METHU LUKOLUPYONIIÑ
LUKOLUPYONIIÑ
Methu Ka Ayapuyu si Jisu hemme biniiñ lyangur bo hiila lukodo, Pinii mohka Khu Gontu hoka mohka miyuatañ mika hemme biniiñ mi mohkiilo miipe bidupa hiila. Siika ayapuyu si Jew miyu atañpa kontii ma, huka punko hona Jisu buko tiinii, hojalo hikha dohadolo pa.
Methu si anoaya pa ketii. Jisu mika buniiñ hokii keri biila, mohka baptisma laniiñ ho tenkalarka koniiñ, ho mohka tonsḛrkhenyo niimi, ho Galili hoka achihmiipya laka miigo miiri biiniiñmi. Hiika hiiba ho ayapuyu si Jisu ka myodi inniiñ mi Galili hokii Jerusalem lohe ho Jisu ka kami kanualo loniiñmi, kamikalo ho mohmika leda lala ka menniiñ mi ho turiturku kuniiñ mi ketii.
Siika Ayapuyu si Jisu mi Tonsḛrbo kaye hiila lukodo, huna otority giidonii Pinii ka dapo mi luko lusi ladopa, ho huna Pinii ka raddeganda mi tonsḛr ladonii. Abuya mohka tonsḛr niisi lakuñ lapa ko lyangohe piigo mi lukodo: (1) Putoo hoka puyu lukonii, hiika hii sanju sammyo, ingomiigo, ayasaniiñ mi, ho dariiganda ka raddeganda hoka chasa niimi (hakhu 5-7); (2) alyañlenye mi mohluka miigo mika luko niimi (hakhu 10); (3) Lutiñnaniiñ luko laka Pinii ka raddeganda mika luniiñ (hakhu 13); (4) henjeajiñ nii mi ludu hiimi ka tonsḛr niimi (hakhu 18); ho (5) siika santuñ ka sanja saniiñ mila ho Pinii ka raddeganda ahsa niimi ka tonsḛr niimi (hakhu 24-25) luko tola do.
Urahokagiiniiñ
Ohoasi la Jisu Kristo mika wiinga buniiñ (1:1–2:23)
Jon Baptisma binii boka miigomiiniiñ (3:1-12)
Jisu ka baptisma laniiñ la tenkalarka koniiñ (3:13–4:11)
Jisu ka butiiapur hoka miigomiiniiñ Galili ho (4:12–18:35)
Galili hokiila Jerusalem lohe (19:1–20:34)
Kamikalo kanualo la Jerusalem aruñare ho (21:1–27:66)
Turiturku kuniiñ la Attoh ka ahkur kuniiñ (28:1-20)
Právě zvoleno:
METHU LUKOLUPYONIIÑ: APATBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.