MATTHEO 3
3
(10)
1Hi Leyo minKama kuTlhasa Yohanne, amBapatisi, aHsehsa enHobeni yaleYudia, 2aku,
“Ndulukani, hikusa amFumu waTilu wuThsinekeli.”
3Hikusa hiYene lwe’ angaHsehsa haYene Isaya mProfeta, aku,
“ADjitu djalw’aBitanaku enHobeni, edjaku,
Bekisani anDlela yaHosi, niYentxa amiNkwenkwetani yaYone miYima” (Isaya 41:3).
4Yohanne lweyo apfa e niKapulani djaBoya bjaKamelo, niLwabu djaxiKumba eliKhalwini lwaKe; awsakuDa wsaKe apfa i Humbi nibuLombe bjanHoba.
5KaHumeli kuYene aYerusalema, niYudia Hikwadju, niTiku Hikwadju djale Yordano; 6baBapatisiwa hiYene eNambjeni waleYordano, nabaPfumelili awsiHono wsaBu. 7Kambi, loko aBona abaFariseo nibaSaduseo la’baNyingi baTa ekuBapatisiweni hiYene, aku kuBone.
“Nini nTwsalu yatiNyoka! hiMani lw’aniBjelisiki ewsaku niTxhaba abuHsena le’bjiTaku? 8Hakoneke, Humexani amHandu le’yiFaneliki la’baNdulukiki wsinene: 9ningaPimisi endeni kwEnu niku, Hi naAbrahama lw’aka Hsohswehsu; hikusa ndi’ kuNini, Nkulunkulu wawsiKota kuPfuxela Abrahama abAna kulawa maBje. 10Kutani wsowsi aKaula djiBekiwili emiThswini yamiHsi: amiHsi Hikwayu le’mingaTwsalikukuku amHandu leyakuLunga mitaThsemiwa, miTxhukumetiwa enDilwini.
11Mini, ndiniBapatisa himaTi, ewsakuba niNduluka, niNdulukela eHosini; kambi lw’aTaku enthsaku kwaNga i nKulu kuna Mini, lwe’ ndingaFanelangakuku Mini akuTamela atinTangu taKe; Yene lweyo ataniBapatisa hi Moya wakuBasa ni nDilu: 12lwe’ aliHlelo lwaKe laka kone eBokweni djaKe; ataPsayelisisa axiBuyela xaKe; ataBhuthsela amaBele yaKe, ama Wolela enDlwini, kambi amuNgu atawuHisa hinDilu lo’wakuka ungaTimeki.”
(11)
13Koneke Yesu aPfi eGalilea, aTa Yordano kuYohanne, akuNha ataBapatisiwa hiYene. 14Kambi Yohanne aDjula kumuYalela, aku,
“HiMini ndiFaneliki kuBapatisiwa hiWene, kambi Wene uTa kuMini na?”
15Kambi Yesu aYangula aku kuYene,
“Pfumela wsowsi; hikusa wsiFaneli akuba hiTatisa awsaNau Hikwawsu.”
Koneke amPfumela. 16Kati, Yesu, loku aBapatisiwili, aNtlhantuki hikuHangwesa emaTini; kutani Labisa! aTilu djimuPfulekela, aBona aMoya wakaNkulunkulu uXika wsanga dji Tuba, uTa egnwanya kwaKe; 17kutani Labisa! kuTlhasa aDjitu e’djiPfaku eTilwini, djiku,
“Lweyi u gnwAnanga lw’aHsandiwiki, lwe’ndiNyoxaku haYene.”
Právě zvoleno:
MATTHEO 3: SEHMAT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
First published by the Society for Promoting Christian Knowledge (SPCK) 1911.