Iona 2
2
PENNOD II.
1-2A gweddïodd Iona ar Iehofa ei Dduw o fol y pysgodyn, a dywedodd, —
Gelwais o’r cyfyngder a fu i mi
Ar Iehofa, a’m hateb a wnaeth;
O fol uffern y gwaeddais,
Gwrandawaist ar fy llef.#2:1-2 Cyfeiria yma, fel y gwna y Salmydd yn fynych, at yr hyn a gymerodd le mewn amser a aeth heibio. Bu o’r blaen mewn cyfyngder, a gwnaeth Duw ei ateb.
3Pan y teflaist fi i’r dyfnder,
I ganol y môr,
Yna’r llif a’m hamgylchodd,
Dy holl dònau a’th wanegau,
Trosof yr aethant.
4A myfi, dywedyd a wnaethum,
“Bwriwyf fi o ŵydd dy lygaid:”
Er hyny edrychaf eto#2:4 Mae “eto” yn dangos y cyfeiria yn yr ail adnod at waredigaeth a gawsai o’r blaen. Edrychasai o’r blaen tua theml Duw, gwnai edrych eto, er yn mol y morfil.
Tua’th deml sanctaidd.
5Cylchynodd fi ddyfroedd hyd yr enaid;
Y dyfnder, amgylcha fi;
Yr hesg, ymglymu y mae am fy mhen;
6At odre y mynyddoedd y disgynais;
Y ddaear! ei bolltiau arnaf yn wastad:#2:6 Gosod allan y ddaear fel dinas amgauedig a mur, a drysau ei phyrth wedi eu sicrhâu gan farau neu folltiau, er dangos yr anhawsderau oeddent iddo i ddychwelyd iddi.
Eto dyrchefi o ddystryw fy enaid,
O Iehofa, fy Nuw.
7Pan lewygodd ynof fy enaid,
Iehofa a gofiais;
A daw atat fy ngweddi
I’th deml sanctaidd.
8Y rhai a olygant eilunod ofer,#2:8 Neu, “eilunod gau.” Arwydda y gair oferedd a geudeb, gan fod geudeb, neu anwiredd, yn beth ofer a diles.
A’u trugaredd yr ymadawant.#2:8 Neu, “Eu trugaredd a wrthodant,” sef, y drugaredd a gynnygir iddynt. Trugaredd yw daioni Duw i rai truenus annheilwng. Gwrthoda y rhai a ganlynant eilunod, awdwr a rhoddwr trugaredd, neu yr hyn sydd yn drugaredd ac yn ddaioni penaf iddynt. Felly hefyd y gwna pawb a goleddant eilunod yn eu calonau, sef, pethau daearol, golud, anrhydedd, neu unrhyw wrthddrych bydol: gwrthodant y drugaredd, y da penaf, a roddir yn unig gan Dduw.
9Ond myfi, gyda llef moliant,
Yr aberthaf i ti;
Yr hyn a addunedais a dalaf:
Iachawdwriaeth! eiddo Iehofa ydyw.
10Yna llefarodd Iehofa wrth y pysgodyn; a bwriodd Iona i’r sychdir.
Právě zvoleno:
Iona 2: CJO
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Proffwydi ac Epistolau gan John Owen. Cafodd y testun ei ddigideiddio gan Gymdeithas y Beibl yn 2021.