Hosea 7
7
PENNOD VII.
1Pan yr oeddwn yn iachâu Israel,
Yna dadguddiwyd anwiredd Ephraim,
A drygioni Samaria;#7:1 Israel yma, fel yn pen. 7:10, oedd y naw llwyth, yn wahanol oddiwrth Ephraim. “Anwiredd,” oedd eilun-addoliaeth, a “drygioni” oedd drwg weithredoedd yn gyffredin.
Canys gweithredasant yn dwyllodrus;
A’r lleidr, daw i mewn;
Anrheithiodd yr yspeilydd oddiallan,
2Ac ni ddywedant wrth eu calon,#7:2 Hyny yw, nid ystyriant, ni feddyliant.
Y cofiaf eu holl ddrygioni:
Yn awr amgylcha hwynt eu gweithredoedd;#7:2 Yr oeddynt yn ngolwg Duw yn nghanol eu pechodau, yn cael eu hamgylchu ganddynt.
Ger bron fy wyneb y maent.
3Yn eu drygioni y llawenha’r breninoedd,#7:3 “Breninoedd:” felly yr hen gyfieithiadau, oddieithr y Vulgate. Gwel adn. 7. Cyd-ddrygioni eu breninoedd a’u tywysogion a ddynodir.
Ac yn eu celwyddau, y tywysogion.
4Hwynt oll ydynt odinebwyr!#7:4 Sef yn eilun-addolwyr. Mae pob drygioni yn cydfyned âg eilun-addoliaeth. Celwyddai y tywysogion wrth Dduw ac wrth eu breninoedd: addawent ffyddlondeb, ond tröent oddiwrth Dduw at eilunod, a lladdent eu breninoedd.
Maent fel ffwrn a ennynir gan bobydd:
Gorphwysa rhag cynhyrfu,
Rhag tylino y toes hyd oni lefeinia.#7:4 Rhydd y pobydd dân yn y ffwrn; arosa nes y twymno, ac nes y lefeinio y toes. Dynodai hyn ymddygiad y tywysogion; yr oedd tân cynllwyn yn eu calonau hyd yn nod ar ddydd gwledd eu brenin, mewn cof am ei enedigaeth, neu am ddechreu ei deyrnasiad. Arosent, fel y pobydd, nes byddai pob peth yn barod, ac yna y tân oedd ynddynt a dorai allan yn fflam ddinystriol.
5Dydd ein brenin! dechreuodd y tywysogion boethi gan win;
Estynodd efe ei law gyda gwatwarwyr!#7:5 Unai y brenin â hwynt i watwar gwir grefydd.
6Pan nesasant, fel ffwrn oedd eu calon gan eu cynllwyn;
Yr holl nos cysgodd eu poethder,
Y bore fe a gynneuodd fel tân fflamllyd.
7Hwynt oll — ymboethant fel ffwrn;
A difasant eu barnwyr;
Eu holl freninoedd a syrthiasant:
Ac ni alwodd neb o’u herwydd arnaf fi.#7:7 Er bod lladd eu breninoedd yn arwydd eglur o farn Duw, eto ni wnai hyn beri iddynt alw ar Dduw; anghofient yn hollol ei ragluniaeth.
8Ephraim — â’r cenedloedd yr ymgymysgodd efe;#7:8 Trwy eilun-addoliaeth a chynghreiriau.
Ephraim — daeth yn deisen heb ei throi:#7:8 Yn dda i ddim — wedi llosgi ar un ochr, ac yn does ar y llall.
9Difaodd estroniaid#7:9 Y Syriaid, ac eraill. ei gryfder,
Ond efe nid yw yn gwybod;
Penwyni hefyd a ymdaenodd arno,
Ond efe nid yw yn gwybod;
10Ac iselhawyd balchder Israel sydd yn ei wyneb:#7:10 Gwel pen. 5:5.
Ond ni ddychwelasant at yr Arglwydd eu Duw,
Ac ni cheisiasant ef er hyn oll.
11A bu Ephraim fel colomen wirion heb ddeall;#7:11 “Heb galon,” yn llythyrenol; ond calon, yn Hebraeg, a ddynoda yn fynych y meddwl, y deall, yr amgyffred.
Ar yr Aipht y galwasant,
At yr Assyriad yr aethant.
12Pan yr elont, taenaf drostynt fy rhwyd;
Ac fel adar y nefoedd, dygaf hwynt i lawr;
Cosba hwynt fel y mynegwyd i’w cynnulleidfa,#7:12 Gwel pen. 5:9.
13Gwae hwynt! o herwydd ffoisant oddiwrthyf;
Dinystr iddynt! o herwydd gwrthryfelasant i’m herbyn:
A Myfi — gwaredais hwynt;
Ond hwy — dywedasant wrthyf gelwyddau;#7:13 Trwy addaw ufudd-dod, a myned ar ol eilunod.
14Ac ni waeddant arnaf â’u calon,
Pan udant ar eu gwelyau:
Am yd a gwin newydd yr ymgasglant;#7:14 Sef yn nhemlau eu heilunod.
Troant yn fy erbyn.
15Wedi eu ceryddu, cryfheais eu breichiau;
Ond yn fy erbyn y dychymygant ddrwg;#7:15 Ceryddu oedd trwy rybuddion a barnau. Cryfhau y fraich oedd chwanegu eu gallu a’u golud. Dychymygu “drwg” oedd trefnu ffordd i droi at eilun-addoliaeth, neu i gael help gan yr Aipht neu Assyria.
16Dychwelant — nid ataf fi;
Maent fel bwa twyllodrus:#7:16 Addawent droi at Dduw, yn lle hyny tröent at eilunod; — y bwa a annelid at un nôd yn troi at nôd arall.
Syrthia gan y cleddyf eu tywysogion,
O herwydd rhyfyg eu tafod:#7:16 Eu “rhyfyg” oedd tori eu haddewidion: syrthiad eu tywysogion oedd yn farn am hyn: a byddai hyn yn warth iddynt gan yr Aiphtiaid, y rhai a ddangosent fawr barch i’w tywysogion.
Hyn fydd yn wawd iddynt yn ngwlad yr Aipht.
Právě zvoleno:
Hosea 7: CJO
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Proffwydi ac Epistolau gan John Owen. Cafodd y testun ei ddigideiddio gan Gymdeithas y Beibl yn 2021.