JOHANA 1
1
Thu tisaa lo chang
1A tîrin Thu a awm, Thu chu Pathian hnênah a awm a, Thu chu Pathian a ni. #Gen. 1:1. 2Ani chu a tîr aṭangin Pathian hnênah a awm. 3Engkim amah hmanga siam a ni a; thil siam rêng rêng amah tel lo chuan eng mah siam a awm lo.#1 Kor. 8:6; Kol. 1:15,16; Heb. 1:2. 4Amahah chuan nunna a awm a,#1:4 ‘thil siamte chuan amahah nunna an nei a,’ tih theih a ni. chu nunna chu mihringte tâna êng a ni. 5êng chu thim zîngah a lo êng a, thimin chu chu a ngam lo.#1:5 ‘hre lo; man pha lo’ tih theih a ni bawk.
6Pathianin mi pakhat a rawn tîr a, a hming chu Johana a ni.#Mt. 3:1; Mk. 1:4; Lk. 3:1,2. 7Ani chu êng thu chu hriattîr tûra lo kal a ni, mi zawng zawngin a thuchah chu an hriata an rinna tûrin. 8Ani chu êng chu a ni lo, êng thu chu hriattîr tûra lo kal a ni.
9Chu êng chu êng tak tak, khawvêla lo kala, mi tin rawn êntu chu a ni. 10Khawvêlah a awm a, amah hmanga khawvêl chu siam a ni a, khawvêlin amah chu a hre si lo. 11Ama ram ngeiah a lo kal a, ama miten an lo lâwm si lo. 12Mi ṭhenkhat erawh chuan an lo lâwm a, amah an ring a, an hnênah Pathian fate nih theihna a pe a. #Gal. 3:26. 13Chûng mite#1:13 Mss ṭhenkhatah ‘Chu mi chu’ tih a ni, Isua kâwk tûrin. chu thisen hrin an ni lo va, tisa duhzâwnga hrin pawh an ni lo va, mipa duhzâwnga hrin an ni hek lo, Pathian hrin an ni zâwk e.
14Tin, thu chu tisaah a lo chang a, kan zîngah a lo awm ta a. A ropuizia kan hmu, Pa Fa mal neih chhun ropuina chu, khawngaih leh thutakin a khat. #Gal. 4:4; Fil. 2:7; 1 Tim. 3:16; Heb. 2:14; 1 Jn. 4:2. 15Johanan a chanchin a hril a, “ ‘Ka hnunga lo kal tûr chu keimah aiin a ropui zâwk,’ ka tih kha he mi hi a ni, ka awm hmaa awm tawh a ni si a,” tiin a au va. 16A khawngaihna famkim aṭangin khawngaihna kan dawng ṭheuh, khawngaihna hlîr khawngaihna hlîr. #Rom. 5:21; Efe. 1:23; Kol. 1:19; 2:9. 17Dân chu Mosia hmanga pêk a ni a, khawngaihna leh thutak erawh chu Isua Krista zâra lo thleng a ni. 18Tu man Pathian an hmu ngai lo va, Pa Fa neih chhun, a ângchhûnga awm chuan a chanchin a hriattîr ta a ni. #Exod. 33:20; Jn. 6:46; 1 Jn. 4:12.
Baptistu Johana thuchah
(Mt. 3:1-12; Mk. 1:1-8; Lk. 3:1-18)
19Jerusalem khuaa Juda-ten, “Tu nge i nih?” tia zâwt tûra Puithiamte leh Levia chite an tirh laia Johana thu lo sawi chu hei hi a ni. 20Zêp lovin, “Kei zawng Krista chu ka ni lo,” tiin chiang takin a inpuang a. 21“A nih leh tu nge i nih le? Elija i ni em?” tiin an zâwt leh a. Ani chuan, “Ka ni lo,” a ti a. “Zâwlnei kha i ni em?” an ti a; “Ni lo,” tiin a chhâng leh a.#Deut. 18:15,18; Mal. 4:5. 22Anni chuan, “Min tîrtute kan chhân theih nân tu nge i nih min hrilh teh, i chanchin eng nge sawi tûr i neih?” an ti a. 23Ani chuan,
“ ‘Lalpa kawng tingîl rawh u,’ tia,
Thlalêra au aw, zâwlnei Isaian a
sawi kha ka ni e,” a ti a. #Isa. 40:3 (LXX).
24Chûng mite chu Farisai-te tirh an ni. 25Anni chuan, “Krista tal, Elija tal, Zâwlnei tal chu i nih si loh chuan, engati nge i baptis si le?” tiin an zâwt leh a. 26Johana chuan, “Kei chuan tuiin ka baptis a, in zîngah mi pakhat, in hriat loh a ding a ni. 27Ani chu ka hnungah a lo kal a; mahse, a pheikhawk hrui phelh tlâk pawh ka ni lo ve,” a ti a.
28Chûng thil chu Johanan a baptis-na hmun Jordan lui râla Bethani#1:28 Mss ṭhenkhatah ‘Beth-abara’ tih a ni. khuaah an ti a ni. #Jn. 3:26; 10:40.
Pathian Berâmno chu
29A tûkah chuan Johanan Isua amah a rawn panin a hmu a, “En teh u, Pathian Berâmno, khawvêl sual la botu saw. #Isa. 53:7; Tirh. 8:32; 1 Pet. 1:19; Thup. 5:6; 1 Jn. 3:5. 30Saw mi saw a ni, ‘Ka hnunga lo kal tûr, keimah aia ropui zâwk, ka awm hmaa awm tawh,’ ka tiha kha. 31Amah chu ka lo hre si lo; nimahsela, Israel-ten amah an hriat theih nân kei hi tuia baptisma chantîrin ka lo kal a ni,” a ti a.
32Hei hi Johanan thu a hriattîr dân chu a ni, “Thlarau chu ṭhuro angin vân aṭanga lo chhuka, a chunga fu rengin ka hmu a. #Mk. 1:10; Mt. 3:16; Lk. 3:22. 33Amah chu ka la hre lo va; nimahsela, tuia baptis tûra mi tîrtu khân ka hnênah, ‘Mi, a chunga Thlarau lo chhuka, fu ta reng i hmuh chu Thlarau Thianghlima baptistu tûr chu a ni ang,’ a ti a. 34Chu chu ka hmu ta a, he mi hi Pathian Fapa a ni tih ka hriattîr a che u,” tiin.
Zirtîr hmasa berte
35A tûk lehah chuan Johana chu a zirtîrte pahnih nên an ding a. 36Isua a vei a vei chu an thlîr a, “En teh u, Pathian Berâmno saw!” a ti a. 37A zirtîr pahnihten a sawi chu an hriat chuan, Isua chu an zui ta a. 38Isua chu a han lehhawi a, amah an rawn zui chu a hmu a, an hnênah, “Eng nge in zawn?” a ti a. Anni chuan, “Rabi, (chu chu zirtîrtu tihna a ni) khaw nge i awm?” an ti a. 39“Rawn en ta che u,” a ti a. Tichuan, a hnênah an kal a, a awmna chu an va hmu a, chumi ni chuan a hnênah an awm ta a. Tlai dâr li vêl a ni.
40Johana thu sawi hriaa Isua zuitu pahnihte chu, pakhat chu Andria, Simon Petera unau a ni a. 41Ani chuan a hmasa berin#1:41 Mss ṭhenkhatah ‘an upa ber’ tih a ni. a unau Simona a va zawng hmu a, “Mesia, (chu chu Krista#1:41 ‘hriakthiha’ tihna a ni. tihna a ni) kan hmu ta,” a va ti a. 42Tin, Isua hnênah a rawn hruai a. Isuan ani chu a lo en a, “Johana fapa, Simona i ni, Kifa tih i ni ang,” a ti a. Kifa chu Petera tih nên thuhmun a ni a, lungpui tihna a ni.
Filipa leh Nathanaela koh thu
43A tûkah chuan Isuan Galili rama kal a tum a, Filipa a hmu a, a hnênah, “Mi zui rawh,” a ti a. 44Filipa chu Andria leh Petera awmna khua, Bethsaida khuaa mi a ni. 45Filipa chuan Nathanaela a hmu a, a hnênah, “A chanchin Dân lehkhabua Mosian a ziak, zâwlneite pawhin an ziak kha, amah chu kan hmu ta, Nazaret Isua, Josefa fapa chu,” a ti a. #Gen. 28:12. 46Nathanaela chuan, “Nazaret khua aṭangin thil ṭha a chhuak thei em ni?” a ti a.Filipa chuan, “Rawn en ta che,” a ti a.
47Isuan Nathanaela lo kal a hmuh chuan a chanchin a lo sawi a, “En teh u, Israel mi tak, mi bum tumna rêng nei lo saw,” a ti a. 48Nathanaela chuan, “Engtin nge mi hriat le?” a ti a. Isuan, “Filipan a koh hma che-a, theipui bula i awm lai khân ka hmu che asin,” a ti a. 49Nathanaela chuan, “Rabi, Pathian Fapa i ni. Israel-te lalber i nih hi,” tiin a chhâng a. 50Isuan, “Theipui bulah ka hmu che asin,’ i hnêna ka tih avângin i ring a ni maw? Hêng aia thil ropui zâwk hi i la hmu ang,” a ti a. 51Tin, an hnênah, ‘Thu dik tak ka hrilh a che u, vân inhawnga, Pathian vântirhkohte Mihring Fapa chunga chhuk leh chho#1:51 Grik-ah ‘chho leh chhuk’ tih a ni. in la hmu ang,” a ti a.
Právě zvoleno:
JOHANA 1: MIZCLBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.