Matthieu 13
13
1Ndò tén lé, Jésus téh mè kei té ke daka, nao nisi kare tokou man té.
2Dooudjé baya baya mbona sa, tokou ban nè nao mè to té nisi kendé, dooudjé ke baya baya toï arr ta kongo té.
3Nè mpa mare tar naredè nya ke tar gousou, mpana, Doou kada ao ta doubou kandé ko.
4Tokou nè nao ndoubou ko, mare kandé ko gaï mbòr deo té, eldjé dé ön ko.
5Mare kandé ko oso do err té, loou ke nange ourou ke té nya ang, dèdè ntéh loshénè loshénè mbata nange ourou nya ang.
6Tokou kade téh a noungadè, ke mbata ngiradè goto, dèdè ntoutou.
7Mare kandé ko oso horo konn té, konn lé ndou, ntòldè.
8Mare kandé ko oso nange té ke madji, dèdè ntéh, dan kandé ko, maredjé an dòdòkou, maredjé an dòmisä, maredjé an dòmouta.
9Nè ke néh ke mbi ke ka ko, ase kare nè no.
10Tokou ban ndjè kao gè tédjé dé pa arè, I pa aredè ke tar gousou mbata di wa?
11Nè ntél tar naredè mpana, Daresè ta kare egeridjé tar béh kö ke dara ke yarè, a mbata lodè da karedè ban ang.
12Mbata nè ke néh ke né, da karè marè dè té, ke nè na kéh ke né baya baya, a nè ke néh ke né ang, lé né ke to dja té ka da taa.
13To mbata yèn ke ma mpa kedè ke tar gousou, mbata dèdè do ke kemdè a do gatang, ke dèdè do ke mbidè a do gatang, ke dèdè ngerè gelè ang.
14Tar ke prophète Ésaïe pa dé to tar ke tokoro deo té lodè, ke pana,
Sésè a koidjé ke mbisè tokoro, a sésè a geridjé gelè ndò kada ang.
Sésè a koidjé ke kemsè tokoro, a sésè a koidjé madji ndò kada ang.
15Mbata mè dooudjé nèn oi diriri,
Ke mbidè outou ta ko madji ang,
Ke dèdè nnïm kemdè.
Na dòmadjang a dèdè da ko ke kemdè ke da ko ke mbidè, ke mèdè a geré madji, ke dèdè da tél ta karem ndadè madji.
16Madji éh ke kemsè mbata kemsè wo, ke mbisè mbata mbisè wo.
17Tokoro ma mpa maresè, prophètedjé ke dooudjé ke gaté gaté baya ndiki nya ta ko né ke sésè woidjé, a dèdè do ang, ke mbidè ndiki ta ko tar ke sésè woidjé, a dèdè do ang.
18Bana woidjé tar gousou lo doou ke doubou kandé ko.
19Ndò ke doou kada kada wo tar béh ko ke nè ngerè gelè ang, ndjè kembaa dé òrou né ke ndoubou mèa té, yèn to yéh ke gaï mbòr deo té.
20Tar lo yéh ke oso do err té, to to nè ke no tar ndja ke nè ntaa loshénè loshénè ke koukou,
21Mbata goi tar lé to mèa té ang, nè ngem ndò baya ang, a tokou né ongou aséh ngätar ï mbata tar ndja, loshénè loshénè nè noso.
22Tar lo yéh ke oso horo konn té, to to nè ke no tar ndja, a koula la ke ta da né la nange nèn, ke kere ka né kinga to tar ndja a nè nan ang.
23Tar lo yéh ke oso nange té ke madji, to to nè ke no tar ndja ke nè ngeré gelè. Nè nan kandè tokoro, mare kada kada an dòdòkou, marè an dòmisà, marè an dòmouta.
24Nè mpa mare tar gousou naredè, mpana, Béh kö ke dara asena ke doou kada ke doubou kandé ko ke madji mè ndòò té la.
25A tokou dooudjé tibi, ndjè kembaa la doubou tiro horo ko té, a nè nao ke dang.
26Tokou ban, tokou kam téh mbä an kandè, bana tiro téh tò.
27Dooudjé ke to beredjé lo doou ke ndjè kei dé, mpa darè, Ebèèdjèdjè, i doubou ko ke madji mè ndòò té loi ang wa? Tokou ban mbata di a tiro to kendé wa?
28Nè mpa naredè, Ndjè kembaa da né nèn. Beredjé pa arè, Tokou ban, i ndikidjé ta kao tòroudè wa?
29Nè mpana, Eë, mbata dòmadjang a tokou sésè etòridjé tiro, sésè a tòridjé kandé ko deo kadaba kedè.
30Aridjédè ntòkou naaté nderèng ndò koudja ko, ndò koudja ko té ma ma pa kare ndjè koudja ko, Mbòidjé tiro dongor, etòidjé tiro ta kila pouro, a ongidjé ko mè dam té lom.
31Nè mpa mare tar gousou naredè, mpana, Béh kö ke dara to tokou kandé sénevé ke doou kada oun doubou mè ndòò té la.
32Nè nto kandé ke së ba, a tokou nè ntòkou mbä nè ndé mbo nouta kamnai toï, nè ndé to kake, tokou ban eldjé ke ï tarr dé da kei lodè barkemè té.
33Nè mpa mare tar gousou naredè, Béh kö ke dara to tokou sér ke dènè oun polonè ndoudjou mourou ase kaa mouta, nderèng toï ti.
34Tar nèn toï Jésus pa are dooudjé ke baya baya ke tar gousou, a nè mpa tar kada naredè ang ke to tar gousou ang.
35Tar nèn to ta kare tar ke prophète pa leo dé to tar ke tokoro,
Ma ma teï tam ke tar gousou,
Ma ma pa tar ke yarè leo baa ndò kounkoutou da nange nèn.
36Tokou ban nè nïya dooudjé ke baya baya, nao mè kei té. Ndjè kao gè tédjé dé rè té pana, Etòdjoudjè gel tar gousou lo tiro ke mè ndòò té.
37Nè ntél tar mpana, Nè ke ndoubou kandé ko ke madji to Ngon lo doou.
38Ndòò lé to to nange nèn, ke kandé ko ke madji to to ngandjé ke béh kö té, tiro to to ngandjé lo ndjè kembaa.
39Ndjè kembaa ke douboudè to Satan. Ndò koudja ko to dòbon ndò ke nange nèn, ndjè koudja ko to angedjé.
40Deo kadaba tokou ntò tiro dongoudè pouro, to tokou ban dòbon ndò ke nange nèn.
41Ngon lo doou a koula angedjé la, dèdè da mbòn né toï ke are dooudjé ta da madjang, ke ndjè né da ke madjangdjé toï ke mè béh kö té la.
42Dèdè da kongoudè kem pourou té, loou té ke nou dooudjé a nò ke man kemdè ke da kousa ngangedè.
43Gè té nèn ndjè ke gaté gaté a ndokoo tokou kade mè béh kö té lo Bòdèdè. Nè ke néh ke mbi ke ka ko, ase kare nè no.
44Béh kö ke dara to tokou né kinga ke yarè mè ndòò té kada, ke doou kada inga ke iyèè bai, bana mbata mèa koukou nè nao nlabe né la toï ke nè ndoko ndòòn lé.
45Marè bai, béh kö ke dara to tokou ndjè né ndoko ke sange meré perle ke madji.
46Tokou nè ninga meré perle kada ke narè ngeng, nè nao nlabe né la toï, ke nè ndoko meré perle nèn.
47Marè bai, béh kö ke dara to tokou boura ke dèdè dila mè tòkou man té, ke waa mare kaindjidjé ke dang dang.
48Tokou boura dousou mbä, dooudjé òrou boura dò kongo té, disi nange dòrou kaindjidjé ke madji, dongoudè mè djo té, a ntila yéh ke madjang koro.
49A to tokou ban dòbon ndò ke nange nèn. Angedjé a téh daka, da kai ndjè ke madjang ke ndjè ke gaté gaté.
50Dèdè da kongoudè kem pourou té, loou té ke nou dooudjé a nò ke man kemdè ke da kousa ngangedè.
51Woidjé gel tar nèn toï wa? Dèdè mpa darè, Aä.
52Nè mpa naredè, Tokou ban, ndjè da maketourou ndedjidjé kada kada toï, ke ntòdjoudè gel tar mbata béh kö ke dara, nto tokou ndjè kei ke òrou né ke siki ke né ke leo ke né kinga la.
53Tokou Jésus eo ta pa tar gousou nèn, nè nïya loou ke nou nao.
54Tokou nè ndé béh té la ndja, nè ntòdjoudè tar mè kei Allah té lodè, tokou ban mèdè ounda dò biä, dèdè mpana, Doou nèn inga kemkarè nèn ke tòkou koula nèn da wa?
55Nè nto ngon lo ndjè koudja kake ang wa? Ri këndjè na Marie ang wa? Ngaköè to Jacques ke Joseph ke Simon ke Jude ang wa?
56Ngakönanè toï isi horodjè té ang wa? Tokou ban doou nèn inga né nèn toï da wa?
57Mèdè toodè sa. A Jésus pa aredè, Prophète inga piti loou té toï, bè ndja mè béh té la, ke mè kei té la ndja ninga piti kendé ang.
58Nè nda tokou koula baya nou ang, mbata do mèdè té ang.
Právě zvoleno:
Matthieu 13: KL1960
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 1960, 2018.
To learn more or sign up for email updates about the mission of BFBS, click here: