamwalatonina 'aene ma'etamo To'etoseyana nina 'imamai, tauna sieesena Keliso, ta 'abo 'imamai, tauna mwalatoi maibo'ana 'edaya 'ida simanedi.” Ta Yesu waine 'ieonena, “'Abo'agu To'etoseyana nina gete, yaonaonawa.”

'igwae, “Wamai be tai nina wada 'ita, tauna ni'atu 'ieonegu 'igu bubuna maibo'ana manuna. Nai tauna gete To'etoseyana nina.”