LUKU 18

Gyaanɔ kũ à zɛ̀ yãkpatɛkɛrila

1Yesu yã lɛ̀kɔ̃ańnɛ de à mɔńnɛ ògɔ̃ adua kɛ Ludaa baala'i, òsun kpasaro. 2À pì: Yãkpatɛkɛri ke mɛ́ à kú wɛ̃tɛ kea, à Luda vĩna vĩro, àdi gbɛ̃ke yã daro. 3Gyaanɔ ke kú wɛ̃tɛ pìi gũn, àdigɔ̃ su a kĩnaa gɛ̃̀n baaakɔ̃ àdi pi: Ǹ zɛ kũmao ma ibɛrɛ yã musu. 4Adi wero ari gɔrɔ pla. Abire gbɛra à pì a zĩdanɛ: Bee tó má Luda vĩna vĩro, akũsɔ̃ madì gbɛ̃ke yã daro, 5lákũ gyaanɔ pì tɛn wari dɔma nà, mani zɛ kãao. Tó mádi kɛ lɛro, a zɛmalana lakanaa sari ni ma kpasamɛ.

6Akũ Dikiri pì: À yãkpatɛkɛri vãni yã'ona ma. 7Luda ni zɛ kũ gbɛ̃ kũ à ń sɛ́ òtɛn wiki lɛ́a fãnantɛ̃ kũ gwãaninɔoroo? Ani mɛ̀yĩda kɛ kũ weḿmanaaon yá? 8Matɛn oárɛ, ani zɛ kũńwomɛ gɔ̃̀nɔ. Bee kũ abireo tó Bisãsiri Nɛ́ sù, ani a náanikɛri e andunia gũn yá?

Farisi kũ bɛ'ɔgɔsiriio

9Akũ à ɛ̀ra à yã díkĩna lɛ̀kɔ̃a gbɛ̃ kũ òdi ń zĩda ditɛ mana ò ń gya bonɔnɛ. 10Gbɛ̃nɔn pla kenɔ mɛ́ ò gɛ̀ɛ adua kɛ Luda ɔnn, gbɛ̃ do bi Farisimɛ, gbɛ̃ do sɔ̃ bɛ'ɔgɔsirii. 11Farisi pì zɛna, àtɛn adua kɛ. À pì a swɛ̃̀ɛ gũn: Luda, ma n sáabu kɛ̀ kũ má de lán gbɛ̃ kparanɔ bàro, dibidibikɛrinɔ, náanisaridenɔ, zinakɛrinɔ ke lán bɛ'ɔgɔsiri dí bà. 12Madìgɔ̃ lɛ́ yĩ gɔrɔ plapla azuma kũ azumaao. Pɔ́ kũ ma lè pínki madì a kuride bonnɛ. 13Bɛ'ɔgɔsirii pì sɔ̃ zɛ dire, adi fɔ̃ à wɛ́ sɛ̀ à musu gwà sero. À a zĩda kɛ̃̀kɛ̃ à pì: Luda, ǹ sùru kɛ kũmao, durunnakɛriimɛ ma ũ. 14Matɛn oárɛ, gɔ̃gbɛ̃ pìi tà a bɛa Luda yãsinakãaoo gũmmɛ, adi kɛ Farisi pìinlo. Zaakũ gbɛ̃ kũ àdi a zĩda kara, Luda ni a busa. Gbɛ̃ kũ àdi a zĩda busa sɔ̃, Luda ni a kara.

Arubarikadana nɛ́nɔgu

(Mat 19:13-15; Maa 10:13-16)

15Òtɛn su Yesunɛ kũ ń nɛ́ fítinɔ de à ɔ naḿma. Kũ a ìbanɔ è lɛ, akũ ò gìńnɛ. 16Akũ Yesu nɛ́nɔ sìsi à pì: À tó nɛ́nɔ su ma kĩnaa, àsun gíńnɛro, zaakũ ń takanɔ pɔ́n kpata kũ à bò Luda kĩnaa ũ. 17Yãpuran matɛn oárɛ, gbɛ̃ kũ ani kpata kũ à bò Luda kĩnaa sí lán nɛ́ fíti bàro ni gɛ̃nlo.

Aruzɛkɛde

(Mat 19:16-30; Maa 10:17-31)

18Gbãnade ke sù à Yesu là à pì: Dannɛri mana, deran mani kɛ mà wɛ̃̀ndi kũ àdi lákaro lee? 19Yesu pìnɛ: À kɛ̀ dera n pì, má manaa? Gbɛ̃ke manaro, sé Luda ado. 20Ń dokanɔ dɔ̃: Ǹsun zina kɛro, ǹsun gbɛ̃ dɛro, ǹsun kpãni oro, ǹsun yã dí n gbɛ̃dakearo, ǹgɔ̃ bɛ̀ɛrɛ lí n de kũ n daonɛ. 21Akũ à pìnɛ: Zaa ma nɛ́ fíti gɔrɔa má yã birenɔ kũna pínki. 22Kũ Yesu yã pìi mà, à pìnɛ: Yã mɛ̀n do mɛ́ à gɔ̃̀nnɛ. Ǹ pɔ́ kũ ń vĩnɔ yía pínki, ǹ a ɔgɔ kpá takasidenɔa, ĩnigɔ̃ aruzɛkɛ vĩ ludambɛ. Abire gbɛra ǹ mɔ́ ǹ tɛ́mai. 23Kũ à yã pìi mà, a nɛ̀sɛɛ yàka, zaakũ aruzɛkɛzɔ̃kɔ̃demɛ. 24Kũ Yesu a gwà, akũ à pì: À zĩ'ũ manamana aruzɛkɛdenɛ à gɛ̃ kpata kũ à bò Luda kĩnaa gũn. 25Lakumi gɛ̃na pɔrɔwɛɛn araga de aruzɛkɛde gɛ̃na kpata kũ à bò Luda kĩnaa gũnla. 26Akũ gbɛ̃ kũ ò yã pìi mànɔ pì: Tó lɛmɛ, dí mɛ́ ani fɔ̃ à surabana lee? 27Yesu wèḿma à pì: Yã kũ bisãsiri fùa à kɛ, Luda kĩnaa àdi sí kɛ.

28Akũ Pita pì: O beebɔ pínki tò o tɛnyĩ. 29Akũ Yesu pìńnɛ: Yãpuran matɛn oárɛ, gbɛ̃ kũ à a bɛ tò ke a nanɔ ke a vĩ̀ninɔ ke a dakũnanɔ ke a de ke a da ke a nɛ́nɔ kpata kũ à bò Luda kĩnaa yãi, 30ade ni ɛra à abire taka le de yãla dasidasi andunia dí gũn, ani wɛ̃̀ndi kũ àdi lákaro le andunia kũ àtɛn su gũn.

Yesu ɛra à a ga kũ a vunaao yã'onaa

(Mat 20:17-19; Maa 10:32-34)

31Yesu a gbɛ̃nɔn kuri awɛɛplanɔ kàkaraai, akũ à pìńnɛ: Ótɛn gɛ́ Yurusalɛmu. Gwen yã kũ annabinɔ kɛ̃̀ Luda yãn Bisãsiri Nɛ́ musu ni papan pínki sà. 32Oni a kpá buri pãnde gbɛ̃nɔa, oni a fobo, oni a sɔ̃sɔ̃, oni lɛ́'i sua, oni a gbɛ̃ kũ flã̀ao, oni a dɛ, 33a gɔrɔ aakɔ̃de zĩ ani futɛ. 34Ama a ìbaa pìnɔ dí a ke mì dɔ̃ro, zaakũ yã pìi mì utɛnańnɛ, ò dɔ̃ yã kũ àtɛn oro.

Vĩ̀na barakɛri werekɔ̃anaa

(Mat 20:29-34; Maa 10:46-52)

35Kũ Yesu kà kãni kũ Yɛrikoo, vĩ̀na ke vutɛna zɛ́ lɛ́a, àtɛn bara kɛ. 36Kũ à mà gbɛ̃nɔ tɛn gɛ̃tɛ dasi, akũ à ń lá à pì, bɔ́n òtɛn kɛɛ. 37Akũ ò pìnɛ, Yesu Nazɛra mɛ́ àtɛn gɛ̃tɛ gwe. 38Akũ à lɛ́ zùi à pì: Yesu, Dauda buri, ǹ ma wɛ̃nda gwa. 39Gbɛ̃ kũ ò tɛ́ arɛnɔ gìnɛ ò pì à yĩtɛ, akũ a lɛ́ gbãna zunaa kàra àtɛn pi: Dauda buri, ǹ ma wɛ̃nda gwa. 40Yesu zɛ̀ à pì ò mɔ́ kãao. Kũ à sù, akũ Yesu a là à pì: 41Bɔ́ ń ye mà kɛnnɛɛ? À wèa à pì: Dikiri, má ye ma wɛ́ gu emɛ. 42Akũ Yesu pìnɛ: Ǹ gu e. Ma náani kũ n kɛ̀ mɛ́ à n werekɔ̃a. 43Zaa gwe gɔ̃̀nɔ a wɛ́ gu è, akũ à tɛ̀i, àtɛn Luda sáabu kpá. Kũ gbɛ̃ sĩnda pínki è lɛ, akũ ò Luda tɔ́ bò.

Právě zvoleno:

LUKU 18: BB2005

Zvýraznění

Sdílet

Kopírovat

Chceš mít své zvýrazněné verše uložené na všech zařízeních? Zaregistruj se nebo se přihlas

Zjisti více o Bisã Bible 2005

LUKU 18

Oblíbené biblické verše z
LUKU 18

Poslouchat LUKU 18

Bible:

Busa

Překlad: Bisã Bible 2005 - BB2005

LUKU 18

LUKU 18

Oblíbené biblické verše z LUKU 18

Poslouchat LUKU 18

Bible:

Busa

Překlad: Bisã Bible 2005 - BB2005

LUKU 18

Oblíbené biblické verše z
LUKU 18