Akisiakinet 13
13
Atiakasi Aburam ka Loti
1Sodi tonyout Aburam ka aberu keng alo Misiri, tolemasi ibore daang ni arai ikech. Kirukosi kesi ka Loti tananga Negeb.#13:1 Negeb; Arai akwap ngina ariet.
2Abarit Aburam ngibaren, ka ngaropiyae, ta egolit. 3Towot ngesi alo Negeb tanang Besel, kiding Besel ka Ai, nikolong sek adukokinit ngesi eam keng, 4ka ekeno a ngakipeyos. Kilip Aburam kaneni enyarit ekiro a Akuj. 5Ayakasi Loti dang lo arukito ka Aburam ngisipaan a ngaatuk, ka ngamesekin. Ayakasi ngesi tani ngieaman. 6Nakaneni todidinger akwap ngina, tongop kesi kona iboikinosi wapei ani alalaketa ngibaren kech. 7Tongolopa ngikeyokok a Aburam ka ngikeyokok a Loti. (Ngirwa ngulu, aringa Ngikanaan ka Ngiperes elomito nakwap.)
8Sodi tolimok Aburam Loti tama, “Nyejoikinit iyong ka ayong, kori ngikeyokok yok engolopasi, kainyo kirai ngoni ngitunga lu kiyana. 9Aloger kangolo, atotiakas. Toseu ewae lo kijoikinit iyong. Ani kilot iyong lowae loa loteten, alosi ayong lowae loa lokedieny.” 10Kingolia Loti taanyunga adipo a Yorudan eyakasi ngakipi wadaang loger a amana ana a Ekapolon Akuj.#13:10 amana ... Akuj; ngesi amana na a Eden. Ekwaan nabo ka akwap a Misiri, ewae lo etenere Soar. Araakasi ngirwa ngulu lu aringaakar Ekapolon Akuj nyinyasuna ngirerea a Sodom ka Gomora. 11Sodi toseu Loti adipo na a Yorudan. Towot Loti toten kide. Ekokinete kesi etiakasi neni. 12Tolom Aburam nakwap a Kanaan, sodi tolom Loti lorerea lu ayakasi nadipo, diyete Sodom. 13Aroko ngitunga a Sodom. Asubete ngasechesea naaronok ani a Ekapolon Akuj.
Awosi Aburam toten Eburon
14Ani kerotoki Loti kerumor, tolimok Ekapolon Akuj Aburam tama, “Kingolia lowaitin daang, ani iyei iyong kaneni. 15Kainyo akwap na itee iyong ngina, kainakini ayong iyong ka ngalesea kon jik. 16Elalakearosi ngalesea kon totiata ngalup, sodi ani kepedori itwaan akimarun ngalup, epedori tani akimarun ngalesea kon. 17Tonyou tokona tolot kiseme akwap etiae lo etia, kainyo kainakini ayong iyong.” 18#Tich 7:5 Sodi toyata Aburam eam keng, tolot tolom lochokei lu italeunitoe lu eyakasi Mamure, nakwap a Eburon. Todukok ngesi ekeno a ngakipeyos inaa.
Právě zvoleno:
Akisiakinet 13: ABIBILIA
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
BIBLE SOCIETY OF KENYA (c) 1999