Ja̰ 17
17
Jeju dəji Luba mba ngan njenendoje lə-a
Ebə 7.24-28; 4.14-16
1Go tar gə n-pa to gə be ɗaa, Jeju un kəm-e gə dara ɗaa pa na: Bɔ dəwje, kar asə ngaa, ila riɓar dɔ Ngon-i gə mba kar Ngon-i ila riɓar dɔ-i gə tɔ. 2To gə ꞌI ar-ɛ singamongə ko̰ dɔ dəwje gə tɔ̰y le ɗaa, dəwje tɔ̰y gə um-je mə ji-a gə le, n-ar-je təbə gə to gə ndɔ gə ndɔ le tɔ. 3Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ. 4ꞌMa, m-ila riɓar dɔ-i gə dɔ nangə gə nee, kula gə um mə ji-m gə kar-m m-ɗa le, m-ɗa m-ɗunga tɔ. 5Ɓisine ɗaa, Bɔ dəwje, ꞌɗɔy-m gə rɔnduba gə m-inga rɔ-i kede nam ɓa dɔ nangə to le.
6Dəwje tɔ̰y gə ꞌtɔr-je dɔ nangə gə nee um-je mə ji-m gə le m-kila dɔ ri-i gə ɗaga m-ar-je. ꞌTo gə nje kar-ije, ꞌI um-je mə ji-m gə, ɗaa ꞌngom tar lə-i tɔ. 7Ɓisine ɗaa ꞌjejee ꞌgərə to gə ne tɔ̰y gə ꞌI ar-m le ḭ rɔ-i gə, 8mba tarje gə ꞌpa ar-m le m-pa m-ar-je ɗaa ꞌta ja tɔ. ꞌGərə tɔgərɔ to gə m-ḭ rɔ-i gə, ngaɓa ꞌta kagə to gə ꞋI ja ɓa ula-m tɔ.
9Mba tar lə-ꞌjejee ɓa ꞌma m-dəji-i mb-ɛ. M-dəji-i mba dəwje gə dɔ nangə gə nee ang, ngaa mba ꞌjejee gə um-je mə ji-m gə, mba ꞌto gə nje kar-ije, 10ngaɓa ne tɔ̰y gə to gə kar-m ꞌma le to gə kar ꞌI, ne tɔ̰y gə to gə kar ꞌI le to gə kar-m ꞌma tɔ, ngaɓa m-inga riɓar ɗəw gə lə-je. 11Uma kud-e nee ɗaa m-ga̰ dɔ nangə gə nee ang ngaa; ꞌjejee ɗaa ꞌga̰ dɔ nangə gə nee, ngaa ꞌma ɗaa m-aw gə ɓə lə-i. Bɔy gə njerɔsangə, ri-i gə unda dɔ-m gə le ye ja ꞌngom neje mba kar ꞌto dəwje gə kara baa to gə sijee sə-i ja to gə kara baa be tɔ. 12Logə m-ga̰ gə je le, ri-i gə unda dɔ-m gə le ja ɓa m-ngom neje; m-a dɔ-je kər-kər ɗaa dəw kara kara igi horo-je ang, ngaa ngon lə nje tuji ja gə kar-ɛ baa, mba kar tar lə Luba gə Mbede gə le, aw ne lo-e gə ja yɛrɛrɛ. 13Ɓisine ɗaa, m-aw gə ɓə lə-i, ɗaa m-pa tar nee le m-ar-je dɔ nangə nee mba kar-je d-isi ne dan rɔləl gə lə-m dana badagə. 14M-pa tar lə-i m-ar-je ɗaa dɔ nangə njigi-je ang gə kɔrɔ mba ꞌtoje gə dɔ nangə gə nee ang ɗəw kara baa to gə ꞌma kara m-to gə dɔ nangə gə nee ang tɔ. 15M-dəji-i mba kar odoje dɔ nangə gə nee gə ɗangə ang, ngaa mba kar ꞌngom-je ta njeməkṵra̰y gə. 16ꞌToje gə dɔ nangə gə nee ang, ɗəw kara baa to gə ꞌma kara m-to gə dɔ nangə gə nee ang tɔ. 17Unda-je gə losang-ɛ gə ɗəw tar gə tɔgərɔ gə lə-i: Tar lə-i le to tar gə tɔgərɔ. 18To gə ꞌI ula-m dɔ nangə gə le ɗaa, ꞌma kara m-ula-je dɔ nangə gə tɔ. 19ꞌMa ja gə dɔ-m kara, m-sangə rɔ-m mba tar lə-je, mba kar ꞌjejee ja kara, d-unda-je gə losang-ɛ ɗəw tar gə tɔgərɔ gə.
20M-dəji-i mba tar lə-ꞌjejee gə nee ja gə kar-je baa ang, ngaa m-dəji-i mba nje gə d-a ta kagə-m ɗəw kila mbərə gə lə-je. 21May kar ꞌto gə kara baa, to gə ꞌI Bɔy ꞌga̰ mə-m gə ngaɓa ꞌma kara m-ga̰ mə-i gə tɔ, may kar ꞌjejee kara ꞌga̰ mə-sijee gə mba kar dɔ nangə ta ne kagə-m to gə ꞌI ja ula-m. 22Rɔnduba gə ula dɔ-m gə le, ꞌma kara m-ula dɔ-je gə tɔ gə mba kar ꞌto gə kara baa to sijee ja to gə kara baa tɔ. 23M-ga̰ mə-je gə ꞌI kara ꞌga̰ mə-m gə tɔ, mba kar mə kara lə-je le uwa naa badə ngaɓa mba kar dɔ nangə gərə to gə ꞌI ja ɓa ula-m ɗaa ꞌnjigi-je to gə ꞌnjigi-m ne ꞌma be.
24Bɔ dəwje, m-njigi mba kar lo gə m-ga̰ kəne nama nje gə um-je mə ji-m gə le, ꞌjejee kara ga̰ sə-m kəne ngaɓa d-o rɔnduba gə ula dɔ-m gə tɔ, mba ꞌnjigi-m kede ləw baa nam ɓa unda neje. 25ꞌI Bɔ dəwje gə ꞌto dəw gə dana gadə le, dɔ nangə gər-i ang, ngaa ꞌma ɗaa m-gər-i ngaɓa ꞌjejee gə nee le ꞌgərə to gə ꞌI ula-m tɔ. 26M-kila dɔ ri-i m-ar-je ꞌgərə ɗaa m-a kila kar-je gərə ja ɓi mba kar njigi gə ꞌnjigi-m le to mə-je gə ngaɓa mba kar ꞌma kara m-ga̰ ne mə-je gə tɔ.
Právě zvoleno:
Ja̰ 17: lap
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2020, ATALTRAB. All rights reserved
Ja̰ 17
17
Jeju dəji Luba mba ngan njenendoje lə-a
Ebə 7.24-28; 4.14-16
1Go tar gə n-pa to gə be ɗaa, Jeju un kəm-e gə dara ɗaa pa na: Bɔ dəwje, kar asə ngaa, ila riɓar dɔ Ngon-i gə mba kar Ngon-i ila riɓar dɔ-i gə tɔ. 2To gə ꞌI ar-ɛ singamongə ko̰ dɔ dəwje gə tɔ̰y le ɗaa, dəwje tɔ̰y gə um-je mə ji-a gə le, n-ar-je təbə gə to gə ndɔ gə ndɔ le tɔ. 3Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ. 4ꞌMa, m-ila riɓar dɔ-i gə dɔ nangə gə nee, kula gə um mə ji-m gə kar-m m-ɗa le, m-ɗa m-ɗunga tɔ. 5Ɓisine ɗaa, Bɔ dəwje, ꞌɗɔy-m gə rɔnduba gə m-inga rɔ-i kede nam ɓa dɔ nangə to le.
6Dəwje tɔ̰y gə ꞌtɔr-je dɔ nangə gə nee um-je mə ji-m gə le m-kila dɔ ri-i gə ɗaga m-ar-je. ꞌTo gə nje kar-ije, ꞌI um-je mə ji-m gə, ɗaa ꞌngom tar lə-i tɔ. 7Ɓisine ɗaa ꞌjejee ꞌgərə to gə ne tɔ̰y gə ꞌI ar-m le ḭ rɔ-i gə, 8mba tarje gə ꞌpa ar-m le m-pa m-ar-je ɗaa ꞌta ja tɔ. ꞌGərə tɔgərɔ to gə m-ḭ rɔ-i gə, ngaɓa ꞌta kagə to gə ꞋI ja ɓa ula-m tɔ.
9Mba tar lə-ꞌjejee ɓa ꞌma m-dəji-i mb-ɛ. M-dəji-i mba dəwje gə dɔ nangə gə nee ang, ngaa mba ꞌjejee gə um-je mə ji-m gə, mba ꞌto gə nje kar-ije, 10ngaɓa ne tɔ̰y gə to gə kar-m ꞌma le to gə kar ꞌI, ne tɔ̰y gə to gə kar ꞌI le to gə kar-m ꞌma tɔ, ngaɓa m-inga riɓar ɗəw gə lə-je. 11Uma kud-e nee ɗaa m-ga̰ dɔ nangə gə nee ang ngaa; ꞌjejee ɗaa ꞌga̰ dɔ nangə gə nee, ngaa ꞌma ɗaa m-aw gə ɓə lə-i. Bɔy gə njerɔsangə, ri-i gə unda dɔ-m gə le ye ja ꞌngom neje mba kar ꞌto dəwje gə kara baa to gə sijee sə-i ja to gə kara baa be tɔ. 12Logə m-ga̰ gə je le, ri-i gə unda dɔ-m gə le ja ɓa m-ngom neje; m-a dɔ-je kər-kər ɗaa dəw kara kara igi horo-je ang, ngaa ngon lə nje tuji ja gə kar-ɛ baa, mba kar tar lə Luba gə Mbede gə le, aw ne lo-e gə ja yɛrɛrɛ. 13Ɓisine ɗaa, m-aw gə ɓə lə-i, ɗaa m-pa tar nee le m-ar-je dɔ nangə nee mba kar-je d-isi ne dan rɔləl gə lə-m dana badagə. 14M-pa tar lə-i m-ar-je ɗaa dɔ nangə njigi-je ang gə kɔrɔ mba ꞌtoje gə dɔ nangə gə nee ang ɗəw kara baa to gə ꞌma kara m-to gə dɔ nangə gə nee ang tɔ. 15M-dəji-i mba kar odoje dɔ nangə gə nee gə ɗangə ang, ngaa mba kar ꞌngom-je ta njeməkṵra̰y gə. 16ꞌToje gə dɔ nangə gə nee ang, ɗəw kara baa to gə ꞌma kara m-to gə dɔ nangə gə nee ang tɔ. 17Unda-je gə losang-ɛ gə ɗəw tar gə tɔgərɔ gə lə-i: Tar lə-i le to tar gə tɔgərɔ. 18To gə ꞌI ula-m dɔ nangə gə le ɗaa, ꞌma kara m-ula-je dɔ nangə gə tɔ. 19ꞌMa ja gə dɔ-m kara, m-sangə rɔ-m mba tar lə-je, mba kar ꞌjejee ja kara, d-unda-je gə losang-ɛ ɗəw tar gə tɔgərɔ gə.
20M-dəji-i mba tar lə-ꞌjejee gə nee ja gə kar-je baa ang, ngaa m-dəji-i mba nje gə d-a ta kagə-m ɗəw kila mbərə gə lə-je. 21May kar ꞌto gə kara baa, to gə ꞌI Bɔy ꞌga̰ mə-m gə ngaɓa ꞌma kara m-ga̰ mə-i gə tɔ, may kar ꞌjejee kara ꞌga̰ mə-sijee gə mba kar dɔ nangə ta ne kagə-m to gə ꞌI ja ula-m. 22Rɔnduba gə ula dɔ-m gə le, ꞌma kara m-ula dɔ-je gə tɔ gə mba kar ꞌto gə kara baa to sijee ja to gə kara baa tɔ. 23M-ga̰ mə-je gə ꞌI kara ꞌga̰ mə-m gə tɔ, mba kar mə kara lə-je le uwa naa badə ngaɓa mba kar dɔ nangə gərə to gə ꞌI ja ɓa ula-m ɗaa ꞌnjigi-je to gə ꞌnjigi-m ne ꞌma be.
24Bɔ dəwje, m-njigi mba kar lo gə m-ga̰ kəne nama nje gə um-je mə ji-m gə le, ꞌjejee kara ga̰ sə-m kəne ngaɓa d-o rɔnduba gə ula dɔ-m gə tɔ, mba ꞌnjigi-m kede ləw baa nam ɓa unda neje. 25ꞌI Bɔ dəwje gə ꞌto dəw gə dana gadə le, dɔ nangə gər-i ang, ngaa ꞌma ɗaa m-gər-i ngaɓa ꞌjejee gə nee le ꞌgərə to gə ꞌI ula-m tɔ. 26M-kila dɔ ri-i m-ar-je ꞌgərə ɗaa m-a kila kar-je gərə ja ɓi mba kar njigi gə ꞌnjigi-m le to mə-je gə ngaɓa mba kar ꞌma kara m-ga̰ ne mə-je gə tɔ.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2020, ATALTRAB. All rights reserved